Guerzenneu eid escobty Guénèd/a-bezh

Eus Wikimammenn
Sauter à la navigation Sauter à la recherche



GUERZENNEU


EID


ESCOBTY GUENED,


DRÉ EN EUTRU GUILLOME, PERSON ꝂGRIST.




(Propriété.)


É GUÉNÈD,
é ty j.-m. galles, mollour ha librour,
é ru er Préfectur.
————
1857.


En ce qui nous concerne, nous ne nous opposons pas à l’impression des Cantiques composés par M. le Recteur de Ꝃgrist.

LE MAUGUEN, Vic. gén.


AVIS.
————


Calz a vélean hag a fidélèd en dehé caret a huerço cavouèt én ur memb livr ol er hannenneu a zivout er gùirionéeu vrassan ag er religion. Èl m’em boé groeit un nebèd gùerzenneu e zou bet leinet guet pligeadur, ind e zalhas ar-n-an d’hobér el livr-cé. Aveit respond d’ou goulen, me hras mar-a-gannen nehué ; me choégeas ag er hannenneu couh er ré e gavér gùellan, ha me scrihuas d’er ré en doé groeit cannenneu nehué aveit goulen guet hai perh de laquat ou hannenneu él livr-men. El lod-muihan a nehai en dès laret t’ein é hellen quemér a ou hannenneu er ré em behé bet caret quemér. Èlcen é on deit de ben a zastum cannenneu a zivout er guirionéeu vrassan ag er religion. M’em behé caret guellein laquat ehué él livr-men cannenneu en eutru Larboulet : mæs é té a ou grattat d’en eutru Galles, mollour, ha n’hellé mui hum zislaret ; ean e laras d’ein neoah é telien gobér mollein me ré ; èl-cé, e m’ean, é vou cannenneu aveit goust peb-unan. Gobér e hran enta mollein el livr-men, é péhani é vou puemb loden. Ér guetan loden, é vou cavet er hannenneu eit tremén erhat en deuéh, cleuèt en overen, er hannenneu quênt ha goudé ur hatechim pé ur predêg, er hannenneu quênt, épad ha goudé er gommunion, hag ehué eit reneuéein er promesseu ag er vadient. Én eil loden, er hannenneu a zivout er guirionéeu ag er religion, er mistérieu, er fineu dehuéhan, er vertuyeu a grechéneah, er péhèdeu, er sacremanteu, er beden, én ur héli catechim Gùénéd. Én dairvèd loden, er hannenneu én inour de Zoué Crouéour ha de Zoué Salvér, hag ol er ré e hellér cannein én ur retrèd pé én ur mission. Ér bedairvèd loden, er hannennou ar vuhé hur Salvér hag ar ol er gouilieu én inour de Zoué. Anfin ér buemvèd, er hannenneu a zivout ol er gouilieu én inour de Vari, ha réral e hellér cannein é peb amzér, hag ehué er hannenneu én inour d’er Sænt.

Pligèt guet Doué ma vou fréhus el livr-men eit salvedigueah en ineaneu.


J. GUILLOME.

GUERZENNEU.
————


QUETAN LODEN.
————


Eit santifiein en deuéh hag er sul ; pedenneu quênt ha goudé er hatechim, quênt ha goudé ur predêg, canneneu quênt, épad ha goudé er communion hag aveit reneuéein er promesseu ag er vadient.



QUETAN CANNEN EID ER MITIN.
Ton : N° 20.

Tremeinet-é en noz, splannein e hra en dé,
Me gleu ol en einèd é cannein gloër de Zoué ;
Sehuel e hran mem boéh guet hani en einèd
Eit cannein en inour de Zoué Crouéour er bed.

Hui e hoès a nitra me zennet, ô men Doué !
É ma étré hou tourn me marhue ha mem buhé,
Ha raccé é ran d’oh en dé e gommançan,
En implé eid hou cloër abéh-caër e vennan.

Pliget guet-n-oh ar-n-an éhuéhat é peb ér
Ha pêllat a zoh-on, én dé-men, peb dangér ;
Drès peb-tra, ô me zad e zou é lein en nean,
Doh velim er péhèd goarantet me inean.

Hui e huél en dobér e mès a hou secour,
Reit enta hou pennoh d’em foén ha d’em labour ;
D’em horv ha d’em inean reit hinihue ou bihuanç ;
Ha beah hui-memb un dé én nean me recompanç.

J. G.




EIL CANNEN EID ER MITIN.
Ton : Nos 44, 77, 78 ; Conditor alme siderum.

Splannein e hra er goleu-dé,
Stouyamb izel ha pedamb Doué
De rein sclærdér d’ol hur paseu
Ha d’hur goarn a zoh en drougueu.


Hun téad, hun dourn béent hemb péhèd,
Hemb fal chonj revou hur sperèd,
Ér bêg revou er huirioné,
Hag ér galon er garanté.

Épad en dé-men, ô Jesus,
Perpet dihun hag éhuéhus,
Goarnet en or a hur squèndeu
Doh satan ha doh é ardeu.

Groeit ma chervigeou el labour
Ag en dé-men eid hou ç’inour ;
Beah guet-n-emb ag er pèn quetan,
Beah ehué ér pèn dehuéhan.

Eit ne glasquou quet hur horveu
Mæstroniein hun ineaneu,
Hag aveit ma veint séntussoh
Daibramb hag ivamb bihannoh.

Revou gloër d’en Tad éternel,
D’er Mab ha d’er Sperèd-Santel,
Tri person én un Doué hemb quin,
Ha bermen ha de virhuiquin.

J. G.



EN ANGELUS DE VITIN.
Ton : Air connu.

Angelus Domini, etc.
Un æl e zischennas un dé
De saludein Rouannès en né
En ul larèt dehi : ô pia,
Ni hou salud, Mari : Ave Maria.

Ecce ancilla Domini, etc.
Me zou matéh en Eutru Doué,
Groèt a han-an é volanté ;
Er chervige e fal d’ein : ô pia,
Quehet èl e vihuein : Ave Maria.

Et Verbum caro, etc.
Quentéh ma cousantas Mari
En hum gavas Jesus én-hi
Groeit ag hé hoaid purran : ô pia,
Dré hræç er Sperèd-glan : Ave Maria.

Recueil Pourchasse.

----


QUÊNT, ÉPAD HA GOUDÉ EL LABOUR.
QUÊNT EL LABOUR.
Ton : Mar covesset erhat.

Taulet ar me labour, ô men Doué, hou pennoh,
Rac col e hrein me foén mar labouran hemb oh ;
Reit enta nerh d’em horv, patiantæt d’em inean
Eit ma vou me labour fréhus aveid en nean.

ÉPAD EL LABOUR.

Mab on d’un tad cablus, gronnet-on d’er péhèd,
A men drougueu, allas ! me sant er bonnérded ;
Mæs me houi é mant just ha me ven labourat,
Rac m’er gourheménet hui-memb aveit me mad.

Mar e mès rai liès guellet hou ç’offancein,
Dré me foén ha labour me ven hum bunissein,
Parreit, m’hou pèd, ne zei m’imur ha me hlêmeu
D’em lacat hoah de gol er fréh a me foénieu.

Er péh e ra d’ein nerh d’andur ol men drougueu
Ha de glah pligein d’oh é creis me labourieu,
E zou rac ma houyan e mès léh de hortoz
Guet-n-oh eid recompanç én nean er gùir repoz.

ARLERH EL LABOUR.

Trugairé d’oh, men Doué, hou pout reit t’ein secour,
Patiantæt ha nerh eit gobér me labour ;
Mar e mès é nitra displiget d’hou Calon,
Guet quæ ha guet anquin é houlennan pardon.

J. G.



QUETAN CANNEN D’EN NOZ.
Ton : N° 20.

É ta en noz tihoel, en hiaul e zou cuhet,
Hag én un herradig en dé zou tremeinet,
Avel-cen èl ur squèd é tremein hur buhé ;
Mæs ne chongeamb quet calz én hun dehuéhan dé.


Er marhue, er jugemant hag en éternité
E za a baseu bras hag e dosta bamdé,
Ha n’hum zalhamb quet prest d’ur jugemant quer garw
E vou ret d’emb tremein quenteh arlerh er marw.

A p’en dehé er juge én noz-men d’hur galhuein,
Dirac é dribunal penaus en hum ziscoein ?
Gronnet a béhedeu, ér brassan lorh ha spont,
D’é demalationeu penaus guellèt rescond ?

Én deuéh-men, allas ! liès hun nès péhet,
Mæs Doué hur pardonnou mar hur gùèl glaharet :
Guet ur galon baiet én ur mor a hlahar
Golhamb enta bermen hur fauteu guet hun dar.

J. G.



EIL CANNEN EID EN NOZ.
Ton : Nos 44, 77, 18 ; Conditor alme siderum.

Tremeinet hun nès hoah un dé,
Mil bennoh e ramb d’oh, men Doué ;
Tostat e hra deja en noz,
Reit t’ein én-hi peah ha repoz.

Groeit hun nès hiniw péhedeu,
Golhamb-ind ol guet hun dareu,
Guet eun, pe vehemb morgousquet,
A vout guet satan gouniet.

El lion n’arsàu quet a droein
É clah é dam eid el lonquein :
Idan hou tivaskel arzé,
Tad, dihuennet hou pugalé.

O pegours é splannei en dé,
Dé bourrus, dé hemb noz goudé ?
Pegours é vehemb én ur vro
Hemb anemisèd tro-ha-tro.

Revou gloër d’en Tad éternel,
D’er Mab ha d’er Sperèd-Santel,
Tri person én un Doué hemb quin
Ha bermen ha de virhuiquin.

----


ANGELUS DE NOZ.
Ton : Air connu.

Angelus Domini, etc.
Ni hou salud guet caranté,
Rouannès er Sænt hag en Ælé :
Hui e zou beniguet : ô pia,
Hag a hræceu carguet : Ave Maria.

Ecce ancilla Domini, etc.
Beniguet-é ehué Jesus
Er fréh a hou corv précius,
Mamen a santeleah : ô pia.
Hag a salvedigueah : Ave Maria.

Et Verbum caro, etc.
Ni hou supli, ô mam tiner,
A pe zei hun dehuéhan ér,
De houlen guet Jesus : ô pia,
Eid omb ur marhue eurus : Ave Maria.

(Recueil Pourchasse)



SALUD D’ER HUÉRHIÈS, ÉN AMZÉR A BASQ.
Ton : N° 34.

Regina cœli lætare, alleluia.
En nean hac en doar zou ér joé
Hum rejoeisset, Rouannès en né :
Cannet guet-n-emb : ô Maria,
Cannet ehué alleluia.

Quia quem meruisti portare, alleluia.
Jesus, hou mab en dès guet gloër
Ar er marw douguet er victoër,
Raccé guet-n-emb cannet enta
Cannet ehué alleluia.

Resurrexit, sicut dixit, alleluia.
Revé m’en doé-ean memb laret,
Hinihue é ma ressuscitet :
Cannet guet-n-emb, cannet enta,
Cannet ehué alleluia.


Ora pro nobis Deum, alleluia.
Ni e zou ol hou pugalé,
Pedet eid omb en Eutru Doué ;
Neoah guet-n-emb. ô Maria,
Cannet ehué alleluia.

Gaude et lætare, Virgo Maria,
Gùérhiès Vari ha mam de Zoué,
En hum daulet d’en douçan joé ;
El-cé guet-n-emb cannet enta,
Cannet ehué alleluia.

Quia surrexit Dominus vere, alleluia.
Hou mab en dès é gùirioné
Sàuet guet gloër a zan é vé ;
Raccé guet-n-emb, ô Maria.
Cannet ehué alleluia.

Oremus, etc.

J. G.



CANNEN AVEIT CLEUÈT EN OVEREN.
Ton : Chairramb ol hur chapeletieu, Ni hou ç’ador.

Cleuamb hinihue en overen
Ha pedamb én-hi pèn-d’er-bèn,
Aveid adorein a galon
Un Doué hemb quin é tri person.

Gloër d’en Tad en dès hur hrouéet,
Gloër d’er Mab en dès hur prenet,
Gloër hag inour d’er Sperèd-glan
E duêm hur halon guet é dan.

Crouéour er mor, en doar, en né,
Mæstr er marhue ha mæstr er vuhé,
En hanàouèt hou mæstroni
É tamb d’offrein d’oh en hosti.

Hui e ra d’emb bamdé madeu,
E scùil ar-n-amb bamdé græceu :
Trugairé d’oh, ô Tad tiner,
Dré Jesus hou mab hur Salvér.


Péherion omb, neoah, men Doué,
Pardon, pardon d’hou pugalé ;
Amen Jesus èl ér halvér
E bèd eid omb zou é vredér.

Dobér hun nès a hou cræceu
Eid hur goarn a zoh en drougueu ;
Dré vériteu hou mab Jesus,
Salvet-ni, Tad carantéus.

goudé er sanctus


Èhuéhamb ar hur speredeu,
Sàuamb d’erlhué hur haloneu,
Lausquamb ol er bed a costé
Aveit chongeal hemb quin é Doué.

Er bélèg, én hanhue a Jesus,
E lar ur gonz crihue ha nerhus,
E zégas Jesus hur Salvér
A vlein en nean ar en autér.

arlerh corv en overen.


Ni hou ç’ador, Hosti sacret,
Hui zou eid omb un Doué cuhet :
Én-oh Jesus, dré garanté,
Zou corv, inean, divinité.

Ni hou ç’ador, goaid précius
En dès scuillet mampreu Jesus,
Aveit golhein hun ineaneu
Couciet dré hur péhèdeu.

d’er gommunion.


Me garehé, Jesus men Doué,
Receu hou corv hag hou ç’iné,
Aveit lacat dôn ém halon
Er chonge a hou marhue ha passion.

Mæs gronnet-on a béhedeu
Ha ne gredan quet hou receu ;
Neoah me hrata hum virèt
Dré hou cræceu doh er péhèd.


arleh en overen.


Rebligeou d’oh, Tad éternel,
Dré Jesus-Chrouist hou mab santel,
En overen hun nès cleuet
Aveid inourein hou prasted ;

Ha groeit, ô Tad carantéus,
Ma vou en ovren-men fréhus
Eit en ineaneu tremeinet
Hag eid omb en dès-hi cleuet.

J. G.



CANNENNEU AVEIT CORV EN OVEREN,
PÉ UN VÉNÉDICTION.
Ton : Air connu.

Ni hou ç’ador, Hosti sacret,
Hui zou eid omb un Doué cuhet :
Én-oh Jesus, dré garanté,
Zou corv, inean, divinité.

Ni hou ç’ador, goaid précius
En dès eid omb scùillet Jesus,
Aveit golhein hun ineaneu
Couciet dré hur péhedeu.

É sacrefiç en overen,
Jesus hur Salvér e zischen,
E reneué ar en autér
Er sacrefiç ag er halvér.

Chongeamb guet grad ha guet respet
Én tourmanteu ha marw calet
En dès bet anduret Jesus
Eid hui lacat de vout eurus.

M’hou ç’ador, men Doué, a galon ;
Me ador hou marhue ha passion ;
M’hou ç’ador hoah doh hum offrein
Reit t’ein secour eid hum salvein.

Recueil Pourchasse.

----


AR ER MEMB TRA.
Ton : Air connu.

Na brasset-é, ô men Doué, hou puissanç !
Én ur momand, ô péh un différanç !
Er bara zou changet é corv divin Jesus,
Hag er gùin zou changet [én e hoaid précius (bis).

Ya, men Doué, me grèd guet assuranç
É oh amen idan en apparanç
Guet hou ç’ol majesté ha guet hou ç’ol pouvoér,
Quer bras avel én nean [e oh ar en autér (bis).

O tra souéhus, ô mistér admirabl !
Péh caranté aveit tud miserabl !
Mab Doué hum offr amen d’é Dad eid hur salvein,
N’en dès nameit un Doué [e hel èl-cé cârein (bis).

M’hou câr ehué, me Jesus amiabl,
Me garehé hoah open bout capabl
D’hou cârein hemb mesul hag hemb fin, me Salvér ;
Mæs, allas ! me halon [en hum gav rai zistér (bis).

Ol sænt, ælèd, ha hui, Gùérhiès Vari,
Ah ! prestet d’ein hou calon, m’hou supli,
Eit cârein me Jesus, un Doué a garanté,
Hag épad en amzér [hag én éternité (bis).

Recueil Pourchasse.



Ton : Parce Domine.

Pardon, ô men Doué, pardon d’hou pugalé ingrat,
Ah ! n’hum vanget quet, hui zou perpet hun tad.

Pardon, ô men Doué, pardon d’hou pugalé cablus,
Hui zou un Doué just, mæs ehué truhéus.

Pardon, ô men Doué, pardon d’hou pugalé glaharet !
Sellet doh hun dar ha n’hur refuset quet.

Recueil Pourchasse.



Ton : Cheleuet ur Person.

Stouyet ar men deuhlin, m’hou ç’ador, ô men Doué,
Idan en apparanç cuhet é gùirioné ;
Me halon abéh caër idan d’oh zou soublet,
Rac pe sellan hou cloër é sempla me sperèd.


O Jésus, me Salvér ha mamen a burtæd,
Me zou ur heih péhour, golhet-mé én hou coaid,
Rac un dapen hemb quin ag er goaid-cé quer pur
E hel gùellat er bed ag é gouciadur.

O Jesus e huélan cuhet ér sacremant,
Groeit ma hellein én-oh imbèr torrein me hoant ;
M’hou cùélein faç-oh-faç ér baraouis un dé,
Ha ma hrei er guél-cé me joé ha lehuiné.

J. G.



Ton : Sur cet autel.

Ar en autær,
O Jesus adorabl !
Hui zou Doué ha dén véritabl
Ar en autær.
Jesus hosti
Eid omb hum sacrefi
Ar en autær.

Adoramb-ean
Ha credamb e bresanç
Cuhet idan en apparanç ;
Adoramb-ean,
Stouyamb izel
Dirac Doué éternel :
Adoramb-ean.

A huir galon,
Én hou mistér santel.
M’hou câr, m’hou ç’ador ha m’hou mêl
A huir galon ;
Groeit dré hou cræç
Ma hou cârein hemb cess
A huir galon.

M’hou pèd, reit t’ein,
Jesus Doué éternel,
Hou pénédiction santel ;
M’hou pèd, reit t’ein
Ur galon pur
D’hou cârein hemb mesur,
M’hou pèd, reit t’ein.


Hou caranté,
Jesus, hou sacrefi ;
Hou sacrefiç em santefi :
Hou caranté
Zou mem bihuanç,
Hou marw men délivranç :
Hou caranté.

Ah ! losquet-mé,
O caranté santel,
Ha losquet en ol dud fidel.
Ah ! losquet-mé
Hoah davantaj
De Zoué on hemb partaj :
Ah ! losquet-mé.

Cârein Jesus,
Ah ! petra zou quen douç !
É hræç em galw, em press, em pouss…
Cârein Jesus
Dré bréféranç
E vou me honfortanç ;
Cârein Jesus.

Recueil Pourchasse.



Ton : Air connu.

Adoramb ol ér mystér admirabl
Un Doué cuhet, hur Salvér adorabl ;
Joéntamb hur boéhieu ha cannamb ol ihuel
En inour de Jesus, [Mab en Tad éternel. (bis.)

Eit chom guen-n-emb ha rein t’emb confortance,
En hum laca idan en apparance :
Jesus, scùillet ar-n-amb peb sorte donæzon
Ha reit t’emb, ni hou ped, [hou pénédiction. (bis.)

Ælèd en nean, dischennet, m’hou couvi,
Trugairéqueit aveid omb mab Mari :
Gloër revou d’en Drindèd, tri person én un Doué,
Ér bed-men, ér bed-hont [hag én éternité. (bis.)

Recueil Pourchasse.


QUÊNT UR HATECHIM PÉ UR PREDÊG.
Ton : Air connu.

Deit, Sperèd-Santel, ni hou pèd,
Carguet calon hou fidélèd ;
Allumet én-hai noz ha dé
En tan-flam a hou caranté.

Én-hai, dischennet ag en né
Hag é veint crouéet a nehué ;
Er bed abéh e vou changet
Hag é peb léh Doué vou mêlet.

Recueil Pourchasse.



Ton Quelven.

O Sperèd carantéus,
Mamen ol er hræceu,
Groeit ma vehemb ol gredus
De gleuèt hou conzeu ;
Rac ma ne ret secour d’emb,
Èl ur bar diflosquet,
Birhuiquin ne hellehemb
Doug fréhen mad erbet.

Eit disquein er huirioné,
Reit d’hur speréd sclærdér,
Hag eit cârein lézen Doué
Reit d’hur halon tuemdér.
Lézen pur, lézen santel,
Beah hur honsolation ;
Lézen douçoh eid er mél
Beah scrihuet ém halon.



Ton : Ni hou salud, stiren er mor.

D’hou scôl é tamb, ô me Salvér,
Eit gout er péh hun nès d’hobér,
Aveit disquein hou ç’hanàuein,
Hag hou chervige hag hou cârein.

Groeit ma cheleuehemb guet fréh,
Ma vehemb sentus doh hou poéh,
Ma tisquehemb mad hou lézen
Aveid hi héli pèn-d’er-bèn.

J. G.



ARLERH UR HATECHIM PÉ UR PREDÊG.
Ton : Chetu en eih quentel nehué.

D’oh-hui, ô men Doué, mil bennoh
Em bout cheleuet hou lézen,
Pardon e houlennan guet-n-oh
Mar d’on bet scan ha digampen.


En nemb e hanàu é zevér
Hag e dor neoah hou lézen,
Zou cablussoh én hou quevér,
Groeit enta ma vein gùel gristen.

J. G.



Ton : Chetu en eih quentel nehué.

O lézen pur, lézen santel,
Lézen furnès er vugalé,
Groeit, men Doué, ma vehemb fidel
D’hi héli épad hur buhé.

Tad mad, ag en ouaid tinérran,
Hui-é e vennamb chervigein ;
Revou hur pligeadur brassan
Credein, cârein hag aboeissein.

J. G.



QUÊNT, ÉPAD HA GOUDÉ ER GOMMUNION.
Ton : Air connu.

Me gav hir en amzér
E dremeinan ér bed,
Ma ne mès me Salvér
D’em honfortein perpet.

Quérhet, m’Æl-Gardién,
De larèt d’em Jesus,
Hemb d’hou é on é poén,
Disconfort, hirvoudus.

Pêl doh Jesus em hâr,
E gâran drest en ol,
Ne gavan meit glahar ;
Me chonge é han de gol.

Quêrhet, m’Æl-gardién,
De gavouèt me Jesus,
Ha presantet me foén
D’é Galon truhéus.

Solitet-on hemb cess
D’en tantationeu ;
M’anemisèd em fress
De gouéh én ou laceu.

Quêrhet, m’Æl-gardién,
De gavouèt me Jesus,
Ha presantet me foén
D’é Galon truhéus.

M’anemis én arrage
Ne glasq meit me feahein :
Prest-on de gol courage
Ma ne za secour d’ein.

Quêrhet, m’Æl-gardién,
De larèt d’em Jesus
Dont d’em zennein a boén
Guet é hræceu nerhus.

M’inean peur dihoarnis
A hræç hag a secour,
E grein hag e hirris
Guet eun a hé zreitour.

Quêrhet, m’Æl-gardién,
De larèt d’em Jesus
Dont d’em zennein a boén
Guet é hræceu nerhus.


Penaus bout hemb doujanç
É creis m’anemisèd,
Ha ne mès assistanç
Er vamen a burtèd.

Quêrhet, m’Æl-gardién,
De larèt d’em Jesus
Hemb d’hou é on é poén,
Disconfort, hirvoudus.

Me hirvoud d’em Salvér
Guet ur brassoh hirreah,
Eit ne rid én tuemdér
Ur harhue aben d’er hoah.
Quêrhet, etc.

Laret ol me martir
E zou é garanté ;
N’hellan en diovir,
M’er hlasque noz ha dé.
Quêrhet, etc.

Evel un druhunel,
Ne hran meit huannadein
D’em Jesus zou rai bêl
Ne za d’em visitein.
Quêrhet, etc.

É garanté santel
Regresquou ém inean,
Que ne zei d’ein merhuel
Aveit monnèt d’én nean.
Quêrhet, etc.

O eurustèd hemb par !
Pegours vou er momand
Ma séhehet men dar,
Ma torrehet me hoant ?
Quêrhet, etc.

Pliget guet-n-oh imbèr,
Salvér carantéus,
Me zennein a visér
Eit bout guet-n-oh eurus !
Quêrhet, etc.

Recueil Pourchasse.



Ton : Air connu.

Guet hirreah, m’inean hou tesir,
O me Jesus, pegours é tehet-hui ?
Bout hemb oh e zou hé martir,
Deit ; Jesus (bis), deit, soulaget-hi.

Me halon zou yein ha ponnér :
Jesus hemb oh, dihoust-on noz ha dé ;
Hou presanç e hra guir duemdér,
Deit, Jesus (bis), reit-t’ein caranté.

Un avad-on fariet a bêl,
O bugul mat, laqueit-mé én abri
Doh counar el lonnèd cruel :
Deit, Jesus (bis), deit soulaget-hi.

Un dal-on, ém anquin me gri :
O me Salvér ! sellet-mé guet truhé,
Mab de Zavid, mab de Vari,
Ma huélein (bis) guet deulegad er fé.


Ur hlan-on, men droug zou dalhabl ;
Mæs guet ur guir hui e hel m’en gùellat ;
Hemb oh, hemb hou soign charitabl
Parrihue-on (bis) ém gloès ha huannad.

Peur-on, scoein e hran ar hou tor ;
Hou pet truhé doh ol me feuranté :
En nan ha séhèd em devor,
Ah ! reit-t’ein (bis) reit hou charité.

Hui zou mem bonheur véritabl,
Me ol zrezol ha consolation :
Me stad hemb oh zou miserabl,
Deit, Jesus (bis) é creis me halon.

N’en d’on quet dign, ô Doué santel,
De dostat d’oh, ah ! n’er méritan quet !
Laret ur guir ; hou conz e hel
Consolein (bis) un inean affliget.

Dé eurus, dé lan a zoustér,
Pe receuamb Jesus én hur halon ;
Tinirreit dareu ne scùillér
Guet confort (bis) ha devotion.

Recueil Pourchasse.



Ton : Air connu.

O na hirret un noz ! pegours é tei en dé ?
Eit ma hein de receu Jesus me haranté !
O na hirret un noz, etc.

Dihousq ha sàu me horv, damb de gavouèt Jesus ;
Me gleu a men gulé é voéh carantéus.

Pegours é vein arrihue ? ô hent, hirret ous-té !
Ar lein hou tivaskel, Ælèd mat, douguet-mé.

O me halon, digueor guet joé ha lehuiné ;
Gùélet e hran anfin ty ha palæs men Doué !

O Ilis beniguet, hum zigueor, hum zigueor,
Aveit ma hein én ous de gavouèt me zrezor !

É tonnèt én hou ty, ô Mæstr a ol er bed,
M’hou salud, m’hou ç’ador a gorv hag a sperèd !


O Speredeu eurus, ol Sænt ha Santésèd !
E zou én dro d’em Doué, m’hou salud guet respet !

O tabernacl santel, digueor, digueor arzé,
Eit ma huélein Jesus, eit ma huélein men Doué !

O Jesus, m’hou ç’hanàu, dré zeulegad er fé,
Eit me mæstr ha Crouéour, me Salvér ha men Doué !

Disposet me halon eid hou receu, men Doué ;
Reit t’ein fé, espéranç ; crihueit me haranté.

Deit enta, me ol vad, dischennet ém halon ;
A nehi aveit mad queméret position.

M. Nourri.



Ton : Cheleuet ur Person.

A ziar en Autér
Jesus me haranté
E zischennou imbèr
Eit rein d’ein er vuhé :
O momand desirabl !
O dé cær hag eurus !
O bonheur véritabl
Eid on receu Jesus !

act a fé.


Me grèd, ô me Salvér,
Rac ma hoès el laret,
É oh ar en Autér
Én ur fæçon cuhet,
Guet hou corv adorabl,
Hou coaid hag hou ç’inean,
Doué ha dén véritabl
Quer gùir avel én nean.

act a adoration.


M’hou cùél, ô Doué santel,
Guet deulegad er fé ;
Mab en Tad éternel,
M’hou ç’ador èl men Doué ;
Deustou d’en apparanç
Trompus ag er bara,
M’hou ç’hanàu hemb doutanç
Eid er mæstr a bep tra.

act a humilité.


O Doué lan a buissanç,
Ne mès groeit meit péhein,
Er chonge a hou presanç
Em laca de greinein ;
Mæs me gav ém misér
Gùir gonsolation,
Hui e hel guet ur guér
Preparein me halon.

act a gontrition.


Ah ! Jesus me Salvér,
Receuet en dareu
Ag ur galon tinér
Méhus a hé fauteu :
Bermen me vou fidel,
Birhuiquin ne béhein :
Quèntoh mil gùéh merhuel
Aveid hou ç’offancein.

act a garanté.


Me halon dinatur
N’en dès chet hou câret ;
Mæs hinihue un tan pur
En dès ol me losquet.
Cresquet, ô Doué santel,
Cresquet me haranté,
M’hou cârein gùel arhuel
Epad ol mem buhé.


act a zesir.


Deit enta, me Salvér,
Ne hortet quet pêlloh ;
N’hellan hou tiovér,
N’hellan bihuein hemb oh ;
Hui e zou mem bihuanç,
Hui e zou mem buhé,
Hui vou me recompanç
Ér baraouis un dé.

J. G.



Ton : Air connu.

Deit, men Doué, deit ; deit, me Salvér Jesus,
Deit é creis me halon, guet-n-oh é vein eurus.

Bet bermen, ô men Doué, é on bet fariet ;
Donnèt e hran hinihue aveit clasq en hent dret.

Receuet hou croaidur, ô Tad lan a druhé ;
Sellet doh é zareu, ancoéheit é vuhé.

Hemb cess é huannadan, chairret-é me halon ;
Hag hemb cess anquinet, ne houyan mèn é on.

Hui e huél, ô men Doué, er boén e anduran ;
Hui e hel guet ur guir soulagein me inean.

Permettet t’ein hiniw tostat d’hou taul sacret,
Eit soulagein er boén e santan ém sperèd.

Hosti santel ha pur, fournéz a garanté ;
Bara délicius, rantet t’ein er vuhé.

