Jézuz-Kroèdur

Eus Wikimammenn
Sauter à la navigation Sauter à la recherche
Plon-Nourrit et Cie, 1921  (p. 162-166)



KAÑNEN
————
JÉZUZ-KROÈDUR
(Guerzen Nendeleg)
————

D’em brér Jojeb.


\score {
 \version "2.18.2"
 \new Staff {
  \relative c'{
    \clef treble
    \key bes \major
    \tempo \markup {"Ar hou koar"}
    \autoBeamOff
    \time 3/8
    g'8 g g | d'4. | c8 d bes | a4. | c8 c bes16([ a]) | \break
    g4 a16([ bes]) | c4 bes8 | a4. | bes8 a g | a c a | \break
    bes g([ f]) | g bes g | a c4 | a bes8 | g4 r8 \bar "|."
  }
  \addlyrics {
    Jé -- zuz -- Kroè -- dur, tro d’Hou ka -- vel Gal -- ùet omb
    bet get boéh en El; Che -- tu -- ni ol bre -- men
    tol -- pet Jé -- zuz -- Kroè -- dur, ha ni Hou ped
  }
 }
 \layout {
   indent = #00
   line-width = #123
 }
 \midi { }
}
\header { tagline = ##f }


I

Jézuz-Kroèdur, tro d’Hou kavel
Galùet omb bet get boéh en El :
Chetu-ni ol bremen tolpet
Jézuz-Kroèdur, ha ni Hou ped [1].

II

Pe oé en ol get ou repoz
Er gouian eiein, é kreiz en noz,
En ur groh peur, o Salvér dous,
Vennet e hues gañnein didrous.

III

Kalon en dud, én amzér-hont,
E oé kalet ha divergont,
Hag en noz-sé, allas, allas !
Hou Mam er Huerhiéz e ouilas.

IV

Kaer hé des mont ha mont dré gér
Hañni ne ven hé degemér :
Eit lakat ér bed er Mèsî
Ne gav meit ur hoh marchausi.

V

Doh Hou kuélet é sol ur hreu
Hun deulegad e skuill dareu ;
Doh Hou kuélet étré deu lon
Er glahar e voug hur halon.

VI

É Betléem, tré ol kériz,
Hañni ne ras d’oh lojeriz :
Hiniù eùé, Kroèdur tinér,
E pep tachad Hou forbañnér.

VII

Mar doh a bep bro forbañnet
Deit de diér er Vretoned ;
Deit d’ou ziér : ino en or,
El er galon, e zou digor.

VIII

Er Vretoned a zo tud peur,
N’ou des chet sei, n’ou des cher eur :
Paléz erbet n’Hou pou geté,
Jézuz-Kroèdur, meit karanté.

IX

Fé berùidant, karanté kriù
Ar en doar e zou gloèu hiniù ;
Meit én hur bro é hes berpet
Tud hag Hou kar, tud hag Hou ped.

X

Jézuz-Kroèdur, o ! ni Hou kar !
Hur hréden e glaskér diskar,
Meit, mar bé Hou krèseu geton,
Sonn e chomou Fé er Breton.

XI

Hag e vehed édan en héaul
Goapet ha nahet get en ol,
Chomel e hreet hemb distro,
Jézuz-Kroèdur, Roué én hur bro.

XII

Deit devadomb, chomet genemb
Ha birùikin ne zihañneemb.
— Deustou de ardeu er Bed brein,
Jézuz-Kroèdur, ag Hou karein.

Gourhelen 1911.

  1. Er hetan poz e hel derhel léh a ziskan, mar karér.