Hinihue é ma gannet Mari

Eus Wikimammenn
Sauter à la navigation Sauter à la recherche



GOUIL MARIA GUENHOLON.
Ton : N° 77.

Hinihue é ma gannet Mari,
Hinihue enta inouramb-hi,
Hag a p’en d’omb hé bugalé
En hum daulamb d’en douçan joé.


P’en dé gannet hur mam tinér,
É tei Jesus imbèr amzér ;
Ni e huélou er Roué a beah
Gorteit guet quement a hirreah.

Doué er vamen ag er græceu
E scùil deja ol é vadeu
Ar en hani en dès choéget
Aveit bout Mam é Vab câret.

Ha Mab Doué, en hiaul a justiç,
Guet ur splandér vras e hoarnis
Er verh glan e zeli quemér
Aveit Mam hé Doué, hur Salvér.

Splannet ne zeli bout Mari
Aveit diguemér er Messi,
Mab uniq en Tad éternel
Étré hé digosté santel !

Guet a vistérieu cuhet,
Ér Verh pur zou hiniw gannet !
Er gogussennig-cé distér
E scùillou glan en hé amzér.

O Merh santel, Merh beniguet,
Lan-oh a hræç hou Toué perpet,
Conceuet ha gannet-oh pur
Hemb un distér couciadur.

Pedet hou Mab, Gùérhiès Vari,
D’hul lacat ehué d’hou ç’héli
En hent eurus e gass d’en né,
Eit ma vehemb guet-n-oh un dé.

Méritet hun nès punition,
Jesus, goulen e hramb pardon ;
Dré vériteu hou Mum câret,
Græç de vugalé glaharet !

Eit ma hellehemb hou receu,
O men Doué, én hur haloneu,
Golhet-ind a gouciadur,
Ha groeit ma veint santel ha pur.

J. G.