Péh bonheur d’em inean hum sustantein guet Doué,
Ha torrein me séhèd ér fetæn a vuhé.

Ya, Jesus ean-memb, ha nepas é figur,
E za ér Sacremant de vout hé mâgadur.

Me halon de Jesus e zou abéh gloëstret,
Me halon dre Jesus e zou abéh losquet.

Rein e hran d’oh abéh aveid hou caranté,
Me horv ha me inean, me madeu ha buhé.

Hui e ra, ô men Doué, er marw d’er béherion,
Hag er vuhé d’en nemb hou câr a huir galon.

Recueil Pourchasse.


Ton : Air connu.

Eit m’inean pebéh bonheur,
Én dé ma receu Jesus !
O dé zou caër èl en eur !
O dé caër, dé précius !
N’en dé quet hemb quin un Æl
E za eit me visitein,
Mæs Jesus, Doué éternel,
E zischen eit chom guet-n-ein.

Quentéh é zorn charitabl
E zigueor trezor en nean,
Ha guet madeu admirabl,
E binhuiqua me inean ;
Ean hi chéris hag hi hâr,
Hi er hâr guet joé ha grèd :
Commance e hra ar en doar
Tanhouat bonheur en Ælèd.

Hur haloneu e hum joént
Ha ne hrant mui meit unan ;
Me horv zou hoah ar en hent,
Me sperèd e zou én nean ;
Me halon guet grèd d’arriw
E hra el lusqueu brassan,
N’en dé quet mé-é e viw,
Mæs Jesus e vihue én-an.

O péh un debat hemb par
Étré on ha me Jesus !
M’er hâr ha Jesus em hâr,
O momand caër hag eurus !
Er memb caranté e abras
A bep-tu hur haloneu,
Er memb caranté e bass
A bep-tu d’hun ineaneu.

Pinhuiquet un avantage
Em bout Jesus ém halon ;
Guet en Ælèd me bartage

Ou bonheur én ur fæçon !
Ind e zou én é bresanç ;
Hag er hontampl e én é hloër :
Ha mé, me mès eit bihuanç
É Gorv, é Hoaid ém misér.

Ah ! bourrusset ul langaj
E gleu guet-hou me inean :
Eid on ha doh me limaj,
Me mès hou crouéet, em’ean ;
Mé hou pihue hag hou conserv,
Mé-é en dès hou prenet :
Beah enta d’ein hemb reserv :
Me gâr eit ma vein câret.

O Jesus, er gùellan tad
E zou bet, e vou jamæs,
Pêl doh-oh n’hellan quet pad ;
Me halon e zou é gloès :
N’en dès nitra em houtant
Ag er péh zou ar en doar ;
Mæs p’en d’oh guet-n-ein me sant
Ur peah hag ur joé hemb par.

Pe bossédan hou presanç
Hà me hoantei hoah nitra ?
Me mès tout én abondanç,
Me mès er mæstr a beb-tra.
A me halon groeit hou tampl,
Réglet, commandet inou :
M’hou cheleu hag hou contampl,
Ah ! conzet ha me sentou.

Disquet hou lézen santel
D’hou servitour e cheleu ;
Grèd en dès de vout fidel,
É joé vou memb hou croézieu :
Pe ret d’em inean doustér,
Peah ha consolation,
Reit hoah ehué, me Salvér,
Courage ha nerh d’em halon.


Ne houlennan ar en doar
Meit bout guet-n-oh noz ha dé ;
Mar hou câran, hui em hâr
Hoah guet brassoh caranté ;
Open ma oh mem bihuanç
Bet er fin a mem buhé,
Hui vou hoah me recompanç
Eid en ol éternité.

Rec. Pourchasse.



Ton : O na hirret en noz.

M’hou talh, ô me Jesus, birhuiquin n’hou lausquein ;
Ami mat ha fidel, m’hou cârou tré vihuein.

Doucet ur garanté, ô Jesus, pebéh tan !
P’en d’oh quen douç amen, petra vehet én nean ?

Harpet-mé, harpet-mé, é han de vaganein ;
Guet joé n’hellan mui pad, n’hellan quet hum zalhein.

Na doucet ur momand ! mèn é on-mé ? men Doué !
Mèn é ha me halon ? neigeal e hra d’en né !

Me Jesus e zou d’ein, ha me zou ol dehou :
N’en dé quet me e viw, ne vihuan meit én-hou.

Hum daul, cousq, me halon, ar galon te Jesus ;
Asten e hra é zorn, é vréh carantéus.

Deit ol, pobl ag en doar, deit, speredeu eurus,
De huélèt er græceu e hra d’ein me Jesus.

O Mari ! me halon e chervij de hulé
D’er Mab e hoès douguet étré hou tigosté.

Pêlleit ol, pêlleit ol, trous ha saffar er bed :
Reposet ém halon, ô me ol eurustèd !

Deit guet n-ein, me Jesus, damb hun deu a costé :
Pêl doh er bed trompus, ne vou meit oh ha mé.

Conzet doh me halon, Jesus me haranté ;
Disquet, anseignet-mé d’hobér hou volanté.

Groeit, men Doué, ne glasquein, groeit ne gârein meit oh ;
Ha ma vou noz ha dé ol me chongeu guet-n-oh.

Quenavou, me Jesus : é ha me horv d’er guér ;
Mæs me halon e chom guet-n-oh ar en autér.

M. Nourri.


Ton : Air connu.

Er bed trompér, guet é zigueoreu caër,
E chongeou hoah é hellou me zrompein ;
Mæs m’en gouni n’en dé quet é affær ;
N’en dougean quet, Jesus e zou guet-n-ein.

Hum laqueit ol, tud puissant ag en doar,
Ha complodet penaus me horromplein,
Groeit d’ein brezel, menacet guet counar :
N’hou tougean quet, Jesus e zou guet-n-ein.

Ag en ihuern dèt Satan én arrage,
Guet é ardeu d’assai me zourmantein ;
N’hellou jamæs discarrein me hourage :
N’en dougean quet, Jesus e zou guet-n-ein.

Dèt en ihuern, en aibr, en doar, er mor,
Dènt gùéh-t’er-huéh, pé d’un taul d’em spontein ;
Nag é tehé en abym de zigueor,
Ne zougean quet, Jesus e zou guet-n-ein.

O me Jesus ! ô me ol espéranç !
Hui zou puissant aveit m’en goarantein :
En-oh hemb quin é ma me honfianç,
Me zouge un dra… eun e mès a béhein.

Rec. Pourchasse.



Ton : Air connu.

Ne gonzet quet mui d’ein a bligeadur er bed,
Ne gâran meit Jesus, ne gârein quin perpet :
Jesus,
Jesus me haranté,
Hag én noz hag én dé.

Me Jesus, hui zou douç ha hui zou truhéus ;
Me Jesus, hui zou mat, hui zou carantéus…
Jesus, etc.

O me Salvér Jesus, hui-é e zesiran,
Hui-é me haranté, én-oh é esperan :
Jesus, etc.

Bet bermen, ô Jesus, me mès hum abuset
Guet en treu ag en doar, en dès bet m’en dallet.
Jesus, etc.


Mæs hinihue eit jamæs me ra d’oh me inean,
Me horv ha me madeu ; pligein d’oh e glasquan :
Jesus, etc.

Pligein d’oh ér bed-men hemb quin e zesiran ;
Hou cârein a galon er bed-men hag én nean :
Jesus, etc.

O pebéh madeleah, me Salvér beniguet,
En devout bet douguet er bouis a me féhèd !
Jesus, etc.

O pebéh caranté e hoès bet ém hevér,
Én ur souffrein er marhue aveid on, me Salvér !
Jesus, etc.

Aveit m’en délivrein ag er flam éternel,
Hui e hoès anduret tourmanteu quer cruel :
Jesus, etc.

Oh na eahusset-é er péhèd milliguét,
E zou bet caus de varw me Salvér beniguét !
Jesus, etc.

Red-é gobér enta brézel continuel
Ér puar horn ag er bed de bep péhèd marhuel :
Jesus, etc.

Un anquin bras e mès em bout hou ç’offancet,
Me Jesus zou quer mat, quen dign de vout câret !
Jesus, etc.

Me hrata dré hou cræç, me Jesus, hum virèt
Epad ol mem buhé doh peb droug ha péhèd :
Jesus, etc.

Sellet bermen doh-ein, me Jesus, guet truhé ;
Reit-t’ein græceu nerhus er rest a mem buhé,
Jesus, etc.

Me larou guet Sant Paul d’er péhour maleurus :
Milliguèt-vou mil gùéh en nemb ne gâr Jesus :
Jesus, etc.

Aveid oh-hui hemb quin é tesiran bihuein,
Hou cârein ha merhuel, merhuel eid hou cârein :
Jesus, etc.


Na scùéhet-on ér bed !.. m’hou corto guet hirreah,
O dé caër hag eurus, e zigueor ranteleah
Jesus, etc.

Revehet, me Jesus, ol un éternité,
Mêlet, trugairéqueit hag én doar hag én né :
Jesus, etc.



Ton : Omni die dic Mariæ.

Clasquet em boé
Me lehuiné
Pél doh-oh, ô Tad tinér,
Ha couéhet-oen
Ér vrassan poén,
Én dristé hag ér misér.

Mæs hui e hoès
Gùelleit men gloés
Ha sellet doh men dareu,
Ha guet truhé
Doh me iné
Gùelleit e hoès d’em drougueu

Hui em fardon
Hag ém halon
Hui e hra hou tameuranç ;
Ém diovér
Hag ém misér
Hui hum ra d’ein eit bihuanç.

O me Salvér !
Péh un doustér
E santan-mé ém inean !
Hoah ar en doar
Ér vro a zar
Me danhoua bonheur en nean.

Trugairé d’oh
Ha mil bennoh,
O hui en Tad tinérran ;
Hou chervigein
Hag hou cârein
Muyoh-mui e zesiran.

Cresquet bamdé
Me haranté,
O me Zad, én hou ç’andred,
Bet que n’en d’ein
De hum hoalhein
Én nean én hou ç’eurustèd.

J. G.



Ton : Air connu. - N° 28.

Mem bennoh de Jesus
En dé-men mil gùéh eurus ! bis

O hui Ælèd santel,
Mêlet é vajesté,
Guet-n-ein d’é garanté
Rantet gloër éternel.
Mem bennoh, etc.

O Doué, Tad amiabl,
Doucet oh-hui doh-ein,
Hui e ven pardonnein
D’ein péhour miserabl.
Mem bennoh, etc.

Fariet-oen a bêl,
Mæs hemb dougein hou poén,
Hui em doug d’hou panden,
Èl ur bugul fidel.
Mem bennoh, etc.

Achihue-é me misér,
Me rangen zou torret,
Me foén zou tremeinet,
Dré hou cræç, me Salvér.
Mem bennoh, etc.


Médecinour abil,
Soignus ag hou ré clan,
Ah ! gùelleit e hoès bean
D’em inean lous ha vil.
Mem bennoh, etc.

Hoah open eit bihuanç,
Men Doué, hui hum ra d’ein,
Deustou ma on indign
A vout hou tameuranç.
Mem bennoh, etc.

Hou madeleah em fress
Me ra d’oh me halon :
Ah ! me honversion
E zou labour hou cræç.
Mem bennoh, etc.

Doh ur vuhé santel,
Groeit ma talhein, men Doué
Hag én éternité
M’hellou larèt ihuel :

Mem bennoh d’em Salvér
En dès m’en goleit a hloër. bis

M. Le Diot.



PROMESSEU ER VADIENT.
Ton : Quand l’eau sainte du Baptême.

A pe oèh én ouaid tinér
Ha ma ridas ar hou pèn,
Dré vadeleah hou Salvér,
En deur ag er vadient,
Quérent santel
Nezen eid oh e gonzé ;
Mæs hui-memb hinihue en dé
Grateit ol bout de Zoué fidel.
O Tad santel,
Ni e zou hou pugalé,
Hag épad ol hur buhé
Ni e vou sentus ha fidel.

Én ur zonnèt ar en doar,
Dré béhèd hun tad quetan,
Ne véritemb meit counar,
Nameit losquein guet Satan.
Tad adorabl,
Salvet e hoès hun inean,
Digueoret e hoès en nean
D’emb-ni, péherion miserabl.
O Tad santel, etc.

Ar hur penneu criminel
Quentéh el m’en des ridet

Deur er vadiant santel,
Hur stad trist zou bet changet,
En Doué hur hâr
En dès hoah hur heméret
Eid é vugalé choéget,
Dré ur vadeleah hemb hé far.
O Tad santel, etc.

Guet doucet ur bligeadur
Ne selloh-hui, ô men Doué,
Hun ineaneu guen ha pur
Ha lan a hou caranté !
Chonj divourabl !
Amzér rai vean tremeinet !
Dré hur goalh é oemb couéhet :
Arré én ur stad miserabl.
O Tad santel, etc.

Guet ou fromesseu trompér
Er hig, en diaul hag er bed
En dès bet, ô Tad tinér,
Hur ouniet d’er péhèd ;
Mæs, Doué santel,
Reit e hoès d’emb er pardon ;
Chom e hret én hur halon,
D’oh é vehemb bermen fidel.
O Tad santel, etc.

Ten ardran, ô Lucifér,
Guet ha vobanç bocennus ;
Quenavou d’id, bed trompér,
Guet ha bligeadur méhus.
En aviél
E gondan hou faus joéieu
Hag ol hou pligeadurieu
Ér pèn dehuéhan zou marhuel.
O Tad santel, etc.

N’en dès bonheur veritabl
Meit doh hou chervij, men Doué ;
N’en dès pligeadur dalhabl
Nameit én hou caranté :

Pegours en ær
Ma hellehemb, ô men Doué !
Hou cârein é lein en né
Hag hou cùélèt é creis hou cloër.
O Tad santel, etc.

J. G.




EIL LODEN.
————


er péh e zeliamb credein, receu, gobér ha goulen én ur héli catechim guénèd.


ER GUIRIONÉEU AG ER FÉ.
Ton : N° 20.

Credet é hès un Doué e hra er péh e gar,
En dès groeit a nitra hag en nean hag en doar,
É ma ha mat ha just hag é rei d’hun inean
En ihuern mar d’omb fal, ha mar d’omb mad en nean.

O men Doué, ni e grèd er gùirionéeu-cé,
Mæs groeit m’ou hredehemb sonnoh pé son bamdé ;
Collet-vou hemb arvar en nemb n’ou hredou quet
Hag en nemb ne vihuou revé m’ou d’ou credet.

Credet son ne hel bout nameit un Doué hemb quin
E zou bet a viscoah, e vou de virhuiquin ;
É hès neoah é Doué tri person distinguet,
Rac d’en Ilis hur mam Doué en dès en laret.

Credet en dès Mab Doué dischennet ag en nean
Eit dismant er péhèd ha prenein hun inean :
En dud hemb ur Salvér idan sclavaj Satan,
E vehé guet justiç condannet ol d’en tan.

Gannet-é a Vari dré hræce er Sperèd-glan,
Bihuet en dès ér bed, ér beuranté vrassan ;
Én un hobér er mad en dès bet tremeinet,
Hag aveid hur prenein ér groéz en dès marhuet.


Mæs tuchand ar er marhue é tougas er victoër
Hag a zéheu d’é Dad é vontas lan a hloër ;
Un dé ni er gùélou é creis ur gogussen,
Aveit jugein en ol, ag en nean é tischen.

En Tad, dré é buissance, en dès bet hou crouéet,
Er Mab, én ur verhuel, en dès bet hou prenet,
Hag er Sperèd-Santel, guet é zonæzoneu,
E laca de vout just ha glan hur haloneu.

Pedet Doué a galon hag én noz hag én dé,
Hemb é hræç ne hellamb nitra aveid en né ;
Guet Jesus dré Vari goulennet nerh, secour,
Doh er Sacremanteu hou pet liès recour.

Eid er péhour brassan é hès guet Doué pardon,
Distroeit enta doh-t-hou hinihue a huir galon ;
Covesseit hou fauteu guet er brassan anquin
Ha doh en dangérieu pelleit de virhuiquin.

Eit cassat er péhèd, chonget én droug e den,
Én hou laca de gol en nean ur gouronen,
É vérit én ihuern er brassan tourmanteu,
Ha deit doh troèd er Groéz de ouilein hou fauteu.

Ér gommunion santel, eit mâguein hou ç’iné,
En hum ra d’oh, corv, goaid, inean, divinité.
Aveit ma credehet er hemér eit bihuanç,
Ean en hum guh idan un distér apparanç.

Credet hoah én Ilis, prièd câret Jesus,
Credet é ra dehi bamdé græceu nerhus,
En en dès hi laqueit étré dorn er Pabèd,
É vou ean-memb guet-hi bet er fin ag er bed.

Hou pet chonge en dès Doué aveit-hou hou crouéet,
É varhuehet quênt pêl hag é vehet juget ;
En nean pé en ihuern e vou hou tameuranç ;
Mæs, mar cherviget Doué, Doué vou hou recompanç.

J. G.


MISTER EN DRINDED.
Ton : N° 20.

Credamb é hès un Doué, é hès un Doué hemb quin,
E zou bet a viscoah, e vou de virhuiquin
Infini é peb tra, e hra er péh e gar,
En dès groeit a nitra hag en nean hag en doar.

Credamb penaus benac n’en dès nameit un Doué
Ha n’hel bout meit ur mæstr ar en doar hag én né ;
É hès neoah é Doué tri person distinguet,
Péré ne hrant ou zri nameit un Doué parfæt.

En Tad avel er Mab, avel er Sperèd-glan,
Unan èl en aral e zou Doué peb-unan ;
Mæs en tri person-zé ne hrant nameit un Doué,
Ou dout e hrant ou zri er memb divinité.

Ou zri é mant ingal, Tad, Mab, Sperèd-Santel,
Hag ou zri ol-buissant hag ou zri éternel.
Credamb neoah é mant tri person distinguet,
En Tad a zoh er Mab, er Mab a zoh er Spréd.

Gloër d’en Tad éternel en dès bet hur hrouéet,
Gloër de Jesus é Vab en dès bet hur prenet,
Gloër d’er Sperèd-Santel e scùil ar-n-amb græceu,
Eit rein nerh d’hur halon, sclærdér d’hur speredeu.

J. G.



MISTÉR EN INCARNATION.
Ton : Conditor almea siderum, N° 70.

Me grèd en dès Doué dégasset
É Vab uniq a lein en nean
Aveit me zennein a béhèd
Hag aveit salvein me inean.

Me grèd en dès bet queméret
Corv hag inean èl hur ré-ni,
Ha me grèd é ma bet gannet
Ag ur Huérhiès hanhuet Mari.


Me grèd é Jesus diw natur,
Natur a zén, natur a Zoué ;
Mæs n’en dès en-hou a dra-sur
Meit ur person e zou Mab Doué.

Revou gloër d’oh é peb amzér,
Jesus Doue ha dén ar un dro ;
Revou gloër d’oh, ô me Salvér,
Amen hag én nean hur gùir bro.

J. G.



MISTÉR EN REDAMPTION.
Ton : N° 20.

Me grèd é oemb cablus a faut hun tad quetan,
Anemisèd de Zoué ha sclavèd de Satan ;
N’hur boé quin de hortoz, arlerh ur marw cruel,
Meit en ihuern spontus, meit en tan éternel.

Me grèd en dès Jesus, eit paiein hun delé,
Distan colér é Dad ha digueor d’emb en né,
Anduret ar er groéz er marhue en eahussan
Ha scùillet ag é Hoaid en dapen dehuéhan.

Mæs revé mé ma den en dès Jesus marhuet,
Ha revé m’en dé Doué en dès bet distannet
Colér terribl é Dad ha douceit é justiç
Ha digueoret t’emb ol doreu er baraouis.

Marhuet e hoès enta, Jesus, eit me salvein,
N’en dès nameit oh-hui e hel èl-cé cârein ;
M’hou cârou, me Jesus, ô Doué a garanté,
M’hou cârou a galon ér bed-men hag én né.

J. G.



EN ILIS.
Ton : N° 20.

Me grèd en dès Jesus, eit salvein hun inean
Ha disquein d’emb perpet en hent e gass d’en nean,
Groeit é Ilis santel, é ma un assamblé
A fidélèd christén en dès ol er memb fé.


Me grèd é receuant er memb sacremanteu,
Ou dès er memb lézen hag er memb devérieu ;
É mant èl de Jesus, ha sentus ha fidel,
D’er pab, d’en escobéd ou mistr spirituel.

Me grèd é ma streàuet ér puar horn ag en doar,
Hac é feahou perpet Satan hag é gounar ;
É vou Jesus guet-hi bet er fin ag er bed,
Elcé n’hellou fari na biquin bout trompet.

Me grèd ne vou, allas ! meit er marhue éternel
Eid er ré zou ér mæz ag en Ilis santel,
Ha ne vou receuet guet Doué ér baraouis
Meit en nemb e vihuou é creden en Ilis.

Ilis santel, me mam, prièd Jesus me zad,
Quêntoh eit ma tei d’ein jamæs hou ç’ancoéhat,
Rezei me zéad ém bég doh me stang de staguein,
Rezei doh me hosté men dorn mad de séhein.

J. G.



ER FINEU DEHUÉHAN.
Ton : N° 171.

Chonget, christén, é varhuehet un dé,
É hei hou corv de vreinein én ur bé,
Hag é ridet ag en ouaid tinérran
A baseu bras d’hou termén dehuéhan.

É quis ul lair er marhue hun zrahissou,
Ne houyamb quet pegours é arrihuou ;
Ha doh-omb ol en ær e zou cuhet
Eit m’hum zalhou peb-unan preparet.

Quentéh ma vou, arlerh poénieu calet,
A zoh hur horv hun inean dilouyet ;
Quentéh, allas ! hemb gortoz ur momand,
É vou galhuet guet Doué d’er jugemant.

Azé é vou dirac hun deulegad
Disoleit splann hag en droug hag er mad ;
Pouiset e vou guet justiç hun œvreu,
Hur fallanté avel hur vertuyeu.


Lan a justiç, mæs nezé hemb truhé,
Doué hur jugeou eid un éternité :
Ag en ær-zé douguet vou hur santanç
Ha d’hi zorrein ne vou mui espéranç.

En dén cablus ag ur péhèd marhuel
E vou taulet ér poénieu éternel ;
Deustou d’er chif, d’er hæ ha d’en anquin,
En tan vanjour ne varhuou birhuiquin.

Ha ni e hel hemb en doujanç vrassan
Hemb quin chongeal ér maleur spontussan,
Ha chom hemb clah, dré er vrassan glahar
Douçat hur juge ha distan é gounar.

En dén santel e yei neoah é peah
Étré divréh un Doué a vadeleah,
E recompanç nezé guet larganté
Ol er poénieu anduret ér vuhé.

Trézein e hrei, gronnet ol a splandér,
Eit mont d’en nean, en œvr ag en amzér :
É creis er joé, é creis en eurustèd,
Doué e dorrou é nan hag é séhèd.

Chongeamb lies èl lehuiné hemb par
E hrata Doué de biw-benac er hâr ;
Labouramb ol aveid arrihue én nean,
Dougamb hur hroéz ha salvamb hur inean.

J. G.



AR ER MEMB TRA.
Ton : N° 17 pé 61.

Me houér ret-vou merhuel ha quentéh bout juget :
Red e vou qùittat tout, larèt adieu d’er bed ;
Chairrein hun deulegad doh ol sclærdér en dé,
Ha dischen én dondæd ag en éternité.

Mar dé spontus er marhue arlerh ur fal vuhé,
Hoah é vou spontussoh er péh e zei goudé :
Hur momand dehuéhan e douchou er momand
Ag un éternité a joé pé a dourmant.


Er momand-cé vou douç aveid un inean mat,
Er momand-cé vou rust eid ur péhour ingrat ;
Gobéreu peb-unan hemb quin en héliou :
Doh ma veint droug pe mat, salvet pé dannet-vou.

Ha Doué, hemb bout guélet, e hrei dehou santein
Pouvoér é vajesté hag en droéd d’er jugein :
Quement-cé e vou groeit én ur berrig amzér,
Hag hun Doué zou presant ne vern mèn é varhuér.

Doué memb d’en inean-zé ne hra quet mui d’antand
É ma Doué a zoustér, un Tad mad ha patiant ;
Mæs un Doué ol-buissant, mæs ur juge hemb truhé,
Hag e examinou pèn-d’er-bèn hé buhé.

Aveid un inean peur, eahusset ur momand !
Qùitteit hi dès he horv guet gloès ha guet tourmant,
É tihoueldæd er marhue én un taul discarret,
Blaouahet hag eunus hemb assistance erbet.

Tout hi devou qùitteit ha qùitteit vou guet tout,
Pe vou laret : marhue é, a pe vou reit de hout
Er guével d’hé hérent, d’hé amièd souéhet,
Ind e zei de huélèt hé horv deja yeinnet.

Lod e héliou hoah er horv-cé bet en doar,
E scùillou martezé ul lom benac a zar,
Pé guir, pé faus dareu ; rac liessan en dud
Ne chongeant meit en treu, eit rannein guet tabut.

O dehuéhan momand, terribl eid en inean !…
Ar vordeu en abim lausquet vou hé hunan !
Qùitteit hi dou en doar, en nean vou hoah chairret !
Crial miscricord : en amzér vou passet !

Guet er Sænt hag Ælèd n’en dé mui secouret ;
Guet er Huérhiès Vari n’en dé mui assistet ;
Mar gùellant hur secour a p’en d’omb é buhé,
N’ou dès chet de sellèt ar jugemant un Doué.

En œvreu mad e hrér eid er ré tremeinet
E verra purgatoér er ré zou poéniet ;
Mæs en ol é pedein eid unan criminel
N’er mireint quet a gouéh én tourmant éternel.


Me hum gavou enta, ém momand dehuéhan,
Dilausquet guet en ol, guet en doar hag en nean !
Mé ha me juge hemb quin, me juge hemb quin ha mé !
Mé hemb recour erbet, ha me juge hemb truhé !

Ol er péhig a vad em bou bet groeit ér bed
E gonzou aveid on pe zei d’ein bout juget ;
Ol en droug em bou groeit épad ol mem buhé
E gonzou inep t’ein é jugemant men Doué.

Rec. Pourchasse.



AR ER MEMB TRA.
Ton : N° 162.

Allas !
Péh un dristé
Zou ém iné,
Na péh un néhanç !
Allas !
Péh un dristé
Zou ém iné
Em spont noz ha dé.
De guetan
Pe oé me houscianç
Gùen ha glan,
Me oé hemb doujanç.
Allas !
Anquin collet,
Bonheur passet,
Rai vean tremeinet.

Er marhue
Guet hèrr e za,
Tostat e hra,
É ha d’em discar ;
Er marhue
Guet hèrr e za,
Tostat e hra,
Ha m’er gùel déja.
Er hruel,
Guet ur grèd hemb par,
Ah m’er gùel
É crouissein en doar !
O marhue
Déja t’em dalh,
Quer youank hoah,
Ha merhuel neoah.

Hirris,
Hirris, péhour,
Un Doué vanjour
Vou juge hemb cartér.
Hirris,
Hirris, péhour,
Un Doué vanjour
Vou juge hemb recour.
Ah ! dihun,
Cleu é vouéh ponnér
Èl gurun
E gorn én amzér,
Hirris,
Hinihue en dé
Dès dirac Doué
Vou juge hemb truhé.

Men Doué !
Ah ! ne huélan
Amen meit lan,
Dareu hag arrage
Men Doué !
Ah ! ne huélan
Amen meit lan,
En treu spontussan.

Ti Satan
Vou me héritage !
Ur yoh tan
E vou me fartage !
Men Doué !
Ah ! sihoah t’ein
Perpet ouilein
Ha perpet losquein.

Nean caër
E mès collet,
E mès gùerhet
Eit treu quen distér !
Nean caër
E mès collet,
E mès gùerhet
Eit nitra troquet.
Pe chongean
É ol ha zoustér,
E santan
Muyoh me misér
Nean caër,
Me lehuiné,
Me haranté
Collet eid on-mé !

O hui,
Christén gredus,
Perpet joéius,
Lan a espéranç !
O hui,
Christén gredus,
Perpet joéius,
Ha mé maleurus !
Mé me mès
Dré ziaboeissanç,
Eit jamæs
Collet m’innoçanç.
O hui
E vou eurus
En nean bourrus
Ha mé maleurus.

Nepas :
Lan a visér
Hag én dangér
Me mès espéranç ;
Nepas :
Lan a visér
Hag én dangér
Me gav ur Salvér.
Pe ouilan
Me mès confianç
É pêllan
Doh-on hou vanjanç
Nepas,
Ouilein e bran,
Hoah é câran,
Eit mad e chanjan.

Jesus,
Joé me inean,
Bara en nean,
A galon m’hou câr ;
Jesus,
Joé me inean,
Bara en nean,
Hui e zesiran.
Pardon d’ein !,
A zevri m’el lar,
Ne gârein
Meit oh ar en doar.
Jesus,
Deit de hobér
É peb amzér
Me joé ha doustér.

J. G.



ER MARHUE.
Ton : N° 118.

Pe vein marw, pe vein marw,
Peb tra e achihuou,
Hemb truhé, pe vem marw
Doué em jugeou.


Rèd-é merhuel, rèd-é merhuel,
Ag er bed rèd-é d’emb lemel ;
Doué memb en des d’emb el laret :
De ol en dud merhuel zou ret.
Pe vein marw, etc.

Quer bean èl ma houihue ur boquet,
Buhé mab-dén e zou uset ;
Ne hra meit tremein ar er doar
Hag é ta er marw d’en discar.
Pe vein marw, etc.

Deit, péherion, tosteit d’er bé,
Deit d’interrein hou vanité ;
Azé ol en treu istimet
Guet-n-oh nezé vou dispriset.
Pe vein marw, etc.

Hui, tud carguet a vanité,
Petra-vou a hou pràuité ?
Hou faç hag hou corv dislihuet
E spontou memb hou ç’amièd.
Pe vein marw, etc.

Hui e goutant hon tesirieu,
Hui e gâr hou pligeadurieu ;
Mæs eid oh péh ur changemant
E hrei er marw én ur momant !
Pe vein marw, etc.

Quenavou d’er joé, d’en imbad,
D’en eur, d’en inour, d’er chervad,
En treu-cé ol e istimoh
Nezen é vou lamet guet-n-oh.
Pe vein marw, etc.

Quenavou, quérent, amièd,
Quenavou, bugalé, prièd !
Hou calon nezen hum cherrou,
Mæs en ol hou ç’abandonnou.
Pe vein marw, etc.


Pe vehé ret hinihue en dé
Monnèt dirac tribunal Doué ;
Pe zouguehé Doué hou ç’arrest,
Pihue a han-oh e vehé prest?
Pe vein marw, etc.

Ah ! guet eun a vout trahisset
Guet er marhue ér stad a béhèd,
Ouilet guet quæ ha guet glahar
Étré ma oh hoah ar en doar.
Pe vein marw, etc.

J. G.



ER JUGEMANT.
Ton : Mar covesset erhat.

Spontusset ur momand eid un inean cablus
Ha doh sclærdér un Doué en hum huél hemb escus ;
Ar vorden en abym é creinein guet dougeanç,
Avel un tarh gurun e gleu spis hé santanç.

Téhet, pêlleit doh-ein, hui, inean milliguêt,
D’en tan ag en ihuern a huerço preparet
D’en diaul, d’é gansortèd, ha d’er ré criminel,
Hou lod e vou guet-hai én ur flam éternel.

Chonge eahus ! ha penaus e mès-mé bet bihuet
Én ur stad maleurus, hemb dougein er péhèd ?
En termén e dosta, arrihue e hrei hemb pêl
Ma cleuein prononcein me santanç éternel.

Pêlleit, mar d’oh cablus, e larou d’ein men Doué,
Pêlleit doh-ein, d’en tan eid un éternité.
Pêllat doh-oh, men Doué, hemb jamæs espéranç
É hellein joeissein a zoustér hou presanç !

Pêllat doh-oh, men Doué, eid oh é oen crouéet !
Ha n’em hanhuet hiniw meit inean milliguêt !
Pêllat doh-oh, men Doué, péh ur santanç terribl !
D’en tan ag en ihuern ! ô tourmanteu horribl !

Blaouahusset ur chonge ! eurus hoah mar chongean
Ahoel bermen dihoalh ne gouéhehé ar-n-an ;
Mar dé eahus er chonge, en disparti cruel
E vou goah hag open en tourmant éternel.


Revehet, ô men Doué, mil guéh trugairéqueit ;
Ne fal quet d’oh me hol, hui e hoès m’en gorteit ;
Mar chanjan a vuhé me mès hoah espéranç
Ne gouéhou quet ar-n-an er bouis a hou santanç.

Deustou ma véritan bout milliguêt guet-n-oh,
É on hoah ingorto a receu hou pennoh.
Ah ! me chanjou agrén mem buhé miserabl
Eit ma cleuein guet-n-oh ur houvi amiabl.

Deit, e larehet-hui, deit, inean beniguet,
De bossedein el léh e zou d’oh preparet ;
Bet en distérran tra é oh bet d’ein fidel,
Aveit hou recompanç deit d’er joé éternel.

O momand caër eid on ! bout galhuet devat Doué !
Sur vein : passet vou tout, dangér, trebil, tristé ;
Feahet em bou er bed, ha feahet Lucifér,
Hag hum feahet mé-memb, na caërret ur victoër !

Pe vehé léh de chif é creis el lehuiné,
Anquin vehé guet-n-ein n’em behé ém buhé
Groeit meit un nitraig eit Doué é comparaj
Doh ur bonheur hemb fin e ra d’ein eit partaj.

Deit, inean beniguet, d’er joéieu ag en nean ;
Téhet, pêlleit doh-ein, hui milliguêt, d’en tan :
Chetui en diw santanç, ne veint jamæs chanjet ;
Péhani e vou d’ein, allas ! n’er gouyan quet.

Hui e ra d’ein de choége, ô men Doué truhéus.
Choége eahus mar groan fal, mar groan mad choége eurus !
D’ein-é sellèt a dost, hum drompein zou calet :
El lod muihan e varw, revé m’ou dès bihuet.

Penaus e vihuan-mé, penaus é ha guet-n-ein,
Mèn é ma me surté pe zehé er marw d’ein ?
Me surté zou, men Doué, hou touster, hou truhé,
D’ein-é jugein n’en d’on meit ur yoh fallanté.

Me hum jugeou enta eit ne vein quet juget,
Ha mar hum gondannan ne vein quet condannet ;
Ya me juge é on un inean miserabl,
Me hum gondann d’hobér ur bénigen dalhabl.

Recueil Pourchasse.


ER JUGEMANT GENERAL.
Ton : N° 62.

Me gleu en trompet é cornal,
E gri : ô tud varhue, ol sàuet !
Én un taul hé boéh rust, èl gurun é hrondal,
Dirac trôn hur Barnour e dolpou ol er bed.
Me gleu en trompet é cornal,
E gri : ô tud varhue, ol sàuet !

Me gleu un trumpet quen terribl,
Ma hra d’en doar ol dassonein ;
Me gleu ur voéh quer spis, me gleu ur brud horribl,
E hra d’en nean, d’en doar ha d’en ihuern creinein.
Me gleu, etc.

Creinet, péherion criminel,
Creinet, prest-é Doué de zonnèt :
Ag é berh é hramb d’oh, tud cablus, er brézel ;
Ne vou quet pêl é tei, ha condannet vehet.
Creinet, etc.

Deit ol de gleuet hou santanç :
Hou Juj e zei en ur momand :
Caër hou pou clah achap, ne vou mui retiranç :
Roué, pobl, bras ha bihan, deit ol d’er jugemant.
Deit ol, etc.

Ol Sænt, deit ag hou rang ihuél ;
Ælèd, héliet er Barnour :
Deit, tan, gresil, brogon ha hui, tampest cruel ;
Sàuet, splannet, losquet, punisset er péhour.
Ol Sænt, etc.

Corveu, hum hroeit èl a gommanç
Doh en ineaneu-hont hou poé :
En nean pé en ihuern e vou hou demeurance :
De unan ag en neu é hehet ol guet-hai.
Corveu, etc.

Deit ol ag en abym horribl,
Deit ol, diauléd guet hou ç’ardeu :

Ar er ré zou dannet, groeit bermen hou possibl,
Eit jamæs ar nehai dastumet tourmanteu.
Deit ol, etc.

Dihoal doh ur momand quer garw,
Dihoal, ô péhour maleurus !
N’en dé quet cousquet-é, mæs deja é ma marw
En hani ne zihun guet un trous quen eahus.
Dihoal, etc.

Me gleu en trumpet hag e lar :
Hum zalhet prest é peb momand :
Hum juget, ha ouilet hou fauteu guet glahar,
Ha ne greinehet quet, pe zei er jugemant.
Me gleu, etc.

Recueil Pourchasse.



ER IHUERN.
Ton : N° 55.

O ineaneu maleurus,
E zou punisset guet Doué,
En ur bassefos eabus,
Epad un éternité,

Laret, laret d’emb-ni,
Péh poènieu e souffret-hui ?

Hà requis-é larét t’oh !
Ne fehé quet Doué ean-memb
Cavèt ur boén calettoh
Eid en hani e ra d’emb.
Allas ! Allas !
Hun tourmanteu e zou bras.

Conzet, ô hui péherion,
En dès qùitteit hou lézen ;
Conzet, ô blasfémerion,
Ha hui, ol tud digampen.
Laret, etc.


Péh un trezor a vangeanç
Dastumet ar hur penneu !
Bréh un Doué lan a buissanç
Hur flastr idan é dauleu.
Allas, etc.

O hui e gâré er bed
Guet é hloër hag inourieu,
Tremeinet-ind èl ur squêd ;
Ne oent-ind trompereaheu ?
Laret, etc.

Dismantet-ind èl moguêd,
Èl en hunéeu trompér,
Hag e lam ag er sperèd
Quentéh èl ma tihunér,
Allas, etc.

Hui péré, dré zecrianç ;
Ha tauleu tead velimus,
E laqué en innocanç
De dremein bout cablus,
Laret, etc.

En airon, en æspigued
E rong, e rongou hemb fin,
Dré dourmanteu diremèd,
Hun teadeu de virhuiquin.
Allas, etc.

O paillardèd maleurus
Ne gâré meit el loustri,
Eid hou pligeadur méhus
É péh maleur é oh-hui ?
Laret, etc.

Eid ur bligeadur infam,
Aveid omb pebéh ur gloès !
É creis ur fournès a flam
Red-é losquein eit jamæs.
Allas, etc.

O hui ne venné jamæs
Pardonnein d’un anemis,
Èl Jesus-Chrouist ar er groéz

Péh fréh e zoug hou maliç ?
Laret, etc.

N’hur boé biscoah pardonnet
Ar en doar d’un anemis ;
Doué ehué n’hur pardon quet
Hag ean hur sco guet justiç.
Allas ! etc.

Ha hui, tud a hourmandis,
En dès, dré hou corvadeu,
Ha dispriset en Ilis
Ha torret hé lézenneu,
Laret, etc.

Eid ur gourmandis méhus
Ne chom guet-n-emb mui ér fin
Meit nan ha séhèd poahus
E badou de virhuiquin.
Allas, etc.

J. G.



AR ER MEMB TRA.
Ton : N° 55.

Hui péré, dré gomplaisanç,
Eit gobér èl er réral,
E goucié hou couscianç
Guet quement a œvreu fal,
Laret, etc.

Rac m’hun nès clasquet pligein
D’en dud quéntoh eit de Zoué,
Ret vou d’emb guet-hai losquein
Épad un éternité.
Allas ! etc.

Hui, ineaneu paresus,
E dremeiné hou puhé
Én arouaregueah méhus,
Hemb gobér nitra eit Doué,
Laret, etc.


O amzér eid omb collet,
Ha collet de virhuiquin :
Lisidandæd milliguet,
Caus oh amen d’hun anquin.
Allas ! etc.

Hui, bugalé hemb dougeanç
Ha dissent doh tad ha mam,
Douguet é bet hon santanç ;
Ha cavet oh-hui divlam ?
Laret, etc.

Dré hun dissentereaheu,
Maleur bras hag hemb remèd !
Couéhet-omb idan tauleu
Hag idan perh en diaulèd.
Allas ! etc.

Hui, tad ha mam dissourci,
E lausqué hou pugalé
De honnèt d’ou fantasi,
De vihuein d’ou liberté,
Laret, etc.

Losquet èl omb guet er flam,
Gronnet èl omb guet en tan ;
Ind e ra de dad ha mam
Er malloheu spontussan.
Allas ! etc.

O hui e daulé termén,
E horté a zé de zé,
Aveit gobér pénigen
Bet er fin ag er vuhé,
Laret, etc.

Ah ! rai bêl hun nès gorteit,
Marhuet hun nès ér péhèd ;
Un Doué just en dès hur scoeit :
Hur maleur zou hemb remèd.
Allas ! etc.

Hui, tud trompér e guhé,
Guet er méh, é covézion,
Er péhedeu e huélé

Doué ean-memb én hou calon,
Laret, etc.

Ah ! miserablèd ma oemb !
Ne gomprenemb quet nezé
Ne chervigé nitra d’emb
Clah trompein en Eutru Doué.
Allas ! etc.

Tud hemb méh, gùir Judasèd,
E zé dré ur boq trompér,
Guet ur galon ér péhèd,
De drahissein hur Salvér,
Laret, etc.

Dré hur goal, Hosti santel,
Mamen a hræce, a vuhé,
Hui zou deit de vout marhuel
Sihoah ! aveid hun iné.
Allas ! etc.

En ihuern é péhani
É tiscarg un Doué vangeour
É dauleu guet rustoni
Ar er miserabl péhour.
Laret, etc.

En tourmant poéniussan
Én ihuern eid en iné
N’en dé quet losquein én tan,
Mæs bout forbannet doh Doué.
Allas ! etc.

J. G.



EN IHUERN.
Ton : Nos 128, 129 ; ton Quelven.

Dischennamb ol, christenion, én ihuern de huélèt
Poénieu cri ha spontus en inenneu dannet,
E zou, dré golér hun Doué, dalhet é creis en tan,
Rac n’ou dès chet bet mirèt lézen Doué ér bed-man.

En ihuern zou un toul dôn ha lan a dihoeldæd ;
Ur huéh couéhet én toul-zé, ér mæz mui n’en dér quet :

En noreu zou bet chairret ha mouraillet guet Doué ;
N’ou digueorou birhuiquin : collet-é en alhué.

Ur forn gôret ér bed-men n’en dé nameit moguêd
É quevér en tan e losq en ineaneu dannet.
Gùel-vehé bout ér forn-zé tré ma padou er bed,
Eit bout abarh en ihuern un ær hemb quin losquet.

Hudal e hrant a bouis-pèn, avel chàss counaret ;
Ne houyant péh léh hum droein, peb léh é mant losquet :
En tan zou ar ou fenneu, en tan zou idan d’hai :
En tan-zé perpet padus, e sàu a bep costé.

Er mab e grog én é dad, hag er verh én hé mam ;
Guet mil malloh ind ou stleij dré ou bleàu creis er flam :
Malloh d’id, mam didalvé, en dès bet hur gannet !
Malloh d’id, tad didalvé, pèn-caus ma omb dannet !

Tra hirrissus ! ou hrohen hag ou hig vou ronguet
Guet bêg en airon eahus ha guet dent en diaulèd.
Hag én tan é vou taulet ou hig hag ou isquern,
Aveit màguein en tan-flam é forn bras en ihuern.

Goudé ma vezeint losquet un herradig én tan,
É veint taulet én ul lèn lan a scorn guet Satan ;
Ag el lèn-cé barh en tan é veint arré taulet :
Déh hag hinihue hag arhoah, ne vou arsàu erbet.

Er ré dannet e ouilou, hag e ouilou guet gloès :
Truhé, ô men Doué, truhé, ni hou pèd dré ou croéz !
Allas, col e hrant ou foén ! rac tré ma padou Doué,
Padein e hrei en ihuern hag ou anquin ehué !

Quer berhuidant vou en tan ou rostou én ihuern,
Ma tei er mél de verhuein pèn-d’er-bèn d’ou isquern.
A pe houlenneint truhé, sèl-mui é veint goasquet ;
Caër ou devezou hudal, losquet e veint perpet.

En tan-zé e zou huéhet dré gounar rust hun Doué :
O tra souéhus ! ean e losq hemb lemel er vuhé !
Birhuiquin ne vou mouguet, birhuiquin ne varhuou :
Guet corveu er ré dannet Satan en astisou.

M. Le Joubioux.



AR ER PURGATOÉR.
Ton : Me gav hir en amzér ; Ouilet, men deulegad.

Hou pet truhé doh-omb, hui ahoel amièd ;
Rac dorn en Eutru Doué ar-n’amb en dès pouiset.
Reit, ô men Doué, repos ha splandér éternel,
D’hun amièd e souffr én ou frison tihouel.

Hui e hoès hur hâret a pe oemb é buhé,
Bermen ma omb ér boén, cresquet hou caranté.
Reit, etc.

Hur péhedeu hun dalh amen pêl doh en nean :
Pêl doh Doué zou hemb quin lehuiné hun inean.
Reit, etc.

Èl en eur ér fournéz, én tan é omb purget
Ag en ol péhedeu en dès hur houciet.
Reit, etc.

Ah ! caër hun nès crial, Doué n’hur cheleu quet mui ;
N’hun nès enta recour quin nameit doh-oh-hui.
Reit, etc.

Peden, yun, alézon, œvreu mad, overen,
Zou receuet guet Doué aveid hur pénigen.
Reit, etc.

A pe vehemb én nean, étal en Eutru Doué,
Aveid oh, amièd, ni er pedou bamdé.
Reit, etc.

J. G.



AR ER MEMB TRA.
Ton : Nos 65 166.

Christenion hun amièd,
É omb er purgatoër dalhet,
Hag a huerço goal dilézet,
Ni hou supli, hur secouret.

Quehet ma oemb bet é buhé,
Doh-oh hun nès bet caranté ;
Bermen doh-omb ingrat ne vet,
Ni hon supli, hur secouret.

Hun tourmanteu e zou brassoh
Aveit ma fehemb larèt t’oh :
É omb é poénieu calet,
Ni hou supli, hur secouret.

Étré ma oh coutant, joéius,
É omb én ur stad truhéus,
Hemb arsàu losquet, tourmantet,
Ni hou supli, hur secouret.

A bep-tu d’emb n’en dès meit tan,
Tan diarhlué, dianeu tan ;
Én é greis é omb arriet,
Ni hou supli, hur secouret.

N’hellamb quet dré hur pedenneu
Bihannat tam hur poénieu ;
Na Doué doh-emb ne cheleu quet :
Ni hou supli, hur secouret.

De goutantein justiç un Doué,
Aveid omb-ni pedet bamdé ;
Dré alézon, mar hur hâret :
Ni hou supli, hur secouret.

Eid omb laqueit overenneu,
Aveid omb hoah groeit yunieu ;
Hag é quement ma hellehet,
Ni hou supli, hur secouret.

A pe vehemb diboéniet,
Ni e chongeou én-oh perpet ;
Ah ! dré druhé, hun amièd,
Ni hou supli, hur secouret.

Diboéniet enta, mem bredér,
Ineaneu queah er purgatoër :
Doh-oh hinihue ou dès recour,
Hui hemb quin e hel ou secour.

Doh-t-hai enta ne vèh quet cri,
Christenion, ni hou supli ;
Brassan alézon zou ér bed
Zou secour er ré tremeinet.

Rec. Pourchasse.



DESIR AG EN NEAN.
Ton : N° 159.

O ty men Doué, palæs lan a splandér,
O baraouis, ô quér a lehuiné !
Pegours en ær ?
Pegours en dé ?
Ma vein én-oh, faç-oh-faç guet men Doué,
Hag é tanhouat azé ol é zoustér !


En hou palæs n’en dès nitra d’andur.
Ha ne gavér guet-n-oh-hui, ô men Doué !
Nameit joé pur
Ha lehuiné,
Ha hui hum blij neoah guet larganté,
É cresquein hoah bamdé ou fligeadur.

Hoah ar en hent, é creis ur vro barbar,
Pêl doh men Doué, ne hran meit huannadein,
Nameit scùil dar,
Nameit creinein ;
Eun bras e mès, allas ! a hum zannein,
Ha ne gavan meit misér ar en doar.

Cannet, e lar en anemis cruel,
Séhet hou tar, arsàuet a ouilein ;
Mæs, Doué santel,
Penaus cannein ?
Quer pêl doh-oh, penaus bout hemb creinein ?
Penaus cârein ur vuhé criminel ?

Palæs men Doué, tabernacl adorabl,
Mar ancoéhan jamæs hou pràuité,
Bréh miserabl,
Doh me hosté
Chomet séhet hemb boulgeal noz ha dé ;
Stag doh me stang, ô tead abominabl !

O me inean, ne gollamb quet couraj,
Er palæs-cé hag ol é lehuiné
Vou hur partaj
Eit mad un dé :
Brér de Jesus, me zou croaidur de Zoué,
É dy enta e vou me héritaj.

J. G.



AR ER BARAOUIS.
Ton : N° 129.

O ni zou hoah ar en douar
Ér brézel ha tristé,
Séhamb ol hinihue hun dar
Aveit chongeal én né.
O na doucet ur bonheur !
Caërret compagnoneah !
Azé, ô me inean peur !
É cavehet er peah.


Azé jamæs ne santér
Hoant, na nan, na séhèd,
Nag aneouit, na tuêmdér,
Na dougeanç, na clinhuèd ;
Azé, speredeu eurus,
Doué memb én é balæs
Doh droug guet é vréh nerhus
Hou coarant de jamæs.

Azé ar é amièd
Doué e scùil hemb mesur
Un torrand a eurustèd,
Ur mor a bligeadur ;
Aveid un éternité
Doué e zou ou bihuanç,
Ean-memb zou ou lehuiné,
Ean-memb ou recompanç.

Drest er Sænt hag en Ælèd,
Guet ur voéh en douçan,
Eid inourein en Drindèd,
Mari e gasse er han ;
Bourrusset ur mélodi !
Doucet ul lehuiné !
O pegours é vehemb-ni
Én hou palæs, men Doué !

J. G.



AR ER MEMB TRA.
Ton : Air connu.

A greis hou joé ha gloër,
Ol Sænt, laret d’emb-ni,
Eit pris a hou victoër
Péh bonheur e hoès-hui ?

Hur bonheur zou hemb par
Ha n’hellér quet larèt
Péh honheur e brepar
Hun Doué d’é amièd.

Mar dé quen admirabl
Hou ponheur dirac Doué,
Discoeit mar d’oh capabl
Lod a hou lehuiné.

Biscoah nitra hanval
Lagad n’en dès gùélet,
Biscoah nitra ingal
Scoharn n’en dès cleuet.

Laret ahoel péh gloër
En dès hou vertuyeu,
Ma n’hellet larèt sclær
Petra-é hou joéieu.

Hemb droug hag hemb dougeanç
Gùélét ha cârein Doué
Adorein é buissanç,
Chetui hul lehuiné.

Hui péré guet couraj
Zou marhuet eid er fé,
Petra-é hou partaj
Eid hou fidélité ?

Ol curunet a hloër
Arlerh hur bout souffret,
Ni e gan ol victoër
Jesus Salvér er bed.

Hui, doctorèd santel,
En dès quement gouyet :
Ar er gloër éternel,
Hà hui zou hum drompet ?

N’en dé quet comparabl
Ol er péh e laremb
Doh en treu admirabl
E zisco hun Doué d’emb.

Hui, hermitèd santel,
Hag énep d’hou corveu
Santélemant cruel,
Petra-é hou joéieu ?

E léh hun ol misér
Hag hur pénigenneu,
Ur mor a joé tinér
E hoalh hur haloneu.

Hui, gùérhiésèd santel,
Ha pur dirac Jesus,
Goudé bout bet fidel
Hà hui e zou eurus ?

Ni zou rac ma omb pur
Er ré dostan de Zoué,
Hag én hur pligeadur
E huél é vajesté,


Hui péré èl Lazar
E zou bet rebutet
Étal dor en avar,
Hàg hou nan zou torret ?

É omb bamdé doh taul
Hun Doué, Crouéour er bed ;
En avar én un taul
En ihuern zou couéhet.

Hui péré guet glahar
E ouilas er péhèd,
Hà chanjet-é hou tar
Én ur gùir eurustèd ?

Guet un dorn charitabl
Hun dareu zou séhet,
Hag én ur joé dalhabl
Hun anquin zou changet.

Mæs, péguehet amzér
É padou hou joéieu ?
Hàg ean ou mesurér
Doh ma oé hou poénieu ?

Bèr-é bet hur souffranç,
Rac Doué memb ou berré ;
Mæs eid hur recompanç
Jamæs fin n’hi devé.

Er péh em discomfort,
Ne huélan meit dangér,
Henteu zou a hep sort
Ha péhani quemér ?

Mar dé hou chonge arriw
Ér joéieu éternel,
D’hou corv étré ma viw
Groeit hemb arsàu brézel.

Mæs ni e gav diæz
Castiein hur horveu ;
Tinér-ind doh er gloès,
Ind e scùéh ér poénieu.

Mar douget rai er boén
E andur hou corveu,
Sellet doh en termén
Hou cassou d’er joéieu.

Recueil Pourchasse.



AR EN TAIR VERTU THOLOGAL.
————


ER FÉ.
Ton : Me fartage vou en nean.

Plèg, ô m’inean, d’er fé ;
Tàu, me raison distér,
Doué n’en dé quet trompér,
Doué zou er huirioné.
Plèg, etc.

Doué memb en dès conzet,
Ha me ræson e lar
Credein hag hemb arvar
Er péh en dès laret.
Doué memb, etc.

Mab Doué deit d’hur salvein
E vihuas ar en doar,
E viracleu hemb par
E hras bean hanàuein
Mab Doué.

Er gueih Apostolèd,
Hemb argand na pouvoër,
En dès streàuet é hloër
Ér puar horn ag er bed.
Er gueih, etc.

Ah ! pihue e gredein-mé,
Mar d’on hoah én arvar
A fæd er péh e lar
Tud e varhue eid er fé.
Ah ! pihue, etc.

Deustou d’en tirantèd,
Deustou d’er marw cruel,
Er gristenion fidel
E garg neoah er bed,
Deustou, etc.


Er bed convertisset,
Deustou d’ol ou hounar,
Zou ur miracl hemb par,
Er brassan vou gùélet
Er bed, etc.

Jesus en dès laret
É vou é peb amzér
Guet é brièd tinér
En Ilis beniguet.
Jesus, etc.

J. G.



EN ESPÉRANÇ.
Memb ton.

Én-oh é espéran,
O Doué lan a zoustér !
A greis men diovér,
Èl en tad tinérran,
Én-oh, etc.

Én-oh é espéran ;
Hou madeleah hemb par
E hra d’en nemb hou câr
Ol er madeu caërran,
Én-oh, etc.

Én-oh é espéran ;
Eit goarn en innocanç,
Me gavou assistanç
Guet-n-oh mar hou pedan.
Én-oh, etc.

Én-oh é espéran ;
Deustou ma on péhour
Doh-oh em hou recour,
Pardon e houlennan.
Én-oh, etc.

Én-oh é espéran ;
Memb é creis me souffranç ;
N’en dé quet dré vangeanç
Men Doué é scoet ar-n-an.
Én-oh, etc.

Én-oh é espéran ;
Hou cræs, ô me Salvér !
E feah er bed trompér
Hag ol ardeu Satan.
Én-oh, etc.

Én-oh é espéran ;
Me Salvér adorabl,
Eit m’inean miserabl
E ra er bris caërran.
Én-oh, etc.

Én-oh é espéran ;
Tennet-mé, Doué santel,
D’er bonheur éternel,
Gùerço en er gortan.
Én-oh, etc.

J. G.



ER GARANTÉ.
Ton : Cheleuet ur Person.

Hui e hoès, ô men Doué, a nitra me zennet,
Dré vadeleah hemb quin hui e hoès me hrouéet ;
Pihue enta e gârein, de bihue é hrein inour,
Doh pihue é sentein-me nameit doh me hrouéour ?

Hui e hoès, ô men Doué, m’en groeit doh hou limaj,
Mar hou câran erhat, hui e vou me fartaj ;
A p’en d’on hou croaidur hag héritour d’hou cloër,
Me zeli hou cârein, ô Tad mat ha tinér !


Hemb oh n’hellan bihuein en distérran amzér ;
Hemb oh en hum gollein ag er hetan dangér ;
Hui em goarn, em honserv, jamæs n’em dilausquet,
Ha mé croaidur ingrat, mé n’hou cârehen quet !

Avel ma chonge ur vam bamdé én hé hroaidur,
Èl-cé é ret ehué bamdé d’ein mâgadur ;
Ha n’hou cârehen quet, ô Tad mat ha tinér !
Em mâg guet larganté é creis men diovér !

Dré béhèd maleurus Adam, hun tad quetan,
A pe oemb ol cablus hag idan perh Satan,
Hui e hoès reit hou Mab aveid hun délivrein,
N’en dé azé erhoah eit gobér hou cârein.

Hou Mab en dès eid on souffret er marw crihan,
Ha scùillet ag é hoaid en dapen dehuéhan ;
Ha mé, péhour digas, mé ne gârehen quet
Un Doué quer mat en dès er hetan me hâret !

Bamdé guet madeleah é ret a lein en nean
Ol er péh zou requis d’em horv ha d’em inean,
Ha ne gârehen quet un Doué largantéus,
E scùil ar-n-an bamdé madeu quer précius !

Laret e mès men guir ha doh t-hou é talhein,
Quêntoh merhuel mil gùéh eit chom hemb hou cârein :
M’hon cârou ar en doar, ô Doué a garanté,
Ha m’hou cârou én nean eid en éternité !

J. G.



ER PÉHEDEU.
————
ER PÉHÈD ORIGINEL.
Ton : N° 20 ; Mar covesset erhat.

Arlerh en dout crouéet dré é hellet hemb par,
Ha guet ur guir hemb quin hag en nean hag en doar,
Anfin doh é limage ha doh é borteled,
Doué e grouéas mab-dén eit bout roué ag er bed.

Mab-dén e oé eurus ér stad a innoçanç ;
É inean oé é peah hag é gorv hemb souffranç ;
Ar ol é zobérieu Doué memb e éhuéhé,
Hag el lonnèd crihan doh é voéh e senté.


Neoah Doué el lacas én ul léh douç ha cloar,
Én ur jardrin hanhuet baraouis ag en doar ;
Azé hur hetan tad e huél er gùé caërran,
Hag e gav a bep-tu er fréh er ré huêccan :

Daibret a ol er fréh e zou amen ér gùé,
Ne zihuennan doh-oh, emé en Eutru Doué,
Nameit fréh er huéèn ag er faus abiltæd,
Mar daibret a nehi hemb manq é varhuehet.

Satan, er serpent couh, perpet lan a ivi,
E zas de gavouèt Èv hag e laras dehi :
Nag é taibrehoh-hui ag er fréh dihuennet,
Ne hoès chet de zougein ha ne varhuehet quet.

Mar daibret ag er fréh e zihuennér doh-oh,
Hui e vou èl Douéèd, hui e vou abilloh ;
Quentéh é tigueorou nezé hou teulegad,
Hag é hanàuehet en droug a zoh er mad.

Èv trompet e sentas doh er sperèd treitour,
Hag e dorras hemb méh gourhemèn hé hrouéour ;
Hi e daulas hé dorn ar er fréh dihuennet,
E zaibras hag e ras de zaibrein d’hé frièd.

Digueor e hras, gùir-é, quentéh ou deulegad,
Hag ind e hanàuas en droug a zoh er mad ;
Ind e huélas er mad ou doé, allas ! collet,
Hag en drougueu hemb par en ou doé méritet.

Rac ma hoès, emé Doué, torret men gourhemén
É sentein doh Satan, chetui hou pénigen :
En doar vou milliguêt, ha mar vennet bihuein,
Ret e vou labourat ha ret e vou huisein.

Un æl e scarh ér mæz hun tad ha mam quetan,
Ha guet ur hlean e splan avel ur goahad tan,
E hoarn en or doh-t-hai eit n’en dênt quet én dro,
Ha d’ou jardrin bourrus é larant quenavo.

Er boén hag el labour, en nan hag er séhed,
Er yeinnion, en tuemdér e za quentéh ér bed :
Ol en dud e varhuou é creis er souffranceu,
Eit monnèt de losquein é creis en tourmanteu.

Adam hur hetan tad ha ni é vugalé
Ne véritemb enta nameit colér un Doué ;
Mæs, dré é vadeleah, Doué é léh hum vangein
E hratas a nezé é Vab eid hur salvein.

J. G.


EN DROUG AG ER PÉHÈD MARHUEL.
Memb ton.

O péhèd maleurus, pèn-caus ol en drougueu,
Te ra er marw d’er horv, te lah en ineaneu ;
Jamæs er marw spontus ne vehé deit ér bed,
Pe n’en déhé mab-dén commettet er péhèd,

Te lam, péhèd marhuel, guet-n-emb caranté Doué,
Te hra d’hun inean col hé nerh hag hé buhé ;
Ha ma ne reparamb dré zareu hun offanç,
N’hun nès quin de hortoz aberh Doué meit vangeanç.

Quént ma oemb péherion, ni hur boé en inour
A vout gùir vugalé de Zoué zou hur hrouéour ;
Mæs, ô péhèd marhuel, hun anemis brassan,
Té hès groeit a han-amb bugalé de Satan.

Crouéet e oemb guet Doué aveit monnét d’en nean,
Ha Jesus ar er groéz e brenas hun inean ;
Ni hun nès é péhein collet hun héritaj,
Ha birhuiquin en nean ne hel bout hur partaj.

En ol œvreu santel groeit épad hur buhé,
Dré er péhèd marhuel zou collet dirac Doué :
Goleit a fallanté hag hemb œvreu santel
Penaus bout receuet ér joéieu éternel ?

Ha n’hur behé-ni groeit meit ur péhèd marhuel,
É vehemb condannet d’er maleur éternel.
Ouilamb enta bamdé hur fauteu guet glahar,
Hag un Doué truhéus e sellou doh hun dar.

J. G.



ER PÉHÈD VÉNIEL.
Memb ton.

Er péhèd véniel ne lah quet en inean ;
Doh en nemb er hommet ne chair quet dor en nean ;
Neoah pêllamb doh-t-hou guet en hirris brassan.
Dougeamb èl er vocen er péhèd distérran.


Ur péhèd ne gredemb ne oé méit véniel,
A pe sellér a dost e zou liés marhuel ;
Red-é enta dihoal guet er brassan sourci
Doh ol er péhedeu, ma ne vennamb fari.

Er péhèd véniel de Zoué e hra offanç,
E huéh a damigueu en tan ag é vangeanç ;
Un Doué tair gùéh santel, er vamen a burtæd,
Ne hel jamæs andur en distérran péhèd.

Er péhèd véniel doh-omb e bêlla Doué,
É garanté doh-omb e yein a zé de zé ;
Goannat e hrér perpet, hag ér pèn dehuéhan
En hum gavér louyet é liameu Satan.

Ma ne vennamb enta couéh ér fauteu brassan,
Dihoallamb guet éhuéh doh er ré distérran ;
Rac a nebedigueu er péhèd véniel
Hur has hemb ne chongeamb bet er péhèd marhuel.

J. G.



AR ER SEIH PÉHÈD CAPITAL.
————
EN ORGUEIL.
Memb ton.

Bout e zou seih péhèd e hanhuér capital,
Rac a nehai é ta er péhedeu aral ;
Peb christén e zeli, ma ne ven col en nean,
Doh er péhedeu-cé goarantein é inean.

En orgueil maleurus, pèn-caus ag er péhèd,
Ag en nean én ihuern e daulas en Ælèd,
Hag e lacas mab-dén de gol é lehuiné,
Rac ma vennas donnèt de vout ingal doh Doué.

Er péhèd a orgueil, péhèd mignon Satan,
E hra credein é vér guel aveid en nessan ;
Un orgueillus hum sàu a galon, a sperèd,
Ha n’en dé meit misér, peurante ha péhèd.

Doué ne hel quet cârein ur galon orgueillus ;
Ean hi sel guet hirris èl un dra dongerus ;

Mæs mar gùél ur galon lan a humilité
É scùil guet pligeadur én-hi é garanté.

Eit feahein en orgueil, ag er gloër ihuellan
Hur Salvér e choégeas ér bed er stad peurran ;
Queméramb enta scùir ar é humilité,
Mar vennamb bout câret hag inouret guet Doué.

J. G.



EN AVARICE.
Memb ton.

En avarice e zou ur garanté rai vras
Doh en eur, en argand, doh er madeu e bas ;
Un avar ne labour meit de dolpein madeu,
Ha ne chonj noz ha dé meit a gresquein é dreu.

Quêntoh aveit dispign ur blanc nag un dinér,
Un avar e chomou én dristan diovér ;
Liès en er gùélér, guet er madeu brassan,
Gronnet a billoteu, é tùein guet en nan.

Un avar ne chonj quet a salvein é inean ;
Staguet-é doh en doar, ne sel jamæs en nean :
En eur hag en argand e zou é lehuiné,
É galon zou guet-hai ha nepas guet é Zoué.

Guet eun a vihannat é dreu hag é drezor,
Doh er peur en dès nan é ma chairret é zor ;
Ag en dir calettan é ma groeit é galon,
Hag é zorn ne houi quet gobér en alézon.

Un avar e rapin a glei hag a zéheu,
Calz ne vern aveit-hou penaus tolpein madeu ;
Mar da treu en nessan ur huéh én é drezor,
Mont e hra d’en ihuern quêntoh eid ou daccor,

Doh en treu ag en doar distaguamb hur halon ;
Revé m’hun nès en tu groamb d’er peur alézon ;
Hag eit madeu distér en hur bou dispriset
Ni vou de virhuiquin én nean recompancet.

J. G.


ER BAILLARDIGUEAH.
Memb ton.

Er péhèd bocennus ag er baillardigueah
E laca calz a dud de gol er santeleah,
Ha quen hirrissus-é mé ma ur méh cleuèt
É misq en dud santel conz ag er baillardèd.

Chongeal guet pligeadur én treu er ré loussan,
Desirein pé gobér en œvreu méhussan,
Cârein er péh e zou contrellan d’er burtæd,
Chetu penaus é péh er ré zou paillardèd.

Sperèd er heih paillard hemh cess e dihoella,
É gas doh er péhèd dé ha dé e hoanna ;
Doh goleuen er fé é chair é zeulegad,
Ha ne houér mui difforh en droug a zoh er mad.

É galon ahurtet bamdé e galetta,
Haval-é doh en dir, ne cheleu doh nitra,
Na doh boéh é gouscianç, na memb doh boéh é Zoué,
Ne chonge é nitra quin meit én é fallanté.

Imbèr é ta dehou ancoéhat é Grouéour,
Ha ne zoug mui de Zoué na respet nag inour ;
De vitin ha de noz ne lar mui a beden
Ha n’en dès mui nitra ag ur vuhé christén.

Èlcé er heih paillard, betag er gouhoni,
E vihue én é béhèd, e varhue én é loustri ;
Dihoallamb a youancq doh er péhèd méhus,
Ma ne vennamb hur bout ur marw quer maleurus.

J. G.



EN IVI.
Memb ton.

En nemb e houyehé ol en droug diremæd
En dès groeit en ivi hag e hra hoah ér bed,
E bêllehé doh-t-hou guet en hirris brassan,
Él ma téhér é raug el lon velimussan.


En nemb zou gouniet é galon d’en ivi,
N’en dès nameit anquin, ne gav meit melconi ;
Lehuiné er réral e zou eit-hou béhus,
N’hel gùélét ou bonheur hemb n’en dé maleurus.

En ivi gùéharal en dès douguet Satan
De durul é misér hun tad ha mam quetan,
Ha huéhet é calon Caïn, quetan multrér,
En hardéhtæd cruel de rein er marw d’é vrér.

En dén santel Jojeb, gùêrhet dré é vredér,
Jesus dré er Juivéd tachet ar er halvér,
Ha calz a dorfæteu ag er ré eahussan
E zou fréh en ivi, péhèd câret Satan.

Mar vennamb enta bout memb ér bed-men eurus,
Dihoallamb guet sourci ne vehemb ivius :
Ouilamb guet hur bredér p’ou gùéhamb én dristé,
Hag a p’en dint eurus en hum daulamb d’er joé.

J. G.



ER GOURMANDIS.
Memb ton.

Er gourmandis e zou lacat é bligeadur
Én daibrein hag ivèt ha lies hemb mesur :
Ur gourmand zou hanval doh ul lon hemb ræson,
Ha guet é gorv é ma é chonge hag é galon.

Er gourmand e zou memb goah aveid el lonnèd :
Arlerh m’ou dès torret ou nan hag ou séhèd,
El lonnèd brutallan e houi hum goutantein,
Mæs er gourmand liès ne houi quet hum vollein.

Gùélet er heih ivraign astennet ér vouillen,
Ol goleit a loustri ag en treid bet er pèn,
Ha hui e hanàuou é ma er gourmandèd
Cand gùéh disprisaploh memb aveid el lonnèd.

É déad e zou foénhuet, é sél e zou béhus,
É zivar e zou manq, é stad e zou méhus ;
E hanal memb e daul ur vlas voér ha ponnér,
Ha peb-unan doh-t-hou e bêlla guet dongér.


Mæs en ivraignereah, méhus eid er bautrèd,
E zou hoah méhussoh cand gùéh eid er merhèd ;
Chongeal hemb quin é hès é misq er gristenion
Merhèd quen digampen e hra droug d’er galon.

Béh réglet a vihan ha pêlleit guet hirris
Doh er gompagnoneah taulet d’er gourmandis,
Ma ne vennet imbér col inour hag inean,
Ha chairrein eit jamæs doh-oh doreu en nean.

J. G.



ER GOLÉR.
Memb ton.

Er péhèd a golér e zou un dérision,
Ur berw goaid hag e sàu én un taul ér galon,
Péhani e laca eid en dra distérran
Mab-dén liés de gouéh ér gounar eahussan.

Ul lion én arfleu e rong hag e zispen,
Èlcé én é golér é ma ehué mab-dén ;
Nitra n’hel en arrest na discar é gounar,
Ha ne zouj mui hanni, nag en nean nag en doar.

É face e zou pourpret, é zivès e chumen,
É vleàu èl serpantèd e hirris ar é bèn,
É zeulegad e splann avel diw goahad tan,
Hag é vampreu e grein avel guet en derhian.

E gonzeu e zou huerhue ha luêm ha vélimus,
Ne gleuér mui guet-hou meit blasfémeu eahus ;
En dispeah, en disput, er vrassan anjulieu
E zou fréh er golér guet calz a broçæsieu.

Mar vennet hum salvein, é ma ret, christenion,
Pêllat doh er golér ha bout douce a galon.
En nemb e gâr er peah e salvou é inean,
Mæs en dén colerus doh-t-hou e chair en nean.

J. G.


ER PARÈS.
Memb ton.

Er péhèd a barès zou un dihoust ponnér
E hra de galz a dud dilézel ou devér ;
Ha quêntoh eit quemér er boén en distérran,
Er paressus e chom én diovér brassan.

Èl m’en dès Doué crouéet er pisk aveit neanual,
Én aibr ag en amzér en einèd eit neigeal,
Èlcen en des crouéet mab-dén eit labourat,
Ha n’en devou bihuanç ma ne labour erhat.

En hani ne ven quet labourat na poéniein,
Revé en Apostol, ne vérit quet bihuein ;
Dihoallamb ol enta doh el lizidantèd
Ma ne vennamb dischen én donnan ézeuéd.

Drest peb-tra feahamb ol en dihoustedigueah
Ag er péh e sel Doué hag hur salvedigueah :
Rac mar dé deliet conservein hur horveu,
Deliettoh-é hoah salvein hun ineaneu.

Ne zougeamb quet er boén én ur chervigein Doué,
Chongeamb éma ur mæstr carguet a larganté ;
Chongeamb é vou ean-memb recompance en inean
En devou ar en doar souffret aveid en nean.

J. G.



ER SACREMANTEU.
Ton : N° 20 ; Mar covesset erhat.

Me grèd en dès Jesus, hemb quin dré vadeleah,
Laqueit seih sacremant eid hur salvedigueah,
Eit lemel er péhèd, eit rein d’emb é hræceu,
Ha ne dennant ou nerh meit ag é vériteu.

Lod, èl er bénigen, e lam er péhèdeu,
Lod aral e gresqua græç Doué ér haloneu ;
Goaid hur Salvér Jesus én ur gouéh én iné
Hi golh hag hi laca de vout câret guet Doué.


Revou de virhuiquin mil bennoh de Jesus
En dès reit d’é Ilis remædeu quen nerhus,
Aveid hun dilouyein a rangenneu Satan
Ha scùil én hur halon er garanté douçan.

J. G.



ER VADIENT.
Memb ton.

Me gred é omb bet ol conceuet ér péhèd
Hag é oemb ol cablus én ur zonnèt ér bed,
Bugalé a golér, idan bili Satan,
Ha n’hur boé de hortoz ag é berh meit en tan.

Mæs ag er péhèd-cé, péhèd originel,
M’inean zou bet golhet ér vadient santel ;
A groaidur de Satan é on croaidur de Zoué,
A groaidur a golér, croaidur a garanté.

A p’en d’on hou croaidur, ô Tad a vadeleah,
Me hratta d’oh dihuen perpet hou ranteleah,
Hac hemh dougein nitra, pas memb er marw crian,
Gobér brézel d’er bed, d’er hig ha de Satan.

J. G.



ER GONFIRMATION.
Memb ton.

Er vadient hur groa guir vugalé de Zoué
Ha d’en Ilis santel, hériterion d’en né ;
Mæs, sihoah d’emb ! goann-omb ha carguet a visér,
Hag ér bed ne gavamb a bep-tu meit dangér.

Er gonfirmation zou bet instituet
Eit ma vehemb hardéh, avel gùir soudardèd,
D’hobér brézel d’er bed, d’er hig ha de Satan,
Ha de zoug er victoër dré nerh er Sperèd-glan.

Béemb enta courajus de ansàuein er fé
Nag é vehé ret t’emb eit-hi col er vuhé,
Ha dihoallamb jamæs, én ur chervij Jesus,
A zougein disprisance er béherion goapus.

J. G.


ER SACREMANT AG EN AUTER.
Memb ton.

Me grèd en dès Jesus, en noz memb quênt merhuel,
Groeit ag é Gorv eid omb ur vâgadur santel,
É ma ér sacremant ha gùir dén ha gùir Doué
Aveid hur honfortein ha mâguein hun iné.

Me grèd hoah en hum offr bamdé ar en autær
Ér stad é péhani é oé ar er halvér,
Èl un hosti santel, guet ol é houlieu,
Eit m’hur bou guet e Dad pardon ag hur fauteu.

Deustou m’en dès en dud hou staguet doh er groéz
Hag hou laqueit d’er marhue é creis er vrassan gloéz ;
Eit ne vehemb quet bet neoah énevadèd,
Vennet e hoès, Tad mad, chom én hur misq perpet.

Sacremant adorabl, gùir vamen a vuhé,
Ne gavér ar en doar meit én-oh lehuiné :
Jesus én-oh cuhet zou hiniw mem bihuanç,
Revou, hemb bout cuhet, un dé me recompanç.

J. G.



ER SACREMANT A BÉNIGEN.
Memb ton.

Arlerh er vadiènt é oemb pur ha santel ;
Mæs, quênt pél couciet dré er péhèd marhuel,
Ni hur boé hum daulet é liameu Satan,
Ha ne véritemb mui meit er poénieu brassan.

Me grèd en dès Jesus eid omb instituet
Ur sacremant e zou er bénigen hanhuet :
Aveit m’hur behé bet guet é Dad er pardon
Ag er péhedeu groeit ag en ouaid a ræson.

Me grèd é ma requis d’en ol eid er receu,
Mar dès tu d’er gobér, covessat er fauteu,
Guet en anquin brassan, ur gùir gontrition,
Hag ahoel en desir d’hobér satisfaction.


Mil bennoh de Jesus ! hemb d’hou é oemb collet
É creis en houlenneu ag ur mor counaret ;
Mæs é creis en dangér é chom er bénigen,
Èl, guet en dud a vor, én naufrage, ur blanquen.

J. G.



EN NUÉEN.
Memb ton.

Me grèd é teliér en nuéen d’er ré clan
E huélér é tostat d’ou zermén dehuéhan,
Eit soulagein ou horv, eit crihuat ou iné,
Hag eid ou honfortein én ou stad a dristé.

En nuéen e achiw golhein en ineaneu
Ha restage er péhèd, ha memb er péhèdeu
Ne vehent quet bet hoah lamet ag er galon,
En nuéen ou effaç guet er gontrition.

En nuéen e secour én termén dehuéhan
D’hobér brézel d’er bed, d’er hig ha de Satan,
E ra d’emb confiance én ur momand quer garw,
Ha nerh d’hum hoarantein doh er spont ag er marw.

En nuéen e huella hur horveu a glinhuèd,
Pe juge en Eutru Doué é ma mat er yehèd,
Ha de gresquein é hloër ha de rein d’er ré clan
Amzér de véritein er recompanç caërran.

Reit-t’emb ol, ô men Doué ! quênt rantein hun inean
Ha quittat er bed-men aveit monnèt d’en nean,
Er bonheur de receu en nuéen ér stad vat,
Aveit ma yehemb pur dirac hou teulegad.

J. G.



EN EURH.
Memb ton.

Er sacremant a eurh zou bet instituet
Aveit consacrein tud a berh Jesus choéget,
Hag aveit rein dehai ol er hræçeu requis
Aveit derhel é léh ha condui en Ilis.


Èlcen é vou perpet predéguet é lézen,
Ér puar horn ag er bed laret en overen,
Reit er sacremanteu ha discoeit hent en nean
De biw-benac en dès sourci ag é inean ;

Trugairé d’oh, Jesus, hou pout instituet
Er sacremant a eurh, aveit ma vou perpet
Bugulion d’hur hondui beta n’en dei en dé
Ma vehemb én abri guet-n-oh é lein en né.

Groeit enta ma vehemh ol fidel a galon
De cheleuèt perpet doh boéh hur bugulion :
Hui e lar, én ur gonz ag en dud a ilis,
Piw-benac hou coapa, em goapa, em dispris.

J. G.



ER BRIÉDEREAH.
Memb ton.

Doué en dès, eit poblein hag en doar hag en né,
Hag eit feahein er marhue e sco é vugalé,
Idan er bodeu cloar a jardrin en Eden,
Vennet gobér ean-memb er guetan éreden.

Ha Jesus en dès bet vennet dré vadeleah
Gobér ur sacremant ag er briédereah,
Aveit santefiein ol en allianceu
Groeit revé el lézen étré er priédeu.

Er sacremant e ra dehai græceu requis
Aveit bihuein santel, gouni er baraouis,
Hum gârein revé Doué, goarn étré-z-hai er peah,
Dessàu ou bugalé ér fé a gristeneah.

Laqueit, ô me Salvér, er peah ér ménageu,
Streàuet hou caranté é misq er priédeu,
Aveit ma câreint Doué ha m’hum gâreint perpet,
Èl ma câret hui-memb en Ilis hou priéd.

J. G.



ER BEDEN.
Ton : N° 52.

Hemb græce ha secour Doué
N’en d’omb meit peurion,
Hag er peur e houlen bamdé
Guet er pinhuiq en alézon.


Peur omb, ô me inean ;
Laramb enta de Zoué :
Hun Tad, péhani zou én nean,
Hou pet chonge a hou pugalé.

Rein e hramb mil bennoh
D’hou ç’hanw douce ha santel ;
Rezei hoah de vout santelloh
Dré hur buhé perpet fidel.

Hui zou en Doué a beah,
Ni e hra d’oh un tron ;
Sàuet enta hou ranteleah
Én diabarh a hur halon.

Vennein e hramb gobér
Perpet hou volanté ;
Perac, ô men Doué, ne sentér
Querclous ar en doar èl én né ?

Hun Tad e zou én nean,
Ni zou hou pugalé,
D’hur horv enta èl d’hun inean
Reit ou mâgadur a bep dé.

Avel ma pardonnamb
D’en ol ou offanceu,
Guet-n-oh ehué é houlennamb
Er pardon a hur péhedeu.

Er bed, er hig, Satan
E ven hur hol bamdé,
É omb én dangérieu brassan,
Goarnet-ni épad hur buhé.

Ha hui, ô mam tinér,
Gùérhiès glan ha divlam,
A p’en d’oh mam Jesus hur brér,
Hui zou enta ehué hur mam.

Salud enta, Mari,
Mari, lan a hræceu,
En Eutru Doué zou guet-n-oh hui ;
Dré-z-oh é ra d’emb é vadeu.

Hui e zou beniguet
Adrest ol er groagué ;

Ha Doué en dès bet hou sàuet
D’er rang ihuellan ag en né.

Beniguet-é Jésus,
Er Mab e hoès douguet ;
É ma ar un tron ligùernus,
A zéheu d’é Dad azéet.

Mam de Zoué, perpet glan,
Mari douce a galon,
Bermen hag én ær dehuéhan,
Pedet aveit omb péherion.

J. G.



AR ER MEMB TRA.
Ton : N° 70.

O Crouéour en nean hag en doar !
O men Doué, a galon m’hou câr,
Ha me grèd hou calhuein me Zad,
Rac ma oh mat.

Hou ç’hanw santel revou mêlet,
Mêlet ér puar horn ag er bed !
Guet grèd me rehé mem buhé
Eid oh, men Doué.

Perac, men Doué, n’en d’oh câret
Guet en ol dud e hoès crouéet,
Câret ar en doar èl én nean
Guet peb-unan.

Me ven larèt, a p’em bou joé,
Mil gùéh, ô men Doué, trugairé !
Mar em bé poén, me vêlou hoah
Hou madeleah.

Bamdé hui e ra d’en einèd,
Doué truhéus, bamdé ou boéd !
Ah ! bamdé, reit-t’ein mé ehué
Boéd, ô men Doué !

Eit me horv boéd e houlennan :
Mæs drest peb tra boéd d’em inean ;

Goulennein e hran hou cârein
Tré ma vihuein.

Hag en devehé me nessan
Me zrezet el léh tinérran,
Dehou, ô men Doué, me bardon
A greis calon.

Pe zei en diaul guet é ardeu
Eit me louyein én é laceu,
Doh peb droug, Doué a garanté,
Ah ! goarnet-mé.




TAIRVÈD LODEN.
————
Doué mêlet én é œvreu, santimanteu a gonversion hag a zevotion.




MÊLEIN DOUÉ
DRÉ EN ARBEN AG EN TREU CROUÉET.
Ton : N° 109.

Einedigueu, cannet puissanç
Un Doué quer mat, crouéour er bed :
Laret é teli bout câret,
Perpet dré bréféranç.

Estig, idan hou podig cloar,
Laret m’er hâr hag en dasson,
Idan er hoéd hag ér hanton,
E respondou, m’er hâr.

Dispar ha canvus truhunel,
Mêlet Doué, rac nitra douçoh :
Me zeli huannadein èl-oh,
Mæs n’en d’on quet fidel.


Ahuélig cloar, amzér bourrabl,
Glàuigueu douç ha glouéhen flour,
Mêlet ol hou Toué, hou Crouéour,
Partout quen admirabl,

Ér pradeu glas, én un dremén,
Riolennig sclær, mêlet Doué,
Avel-oh é ridamb bamdé
D’hun dehuéhan termén.

Peb-tra ér parqueu e bourfit :
Amen me huél bleu, me huél fréh ;
Me lar guet anquin ha guet méh :
Me chom mé hemb mérit.

Me huél ur boquet é sehuel,
Én un dé é couéh hag é houiw,
Quentéh èl d’hou, marcé hiniw,
É vou ret d’ein merhuel.

Mor furius, abym horribl,
Hui em disq de zougein men Doué,
Èl-oh, én é golér ehué,
É ma un Doué terribl.

Brogon, gurun, harnan tihouél,
Annoncet pouvoér hou Crouéour,
E hel dismantein er péhour,
Èl er peudr én ahuél.

Aben d’er manné, riviér,
E laren ém hourage un dé,
Mar da mui d’ein offancein Doué,
Retornet guet hou hér.

Ah ! riviér, montet a bress,
Ridet d’er vamen e gùittet ;
D’em guir en e mès bean manquet,
Péhein e hran hemb cess.

Èl ur harhue e glasq en deur cloar
Aveit hum soulagein d’en han,
Èlcé, men Doué, hou clasq e hran,
Soulaget men glahar.

Mêlet Doué, loër, stirèd ha hiaul,
Mêlet Doué, ha doar hag einèd,

Mêlet Doué, ha mor ha piskèd,
Mêlamb-ean ol d’un taul.

Hui zou, ô Doué, m’ol espéranç,
Deustou ma on croaidur ingrat ;
Péhour-on, mæs hui zou me Zad,
Raccé me ol fianç.

Rec. Pourchasse.



EN INEAN
pêl doh compagnoneah en dud, hum sau trema doué.
Ton : Nos 78, 106, 107.

Léh a surté d’en innoçanç,
Mæzeu caër, parqueu, pradeu flour,
Mêlamb madeleah ha puissanç
Hun Doué, hor mæstr hag hur hrouéour.

Ean e hra d’er hiaut-men sehuel
Hag ou goarnis guet mil boquet :
Pihue-é el lihuour hag e hel
Gobér un dablen quer parfæt ?

Amen tranquil a gouscianç,
Én un deserh groeit eit pligein,
Me chervij men Doué hemb néhanç,
Ne chongean meit ag er hârein.

Doh troéd ur huéen youanq ha fresq,
Me scrihuas déh : me gâr men Doué ;
Bamdé en huéen-cé e gresq,
Me haranté e gresq ehué.

En hiaul e ra d’emb ol splandèr
Ha tuêmdér d’en éd de gresquein ;
Doué e ra d’em sperèd sclærdér,
D’em halon tuêmdér d’er hârein.

D’en nehué-han, guet pligeadur,
Me huél guet er glouéh ag en nean
É tigueor ros ha gùen ha pur,
Revou gùen ha pur me inean !

Einedigueu, mêlet puissanç
Hur Hrouéour én hou mélodi :

M’hou cheleu perpet hemb dougeanç ;
N’en dès chet droug én hou can hui.

Er gùérén a p’ou zracassér
E biq ha memb e lausq ou flêm ;
Faus joéieu a p’hou quemérér
Ne lausquet meit rebreicheu luêm.

Riolennig, bamdé te gresq,
Én ur ridêc guet men dareu ;
Allas ! ha gamdroïeu em desq
D’em bout quæ a me fal droïeu.

R. Pourchasse.



EN TREU CROUÉET HUN DOUG DE ZOUÉ.
Ton : Nos 52, 53, 54.

Amen pêl doh en trous
Ha doh saffar er bed,
Er mæzeu caër em disq querclous
Èl en abillan Doctorèd.

En doar ne ra bihuanç
Ma ne vé labouret :
N’em bou ehué me recompanç
Meit revé m’em bou poéniet.

Labour hag apertis,
Er gùérén a vitin
Em dihun hag em avertis
De chongeal ér madeu divin.

Ur hoèhig e avanç,
Hemb clasq er boquetteu :
Perac ridèc d’em deverranç
Ha lezel men devérieu ?

En devènd e aboeis
Doh boéh er vugulion :
Perac d’er ré em avertis
N’aboeissehen-mé a galon ?

Er gùé bras én ahuél,
A bep tu zou fouettet :
Couéh e rein mar sàuan ihuél :
Surroh vou ur vertu cuhet.


En deliàu-rid e gresq
Hag e stag doh er gùé :
Èl deliàu, fragil-on ha bresq
Ma n’hum zalhan staguet doh Doué.

En dasson em respond
Ér hoêd a p’er galhuan :
Doué em galhue ha liès ér fond
Ne hran quet seblant é cleuan.

Er boquetteu e sàu
Hag e séh én un dé :
Allas ! ne vihuein quet attàu,
Peb pas e verra mem buhé.

Ol en einèd e gan
Mélodi d’ou Hrouéour :
Hag er grèd ou dès em hondan
Ma ne hran tout én é inour.

Tout enta eid hou cloër,
O Doué a garanté !
Poén, labour, fatig ha misér,
Bermen hag épad mem buhé.

Carnet-on d’en tuêmdér
Idan en hiaul d’en han ;
Mæs goah en dès bet me Salvér,
Ha goah mil gùéh e véritan.

Crisset-on guet er frim
Hag er scorn d’er gouyan ;
Mæs cablus a bep sorte crim,
Goah mil gùéh hoah e véritan.

Recueil Pourchasse.



SANTIMANTEU A GONVERSION.
Ton : N° 86.

Doué offancet dré vil folleah
E vérit é vangeanç,
E za ean-memb d’offrein er peah
D’er péhour en offanc.

Croaidur ingrat, te hra hemb méh
D’ha dad brézel cruel :
Ha dad e bar er seah a gouéh
Ar ha bèn criminel.

Ean e souffr hur fauteu brassan,
E huannad ar hur houst :
N’hel quet ancoéhat hun inean
Na pé quer kir e coust ;
É creis hur brassan disordreu,
Ean e glêm hur misér,
Hag un dapen a hun dareu
E zistan é golér.

Èl un tad mat, péhour calet,
Hoah én ha ç’avertis,
Sèl, em’ean, en tan allumet
Eid ous dré me justiç.
Ma n’hellès sellèt hemb creinein
Tan quen épouvantabl,
Chonj ne fautou eid er mouguein
Meit dareu véritabl.

Mar fal d’id disarmein é vréh
Hag arrest é vangeanç,
Dès, hum daul doh é dreid guet méh,
Guet quæ ha confianç.
Ma n’hellès ingalein erhat
Doh ha faut ha hlahar,
Ean e gaigeou eit ha nettat
É hoaid pur guet ha zar.

Pourfit ag é hoaid précius,
En Ilis en accord :
En dé-men zou eid ous eurus,
Dé a visericord :
Hanàu é hra dré vadeleah
Er guetan en avanç :
Pé retorn, pé vangeanç ha seah,
Ne hès quin retiranç.

Er gurun e gorn ar ha bèn,
Ah ! péhour hum aprest,

Guet chif, anquin ha pénigen,
Eid assai en arrest ;
Dès, ha covessa peb péhèd,
Guet glahar véritabl,
Ne scoei quet un inean golhet
Én é hoaid adorabl.

Couéh e hrès dré ha fal deicheu
É liameu cruel,
Ha ne gavès ér fal joéieu,
Meit gloès continuel ;
En imur, er vod hag er bed
E dromp guet ou doustér,
Hag ur huéh m’ou dès gouniet
Ind e zalh é misér.

Er faus joéieu e bresantant
Zou ur pussun sontil ;
Er haloneu p’ou hemérant
Ne vent jamæs tranquil ;
Ou havein e hrér de guetan
Quen douce avel er mél ;
Mæs, allas ! ér fin dehuéhan
Ou doustér zou marhuel.

Dès, péhour, ha retorn de Zoué
Tosta guet confianç :
É zorn e asten guet truhé
Eit rein d’id assistanç ;
Renonci a grén d’er péhèd,
É anemis cruel,
Pardonnet-vei ha conduyet
D’er bonheur éternel.

Rec. Pourchasse.



DEVIS ÉTRÉ JESUS HAG EN INEAN.
Ton : N° 56.
Jesus.

Bet pegource, inean dissent
E resistei-té hemb méh ?
Hag attàu é vei-té nænt
Doh en doustér a mem boéh ?

En inean.

N’hellan quet torrein a hèr
Me liameu clommet-mat ;
Guet truhé doh me misér,
Men Doué, gorteit un herrad.

Jesus.

M’ha solit a bêl-amzér
D’hum zacor d’em haranté,
Ha te zispris men doustér
É terèn a zé de zé.

En inean.

Em bout e hran pligeadur
É héli men goal deicheu ;
Ha me hum blige é andur
Er bouis a me rangenneu.

Jesus.

Te gâr hemb méh ha sclavaj
Ha te gav caër hum zallein,
Hemb sellèt en avantaj
E gavér doh me hârein.

En inean.

Ya, quement-cé e zou gùir
Ha guet méh en er gùélan :
Hou cârein zou men desir,
Neoah er boén e zougean.

Jesus.

Hà perac dougein er boén ?
Douge a la fin me holér ;
Douge, én un durul termén
Ne scùéhehé men doustér.

En inean.

Er bed zou lan a zoustér,
Ean e hra me lehuiné ;
Mar er huittan, me Salvér,
Ne gavein nameit tristé.


Jesus.

Ne huélès-té ar ha goust
Péh quen trompus-é er bed,
Ha hoah péh quer kir é coust
Er folleah ag er péhèd !

En inean.

Er joé n’en dé quet dalhabl,
Mæs vat e hra d’em halon ;
Ha ma n’en dé véritabl,
A pe mès-ean coutant-on.

Jesus.

O dalledigueah hemb par !
Un inean crouéet eit Doué,
Ha ne gav meit ar en doar
Hé joé hag hé lehuiné !

En inean.

Penaus vou d’ein hum ziloui
A laceu me fallanté ?
Secouret-mé, m’hou supli,
Ha reit nerh d’em volante.

Jesus.

Ya, inean é glahar,
M’ha secourou mar carès
Qùittat faus joéieu en doar
Ha me hârein de jamæs.

En inean.

O faus joéieu ag en doar,
Quenavo d’oh e laran ;
Me gârou en Doué em hâr,
Birhuiquin n’en n’ancoéhan.

R. Pourchasse.



DOUÉ E GOUVI ER PÉHOUR
D’HUM GONVERTISSEIN.
Ton : Reviens, pêcheur.

Distro doh-on, bamdé en ha calhuan,
Distro, péhour, doh en tad tinérran ;
Doh ha Grouéour, ha Salvér hag ha Zoué,
Doh er vamen ag er gùir lehuiné.


N’én d’ous-té scuèh é chervigein er bed ?
Ean e hratta ha joé hag eurustèd,
Ha ne gavès, sihoah, guet en trompér,
E léh er joé meit er vrassan misér.

Er faus joéieu e dremein èl ur squèd
Hag é vadeu hum zistreah él moguêd,
Ha ne lausquant ér galon bet er fin,
Nameit er méh hag er vrassan anquin.

Me huél t’inean couciet d’er péhèd
Ha deit de vout logeris en diaulèd :
É ma er spont hag en dé hag en noz,
Hemb n’hel cavouèt er peah hag er repoz.

En hum huerhet hi dès d’em anemis,
Hag hi e grein guet eun a me justiç :
Hi er goni reih, serviterion Satan,
Arlerh er marhue, e vou losquet én tan.

Gùélet e hra Satan étal é zor,
Hag en ihuern aveit-hi é tigueor :
Gùélet e hra poénieu er ré dannet,
Hag én ihuern ul léh eit-hi goarnet.

Qùitta, péhour, ur stad quer maleurus,
Cheleu doh boéh un tad carantéus,
Doh ha Grouéour, ha Salvér hag ha Zoué,
Doh er vamen ag er gùir lehuiné.

J. G.



AVISEU EIT RETORN DE ZOUÉ.
Ton : N° 57.

Mal bras-é d’oh, péhour,
Distroein doh hou Crouéour (bis).

Mal bras-é d’oh, péhour,
Distroein doh hou Crouéour (bis).

Hemb asten termén davantaj,
Deit hum rantet de Zoué, hou Tad,
E ven hou tennein a sclavaj,
Mar sentet hoah a galon vat.
Mal bras-é d’oh, etc.


Eid ur bligeadur miserabl
E heller cavouèt é péhein,
N’en dé ur folleah véritabl
Troein cain de Zoué eid hum zanein !
Mal bras-é d’oh, etc.

Doué, bermén mæstr ha mat ha douç,
E vou quênt pêl juj hemb truhé ;
Péh hardéhtèd enta em pouss
D’en offancein èlcé bamdé ?
Mal bras-é d’oh, etc.

Hanàuet hou folleah hemb par,
Troeit cain anfin d’hou fal deicheu ;
Ouilet guet anquin ha glahar
Ha dirac Doué hou péhèdeu.
Mal bras-é d’oh, etc.

Doh ur vuhé lous hag infâm
Bet bermen mar e hoès dalhet,
Dangér e hoès a gouéh ér flam ;
Mæs, ô folleah ! ne chonget quet.
Mal bras-é d’oh, etc.

Er stad quen trist m’hum gav hiniw
Hou ç’inean peur dign a druhé,
Seblantein e hra hoah bout biw ;
Mæs marhue-oh guerço dirac Doué.
Mal bras-é d’oh, etc.

Méritein e hra hou maliç
Er vrassan punitioneu :
Ha, ma ne changet, é justiç
Quênt pêl hou mâlou a dauleu.
Mal bras-é d’oh, etc.

Sammet ma oh a bep sort crim,
Pe laquehé fin d’hou puhé,
Ne gouéhehoh-hui én abim
Aveid ol un éternité ?
Mal bras-é d’oh, etc.

Penaus bout èl-cé hemb dougeanç
Ar vorden en tan éternel,

E vou hou partage, hemb doutanç,
Mar marhuet ér péhèd marhuel !
Mal bras-é d’oh, etc.

Mar vennet hum den a sclavaj,
Qùitteit enta hou fal deicheu ;
Rac mar terénet davantaj,
É crihuei hoah hou rangenneu.
Mal bras-é d’oh, etc.

Dén fariet, peur miserabl,
Ah ! perac hoah gortoz pêlloh ?
En amzér e zou favorabl ;
Distroeit : Doué e rei pardon d’oh.
Mal bras-é d’oh, etc.

Ne hret quet pêlloh disprisanç
A vadeleah hemb fin hou Toué ;
Rac sur-é a dennein vangeanç
Mar dispriset é garanté.
Mal bras-é d’oh, etc.

M. Le Diot.



STAD TRIST
É PÉHANI EN HUM GAV ER PÉHOUR, HAG EN DESIR EN DÈS DE CHANGEIN.
Ton : Infortunés ! ô vous qui de vos larmes.

En dé zou caër, en hiaul lan a splandér,
Er boquetteu e holo er pradeu :
Deit-é en han, péhani e hoantér,
A pe vér clan, guet calz a huannadeu ;
En druhunel e zou deit de gannein
Étal men dor, aveit me lehuiné ;
Mæs nitra mui ne hel me honfortein :
Clan ha clemmus attàu é me iné !

Peb tra ér bed e hré me fligeadur,
Pe yen, youanq, d’en ilis eit pedein :
Gùen-oé m’inean a bep couciadur !
En amzér-zé e zou oueit pêl doh-ein.
En æstig-noz e sàu perpet é voéh,
É voéh quer caër bermen avel nezé ;

Ean e hra hoah étal men dor é néh :
Clan ha clemmus attàu é me iné !

Er boquetteu e sclinguern de vitin,
Ha quênt en noz en ou gùélér gouivet !
Èl boquetteu, quênt pêl é tremeinein !
Quênt pêl e vein é mum bé astennet !
Ne hran quet forh : dès, ô marhue ! d’em hemér
A pe garei : lam guet-n-ein mem buhé !
Rai hir-é bet, rai hir-é me amzér !
Clan ha clemmus attàu é me iné !

Èl un noz dû, tihoel-é me halon ;
É me speréd ne za mui a sclærdér ;
Na dé na noz n’en dès a beah eid on !
Perpet glahar, gloès, anquin é peb ér !
A pe sàuan, ne gavan meit glahar,
Glaharet on a pe yan ém gulé,
Ha mem bara e hluban guet men dar !
Clan ha clemmus attàu é me iné !

A pe hra trous en ahuél d’er gouyan,
Pe ne huéler én nean stiren erbet ;
Pe gorn er mor guet é voéh eahussan,
Calon mab-dén guet er boén zou mouguet !
Treboulettoh é hoah calz me halon !
Er goal-amzér ne drouse quet bamdé ;
Mæs en anquin, deh, hiniw zou eid on !
Clan ha clemmus attàu é me iné !

É pad en noz, dirac men deulegad,
O tra scontus ! é ha, é ta ur squèd !
Mem bleàu e sàu ! pedet eid on, tud vat !
Doué hou cheleu, pedet eid on, pedet !
Avel aguênt, oh ! p’hellehen pedein !
Oh ! p’hellehen larèt me zad d’em Doué !
Men Doué, me zad ! nann, n’hel mui me hârein !
Clan ha clemmus attàu é me iné !

Péhet e mès : èl un aër divalàu,
Péhèd méhus, te zaibre me halon :
Ha flêm em losq ; m’iné peur zou attàu
Avel en tan : ne houyan mèn é on.
N’en dès quet peah eit m’iné couciet !

Aveid en diaul, me mès lausquet men Doué !
Hag a houdé é on bet poéniet :
Clan ha clemmus attàu é me iné !

Pe za en noz, guet dougeance é laran :
Pe varhuehen en noz-men ! De vitin :
Ma ne huélan pèn en dé ! guet Satan
É vein, allas ! én tan eit birhuiquin !
Eit birhuiquin ! spontet-é me sperèd
A pe chongean ar er guir eahus-cé !
Bout én ihuern, én tan, guet en diaulèd :
Clan ha clemmus attàu é me iné !

Eid ancoéhat en tan perpet padus,
D’em deverrance e mès peb-tu ridet :
Eit quement-cé, buhé dirèh, méhus,
Guet tud èl on, e mès bet héliet !
Mæs inep d’ein, dirac men deulegad,
Un dorn lorhus é peb léh e scrihué :
En ihuern zou eid ous, péhour divat !
Clan ha clemmus attàu é me iné !

Mèn é ma oueit en amzér quer bourrus,
Amzér, allas ! eid on bean tremeinet,
A pe vihuen d’em Doué, léal, sentus !
Ah ! me halon nezé ne greiné quet.
Perac enta, aveit héli Satan,
En e mès-mé troeit cain de lézen Doué ?
Idan er bouis ag er boén ponnérran
Clan ha clemmus attàu é me iné !

Oh p’hellehen ouilein me zorfæteu
Ha tinérrat eid on calon men Doué !
Oh p’hellehen, guet ur mor a zareu,
Golhein m’inean ag hé ol fallanté !
Mæs er madeu e za ol ag en nean,
Ha chairret-é en nor aveid on-mé.
N’en dé quet gùir ! en dapen bihannan
A hoaid Jesus e huennou me iné.


PRIS ER SALVEDIGUEAH.
Ton : 130.

Labouramb aveid hum salvein,
Nag æsset-é d’en nemb e gar !
N’hum sourciamb a nitra quin,
N’hun nès quin affær ar en doar (bis).

Ma n’hum salvamb, ma n’hum salvamb,
Chongeamb erhat,
Nitra ne hramb é labourat (bis).

Mar manquér er salvedigueah,
Péh ur hol e hrér ! péh dommaj !
Col e hrér Doué, é ranteleah :
En ihuern e vé eit partaj (bis).
Ma n’hum salvamb, etc.

Petra-é gouni ol er bed,
Mar dér a col en inean peur !
Ha hoah de jamæs, mar bé ret,
Losquein én ihuern, péh maleur (bis) !
Ma n’hum salvamb, etc.

Nitra ne vérit hur sourci
Nameit er vuhé éternel ;
Ol er rest e zou un hoari
Hag é gùirioné bagatel (bis),
Ma n’hum salvamb, etc.

Aveid ol un éternité,
E vér eurus pé miserabl :
Ah ! spontusset ur huirioné !
Ne rant-hi er bed disprisabl (bis),
Ma n’hum salvamb, etc.

Ag er huirioné-men, groeit t’emb,
O men Doué ! hur bout chonj hemb cess :
Ah ! groeit, m’hou pèd, m’hum salvehemb,
Coustet e goustou, dré hou cræç (bis),
Ma n’hum salvamb, etc.

M. Le Diot.


ER HRISTÉN HUM DOUG DE LABOURAT
aveid é salvedigueah.
Ton : N° 158.

Hum bressamb d’hobér
Guet grèd hag hirreah (bis)
Hur salvedigueah ;
N’hun nés ér bed quin affær
Meit clasq a vihan
Ranteleah en nean (bis).

Doué doh é limaj
En dès hur hrouéet (bis) ;
Ean nepas er bed
E zeli bout hur partaj,
Raccen a vihan
Clasquamb hent en nean (bis).

Péh ur hol cruel !
Col eit mat hun Doué (bis),
Hur bonheur, hur joé ;
Col er vuhé éternel !
Raccen a vihan
Salvamb hun inean (bis).

Er madeu, avar,
E zou ha vonheur (bis),
Eid argand hag eur
Te drézehé mor ha doar ;
Mæs ni a vihan,
Ni e glasque en nean (bis).

Coutant ha zesir,
Péhour corromplet (bis),
D’el loussan péhèd,
Ah ! consacre ur vuhé hir :
Eid omb a vihan
Ni e glasque en nean (bis),

Clah hemb quin inour,
Té, dén glorius (bis),
Hum zall, hum abus
Guet moguêd er bed traitour ;
Eid omb a vihan
Clasquamb gloër en nean (bis)

Nitra ne hanval
Doh er beuranté (bis),
En humilité,
Er burtæd caër èl cristal ;
Guet-hai a vihan
Clasquamb gloër en nean (bis)

Hui, tud miserabl,
Hum blige ér péhèd (bis),
Ah ! mar desiret
Én nean ul léh inourabl,
Guet un a fari,
Deit, héliet-ni (bis).

M. Le Diot.



ER PÉHOUR HUM ZACOR DE ZOUÉ.
Ton : N° 171.

Chetui amen, ô Tad a garanté,
Er heih prodig e glasquoh noz ha dé ;
Ne mès cavet é creis er bed trompér
Nameid anquin hag er vrassan misér.

Collet e mès hou cræce ha caranté,
Me inean zou ér vrassan peuranté ;
E creis er spont hag é creis er glahar,
Men deulegad e zou carguet a zar.


Anquin e mès a me faut tremeinet,
Me houi e mès inep d’oh-hui péhet ;
Mæs ancoéheit, ô men Doué, me fauteu
Ha ne sellet nameit doh men dareu.

Creinein er hran guet er hrassan hirris
Dirac oh-hui, ô juj lan a justiç,
Ne gredan mui sehuel men deulegad,
Ne gredan mui larèt é oh me Zad.

Mèn é hellein meit guet-n-oh-hui, men Doué,
Mèn é hellein cavèt me lehuiné ?
Chomet e mès rai bêl hemb hou tougein,
Rai hir amzér, allas ! hemb hou cârein !

Mæs pe vennet hiniw me fardonnein,
Me lar men guir ha doh-t-hou é talhein,
Nitra n’hellou m’en disparti doh-oh,
Mil ha mil gùéh é varhuehen quèntoh.

J. G.



AR ER MEMB TRA.
Ton : N° 31 69.

Doué a visericord,
Receuet er péhour
E glah guet-n-oh confort,
En dès doh-oh recour ;
Beah eit-hou secourabl
E creis é visérieu,
Guet un dorn secourabl
Gùelleit d’é houlieu.

Doh hou lézen santel
A huerço révoltet,
Avel ur hriminel
Me gâré er péhèd ;
Collet-oé m’innoçanç ;
Ag en ouaid tinérran,
De gand ha cand offanç
M’hum daulé a vihan.

Sammet a bep sort crim
Me vérité, men Doué,
Couéh, allas ! én abim
Eid un éternité.
Hemb dougein hon colér
Me mès attàu bihuet ;
Mæs neoah me espér
En em fardonnehet.

Ya, Tad amiabl,
Hui e ra bean pardon
D’er péhour miserabl
Hum rant a huir galon ;
Carguet a gonfianç,
Ah ! m’hum daul doh hou treid ;
Arrestet hou vangeanç,
Me fauteu ancoéheit.

A pe daulan ur sèl
Ar mem buhé passet,
Guet un anquin cruel
Me halon zou trézet ;
Penaus én hou presanç,
O me Zad, quel liès,
E mès-mé hemb dougeanç
Credet péhein quen æz.


Me halon guet glahar,
Huannadet noz ha dé ;
Men deulegad guet dar,
Ouilet me fallanté ;
Guet ur vuhé infam
Èl e mès conduyet,
Ne vein jamæs divlam,
Ma ne ouilan perpet.

O men Doué, m’hou conjur,
Sellet-mé guet truhé :
Me zou hoah hou croaidur,
Deustou d’em fallanté ;
Me zistro, hui er gùél,
Doh-oh hoah, ô me Zad ;
D’oh-hui, péhèd marhuel,
Me renonce aveit mat.

O péhèd miserabl,
Mar e mès hou câret
Ne vennan mui dalhabl
Meit hou cassat perpet ;
Bout d’em Doué hemb partaj
Hemb quin e zesiran,
Er hârein davantaj
Er bed-men hag én nean.

M. Le Diot.



HUANNADEU EN INEAN
E VEN DISTROEIN DOH DOUÉ
Ton : N° 68.

O grèd nerhus, desir santel !
O me Jesus, ne mès chet hou câret !
Mæs bermen me vou d’oh fidel,
Me halon (bis) eit mat zou changet.

Mar da d’ein hum glêm a me foén,
O me Jesus, doh-oh en hum glêmman ;
N’en dès meit oh e hel soudén
Soulagein (bis) er gloès e santan.

Taulet ur sèl ar me misér,
Gùélet men dar, n’hellan quet ou séhein :
O Jesus, Tad mat ha tinér,
Guet truhé (bis) sellet hoah doh-ein.

Douceit hou colér ha vangeanç,
Jesus, pardon ! m’er goulen guet glahar ;
Hemb oh é on hemb espéranç ;
Queméret (bis) truhé doh men dar.

Gùir-é me zou ur miserabl,
Ne véritan nameit punition :
Me mès, ô Salvér adorabl !
Refuset (bis) rein d’oh me halon.


Mar couéh ar-n-an ol hou vangeanç,
D’ein é souffrein ; just-é ol hon tauleu ;
É léh hou cârein, m’hou ç’offanç,
O péhèd, (bis) caus ous d’em dareu.

Mar da d’oh héli hou justiç,
Ah ! collet-on, me maleur zou sur d’ein ;
Me huèl me zourmant ha supliç :
Me Salvér, (bis) deit hoah d’em salvein.

O péh caranté, péh doustér !
Cheleuet-on : Jesus e sel doh-ein,
Ha prest-é é galon tinér
D’ancoéhat (bis) tout eit pardonnein.

Recueil Pourchasse.



ANQUIN UN INEAN,
RAC JESUS N’EN DÉ QUET CARET.
Ton : Nos 47, 87 pé 88.

Jesus zou quel liberal,
Quer mat, quer carantéus !
Dén neoah ne brès chongeal
A gârein erhat Jesus.
Mab-dén e hum ambarras
É clasq ér bed-men é vad :
Eit Jesus é ma a sclas ;
Ah ! ouilet, men deulegad.

Jesus zou deit ar en doar
Eit salvein hun ineaneu ;
Hàg ean zou calz hag er hâr
Eid ol é vadeleaheu ?
É Galon pur en abras
D’hur goalhein a bep sort vad,
Ha ne gav meit tud ingrat,
Ah ! ouilet, men deulegad.

Ean e hum hroa croaidur peur
Eit touchein hur haloneu ;
A dapen é rid en deur
Ag é zeulegadigueu :
Hàg é zareu amiabl
E hellou hun tinérrat ?
Allas ! n’en dint quet capabl !
Ah ! ouilet, men deulegad.

Jesus, d’é Dad éternel,
E hum offr hoah de souffrein
Eid omb tourmanteu cruel :
Marhuet-é eid hur salvein !
D’ur galon quer charitabl
Hàg ean zou calz e houér grat ?
Péh ancoéha miserabl !
Ah ! ouilet, men deulegad.

Jesus zou ar en autér,
Dré er vrassan caranté,
Eit soulagein hur misér,
Bara santel a vuhé :
Hàg ean zou calz e hum brès
D’hum breparein de dostat ?
Péh ponnérded, péh parés !
Ah ! ouilet, men deulegad.

Jesus e gouvi en ol
De zonnèt d’er visitein :
Mæs presset vér de hum gol
Quéntoh eit d’en inourein.
Arlerh en treu tamporel
É ridér ol a vostad,
Ha dén d’en Ilis santel !
Ah ! ouilet, men deulegad.


Jesus ne gav quet dihuen
Inep d’er péhour cruel ;
Liès mad tud hemb lézen,
Guet ur galon criminel,
Én ur stad abominabl
E grèd tostat hardéh mat
Betag é daul adorabl !
Ah ! ouilet, men deulegad.

Boq Judas e hras ur gloès
De Galon tinér Jesus ;
Ah ! t’er refresq hoah esprès,
O sacriléj maleurus !
Hypocrit, te hum zeguis
É sigur bout ami mat,
Avel Judas t’en trahis :
Ah ! ouilet, men deulegad.

Eit Jesus ur groéz cruel
Zou ur galon couciet :
Pèt én ur stad criminel
En dès ean bet receuet ?
Partout péhèd, ô glahar !
Partout, Christénion ingrat,
É sàuet hoah ur halvar.
Ah ! ouilet, men deulegad.

(Recueil Pourchasse.)



EN INEAN E LAR QUENAVO D’ER BED.
Ton : N° 60.

Faus joéieu, inour, gloër ha bobanç,
Quenavo eid er huéh dehuéhan ;
Pèl amzér, é sigur deverranç,
En e hoès me lorbet liessan.
Faus joéieu, etc.

Pêl doh-ein en trompus espéranç
A gavouèt én oh me lehuiné :
Eurus vér guet-n-oh én apparanç,
Mæs ne vé nameit chagrin goudé.
Faus joéieu, etc.

Guet en dud n’en dès chet meit louyaj,
Faussoni, ivi pe fallanté ;
O men Doué, me vou d’oh hemb partaj,
N’en dès joé meit én hou caranté.
Faus joéieu, etc.

Bout hemb Doué zou ur stad miserabl,
Bout hemb Doué nitra ne hel pligein ;
Er boén memb e gavan agréabl,
Pe chongean é ma men Doué guet-n-ein.
Faus joéieu, etc.

Perac clasq en istim ar en doar ?
Grad en dud e zou perpet chançus ;

O men Doué, eurus en nemb hou câr,
Hou crad hui n’en dé jamæs trompus.
Faus joéieu, etc.

Ah ! m’inean, queméret gùel hou neij,
Ihuelloh é ma en eurusted :
A huerço é omb ér bed a stleij,
A huerço a bep tu burtellet.
Faus joéieu, etc.

Ah ! chongeamb ér joéieu éternel,
Crouéet-omb aveit monnèt d’en nean ;
Er joéieu ha madeu tamporel
N’hellant quet coutantein en inean.
Faus joéieu, etc.

Gùélèt Doué faç-oh-faç én é hloër,
Gùélèt reih splandér é vajesté,
Ag é joé santein ol en doustér,
E hortan er fin a mem buhé.
Faus joéieu, etc.

Faus madeu, inour, gloër ha bobanç,
Adieu d’oh eit jamæs e laran ;
Ur méh-é rein d’oh er bréféranç,
Doué hemb quin zou me fin dehuéhan.
Faus joéieu, etc.

Recueil Pourchasse.



ANQUIN EN INEAN A HÉ FÉHEDEU.
Ton : N° 55.

Péhet eh mès a groaidur,
Forcet e mès de gùittat
A me halon dinatur
Men Doué, me Hrouéour, me Zad…
O glahar, ô glahar !
Ah ! ridet, ridet, men dar.

Bean en e mès ancoéheit,
Aveit quemér er goal hent,
Er promesseu em boé groeit
Ar er Fonce a Vadient.
O glahar ! etc.

Ah ! pihue e rei diw vamen
A zareu d’em deulagad,
Aveit ouilein pèn-d’er-bèn
Mem buhé fal hag ingrat !
O glahar ! etc.

O trezol a innoçanç,
E mès collet é péhein !
Ha penaus-é d’ein commanç
Eid assai ha reparein ?
O glahar ! etc.


Trezol caër hag admirabl
E lamas Satan guet-n-ein !
Trezol a hoaid adorabl
Jesus marhue eit me salvein !
O glahar ! etc.

Me halon, te oé santel,
Golhet pur ér vadient ;
Bermen, calon criminal,
Couciet-ous goah eit quênt.
O glahar ! etc.

Un inean én innoçanç,
Dirac Doué caerret-é-hi !
Vilet-é én é bresanç
Unan lous èl me hani !
O glahar ! etc.

O précius innoçanç,
Bihan en hou ç’hanàuen !
Me sellé èl devérranç
En amzér ma hou collen !
O glahar ! etc.

Hà perac eit tra distér
En e mès-mé hou cùerhet,
Hag exprès de Lucifer
Eid er péhèd hou troquet ?
O glahar ! etc.

A ziar er Fonç santel,
A pe vehen oueit d’er bé,
Pe vehen marhue ém havel,
Nag eurusset vehen-mé !
O glahar ! etc.

Amièd faus ha cruel,
Men goahan anemisèd,
Dré hou ç’ardeu criminel,
Hui em dougué d’er péhèd.
O glahar ! etc.

Ah ! guet méh ha guet dougeanç
M’hum daul doh hou treid, men Doué ;
N’em scoet quet én hou vangeanç,
Sellet doh-ein guet truhé.
O glahar ! etc.

Pardonnet, Tad a zoustér,
Pardonnet hoah hou croaidur,
Hou chervige é peb amzér
Vou bermen é bligeadur.
O glahar ! etc.

Recueil Pourchasse.



PENAUS GOBÉR PÉNIGEN.
Ton : N° 66.
En inean.

Jesus adorabl,
Penaus é hrein mé
Pénigen jaugeabl
Doh me fallanté ?
Jesus, me Salvér,
M’hou pèd d’em disquein
Penaus hi gobér
Eid hum acqùittein.

En inean.

Groeit hou poé ur yun
A zeu-uiguênd dé ;
Me ven peb suhun,
Épad mem buhé,
Ar vara ha deur
Yun mar goulennet :
Ah ! d’em inean peur,
Jesus respondet.

Jesus.

Nepas, me hroaidur,
N’er goulennan quet,
Me venné andur,
Rac ma hoès péhet ;
Mæs, beah én éhuéh

Doh er gourmandis,
Acqùittet perhuéh
Yuneu en Ilis.

Jesus.

Mar groet abstinanç,
Groeit-ean guet avis ;
Choéget eit bihuanç
Hemb quin er requis ;
Memb un dra distér
E ziovéret,
Mar dé eit men gloër
Vou recompancet.

En inean.

Hou corv adorabl
Zou bet flagellet ;
Me horv miserabl
E vou dispennet,
Mar dé necessær,
Er gobér e hrein ;
Jesus, tad tinér,
Ah ! respondet d’ein.

Jesus.

Nepas, me hroaidur,
N’er goulennan quet ;
Mæs hum hoarnet pur
Tré ma vihuehet ;
Sonn én honestis,
Réglet hou conzeu,
Jamæs fal hantis,
Jamæs fal gesteu.

Jesus.

Mar fal d’oh open
Paiein hou telé,
Aveit pénigen
Hou pet soin bamdé
D’offrein d’hou Crouéour
Hou ç’ol trebilleu,
Hou poén ha labour,
Hag hou pedenneu.

En inean.

Hou teourn santel
E zou bet tachet ;
Me ré criminel
Ne veint-ind trézet ?
Douçoh vou er gloès
Eid en tan eahus,
Ha m’er groei dré choéj,
Mar el lar Jesus.

Jesus.

Pas, inean fidel,
Jamæs n’el larein,
Mæs hui e hrei gùel
Mar sentet doh-ein :
Guet-hai d’en dud queih
Reit alézoneu,
Ha guet madeleah,
Séhet ou dareu.

En inean.

Ha hui e houlen
Ma varhuein ér groéz,
O Jesus, me ven,
En drespet d’em gloès,
Gobér me fossibl
Aveit reparein
Ur vuhé terribl
Passet é péhein.

Jesus.

Nepas, me hroaidur,
N’er goulennan quet ;
Mæs guet pligeadur,
Hui ehué souffret
Er hroézieu distér
E zegassein d’oh,
Ha beah ém hevér
Carantéussoh.

En inean.

Salvér adorabl,
Hui e bardon bean
D’er peur miserabl
Er fauteu brassan :
É léh poén hemb fin
Em boé méritet,
Joé de virhuiquin
Zou d’ein promettet.


En inean.

En nemb e refus
D’oh é garanté,
E zou hemb excus
Én é zigaré ;
Me ouil guet glahar,
Rac n’hou cârér quet !
Ah ! en nemb n’hou câr
Revou milliguêt.

Recueil Pourchasse.



ER HRISTÉN
E GAV É VONHEUR É CHERVIGEIN DOUÉ.
Ton : N° 163.

Clasq, ô péhour, ér bed ha lehuiné,
Héli guet grèd é joéieu criminel :
Mé ne glasquein meit cârein Doué,
Meit mirèt é lézen santel :
Eid er mêlein épad ol mem buhé,
Me droei cain d’oh, faus pligeadur,
Ha me larou guet ur joé pur :
Me Jesus zou me haranté (bis).

Ér pradeu glas gùélet er boquetteu
É ligùernein hag é splannein guet gloër ;
Mæs touchant é plég ou fenneu,
Touchant é collant ou splandér :
Er faus joéieu e dremein avel d’hai,
Ah ! me gùittei ou fligeadur,
Ha me larou, etc.

Ha hui guet eur, argand hag inourieu,
Hà coutant-oh ? respondet, beah sincèr ;
Mæs hui hum glêm a hou madeu,
N’en dint nameit madeu trompér ;
Ne gavet quet én-hai hou lehuiné :
Ah ! me gùittei ou fligeadur,
Ha me larou, etc.

Er rouanné memb ar en trôn ihuellan
Ne gevant quet a vonheur veritabl ;
Nitra ne goutant en inean
Ér vro-men trist ha miserabl ;
Mæs guet Jesus, mamen a lehuiné,
É cavér perpet pligeadur :
Ha me larou, etc.


É creis er chif, er hlinhuèd, en drougueu,
Er beuranté, memb é creis er misér,
Èl ér yehaid hag ér madeu,
Guet me Jesus, guet me Salvér
É hès perpet joé ha doustér nehué ;
Me gav én-hou me fligeadur :
Ha me larou, etc.

Étré me choéj hag ha ç’hani, péhour,
Er marhue e zei d’hobér en différanç ;
Er bed n’en dei quet d’ha secour,
Te scùillou dar én abondanç ;
Mæs ér bed-men hag én éternité
Guet Jesus é hès pligeadur :
Ha me larou, etc.

J. G.



CONZEU UN INEAN E GAR DOUÉ.
Ton : N° 167.

O Jesus, ô men Doué,
Hui hemb quin e houlennan ;
Hui-é me haranté,
Én-oh é espéran,
O me Jesus, ô me haranté,
Chomet ém halon hag en nos hag én dé.

Qùitteit e hoès en nean
Én ur huélét me misér,
Aveit tennein m’inean
A zan sclavaj Lucifér.
O me Jesus, etc.

Eit paiein men delé,
Digueor d’ein er baraouis,
Hui e hoès guet truhé
Scùillet hou coaid ar er groéz.
O me Jesus, etc.

Hui e hoès quênt merhuel,
Quênt monnét én dro d’en nean,
Groeit a hou corv santel
Mâgadur douç me inean.
O me Jesus, etc.

Ha neoah, me Salvér,
Mé ne mès chet hou câret ;
Aveid er bed trompér,
Me mès, allas ! hou lausquet.
O me Jesus, etc.

Goulen e hran pardon,
Hiniw doh-oh é tistroan,
Hou cârein a galon
De virhuiquin e vennan.
O me Jesus, etc.

Cresquet, ô me Jesus,
Cresquet hoah me haranté,
Bet er momand eurus
Ma hein d’hou cârein d’en né.
O me Jesus, etc.

J. G.


GRÈD UN INEAN CARANTÉUS.
Ton : N° 185.

Ur flam quer pur
E santan dré hou cræç :
M’inean gredus e hum zoug, e hum bress,
Men douç Jesus, d’hou cârein hemb mesur ;
Mæs, ô men Doué, quer bras-é me misér,
Ma tougean hoah ne vouguehé imbèr
Ur flam quer pur.

Creinein e hran,
Guet eun ha guet dougeanç
Ne zehen hoah jamæs d’hobér offanç
D’un Doué quer mat, de Jesus e gâran :
Reit-t’ein perpet er secour a hou cræç,
Rac fragil-on ha tantet-on hemb cess,
Creinein e hran,

A ziffeah-caër,
A vremen me renonç ;
D’er bed, d’en diaul ha d’er hicg : me lar gronç
N’em feaheint mui na dré vil na dré gaër ;
Ind e houni guet ou doustér cruel ;
Mæs dehai ol brézel continuel
A ziffeah-caër.

Adieu, péhèd,
D’em guir me vou dalhabl ;
Ne chongein mui ém buhé miserabl,
Meit eid ouilein me fauteu hèd ha hèd ;
Té, me halon, te zou bet criminel,
Mæs lar bermen : me zou de Zoué fidel.
Adieu, péhèd.

O caranté !
O Jesus, ô joé douç !
O me ol vad ! ur grèd quer bras em pouss,
Ma ta men dar de ridêc nos ha dé !
Cârein Jesus, ô douç aboeissanç !
O me halon zou d’oh dré bréféranç ;
O caranté !


Câramb Jesus,
Ha bihuamb quer fidel,
Ma hellehemb én achimant merhuel
É caranté Jesus carantéus ;
Er vuhé vat e ya d’er marw santel,
Hag er marw mat d’er vuhé eternel.
Câramb Jesus.

Rec. Pourchasse.



CROUÉET-OMB EID EN NEAN.
Ton : N° 51.

Me fartaj vou en nean :
M’inean zou immortel,
Ur bonheur éternel
Zou hé fin dehuéhan,
Me fartaj, etc.

Me fartaj vou en nean,
O guirieu admirabl !
Reveint scrihuet dalhabl
É calon peb-unan,
Me fartaj, etc.

Me fartaj vou en nean,
Doh men Doué éternel,
Doh é Ilis santel,
Ér bed-men mar sentan,
Me fartaj, etc.

Me fartaj vou en nean :
Deu væstr e mès de choéj,
Doué mat, er bed diès :
Ah ! me choége er gùellan,
Me fartaj, etc.

Me fartaj vou en nean :
Adieu d’er bed trompér,
D’é faus joé ha doustér
Aveit mat e laran :
Me fartaj, etc.

Me fartaj vou en nean :
Fal gustum ha fal vod,
Hui e dromp er ré sod,
Jamæs n’hou cheleuan,
Me fartaj, etc.

Me fartaj vou en nean :
Er bed e lar : bobanç,
Jesus e lar : souffranç :
Doh Jesus é talhan,
Me fartaj, etc.

Me fartaj vou en nean :
Er bed e lar : chérvad,
Jesus e lar : huannad :
Doh Jesus é talhan,
Me fartaj, etc.

Me fartaj vou en nean :
Er bed e lar : joé, gloër,
Ha Jesus : poén, misér :
Doh Jesus é talhan,
Me fartaj, etc.

Me fartaj vou en nean :
Er bed e lar : hantis,
Ha Jesus : honestis :
Doh Jesus é talhan.
Me fartaj, etc.

Me fartaj vou en nean :
Hoari sot ha fal gest,
Chouj, desir dishonest,
Ol en hou forbannan.
Me fartaj, etc.

Me fartaj vou en nean :
Fal vodeu, fal scolaj,
Corol, imbad, filaj,
Birhuiquin n’hou hantan.
Me fartaj, etc.


Me fartaj vou en nean :
Pe gleuan hou sotis,
Santein e hran hirris
Guet en dongér brassan.
Me fartaj, etc.

Me fartaj vou en nean :
Nag é vehé en diaul
Hag er bed ol d’un taul
Ineb d’ein ; mar câran,
Me fartaj, etc.

Me fartaj vou en nean :
Ya, a ziffeah-caër,
Guet cas doh Lucifér,
Doh Jesus é talhan,
Me fartaj, etc.

Me fartaj vou en nean :
Pêl-d’oh-hui, Doué santel,
Me stad e zou cruel
Quenevé ma chonjan :
Me fartaj, etc.

Me fartaj vou en nean :
Ne gavan ar en doar
Meit misér ha glahar ;
Guet hirreah e laran :
Me fartaj, etc.

Me fartaj vou en nean :
O Doué, m’ol espéranç
Zou gùélét hou presanç,
Nitra quin ne hortan :

Rec. Pourchasse.



AR ER BONHEUR
E GAVÈR É CHERVIGE DOUÉ.
Ton : N° 117.

Tud devot ha santel,
O eurusset oh-hui !
Dalhet perpet fidel,
Én hènt mat hou condui.

Eurus en dud santel
E hoarn én ou halon,
Guet ur sourci fidel,
Trezol en devotion !

Hi é quetan partaj
Gùir serviterion Doué ;
Hi-é e ra couraj
D’er chervigein guet joé.
Eurus, etc.

Guet hi hoah ur fé biw
E anflam en inean,
Hag hur groa bamdé criw
É hènt diæz en nean.
Eurus, etc.

Guet hi hun espéranç
E soulage hun dareu
Hag e hra én avanç
Tanhouat er gùir joéieu.
Eurus, etc.

Guet hi en dud santel
E avançou bamdé
Ér squél caër hag ihuel
Ag er gùir garanté.
Eurus, etc.

Hé vertu sourciabl
E hoarant hur squêndeu
Doh doustér amiabl
Er faus pligeadurieu.
Eurus, etc.

He gest hag hé fresanç
E hra eun d’er péhèd,
E hoarn en innoçanç
Hag e sàu er burtèd.
Eurus, etc.


Hi e zisco d’emb sclér
Pris, brastèd en inean,
Hag e ra grèd, tuêmdér
De gass réral d’en nean.
Eurus, etc.

Guet hi é cavér douç
Er rustan pénigen,
Peb trebil ha secous
E andurér hemb poén.
Eurus, etc.

Quement hani e sent
Perpet doh hé lusqueu,
E hra fonnabl é hent
Idan é sam croésieu.
Eurus, etc.

Guet hi ag er martir
En tourmanteu calet,
D’en hani en desir
N’offr nameit joéiustèd.
Eurus, etc.

Hi zou étré ma viw,
Ha ma règl en inean,
Ur vamen perpet criw
A drezolieu en nean.
Eurus, etc.

Guet hi un dapen dar,
Un huannad a galon,
E blij de Zoué hi hâr
Drest peb sort donæzon.
Eurus, etc.

Hi e brepar er gloër,
Er bonheur hag er joé,
E ra Doué ér splandér
Ag en éternité.
Eurus, etc.

A zré-men, én avanç,
Guet hi é vé santet
Ur joé, ur gonfianç
Ne vé jamæs troublet.
Eurus, etc.

Mæs hemb hé flam santel
É languis er vuhé,
Hag un inean tihoel
E gol hé bràuité.
Eurus, etc.

M. Le Diot.



AR ER VERTU A BURTÆD.
Ton : N° 20.

En ineaneu e vihue ér stad caër a burtèd
E zou memb ér bed-men hanval doh en æléd ;
Jesus en dès doh-t-hai er garanté vrassan,
Arlerh ou marhue é veint ér rang inouraplan.

Jesus-Chrouist, hur Salvér, e gâré hemb arvar
Ol é Apostoléd, a pe oé ar en doar ;
Ha neoah sant Yehan e oé er hârettan,
Rac sant Yehan e oé avel d’hou guerh ha glan.

Guet boquetteu e splann èl en hiaul er spissan,
Guet habiteu quer gùen èl en éerh er purran,
Er ré en dès goarnet er vertu a burtèd,
É peb léh e héli Jesus-Chrouist ou frièd.


Damb ehué ol guet grèd ha ridamb a vanden
Tro-ha-tro d’en ansaign ha ligùernus ha gùen,
E sàuas er guetan Mari, mam de Jesus ;
Quêrhamb ar hé faseu guet ur galon gredus.

Ni hur bou hemb arvar anemisèd nerhus,
Er bed, er hicg, Satan hag é ardeu trompus ;
Mæs, crihueit dré er fé ha dré hræç hur Salvér,
Ni e zouguou neoah ar nehai er victoër.

Ha ma n’en d’omb quet ol choéget eid er huerhtèd,
Ahoel ni e zeli bihuein ol ér burtèd :
Er burtèd zou requis eit salvein en inean,
Rac nitra couciet ne hel monnèt d’en nean.

Hui enta, tud youancq, groeit stad ag er huerhtèd ;
Câret ne vern pihue-oh ha goarnet er burtèd,
Ha hui e vou câret ar en doar guet Jesus,
Hag én nean hui e vou un dé guet-hou eurus.

J. G.



HUANNADEU TREMA ER BARAOUIS.
Ton : N° 82 83.

Pegours é vou délivret
M’inean a liameu
Ur horv em dalh affliget
É creis er poénieu ?
Pegours-vou é qùittein-mé
Mem buhé anquinus ?
Ah ! pegours-vou, ô men Doué,
É vein guet-n-oh eurus !

Péh ur vuhé annéus
E stleigean-mé bamdé !
Forban, trist hag hirvoudus,
Bout quer pêl doh men Doué !
Tardein e hra de zonnèt
Me zermén dehuéhan,
Eid achiw me ferhindèd
Ha digueor d’ein en nean.

Me sant ol me fallanté
É creis me zruhégueah,
Ah ! n’en d’on meit vanité
É creis tristedigueah !
A bep-tu é on gronnet
Guet mil tantation ;
Attàu é on burtellet,
Mar couéhan, collet-on !

Corv a zoar, eahus prison
D’em inean liamet,
T’em dalh én affliction,
Ér riscl a vout collet :
Pegours é vei-té couéhet
Ha mé ém libérté,
D’abandonnein ol er bed
Eit neigeal devat Doué.

Guet truhé ha madeleah,
Jesus sellet doh-ein :
Galhuet-mé d’hou ranteleah,
Hemb oh penaus bihuein ?
Aveid oh é on crouéet,
Ne zesiran meit oh ;
Hag é chif é vein perpet
Bet que ne vein guet-n-oh.


Na scùéhet on-mé ér bed,
Men Doué, a pe chongean
En e hoès bet me hrouéet
Aveit monnèt d’en nean ;
Mæs hou conz e séh men dar :
Mar soufran, e laret,
Guet gùir gourage ar en doar,
É vein recompancet.

Ah ! courage enta, m’inean,
Er poénieu e verra,
En amzér e dremein bean,
Hag er marhue e dosta ;
Eit nitraïg a boénieu
E soufframb ér vuhé,
Doué e brepar d’emb joéieu
En ol éternité.

Quel liès pas e guêrhan
Me hum gav soulaget,
Ha chonge em bé é tostan
D’en termén desiret :
Tosteit vé en ær eurus
Ma espéran diblaç,
Eit monnèt devat Jesus
D’er gùélèt faç-oh-faç.

Hui hemb quin e zesiran,
O men Doué éternel !
Eid oh bamdé é varhuan
Guet hirreah a verhuel !
Merhuel guet gùir garanté,
O dehuéhan victoër !
E hrei d’emb gùélèt hun Doué
Er splandér ag é hloer.

Recueil Pourchasse.



EIT GOULEN UR MARW MAT.
Ton : N° 63 83.

Men Doué, me Hrouéour, me Zad,
Stouyet én hou presanç,
Guet en dar ém deulegad,
Guet glahar ha dougeanç,
Me recommand d’oh m’inean
Ér momand ma varhuein :
Jesus, ém ær dehuéhan,
Hou pet truhé doh-ein.

Pe zei d’em zreid chom redet,
Ha d’em mampreu yeinein,
Ha guet er goaid arrestet
Men goaihiad de grissein,
Ma vou mem boyage ér bed
Tostig d’achiw guet-n-ein :
Jesus, én ær-cé calet,
Hou pet truhé doh-ein.

A pe zei d’em deulagad
Guet droug-pèn brumennein ;
D’en dé eid on tihoellat,
Ha d’em sèl guérennein ;
Doh hou croéz é tesiran
Sellèt tré ma hellein :
Jesus, ém ær dehuéhan,
Hou pet truhé doh-ein.

Pe vou mem bêg digueoret
Ha divalàu é troein,
Ma vou me zéad spelhet,
N’hellein mui prononcein…
Pedet eid on, mam da Zoué ;
Jesus, deit d’em salvein,
Én ær-cé lan a dristé,
Hou pet truhé doh-ein.

Pe vou men diffren streàuet
Ha men dènt é tûein,
Men divès yein, dislihuet,
Guet er gloès é creinein :
Ma vou poén doh me sellèt,
Hirris é tostat d’ein ;
Jesus, tosteit d’em gùélèt,
Hou pet truhé doh-ein.


Pe vou mem bleàu hirrisset,
Guet huis é plotennein,
Ha men divoueguen clàuet
Guet er marhue é yeinein ;
Men deourn hemb harp erbet
É clasq attàu harpein :
Jesus, én ær-cé calet,
Hou pet truhé doh-ein.

Pe vou me sperèd troublet
Guet cand mil chonj horribl,
Guet me fallanté passet,
Guet hou colér terribl ;
Ha guet ol ardeu Satan
E glasquou me lorbein :
Jesus, ém ær dehuéhan,
Hou pet truhé doh-ein.

Pe zei d’em halon fallat
Ha guet poén rohquennein,
Me hanal chom ha berrat,
D’em foul-calon saillein,
D’em houraj bout uset,
Hag ol d’em nerh manquein :
Jesus, én ær-cé calet,
Hou pet truhé doh-ein.

Pe ridou ém angoni
Men dareu dehuéhan,
Agréet-ind, m’hou supli,
Eit golhein me inean :
Eit pénigen receuet
Ol er péh e souffrein :
Jesus, bean d’ein pardonnet,
Hou pet truhé doh-ein.

A pe dostei m’amièd
D’em guélet é tremén,
Ma creineint doh men gùélet
Flastret idan er boén,
Ma stouyeint ol affliget
Eit me recommandein :
Jesus, én ær-cé calet,
Hou pet truhé doh-ein.

A pe gollein me ræson,
Hemb allemand erbet,
Ma rohquennou me halon
Guet secousseu calet ;
Ma vou cas bras ar-n-an,
Ma vanquou henal d’ein :
Jesus, em ær dehuéhan,
Hou pet truhé doh-ein.

A p’arrihuou disparti
Er horv doh en inean,
Ma tarhou en isili
Ém akeu calettan,
Ma vou m’inean én hirreah
De vonnèt devat Doué,
O Jesus, d’hou ranteleah,
Galhuet-hi guet truhé.

A p’en dei anfin m’inean
Dirac oh, ô men Doué !
Eit gùélèt er huéh quetan
Sclærdér hou majesté ;
N’hi forcet quet de bêllat
A zoh-oh, ô men Doué !
Hou pet chonj é oh me Zad,
Sellet-hi guet truhé.

Digueoret dehi en nean,
Galhuet-hi devad oh ;
Hui zou hé fin dehuéhan,
Ne vou mat meit guet-n-oh ;
Guet er vrassan grêd inou,
É creis el lehuiné,
Hi hou cârou, hou mêlou
Én ol éternité.

Recueil Pourchasse.


————


EN INEAN FIDEL
NE ZOUGE QUET ER MARHUE.
Ton : N° 93.

Aveid ur hristén mat ha pur a gouscianç,
Er momand dehuéhan ne zeli quet bout garw,
Rac guet gùir gonfianç,
Én é Grouéour er galw,
Ean e huél hemb dougeanç,
Er marw.

Er marw n’en dé quet d’emb un dra épouvantabl,
É ma bamdé dirac deulegad peb-unan ;
Er bed zou miserabl
Bet en ær dehuéhan ;
Arlerh joé véritabl
Én nean.

Allas ! n’hur bou enta nameit poén ar en doar,
En dé-hont vou er fin a hun tristedigueah ;
Dé e séhou hun dar,
Dé a salvedigueah,
E changeou hur glahar
É peah.

En dé-hont e dorrou el liameu cruel
Hun dalh staguet ér bed doh poénieu er vuhé ;
Hag en inean fidel
En dou hé liberté
De neigeal én ur sèl
Bet Doué.

Ol é omb ér bed-men èl én un noz tihoel,
Arlerh en dihoeldæd é ta sclærdér en nean
Ha madeu éternel :
Er marhue eit peb-unan
E daul er bed cruel
Ardran.

Aveid ur hristén mat, ô momand desirabl,
Mæs aveid ur péhour, ô terriplet vou-ean !
D’ur hristén véritabl
Ean e zigueor en nean,
D’ur péhour miserabl
En tan.

Rec. Pourchasse.


HUANNADEU DEHUÉHAN.
Ton : N° 77 78.

O men Doué, me Zad, me Hrouéour,
Fallat e hran, deit d’em secour ;
N’hellan quet mui doh me halon,
Sellet-mé guet compassion.

Men Doué, hui hemb quin e gâran ;
Men Doué, én-oh é espéran ;
Doué me halon, dré vadeleah,
Dégasset t’ein hou ranteleah.

O Doué, hou pet truhé doh-ein,
Monnèt devat-oh e fal d’ein ;
O men Doué, receuet m’inean,
Ah ! tennet-hi guet-n-oh d’en nean.

Guet hirreah d’oh é huannadan,
Jesus, deit d’em secour, deit bean ;
Ah ! pardon, groeit hou volanté,
Just-é, nepas me hani-mé.

Ah ! poén e mès é prononcein,
Ah ! me henal e verra d’ein ;
Mæs me halon perpet e lar :
Jesus, m’hou câr, Jesus, m’hou câr.

Arlerh Doué hui zou ém halon,
Gùérhiès Vari, pedet eid on ;
O Jesus, ô Mari, hou teu
Von men dehuéhan huannadeu.

Ya, ém anquin dehuéhan,
M’hou calhuou hou teu mar guellan ;
Pe vou laret : tremén e hra,
Me larou hoah : Jesus, Maria.

Ah ! me halon, tam ne vanquet,
Pe n’hellein conz, attàu larèt :
O me Jesus carantéus !
O Gùérhiès Vari, truhéus,

Jesus, receuet peb huannad,
Peb tarh-calon, peb henalad,

Aveid aqueu a garanté ;
Peb-tra aveid oh, ô men Doué.

O caranté, forcet m’inean,
Contraignet-hi de gùittat bean ;
Me garehé merhuel, Jesus,
Mæs guet ul lusq carantéus.

Jesus, hou pet truhé doh-ein ;
Parrihue-ou, é han de bassein,
Receuet m’inean peur, é ha :
Jesus, Jesus, Jesus, Maria.

Rec. Pourchasse.



ER BÉ.
Ton : N° 64.

Arrest amen, passant, taul ur sél ar mem bé,
Hannen en dès er marw reit-t’ein aveit gulé ;
Te zei ehué quênt ma vou pêl-amzér,
Hiniw, marcé arhoah, ne houiès quet en ér.

Pe oen èl ous ér bed, é creis me youanquis,
M’em boé nerh ha couraj, isprid ha vaillantis ;
Én ur momant, dispartiet on bet
Doh er bed just avel pe n’em behé bihuet.

Peb dén zou ar en doar zou ret dehou merhuel,
Er huirioné-cé zou ér scritur santel ;
El-cé, réd-é ma varhuehei ehué,
Ha ma tehei èl on d’hum asten én ur bé.

Dischen, mé ha couvi, dès ur momand ém bé,
Ne huélei meit isquern, prinhuèd ha breinnaté ;
Er péh ma ous, guéharal me zou bet,
El on te vou imbèr mâgadur er prinhuèd.

A houdé puarzêc vlai bet tregond tremeinet,
N’em boé chonge a nitra meit a héli er bed,
É fal vodeu, er gloër, er vanité,
Ha bermen n’en dès tra quen truhêc èl on-mé.

Me mès clasquet èl ous guet grèd ol er madeu,
Ridet er sonnerion, en imbad, er festeu ;
Mæs sel bermen quênt lemel adal on,
Ha t’hellehé larèt d’unan-benac pihue-on.


N’ancoéhès birhuiquin er péh e hès gùélet :
Er peur èl er pinhuiq zou ret dehai donnèt.
Hum chonge enta quênt qùittat er bé-men,
Ha marcé quênt ur mis é vei guet-n-ein amen.

Rec. Pourchasse.




PEDAIRVÈD LODEN.
————
Buhé ha Gouilieu hur Salvér.


BUHÉ HUR SALVÉR.
Ton : N° 129.

Bugalé d’un tad cablus,
N’hur boé quin de hortoz
Nameit ur marw maleurus
Nameit er bassefos :
Mæs, ô caranté hemb par,
Jesus a lein en nean
E ven dischen ar en doar
Eit prenein hun inean.

Guet truhé doh hur misér
Jesus e scùil dareu,
Ar galon é vam tinér,
Eit golhein hur fauteu :
É bedenneu quen nerhus
Hag é vuhé quer glan
Bet ar é drôn orgueillus
E spont deja Satan.

Èl ma splan ur holeuen
É creis en dihueldèd,
Èl-cen é splan é lézen
Én noz ag er péhèd.
Aveit cleuèt é gonzeu,
Douçoh aveid er mel,
É ridér ar é baseu
Guet un hirreah santel.

Neoah Satan é connar
Hag a viscoah multrér,
E huéh er Juivèd barbar
E gas d’hur Salvér.
Ind e sent doh-t-hou soudén,
Eid omb pebéh ur gloès !
Ind e gri a bouis ou fen :
Ar er groés ! ar er groés !

Én ur houlen guet é Dad
Aveid omb ol pardon,
É varhue èl ur bugul mat
Dré zorn er vourreàuion :
Ind en dischen én ur bé
Goarnet guet soudardèd :
Mæs biquen ne vou mab-dén
Mâgadur er prinhuéd.

En drivéd dé, lan a hloër
E ressuscit Jesus ;
Douguet en dès er victoër
Ar er marw quer spontus ;
Chom e hra hoah ér bed-men
Épad deu-uiguênd dé ;
Nezen ar ur gogussen
É sàu de lein en né.

O Salvér carantéus !
Bermen a lein en né
Taulet ur sèl truhéus
Ar hon queih vugalé ;
Scùillet ar-n-amb, ni hou ped
Ol er hræceu requis
Eit ma héhemb d’hou cuélèt
Ol én hou paraouis.

J. G.


AR ER MEMB TRA.
Ton : N° 99.

De Jesus, Christén fidel,
Hou pet obligation,
Mar groa ér joé éternel
Ol joé ha grèd hou calon :
Jesus, Jesus,
Guet mérit é varw cruel
En dès paiet hur rançon.

Dré en droug originel
É oemb cablus dirac Doué,
Ha dré béhedeu actuel
Hoah calz cablussoh goudé :
Jesus, Jesus,
Guet mérit é varw cruel
En dès paiet hun delé.

Un Doué e huél é buissanç
Dispriset guet tud ingrat ;
É justice e gri vangeanç
Rac m’ou dès manquet d’ou Zad :
Jesus, Jesus
E hum offr eid en offanç
De scùil é hoaid a boullad.

Guet truhé doh hur misér
Jesus en dès hum offret,
Eit liamein Lucifér
Ha délivrein ol er bed :
Jesus, Jesus
E zou eid ol diguemér,
Dilausquet guet peb-unan.

É creu el lonnèd brutal
Ar er plous é ma gannet ;
Ha ne duém meit doh henal
Deu lon er gouyan calet ;
Jesus, Jesus
E gav guet deu éneval
Er péh e zenah er bed.

É ty Jojeb ha Mari,
Guet poén é ma dissàuet ;
Esposet-é d’ol ivi
Ha cas ur bobl ahurtet :
Jesus, Jesus
En des souffret ou furi
Eit n’hur behé quet souffret.

A pe za dehou commanç
Predèg é lézen ér bed,
Partout é cav resistanç,
Partout é ma goal drettet :
Jesus, Jesus
E souffr rah guet aboeissanç,
Eit n’hur behé quet souffret.

Semplein e hra guet glahar
Er jardrin én é beden ;
Ér prétoér, Juivèd barbar
En dihusq hag en dispen :
Jesus, Jesus,
Quênt merhuel ar er halvar,
Pardon eid omb e houlen.

O me Salvér adorabl !
Hui e gâr hemb bout câret ;
Eit salvein tud miserabl
Péh ur boén e gueméret,
Jesus, Jesus,
Dré zorn er ré condannabl,
Eit ma vihueint é varhuet.

Jesus e scùil a zevri
É hoaid dré zorn er péhour ;
Ha Jesus e burifi
Guet é hoaid en torfætour :
Marhue-é, marhue-é,
Er péhour er hrucefi,
Jesus e sauw er péhour.

Tad éternel, ni hou conjur,
Dré Jesus crucefiet,
Sellet hoah doh hou croaidur,
Ah ! n’en abandonnet quet :
Me Zad, me Zad,
Deustou ma on dinatur,
Ah ! n’em dishanàuet quet.

Groeit e mès guet quæ, m’el lar,
Er péh e hel m’en dannein ;
Mæs goaid hou Mab ér halvar
Zou scùillet eit me salvein.
Pardon, pardon
E houlennan guet glahar :
Ah ! me Zad, sellet doh-ein.

Recueil Pourchasse.


EN AVÈNT.
Ton : 157.

O Messi, ô Salvér,
Hui e huel stad trist hun inean,
D’hun zennein a visér,
Deit bean, deit bean, deit bean.

Ah ! dischennet, deit d’hur prenein,
A zorn Satan deit d’hun zennein ;
Deit, ô Messi, deit d’hur salvein.
O Messi, ô Salvér, etc.

Troeit hou colér a ziar-n-amb,
Étal hou treid é huannadamb,
Én-oh hemb quin é espéramb.
En ihuern é counar
Ne glasq meit feahein hun inean ;
Salvér, deit ar en doar,
Deit bean, deit bean, deit bean.
O Messi, etc.

Revou cleuet hun huannadeu,
Rezei d’emb cavouèt er madeu,
Collet, sihoah ! dré hur fauteu ;
Gùélet, men Doué, hun dar,
Hou pet truhé doh hun inean,
Baiet-é ér glahar :
Deit bean, deit bean, deit bean.
O Messi, etc.

Eid hur secour mar dischennet,
Dor en ihuern e vou chairret
Ha dor en nean vou digueoret ;
Hui-é hun espéranç,
Dischennet enta ag en nean,
Eit bout hun delivranç,
Deit bean, deit bean, deit bean.
O Messi, etc.

Pligeèt guet-n-oh rein d’emb un dé
Er bonheur de gannein én né
Hag hou cloër hag hou caranté.

Aveit séhein hun dar
Hag hun zennein guet-n-oh d’en nean,
Dischennet ar en doar,
Deit bean, deit bean, deit bean.
O Messi, etc.

J. G.



AR ER MEMB TRA.
Ton : Conditor alme siderum.

Anfin é tosta en amzér
Ma rei Doué d’er bed ur Salvér,
Ha goleuein e hra en dé
Gorteit a houdé puar mil vlé.

Adam, guet é dorfæt eahus,
E vlessas é raç maleurus ;
Ol en dud e oé astennet,
Idan squêd er marhue interret.

Ne hortent ér spont hag hirris,
Aberh un Doué lan a justiç,
Meit er marw, meit en tan eahus,
Oé deliet d’en dud cablus.

Pihue e hellou gùellat, allas !
Ul lam quer rust, un droug quer bras ;
Péh dorn e hellou doug remèd,
Doh ur gouli quer vélimet ?

Hui hemb quin, ô Jesus e hel,
É tischen a hou trôn ihuél,
Daccor d’hou limaj couciet,
Er vràuité hi dès collet.

A lein en nean, Tad éternel,
Dégasset er Messi santel,
Ha ni bemb prest de ziguemér
Guet er vrassan joé hur Salvér.

Gloër d’oh, Mab Doué deit de vout dén,
Ha bermen ha de virhuiquin :
D’en Tad ha d’er Spered-Santel,
Revou ehué gloër éternel.

J. G.


NENDELÊC.
Ton : 116.

Péh trous zou ar en doar, péh can e gleuan-mé ?
Caërret ur mélodi e zou é lein en né !
Ælèd, lavaret d’emb perac é é cannet,
Péh nehuétèd enta e zou arrihue ér bed ?

Cannet ehué guet-n-emb, cannet, pobl ag en doar ;
É tamb de larèt t’oh un nehuétèd hemb par :
Ur mabig beniguet, roué a Jerusalem,
E zou gannet eid oh ér guér a Vethléem.

Arrihue-é en termén ag er profætieu,
O noz mil guéh eurus, torret hul liameu !
Cannet gloër hag inour de Jesus ha Mari :
Deit-é Doué de vout dén, arrihue-é er Messi.

Ar er poënd a greinoz é ma gannet hineah
Én ur houh creu distro, é bras tristedigueah ;
Hui er havou inou, étré dau éneval,
Eit tuêmmet é vampreu n’en dès meit ou henal.

Inou é huélehet er Mæstr a ol er bed
Ar un dornadig plous én un of astennet ;
Ean e za de vout peur, aveid hou pinhuiquat,
Ha distag hou calon doh er bed aveit mat.

Ur marchaussi disto e zou palæs hou Toué ;
Inou é cavehet ur perdégour nehué :
En of-é er gadoër en dès Jesus choeget,
Eit predég a inou er bénigen d’er bed.

Damb guet er vugulion, ha damb a huir galon ;
Tostamb d’en adorein ha de zisquein guet hon
Péh stad e zeliamb gobér a hun inean,
P’en dès, eid hi salvein, dischennet ag en nean.

É gavel beniguet, é lieineu sacret.
E gonzou gùel doh-omb eid en ol doctorèd :
Guet-hou é cavehemb gùel instructioneu
Eit ne fehemb jamæs cavouèt én ol livreu.

Deulegad me Jesus e zivir a zareu,
Ouilein e hra déja a gaus d’hur péhedeu ;

Ne scùil hoah nameit dar, quênt pêl é houyehet
É scùillou aveid omb a boullad ol é hoaid.

É zeournigueu tinér hum voulj hag hum asten ;
Aveit mem bréhatat, me halon e houlen :
O Jesus ! ô mem brér ! eid ol hou poénieu
Ne houlennet enta nameit hur haloneu !

Hà me refusou hoah de Jesus me halon ?
Hà me zalhou perpet d’hum sehuel énep t-hon ?
Mab-dén, ne vennès-te jamæs cârein un Doué
Dischennet ag en nean eid ous dré garanté ?

Sel hoah é dreidigueu é clasquein hum zisplêg,
Aveid ha béhedeu é assaiant ridêc :
Ha perac én é raug é clasquès-té pêllat ?
Hum daul én é zivréh, ean-é er Bugul mat.

Tosteit, ol tud pinhuiq, foënhuet guet er madeu
Ar gavel hur Jesus n’en dès meit hailloneu.
Penaus é hellet-hui bout sod guet hou tanné,
Étré mé ma hou Toué ér vrassan peuranté ?

Tud peur hag affliget, consideret hou Toué,
Ha ne gonzet quet mui énep d’hou peuranté :
Ne vern péh quer peur-oh, n’en d’oh quet sur peuroh
Eid er Roué ag en nean deit de vout dén eid oh.

Er pichonnèd bihan e gav ahoel néhieu,
Hag el lonnèd gouiw memb idan en doar toulleu ;
Mæs Jesus, Mæstr en ol, p’en dé eid omb gannet,
Aveit harpein é bèn ne gavas léh erbet.

Me huél ér marchaussi é vambrigueu tinér,
Hemb tan hag hemb dillad, esposet d’en amzèr :
Jesus e souffr eid omb er poénieu brassan,
Ha ni, dougein e hramb er bénigen scannan.

Tosteit, tud glorius, tud ihuél a galon,
Deit amen guet Jesus de receu ul leçon :
Penaus é credet-hui hum sehuel quen ihuel,
A pe huélet hou Toué é tischen quen izel ?

Tud sodet guet er bed ha guet é faus joéieu,
Tosteit dedal Jesus ha sellet é zareu,
Ha ne glasquet jamæs meit hum zivertissein,
Étré me ma Jesus a gaus d’oh é ouilein.


Er hreu a Vethléem e vou test énep t’oh,
Ma ne vennet condui ur vuhé santelloh :
Er hroaidur tinér-men e vou un dé gùélet
É tischen lan a hloër eit jugein ol er bed.

Laquamb poén a vremen d’hobér hur peah guet-hon,
Ha presantamb perpet dehou pur hur halon ;
Rac ur galon dûet guet vélim er péhèd
E zou mil gùéh loussoh aveit creu el lonnèd.

Péh quen eurus oh-hui, ô Gùérhiès beniguet !
Hui zou Mam d’hur Hrouéour, hemb collein er huerhtæd :
Goulennet ma hur bou, aveit pligein de Zoué,
Lod hag én hou purtæd hag én hou caranté.

Ha hui, Jojeb, dén just ha fidel d’hou tevér,
Choéjet-oh bet eit goarn ha mâguein hur Salvér ;
Goulennet aveid omb er bonheur d’er goarnein
É creis hur haloneu hemb jamæs er hollein.

O Jesus, me Salvér ! ô croaidur beniguet !
Beah mêlet noz ha dé ér puar horn ag er bed :
Reit-t’emb quênt hou qùittat, hou pénédiction,
Ha beah, aveit jamæs, er mæstr a hur halon.

M. Nourri.



AR ER MEMB GOUIL.
Ton : 143.

Jesus-Chrouist hur Salvér
E zou deit ag en né,
Inouramb é victoër
Én ur gannein guet joé.
Ean e feah Lucifér,
E zistreah hur glahar,
E scùil ar hur misér,
Doustér ;
D’er heih péhour
E ra secour,
Séhamb enta hun dar.

Ne zischen ar en doar
Nameit dré garanté ;
É garanté e lar :
P’hou câran, câret-mé ;
Pe houlen enta Doué
Ur garanté tinér,
Cresquamb hur haranté,
bamdé,
Revou dehon
Ol hur halon,
Revou hun ol doustér !


O inourieu trompér,
Mé ven hou tisprisein,
É huélèt me Salvér
Doh hum humiliein ;
M’hum hoarantou perpet
Doh hon toustér cruel,
Pêlleit, ne zalhet quet
Louiet
Én hou laceu
Quin me faseu,
Me vou de Zoué fidel.

O me frièd santel,
Ne gâran meit oh-hui,
Ha groeit ma vein fidel
D’hou cârein mui-oh-mui,
Ne gavan lehuiné
Meit guet-n-oh ar en doar,
Hui e hra me ol joé
Bamdé,
Tennet m’inean
Guet-n-oh d’en nean,
M’hou cùélein én hou cloër.

J. G.



AR ER MEMB TRA.
Ton : Conditor alme siderum, N° 122.

Doué en dès cleuet hur peden
Jesus ag en nean e zischen,
Ha Mari, hemb col hé gùerhtæd,
En dès reit t’emb Salvér er bed.

En nean e zou ér vrassan joé,
Hag en ol e gan gloër de Zoué ;
Stouyamb ehué dirac cavel
Jesus, mab en Tad éternel.

Hui e zou, ô croaidur distér,
Mab uniq er Roué a splandér,
Hag én izeldæd a hou stad,
É peb-tra quement èl hou Tad.

Dischennet e hoès ag en né,
O na brasset ur garanté !
Aveid hur sehuel betag oh,
Vennet e hoès bout izelloh.

Mé, me zou er péhour cablus,
Ha hui e souffr, ô me Jesus !
Mé-é e dorras el lézen,
Ha hui hi héli pén-d’er-bèn.

Hui e ven, ô Salvér, hui-memb
Bout é peb-tra haval doh-emb,
Bout goann ha merhuel èl omb-ni,
Eit bout surroh a hur gouni.


Eit bout haval doh hou predér,
Hui e zou èl d’hai ér misér ;
Mæs hui zou glan, ni ér péhèd,
Gùelleit, ô Salvér, hur hlinhuèd.

Tad éternel, e zégas t’emb
Hou Mab aveit m’hum salvehemb,
Reit-t’emb, ô Tad madeleahus,
Er hræç de hanàouèt Jesus.

O mamen er gùir garanté,
Sperèd-Santel, a ziarhlué,
Reit-t’emb-ni ol ur grèd nerhus
Eit cârein a galon Jesus.

J. G.



AR ER MEMB GOUIL.
Ton : N° 123.

Petra zou enta a nehué,
Ha perac é can on Ælé ?
Perac ehué, ô bugulion,
É laret-hui guet en dasson :
Gloria in excelsis Deo.

Ur voéh caër ha mélodius
E lar é ma gannet Jesus ;
Raccé guet joé ha trugairé,
Cannamb ehué guet en Ælé :
Gloria, etc.

Jesus dré é hannedigueah
En dès dégasset d’emb er peah ;
Raccé enta, christenion,
Cannamb gredus guet en dasson :
Gloria, etc.

Clasquamb guet er brassan sourci
Mèn é ma gannet er Messi ;
Nezé guet joé ha trugairé,
Ni e larou guet en Ælé :
Gloria, etc.

Ridamb de huélét er Messi,
Gannet peur én ur marchaussi ;

Inou, joéius hag a galon,
Ni e larou guet en dasson :
Gloria, etc.

Jesus e guemér hun natur,
Eid omh e za de vout croaidur ;
Cannamb enta guet caranté ;
Cannamb gredus guet en Ælé :
Gloria, etc.

Eit salvedigueah hun inean
É ma dischennet ag en nean ;
Cannamb enta, christenion,
Cannamb gredus guet en dasson :
Gloria, etc.

Deit-é d’hun tennein a visér
Hag a liameu Lucifér ;
Raccé guet joé ha trugairé
Ni e gannou guet en Ælé :
Gloria, etc.

Jesus, ér vrassan peuranté,
E zisco d’emb é garanté ;
Cannamb enta, christenion,
Cannamb joéius guet en dasson :
Gloria, etc.

Ér stad-cé pe huélamb hun Doué,
Câramb èl d’hou er beuranté ;
Cannamb attàu guet joé ha grèd,
Cannamb ehué guet en Ælèd,
Gloria, etc.

Câramb Jesus, Salvér er bed,
Ha disprisamb en treu crouéet ;
Raccé perpet ar er memb ton,
Ni e larou guet en dasson :
Gloria, etc.

Câramb enta Jesus hemb quin,
Hum ramb dehou eit birhuiquin ;
Raccé guet joé ha trugairé,
Revou mêlet guet en Ælé.
Gloria, etc.


O men Doué, revehet mêlet
Dré guement tra zou ol ér bed !
Raccé enta é peb canton
Revou cannet guet en dasson :
Gloria, etc.

Cannamb ol guet hur boéhieu,
Sonnamb guet hun instrumanteu ;
Cannamb gredus guet en Ælé,
Laramb épad ol hur huhé :
Gloria, etc.

M. Le Mouel.



AR ER MEMB GOUIL.
Ton : N° 110.

M’hou salud, croaidur douç,
Én ul léh peur gannet,
M’hou ç’hanàu ar er plous
Aveit Salvér er bed.
Dischen e hret izel
Eid hur salvein
Ah ! d’emb-é bout fidel
D’hou ç’adorein.

N’en d’oh meit ur hroaidur
Pe za d’emb hou sellet ;
Mæs er fé hun assur
É oh un Doué parfæt,
Guet en Tad éternel,
Doué ol-buissant,
Guet er Sperèd-Santel
Ingalemant.

Adoramb ol assambl
Ur hroaidur Doué ha dén,
E zisco en exampl
Ag er péh e ordren ;
O cadoër admirabl
Hur gùir doctor ;
O croaidur amiabl,
Ni hou ç’ador.

Un of zou hou cadoër
Eit predèg d’emb perpet
Disprisein er faus gloër,
Pratiq er batianted,
Peuranté, aboeissanç,
Humilité,
Pligein dré bréféranç
Perpet de Zoué.

Péh ur bonheur hiniw
Eid omb én hur misér !
Deit-oh, ô croaidur criw,
D’hur goarn doh Lucifér,
D’hun tennein a sclavaj
É liameu,
De reparein dommaj
Hur péhèdeu.

O croaidur adorabl !
Astennet, ni hou pèd,
Hou teorn secourabl,
Eid hun dihuen ér bed
Doh ardeu Lucifér,
Doh er péhèd,
Rac é omb én dangér
A goéh perpet.

Hui e gassas un Æl
De vugulion suéhet,
Aveit doug er guevel
Penaus é oé gannet ;
Ind e zas ol a bêl
Queti-quetan,
Eid offrein d’oh espres
Ou mad gùellan.


O eurus préféranç,
Avid omb ol tud peur,
E ra d’em assuranç,
Ne glasqué quet en eur,
Ne glasqué meit omb-ni.
Eid ol madeu,
Ni e offr a zevri
Hur haloneu.

Recueil Pourchasse.



GOUIL ER CIRCONCISION.
BADIENT HUR SALVÉR.
Ton :

O me Jesus, me ol vad, mem buhé,
Monnèt e hrein enta d’hou lehuiné ;
Quemér e hret en hanw douç a Salvér,
Ha scùil e hret deja hou coaid tinér.

Aveid on-mé, couciet d’er péhèd,
E hoès deja, én ur zonnèt ér bed,
Guet hou tareu glubet ol hou cavel,
Hag hum offret èl un oén d’er goutel.

Hou coaid e rid ag en ouaid tinérran,
Andur e hret er poénieu méhussan ;
Ha mé, péhour, a houdé pêl-amzér,
Ne hran nitra eit distan hou colér.

Gùelleit hui-memb me halon orgueillus,
Rai bêl, allas ! é ma chomet cablus ;
Ha groeit n’em bou quin nameit un desir
D’hou quemér hui, me Jesus, aveit scùir.

Rèd-é anfin, a p’en d’on er hablus,
Aveit golhein me féhedeu méhus,
Ou hassat ol guet er brassan glahar,
Ha guet hou coaid caijein ahoel men dar.

J. G.



ÉN INOUR DE HANW JESUS,
AVEID ER MEMB SUL.
Ton : Conditor alme.

Hinihue é quemér er Messi,
Dégasset a berh Doué d’emb-ni,
En hanw quer caër ha quer bourrus,
En hanhue amiabl a Jesus.


Jesus, hanhue en amiaplan,
Ha d’hur halon en hanw douçan ;
Ya, hou ç’hanw, Messi santel,
E zou douçoh aveid er mél.

Nitra douçoh de vout mêlet,
Nitra douçoh de vout cleuet ;
Chongeal én hou ç’hanw, ô mab Doué,
Eid en inean zou ur guir joé.

Jesus, espérance er péhour,
En nemb hou clah hui er secour ;
Na matet oh a p’hou clasquér,
Ha gùel oh hoah a p’hou cavér.

N’en dès, ô Jesus, ar en doar,
N’en dès nameit en nemb hou câr
E hel larèt é gùirioné
En doustér a hou caranté.

Rezei de vitin ha de noz,
Quênt me labour, quênt me repoz,
Hou ç’hanw santel ém ol œvreu,
A me halon, ar men guêneu.

Me mam, a pe oen ér havel,
E zisqué d’ein hou ç’hanw santel ;
Jesus, er hræce e houlennan
Ma vou hoah me honz dehuéhan.

Jesus, hui zou hun espéranç,
Hui vou un dé hur recompanç ;
Beah enta ér bed-men hur joé,
Hag én nean beah hul lehuiné.

J. G.



AR ER MEMB TRA.
Ton : N° 146.

Gloër de Jesus, me Salvér adorabl,
Gloër de Jesus, doh-emb quen truhéus ;
P’hou prononçan, hanw douç hag amiabl,
M’inean e sant ur bonheur véritabl.
Gloër de Jesus, etc.


Gloër de Jesus, ami perpet fidel,
Gloër de Jesus, er bed zou ancoéhus ;
Me droei cain d’oh, pligeadur criminel,
Hou toustér-hui er fin vehé marhuel.
Gloër de Jesus, etc.

Gloër de Jesus, ean é ol espéranç
Er béherion hag en dud maleurus ;
É hanw santel e zou ou honfortanç.
Inou hemb quin é cavant assistanç.
Gloër de Jesus, etc.

Gloër de Jesus, é hellet zou hemb par ;
Gloër de Jesus ha d’é hanw quen nerhus ;
Dirac é hanw Satan memb é counar
E guh spontet bet en dôn ag en doar.
Gloër de Jesus, etc.

Gloër de Jesus, er græceu admirabl
En dès scùillet ar m’inean maleurus,
E lar d’ein splann é telian dalhabl
Rein mil bennoh d’em Salvér adorabl.
Gloër de Jesus, etc.

Gloër de Jesus, ean é ol men doustér,
Gloër de Jesus, guet hou é on eurus ;
Ean e ven chom eid on ar en autér
Eit me mâguein ha douçat me misér.
Gloër de Jesus, etc.

Gloër de Jesus en dès reit er victoër
D’er ré salvet e zou bermen eurus,
Hag e gannou de virhuiquin é hloër
É creis er joé hag ur mor a splandér.
Gloër de Jesus, etc.

Gloër de Jesus, inour d’é vam tinér,
Mari zou mam er gristenion gredus ;
Aveit gouni calon mam hur Salvér,
Mêlamb Jesus zou hun Doué hag hur brér.
Gloër de Jesus, etc.

Gloër de Jesus, é hanw caër ha santel
E spont Satan ar é drôn orgueillus ;
Mæs d’er hristén zou douçoh eid er mél,
Me ven eit hou ha bihuein ha merhuel.
Gloër de Jesus, etc.

J. G.


GOUIL ER ROUANNE.
Ton : Conditor alme.

Ridamb, christenion gredus,
Ridamb ol de huélèt Jesus :
Ar hun deuhlin guet en tri Roué,
Adoramb Roué ol er Rouanné.
Èl d’hai n’hun nès chet ur stiren
É ligùernein a drest hur pèn,
Mæs ur fê son zou er splandér
E zisco d’emb ol hur Salvér.
Dégassamb aveit donæzon
Er sacrefice a hur halon ;
N’en dès chet dobér a vadeu,
Ne houlen meit hur haloneu.
Cassamb hur presanteu de Zoué
É léh en eur, hur haranté,
É léh er myrh, hur pénigen,
É léh en ézanç, hur peden.
En eur e zisco é ma Roué,
Hag en ézanç é ma gùir Doué,
Er myrh é ma èl omb gùir dén,
Hag é varhuou é creis er boén.
Hinihue ehué guet en tri Roué
É omb bet ol galhuet d’er fé ;
Juiffèd ne vet quet ivius,
Mar adoramb èl oh Jesus.
Hou pugulion er ré guetan
En adoras èl roué en nean,
Ar ou lerh é tas en tri Roué
D’en adorein avel ou Doué.
Er memb Doué e halhue er Juiffèd
E halhue ehué er bayannèd,
Eit ne vou quin mui meit ur pên,
Ur memb bugul, ur memb banden.
Jesus, beah Roué hur haloneu,
Feahet Satan guet é ardeu ;
Streàuet ér bed hou ranteleah,
Ha reit d’hou pugalé er peah.

J. G.


AR ER MEMB GOUIL.
Ton : Adoramb ol.

Ridet amen, ô hui, tud miserabl !
Qùitteit hinihue hou touéèd disprisabl ;
Amen é cavehet, é creis er guér santel,
Hou Salvér hag hou Toué, [Mab en Tad éternel (bis).

Héliet ol guet grèd ha guet couraj
Er scùir quer caër e ra d’oh en tri Maj ;
Sàuet-é er splandér ar er gueih payannèd,
E oé a hir amzér [é creis en dihoeldàd (bis).

En neu bobl oé a houdé pêl-amzér
Dispartiet avel dré ur vangoër ;
Mæs bermen é hellou ehué er bayannèd
Adorein er gùir Doué [querclous èl er Juiffèd (bis).

Pobl a Judé, ingrat hag infidel,
Dischennet-oh a hou rang quen ihuel ;
Ha ni péré e za a ligné payannaj,
Ni hun nès receuet [guet Doué hou ç’héritaj (bis).

Er huéen spern, liès a p’hi greffér,
E zoug fréh caër ha fréh lan a zoustér,
Hag er gué doudasquan e chanj crohen ha dél,
Hag e zoug fréh quen douç, [quen huêc avel er mél (bis).

Groamb avel-cé, christenion fidel,
Douguamb fréh mat ha groamb œvreu santel,
Guet eun a vout trohet avel er figuésen
E zougué liès bleu [mæs jamæs ur fréhen (bis).

Gloër hag inour d’oh-hui, Tad éternel,
Hur galw hiniw de vout hou pobl fidel ;
Gloër ehué de Jesus, hou Mab hag hur Salvér,
Ha d’oh-hui, Sperèd-glan, [e ra d’emb ol splandér (bis).

J. G.


EID EN AMZÉR A GOAREIS.
Ton : N° 125.

Cleuet, Crouéour carantéus,
Boéh hou pugalé hirvoudus,
Ha receuet er pedenneu
E hrant d’oh hag ou yunieu.

Hui e lén én hur haloneu,
E huél é mant pront d’er fauteu ;
D’oh é tistroamb a huir galon,
Reit-t’emb enta græç ha pardon.

Gùir-é hun nès lies péhet,
Mæs, p’hum hanàuamb, pardonnet,
Aveit gloër hou ç’hanhue adorabl
Gùelleit hun inean miserabl.

Groeit ma feahehemb hur horveu
Dré bénigen ha yunieu ;
Mæs drès peb-tra, groeit, ni hou pèd,
M’hum hoarnehemb doh er péhèd.

Groeit neoah, ô Drindèd divin,
Tri person én un Doué hemb quin,
Ma vou fréhus d’hun ineaneu
En donæzon ag er yunieu.

J. G.



AR BASSION HUR SALVÉR.
Ton : N° 126.

Ansaigneu hur Roué zou arvéz,
Splannein e hra mistér er groéz,
Doh péhani en des marhuet
Jesus aveit prenein er bed.

Guet bêg ul lanç ar er groéz-cé
É ma bet toullet é gosté,
Hag en dès scùillet deur ha goaid,
Aveid hur golhein a béhéd.


Arrihue-é en termén merchet
Dré Zavid en doe laret :
É vehé deit er Roué a beah
Dré er groéz én é ranteleah,

O gùéen caër ha liguernus,
Rûet guet é hoaid précius !
Sàuet-oh bet d’ur rang ihuel
Pe douchet mampreu quer santel.

O croéz eurus en dès douguet,
Ar hou tivréh rançon er bed,
Dré-z-oh en dès feahet Jesus
Er marw hag en ihuern eahus.

Croéz, ni hon salud a galon
Én amzér ag er Bassion,
Reit d’er ré vat mui a hræceu,
D’er ré fal græce eid ou fauteu.

O Drindèd, mamen a vuhé,
Guet en ol beah mêlet bamdé ;
Dré er groéz reit-t’emb er victoër,
Hag ér fin ul lod én hou cloër.

J. G.



AR ER MEMB TRA.
Memb ton.

Ælèd en nean, deit ar en doar,
Ah ! deit ar er manné Calvar,
Eit gobér canveu d’hur Salvér,
Pe ne ven en dud er gobér.

Pe daulan mi d’é boénieu,
Pe chongean én é souffranceu,
P’en da me sperèd d’er Halvar,
Me halon e feut guet glahar.

Sellet, péherion, doh er stad
É péhani é ma hou Tad :
Ur gourôn spern zou ar é bèn
Ha hi plantet bet er vélen.


É zeulegad e zou chairret,
É faç guet er goaid zou rûet ;
Staguet doh er groéz guet tacheu,
É ma ér brassan tourmanteu.

Sellet é gosté digueoret,
Sellet ol é gorv dispennet,
Ha ma ne ouilet a galon,
Ne hoès truhé na compassion.

Peb tra hag én nean hag én doar
E zisco anquin ha glahar :
En hiaul, er stirèd hag el loër,
Guet hirris, e guh ou splandér.

Ha té, péhour cri, ahurtet,
Ne hrès cas na seblant erbet,
Aveit gùélèt merhuel un Doué
Zou ha Dad, ha Salvér, ha Roué.

Crioh-ous enta a galon
Eid er Juiffèd é vourreàuion,
Rac darn a nehai e ouilas
Guet truhé doh-t-hou pe varhuas.

Er ré-zé n’en hanàuent quet
É chongeal é oé faus profet ;
Ha té, péhour, te houi pihue-é,
Te houi é ma gùir Vab de Zoué.

Quel liés péhèd èl e hrès
Doh er groéz hoah en er staguès,
É refresquès é houlieu,
É plantès dônnoh é dacheu.

Mar dé tinérreit ha galon
Én ur huélèt é bassion,
Ouil ha béhedeu guet anquin
Ha ne béhès mui birhuiquin.

Ha hui, ô Jesus, ô men Doué !
A pe achihuein mem buhé,
Reit-t’ein er bonheur, mé hou pèd
D’hou mêlein é misq en Ælèd.

J. G.


AR ER MEMB TRA.
Ton : N° 87.

Guet goaid Jesus é tivir,
Caiget ahoel hou tareu,
Christenion e zesir
Cheleuèt é dourmanteu :
Ni-memb e hra en offanç,
Er boén e gouéh ar nehou ;
Ahoel dré reconnaissanç,
Bihuamb ha marhuamb eit-hou.

Én ur jardrin guet glahar,
É galon e zou rannet ;
E zouj, e espér, e gâr,
Ean e ven ha ne ven quet,
E lar nepas guet dougeanç,
E lar ya guet truhé ;
A la fin dré aboeissanç
Ean e varw guet caranté.

Judas en traitour cruel
Er gùerh d’é anemisèd,
Ha dré ur boq criminel
En disco d’er soudardèd ;
Te za, péhour misérabl,
É sigur en adorein,
Guet ur bêg abominabl,
Èl Judas, d’en trahissein.

Abandonnet-é d’arraj
Ur vanden tud counaret,
Guet ou zauleu é visaj
E zou flastret ha quignet ;
Ælèd, guet hou tivasquèl,
Perac n’en det d’er huhein
Doh furi tud quer cruel,
Pé quêntoh d’ou dismantein.

Ind er stuhel guet maliç,
Èl er brassan torfætour ;
Ha Caïf, juj hemb justiç,
En trèt el ur blasfémour :
Pe jugeou er bed antiér,
Juj hypocrit, t’er gùélou,
Doh en taul ag é golér,
Ar ha goust t’en hanàuou.

Épad ma hum sacrefi,
Ol é tant d’en insultein,
Ha Pierr memb er reni
Hag e nah an hanàuein :
Quentéh Jesus guet ur sèl
E zeuhantér é galon,
Pierr én ur méh santel
E ouil guet contrition.

Pilat memb e gomparaj
Jesus doh ur multrér bras,
Er bobl e gri guet arraj :
Pas hennéh, mæs Barrabas ;
Én drespet d’é innoçanç,
Jesus e zou condannet ;
Dré choéj ha dré bréféranç,
Barrabas zou délivret !

Ur vanden Juiffèd cruel
En dispen a béhieu ;
Prest-é Jesus de verhuel
Guet er bouis ag ou zauleu.
Ah ! péh arraj a counar !
Arrestet, Juiffèd ingrat,
Eid hou salvein, tud barbar,
É rid é hoaid a boullad.

Ur gourôn luém ha cruel
Én é bèn e zou plantet,
Hag open é faç santel
Guet scop ha goaid couciet.
Sel er péh en dès d’andur,
Péhour dallet guet er bed,
Eit paiein ha bligeadur,
Jesus zou quen tourmantet.

Jesus e ya d’er Halvér
Guet é groéz ar é ziscoé ;
É groéz e oé é gadoér,
Ar nehi é predégué :
Pardonnet-ind, Tad santel,
Ne houyant petra e hrant ;
Groa èl-cé, christén fidel,
D’er réral p’hé ç’offançant.


Ur vanden en anjuli
Hag e gri a bouis ou fèn :
Dischennet hag a zevri
Ni e gredou ol aben :
Dischen e hrehé forh æz,
Én drespet ol d’hou tacheu ;
Mæs er péh en dalh ér groéz
E zou hun ol péhedeu.

Ah ! naren, a hou supliç,
Jesus ne zischennet quet,
Achihuet hou sacrefiç
Aveit salvein ol er bed.
Jesus, revé hou promess,
Tennet-ni ol devat-oh,
Desir hun nès dré hou cræç
De souffrein tout aveid-oh.

Marhue-é, en nean hag en doar
E hra canveu d’ou Hrouéour ;
Peb-tra e zisco glahar,
Nameit on-mé, queih péhour !
Ah ! me halon miserabl
Zou calettoh eid er vein,
A pe n’en dé hoah capabl
Tourmant Jesus d’em zouchein.

R. Pourchasse.



CANVEU D’ER GRUCEFI.
Ton : N° 67.

Ouilet, men deulegad, ouilet, marhue-é Jesus,
Marhue-é Jesus eid omb, péherion maleurus.

Marhue-é Jesus eid omb, ar er manné Calvar,
Péh calon ne darhou guet chif ha guet glahar.

Tosta, péhour ha dès, cousidér te labour,
Peb péhèd é hès groeit zou bet é dorfætour.
Marhue-é, etc.

Ah ! n’hum guemérès quet, ingrat, doh er Juiffèd,
Te hès reit dorn dehai, te hès ind secouret.
Marhue-é, etc.

Dès doh é dreid ahoel de ouilein te fauteu,
Ha chonge é mant bet caus d’é varw ha d’é boénieu.
Marhue-é, etc.

Mar dint rûet d’er goaid e zivir a boullad,
Te zeli ou golhein guet dar te zeulegad.
Marhue-é, etc.

Eit tennein te zareu ha touchein te galon,
Ne hès nameit sellèt poénieu é Bassion.
Marhue-é, etc.

N’en dé meit ur gouli ag en treid bet er pèn,
Curunet-é a spern plantet bet er vèlen.
Marhue-é, etc.


É gorv zou ol hachet, diflosquet é vampreu,
É dreid hag é zeourn trézet guet en tacheu.
Marhue-é, etc.

Guet er scop hag er goaid é faç zou dislihuet,
Ha guet ul lanç cruel é gosté digueoret.
Marhue-é, etc.

Ah ! t’er hrucefi hoah, péhour ha péhourès,
Ha te galon ingrat e chervij d’id de groéz.
Marhue-é, etc.

Ya, guet er Juiffèd, péherion maleurus !
Bamdé é criet hoah : crucefiet Jesus.
Marhue-é, etc.

Eid hou calhuein neoah, é bèn e zou soublet ;
É galon zou digueor, é zivréh astennet.
Marhue-é, etc.

Ah ! distroeit, e lar-ean, péherion, doh-ein,
Mar hum gonvertisset prest-on d’hou pardonnein :
Marhue-é, etc.

Ya, ô douç Jesus ! chiffet-é ou halon,
Guet anquin ha glahar é criant ol : pardon.
Marhue-é, etc.

Pardon, men Doué, pardon a hun ol péhedeu.
Quêntoh merhuel mil gùéh eit retorn d’hur fauteu.
Marhue-é, etc.

R. Pourchasse.



HENT ER GROÉZ.
Ton : N° 89.

Christenion carantéus,
Damb ol guet chif ha guet glahar ;
Héliamb pas a pas Jesus
E ya guet é groéz d’er halvar.
É hoaid e verche ol é baseu,
Damb d’ou golhein guet hun dareu.

QUETAN STATION.

Eit bout deit mat guet er Juivèd,
Pilat eunus, juge hemb justiç,

E gondann Jesus de honnèt
D’achihue ér groéz é sacrefiç,
É hoaid etc.

EIL STATION.

Quentéh èl mé ma condannet
Dré er Juiffèd cri ha barbar,
Idan e groéz ponnér pléguet,
Jesus hi doug bet er halvar.
É hoaid etc.

TAIRVÈD STATION.

Guet truhé ha compassion,
Sellamb Jesus~Chrouist hur Salvér
Goanneit dré er flagellation
É couéh idan é vèh ponnér.
É hoaid etc.

PEDAIRVÈD STATION.

Jesus é vonnèt d’er halvar
E gavas é vam anquinet,
E hélié én ur scùill dar,
Bet er halvar hé Mab câret.
É hoaid etc.

PUEMVÈD STATION.

Ind e guemén d’ur perhindour
Rein dorn de zoug é véh ponnér ;
Nepas eit rein dehou secour,
Mæs aveid hirrat é visér.
É hoaid etc.

HUÉHVÈD STATION.

Faç Jesus zou goleit a hoaid,
Er Véroniq, calon tinér,
Doh er séhein guet hé mouchèd,
E den gùir limage hur Salvér.
É hoaid etc.

SEIHVÈD STATION.

Jesus, é peb kis burtellet
Guet er Juiffèd cri ha barbar,

E gouéh semplet ha vagannet,
É hoaid e verche é léh én doar.
É hoaid etc.

EIHVÈD STATION.

Jesus e sàu ha guet truhé
D’er merhèd a Sion e lar :
Ar-n-oh hag ar hou pugalé,
Quêntoh eid ar-n-an, scùillet dar.
É hoaid etc.

NAUVÈD STATION.

Couéh e hra hoah idan é véh ;
Er béh ponnér ag er péhèd
E ziscar eid en dairvéd gùéh
Betag en doar Salvér er bed.
É hoaid etc.

DECVÈD STATION.

É hér de zihusquein Jesus,
Ah ! hiaul, cuhet bean hou sclærdér,
Hui, vistr hag absint dongerus,
Eit Jesus changet é doustér.
É hoaid etc.

UINECVÈD STATION.

Eid ous é souffr guet caranté,
Péhour ingrat ha miserabl ;
T’er stag hoah doh é groéz bamdé
Dré ha fallantéieu dalhabl.
É hoaid etc.

DEUZÊCVÈD STATION.

Doh er groéz é sàuér Jesus ;
Anjuliet-é quênt merhuel.
O momand trist ha glaharus !
Marhue-é eid on zou criminel.
É hoaid etc.

TRIZÊCVÈD STATION.

Ah ! sellamb Jesus hemb buhé,
Étré divréh é vam santel :

Groamb canveu d’er Vam a druhé,
Ramb d’er Mab ur galon fidel.
É hoaid etc.

PUARZÊCVÈD STATION.

Sellamb a dost Jesus ér bé,
Ha bihuamb dehou quer fidel,
Ma varhuehemb guet caranté
Eit monnét d’er gloër éternel.
É hoaid etc.

J. G.



EID EN AMZÉR A BASQ.
Ton : O filii et filiæ.

Christenion, cannamb guet joé
Jesus, roué en doar hag en né,
E sàu guet gloër a zan é vé. Alleluia.
Alleluia, (ter).

A berh Satan Salvér er bed,
Laqueit ér bé dré er Juiffèd,
N’hel quet bout bihuanç er prinhuéd. Alleluia.
Alleluia, (ter).

Hinihue é hra splannein é hloër,
É toug ar er marhue er victoër,
É achihue feahein Lucifér. Alleluia.
Alleluia, (ter).

A vitin mat merhèd fidel
E za de dal er bé santel,
Hag azé e gleu guet un Æl, Alleluia.
Alleluia, (ter).

Perac é clasquet-hui ér bé
Jesus er vamen a vuhé ?
Hui er havou é Galilé. Alleluia.
Alleluia, (ter).

Dré Vadelén avertisset,
Deu Apostol en dès ridet,
E huél é ma ressuscitet. Alleluia.
Alleluia, (ter).


Sant Yehan, lan a garanté,
Quênt sant Pierr e za d’er bé ;
Ind e huél splann é ma goulé. Alleluia.
Alleluia, (ter).

Liès épad deu-uiguénd dé,
D’é Zisciplèd en hum ziscoé.
Ha peah dehai ol e lare. Alleluia.
Alleluia, (ter).

De Domas n’en doé quet credet
É oé Jesus ressuscitet,
Chetui er péh en des laret : Alleluia.
Alleluia, (ter).

Gùél, ô Thomas, gùél me hosté,
Sel me zreid, sel men dourn goudé,
Ha crèd anfin er huirioné. Alleluia.
Alleluia, (ter).

A p’en dès touchet é gosté,
Thomas e lar guet ur gùir fé :
Hui e zou me mæstr ha men Doué. Alleluia.
Alleluia, (ter).

Eurus en nemb en dès credet
Hemb n’ou dès èl Thomas gùélet,
Én nean é veint recompancet. Alleluia.
Alleluia, (ter).

Én dé-men quer caër, quer bourrus,
Cannamb guet ur galon joéius :
Gloër, mêlation de Jesus. Alleluia.
Alleluia, (ter).

Guet er vrassan humilité,
Trugairéquamb Jesus hur Roué
E sàu hinihue a zan é vé. Alleluia.
Alleluia, (ter).

J. G.



AR ER MEMB GOUIL.
Ton : Ad regias agni dapes.

Christenion, cannamb guet joé,
Jesus hur Roué hag hor Salvér,

E sàu hinihue a zan é vé
Goleit a hloër hag a splandér.

O marw, mèn é ma ha victoër ?
Mèn é ma oueit ha vroudeu luèm ?
Feahet e hoès-hi, me Salvér,
Ha draillet a dameu hé flêm.

Naren, ô marw, merh er péhèd
Ha guir douaranès de Satan,
Ne zougeamb mui ha grueldèd
Ha n’hellès mui hur has d’en tan.

Mar e hès perh ar hur horveu,
Ne hès mui perh ar hun inean ;
Guet Jesus, Roué hur haloneu,
Ni e sàuou de lein en nean.

P’en dé ressuscitet er pèn
É ressuscitou er mampreu ;
Er bugul mat hag é vanden
E zeli chom ér memb béhieu.

Mæs, mar vennamb, ô me inean,
Arrihue un dé én eurustèd,
Ha bout guet hur Salvér én nean
Sàuamb a zan bé er péhèd.

Jesus e sàu a varw de viw,
Ha Jesus ne varhuou mui quin ;
Qùittamb hur péhèdeu hiniw
Ha ne béhamb mui birhuiquin.

J. G.



RIEU EN ASÇANSION.
Ton : Nos 77 73.

Achihuet e hoès hou labour,
Ha douguet e hoès er victoër,
Hiniw guet er brassan inour,
En nean hou receu én é hloër.

Ar un trôn cogus azéet,
Hui e huél en doar idan d’oh,
Hag er Sænt e hoès délivret
E ra d’oh hiniw mil bennoh.


En nean n’hel gùélét hemb suéhein
Digueor é zoreu éternel,
Ha hui Doué ha dén é vontein
Guet hou Tad ar é drôn ihuél.

Azé ha Bélêg ha Patrom,
Eid omb bamdé é houlennet
Guet hou Tad er peah ha pardon
En dès hou coaid d’emb méritet.

Ar hou ç’Ilis, ô prièd glan,
A vazé hui e scùil græceu,
E ra buhé de bep-unan
Avel en inean d’er mampreu.

A vazé a zoh en dangér
Ér gombateu, hui hi dihuen,
Ha d’en nemb e zoug er victoër,
E dres hui-memb er gouronen.

Hui e zou hur pèn, ô Jesus,
Ha hui hur galhue èl hou mampreu ;
Groeit ma héliehemb gredus
En hent merchet dré hou paseu.

D’oh-hui enta, Salvér divin,
Guet en Tad hag er Sperèd-glan,
Hag hiniw ha de virhuiquin
Revou rantet er gloër vrassan.

J. G.



AR ER MEMB GOUIL.
Ton : N° 107.

Én dé gouil-men caër ha bourrabl,
Hum daulamb d’er joé, me inean,
Ul lehuiné perpet dalhabl
E vou hur recompanç én nean. (bis)

Jesus e ya hiniw d’en né,
Feahet en dès er marw spontus,
A zéheu d’é Dad é azé,
D’emb é prepar ur joé padus.


Liés épad deu-uiguênd dé
En hum ziscoas d’é Zisciplèd,
Hag é zoustér e hounié
Caloneu é Apostolèd.

Quemén e hra dehai disquein
En aviél de bep-unan ;
Mæs gortoz aveid ansaignein
Secour nerhus er Sperèd-glan.

A greis é Ziscipléd suéhet
Betag en nean é sàu Jesus ;
Doh ou sèl en dès hum guhet
Én ur gogussen ligùernus.

Dischennet en dès bet izél
Aveit prenein hun ineaneu,
Hag hum sehuel e hra ihuél
Aveit jugein ol er pobleu.

Hinihue é vontein ar é drôn,
A sclavèd ean e hra rouanné,
E laq ar ou fèn ur gourôn,
E rant d’er ré varhue er vuhé.

Èl ma vont ar un trôn cogus,
Avelcen é tei hoah ur huéh,
Eid inourein en dén gredus
Ha gollein er péhour a véh.

Perpet é tizolo én né
D’é Dad é houlieu calet,
Ha guet hou é houlen bamdé
Er peah en des d’emb méritet.

Eit sterdein hoah en allianç
Étré er pèn hag er mampreu,
Chonget hinihue ér recompanç
Grateit én nean d’hou mériteu.

A lein en nean, guet caranté,
Sellet-ni queih énevadèd ;
Dégasset t’emb a ziarhlué
Seih donæzon caër er Sperèd.

J. G.


SUL ER PANTECOUST.
Ton : N° 77.

Sperèd Crouéour, deit ag en né,
Deit de visitein hun iné,
Deit, hag a hou cræceu carguet
Er haloneu e hoès crouéet.

Hui-é er Sperèd a zoustér,
Donæzon Doué hun Tad tinér,
Er gùir vamen a garanté,
En ivl e zouga en iné.

Hui e scùil er seih donæzon,
E scriw lézen Doué ér galon ;
Grateit oh bet d’emb dré en Tad,
Hui hul laca de gonz erhat.

Reit enta sclærdér d’hur squêndeu,
Reit caranté d’hur haloneu,
Ha d’hur horveu en nerh requis
Eit souffrein drougueu a bep quis.

Pêlleit doh-emb Satan traitour,
Reit-t’emb er peah, reit-t’emb secour
Aveid hum hoarn é peb amzér
A zoh flêm er péhèd multrér.

Groeit ma hanàuehemb erhat
Querclous èl er Mab Doué en Tad,
Ma credehemb én oh ehué,
Hui er fréh ag ou haranté.

Gloër d’en Tad en dès hur hrouéet,
Gloër d’er Mab en dès hur prenet,
Gloër ehué d’er Sperèd divin,
Ha bermen ha de virhuiquin.

J. G.



AR ER MEMB GOUIL.
Ton : N° 39.

Deit, Sperèd-Santel, ni hou pèd,
Hag, èl ar en Apostolèd,
Scùillet ar-n-amb hinihue en dé,
Hou sclærdér hag hou caranté.


Hemb oh é omb én diovér,
Hemb oh n’en d’omb nameit misér ;
Deit, mamen a bep donæzon,
Deit de rein tuêmdér d’hur halon.

Hui zou ami en ineaneu,
Hui e zouça ol er poénieu,
Hui-é er hlouéhen ag en nean
E ra cloarision d’en inean.

Hui hun discùéh él labourieu,
Hui hur honfort én hun dareu ;
Pe losquamb idan en tuêmdér,
Hui hur refresq guet hou toustér.

Sperèd, mamen a garanté,
Visitet enta hun iné,
Ha guet hon cræceu, ni hou pèd,
Carguet calon hou fidélèd.

Hemb hou secour, ô Sperèd-glan
É ma mab-dén ér stad tristan,
Pléguet idan bouis er hlinhuèd
N’en dé meit misér ha péhèd.

Golhet en inean couciet,
Douceit en inean disséhet ;
Blesset omb dré hur péhedeu,
Deit de huellat hur goulieu.

Bloteit er haloneu calet,
Tuêmmet er haloneu sclasset,
Galhuet en ineaneu dissent
Ha tennet-ind ag er goal hent.

Sperèd-Santel, hun ol fianç,
Scùillet enta guet abondanç
E caloneu hou pugalé
En tan-flam ag hou caranté.

Groeit ma hrehemb œvreu santel,
Ma vehemb perpet d’oh fidel,
Ha ma arrihuehemb un dé
Én nean bro er gùir lehuiné.

J. G.


SUL EN DRINDÈD.
Ton : N° 107.

O mistér en Drindèd santel,
Un Doué hemb quin é tri person !
O splandér gùerh hag éternel,
Ni hou ç’ador a huir galon !

Èn un Doué glan hag adorabl,
Nag a splandér hag a vrastèd !
Mæs é vadeu quen admirabl
E chom cuhet doh en sperèd.

Tàu enta, me ræson distér,
Soubl idan er fé, me inean ;
Madeleah Doué hag é zoustér
Ne veint gùélet nameit én nean.

A viscoah en Tad éternel
E gâr é Vab guet tinérdèd ;
Er Mab e gâr é Dad santel,
Ou haranté zou er Sperèd.

En Tad e hoarn doh en dangér
Er vuhé en dès reit d’emb-ni ;
Er Sperèd-glan é peb amzér
Dré é hræceu hur santefi.

Neoah Mab en Tad éternel,
É huir limaj hag é splandér,
En dès vennet ean-memb merhuel
Aveit hun tennein a visér.

Guet en douçan aboeissanç,
Inouramb en Drindèd santel,
E vou un dé hur recompanç
Hag hul lehuiné éternel.

J. G.



EIHVÈD ER SACREMANT.
Ton : N° 71.

Jesus a han-amb sourciabl,
Quênt eit merhuel,
E hras ag é gorv adorabl
Ur boéd santel :


Préciusset un donæzon !
Cannamb ihuél :
Gloër de Jesus, Roué hur halon,
E zischen quen izél.

Er bara e change a sustanç
Avel er gùin,
E za de vout, dré é buissanç,
É gorv divin :
Doué memb el lar : tàu, me ræson !
Cannamb, etc.

Pe gonsacr er bélêg aben
É ma presant
Jesus, hur Salvér, Doué ha dén,
Ér Sacremant :
Sentein e hra doh péherion.
Cannamb, etc.

Jesus e zou é peb Hosti
Lan a vuhé ;
E garanté er sacrefi
Eid omb bamdé :
O miracl a gompassion !
Cannamb, etc.

Mar dér a torrein en Hosti
A béhieu,
Jesus e zou é peb hani
Ag en tammeu,
Hemb andur marw na passion :
Cannamb, etc.

Ni e remerq ér sacrefiç
Bara hemb quin ;
Ne huélamb nitra ér Haliç
Nameit er gùin.
D’un Doué cuhet mêlation :
Cannamb, etc.

Ne vern quet pèd e gommuni,
Receu e hrant
Jesus a béh é peb Hosti
Er Sacremant.

Péh madeleah, christenion !
Cannamb, etc.

Mæs étré-z-hai péh différanç
Pe receuant ;
Ha péh quen dishaval santanç
E véritant,
É hobér ur memb action !
Cannamb, etc.

Er ré vat e gav ou bonheur
Ér Sacremant,
Er re fal e gav ou maleur
A pe dostant
É goal stad d’er gommunion.
Cannamb, etc.

Jesus d’er gristenion fidel
E zou buhé,
D’er ré zou ér péhèd marhuel
Ur marw nehué ;
Ind e refresq é bassion.
Cannamb, etc.

Raccé, péhour, quênt hum avanç
Doh taul Jesus,
Examinet hon couscianç ;
Mar d’oh cablus
Netteit-hi é covézion.
Cannamb, etc.

En Ælèd guet respet e grein
Pe gontamplant
Majesté Jesus Doué ha dén,
Ér Sacremant :
Ind e gondan hur yeinnion :
Cannamb, etc.

Pe gav Jesus é bligeadur
É chom guet-n-emb,
Hag é rein d’emb eit mâgadur
É gorv ean-memb ;
Guet joé ha consolation
Cannamb, etc.


N’helloh quet gobér davantaj,
O Roué a hloër,
Aveit bout hui-memb hur partaj
Én hur misér :
Raccé guet obligation
Cannamb, etc.

R. Pourchasse.



AR ER MEMB GOUIL.
Ton : Cheleuet ur Person.

Stouyet ar men deuhlin, m’hou ç’ador, ô men Doué,
Idan en apparanç cuhet é gùirioné ;
Me halon a béh caër idan oh zou soublet,
Rac pe sellan hou cloër é sempla me sperèd.

En deulegad, en dourn hag en téad e fari ;
N’en dès nameit er fé e zeliamb héli ;
Me grèd é ol er péh en dès laret men Doué,
N’en dès nitra surroh, ean é er huirioné.

Ar er groéz ne guhas meit é natur a Zoué,
É natur memb a zén e guh amen ehué ;
M’en hanàu reih neoah a vêg hag a galon
Hag avel el lair mat, me houlen er pardon.

Hemb gùélét èl Thomas gouli dôn hou costé,
M’hou ç’hanàu hemb arvar amen aveit men Doué ;
Groeit neoah ma credein a zé de zé sonnoh,
Ma crihuei m’espéranç ha m’hou cârein muyoh.

O Mistér e hra d’emb chongeal son ér halvér,
Bara biw, mâgadur mab-dén én é visér,
Aveit m’inean perpet revehet er vuhé,
Groeit ma cavou perpet én oh hé lehuiné.

O Jesus, me Salvér ha mamen a burtèd,
Me zou ur heih péhour, golhet-mé én hou coaid ;
Rac un dapen hemb quin ag er oaid-cé quer pur
E hel gùellat er bed ag é gouciadur.

O Jesus e huélan cuhet ér Sacremant,
Groeit ma hellein én oh imbér torrein me hoant ;
M’hou cùélein face-oh-face ér baraouis un dé,
Ha ma hrei er gùél-zé me joé ha lehuiné.


CANNEN ARAL
A ZIVOUT ER MEMB GOUIL.
Ton : Nos 44, 77, 78, Conditor alme siderum.

Eid omb-ni, Mab en Eutru-Doué
Hemb qùittat tu déheu é Dad,
Ar en doar e guemér buhé
Hag e varhue a volanté vad.

Étal bout gùerhet d’er Juiffèd
Dré Judas en discipl multrér,
Ean hum ras d’é Apostolèd
Idan seblant bara distér.

Cuhet idan en apparanç
Ag er gùin èl ag er bara,
Jesus e ra d’emb é sustanç
Ha ne vanquamb mui a nitra.

Brér d’emb ér hreu pe oé gannet,
Ér gommunion hur gùir bihuanç
Hur rançon, a p’en dès marhuet
Én nean é vou hur recompanç.

Ni hou salud, Hosti sacret,
E zigueor en nor ag en nean ;
Goasquet-omb dré vrézel calet,
Reit nerh ha secour d’hun inean.

Gloër épad un éternité
D’un Doué hemb quin é tri person,
Péhani e dennou d’en né
Ni ol é huir serviterion.

J. G.


————


PUEMVÈD LODEN.
————
Cannenneu én inour d’er Huérhiès ha d’er Sænt.


GOUILIEU ER HUÉRHIÈS.
————
GOUIL-MARIA EN AVÈNT.
Ton : Conditor alme.

O Doué ! mamen ol er madeu,
Na pinhuiqueit donæzoneu
E hoès scùillet é peb-amzér
Ar Vari hur mam quen tinér !

Dén ne za ér bed-men divlam ;
Cablus ol a béhéd Adam,
Conceuet omb dré hur mameu
Ér vouillen ag er péhèdeu.

Doh er péhèd originel,
Hui hemb quin, ô Gùérhiès santel,
E zou bet dré ur hræç hemb par
Goarantet dré en Doué hou câr.

Avel ma huélér ur rosen
Én dreinêg é sehuel hé fèn,
Èlcen ehué en hou cùélér
É splannein é creis hur misér.

Dant er serpant quen dangerus
N’en dès guellet ar mam Jesus
Scùil é velim hag ampouison,
Na biscoah couci hé halon.

Hi-é Gùérhiès er gùérhiéséd,
Biscoah n’en dé bet ér péhèd,
Chetui perac é lausq ardran,
Memb er merhèd er ré purran.


Ar en doar é ma ou Mæstrès,
Hag én nean é vou ou Rouannès ;
Tro-ha-tro d’hé zrôn ligùernus
Un dé guet-hi é veint eurus.

Eurussoh memb eid en Ælèd
E zou é dirac Doué perpet ;
Mari, Gùérhiès ha Mam de Zoué,
En doug étré hé digosté.

O Mari, hui zou hur Rouannès,
Beah ehué hun Avocadès ;
Hui e houi é omb péherion,
Goulennet aveid omb pardon.

D’emb-ni, conceuet ér péhèd,
Dégasset bean Salvér er bed,
Aveid hur goarn a zoh en tan
E huéh deja eid omb Satan.

J. G.



AR ER MEMB GOUIL.
Ton : Quàm pulchre graditur.

Pihue-é enta honnen, Ælèd, laret d’ein-mé,
E sàu ag en deserh avel er goleu-dé ?
Ælèd, na caërret ur hroaidur !
Glan-é a hep couciadur.

O ! bugalé Adam, quentéh m’ou dès buhé,
E zou, dré er péhèd, dûet én ou iné ;
Penaus honnen, hi hé hunan,
N’en dé bet idan perh Satan ?

Caérroh paud ha gùennoh eid ur flourdelisen,
Étré merhèd Adam é splan er hroaidur-men !
Ælèd, na caërret ur hroaidur !
Glan-é a bep couciadur !

De noz, el loër e splan é creis en tihoeldèd ;
Honnen, mui eid el loër, e daul splandér ér bed :
Ælèd, na caërret ur hroaidur !
Glan-é a bep couciadur !


Peb unan en hum huél én ur riolen sclér :
É creis inean honnen limaj Doué e huélér :
Ælèd, na caërret ur hroaidur !
Glan-é a bep couciadur !

en ælèd.

Cannet a bouis hou pèn, cannet pobl ag en doar :
Digouéhet-zou hinihue ur burhud hemb é bar :
Gouyet é ma er hroaidur-zé
Crouéet aveit bout mam de Zoué.

Penaus é tostehé er péhéd d’hé inean ?
Hi e flastrou un dé guet hé zroed pèn Satan :
Pobl ag en doar, caërret ur hroaidur !
Glan-é a bep couciadur !

Cannet, pobl ag en doar, cannet guet en Ælèd,
Cannet èl omb én nean, ér puar horn ag er bed ;
Cannet : inour, gloër d’er hroaidur
Zou crouéet hemb couciadur !

en ælèd hag er bobl ag en doar.

Aveid oh, ô Mari ! hur halon hag hur han :
Ni hou cârou ér bed, ni hou cârou én nean ;
Ni e larou : inour perpet
D’er Huérhiès glan a bep péhèd !



GOUIL ER CHANDELOUR.
Ton : N° 20.

Ah ! piw ne vou suéhet ? un Doué hum hra Hosti ;
Groeit en dès el lézen, ean e blég idan d’hi ;
Jesus deit d’hur prenein e goussant bout prenet ;
É vam quer pur e za de vout purifiet.

Èl er mameu aral, Mam ha Gùérhiès perpet,
Ne za ehué d’en tampl meit d’en amzér merchet :
Perac é tougèh-hui mont él léh santel-zé,
O hui e oé deja santuér bihue un Doué ?

Ar un autér hemb quin en hum offr tair Hosti ;
Er gloër a hé furtèd zou offret dré Vari ;
Jesus e sacrefi é vamprigueu tinér,
Ha Siméon e varw guet joé doh hur Salvér.


Allas ! guet a hlaniér e drézou hou calon !
Gannet-oh eit souffrein, hou ç’anquin e vou don ;
Gùérhiès, en oénig-cé, câret guet tinérdèd,
E laquou en Autér de rûein guet é hoaid.

Jesus e sacrefi é vamprigueu distér,
Èl aveid hum zuéhat doh é varhue ér Halvér ;
Mæs pe vou en é vent é scùillou ol é hoaid,
Aveid golhein er bed couciet d’er péhèd.

Gloër d’en Tad, ha d’er Mab ha d’er Sperèd-Santel,
D’un Doué é tri person revou gloër éternel ;
Chervigeamb a galon hinihue en Eutru Doué,
Ha ni e vou eurus én ol éternité.

J. G.



GOUIL-MARIA MERH.
Ton : Conditor alme.

Hum daulamb ol d’en douçan joé,
Hinihue un Arhæl a berh Doué
E lar d’emb é ta hur Salvér,
Aveid hun tennein a visér.

Couéhet e oemb ér stad tristan,
Dré faut Adam, hun tad quetan ;
Eid hur sehuel, dré garanté,
Doué e zischen a lein en né.

Mab Doué ha Doué a ol viscoah,
E ven hiniw, dré vadeleah,
Donnèt de vout dén èl omb-ni
Étré digosté glan Mari.

Sujet d’er marw ha d’er misér,
Ean e varhuou eid é vredér,
Hag eit golhein guet é hoaid pur
Er bed ag é gouciadur.

En hani n’hel er bed quemér
En hum chair én ur horv distér :
Aveid hur gouni ol de Zoué
Ean e chom én hur misq bamdé.

D’er Mab e za eid hur prenein,
D’en Tad er ra eid hur salvein,
Querclous èl d’er Sperèd-Santel
Revou rantet gloër éternel.

J. G.


GOUIL SEIH GLAHAR ER HUÉRHIÈS.
Ton : 96, 97.

En hé sàu er vam a hlahar
É hars er groéz e scùillé dar :
Tré ma oé hé Mab spignet,
Hé halon hum zeuhantéré
Dré en anquin hag en dristé,
Guet ul lanç é oé trézet.

O na tristet ha glaharet
E oé er Vam-cé beniguet !
N’hi doé meit ur Mab hemb quin ;
Hi e ouilé, e hirvoudé,
Mam tinér, étré ma huélé
Poénieu hé Mab divin.

Pihue-é en dén ne ouilehé
Ar Vam Jesus p’hi gùélehé
Én ur gloès quen anquinus ?
Pihue e fehé refus canveu,
Ha péh lagad refus dareu,
D’é Vam e ouil de Jesus ?

Hi e huél, eid hur péhedeu,
Jesus é creis en tourmanteu,
Ha guet en touleu mâlet.
Hé Mab douç, ol joé hé halon,
Hi er gùél hemb consolation
É andur ur marw câlet.

Mam, gùir Vam er garanté,
Groeit ma vein èl oh én dristé,
Ha groeit ma ouilein guet-n-oh ;
Groeit ma santein un tan poéhus
Dré me haranté doh Jesus,
Eit pligein dehou muyoh.

M’hou pèd, Mam santel, plantet dôn
Én diabarh a me halon
Goulieu hou Mab câret ;
Groeit ma vein lodêc ér poénieu
En dès souffret eit me fauteu,
Eit ma vein un dé salvet.


Groeit ma ouilein a huir galon
Ar varw Jesus hag é bassion,
Bet er fin a mem buhé.
Chomet guet-n-oh é hars er groéz,
Ha partagein azé hou cloès,
E zou desir me iné.

Reit-t’ein er hræç de zoug me hroéz,
De vout guet hou Mab én é hloès,
D’hum guhein én é gosté ;
Groeit ma cârein é houlieu,
Ma cavein me joé ér hroézieu,
Hag é goaid hou Mab bamdé.

Guet eun ne losquehen én tan,
Pe jugeou hou Mab peb-unan,
O me Mam, dihuennet-mé.
Én ær a me marhue, ô Jesus,
Laret d’hou Mam carantéus
Me zennein guet hi d’en né.

J. G.



AR ER MEMB GOUIL.
Ton : N° 87, pé Guet goaid Jesus é tivér.

Er vam santel é glahar,
É huélét hé Mab ér groéz,
Én é hoaid e gaige hé dar,
É dourmant e hra hé gloès :
Eit diw galon e hum gâr
Double martir anquinus !
Jésus e souffr ér halvar,
Mari e souffr eit Jesus.

O péh un disconfortanç
Eid ur vam carantéus,
Gùélèt hé Mab é souffranç
En ur stad quen truhéus !
Drest hi é ma é verhuel,
Doh he zreid é hoaid scùillet !
Avel guet ur glean cruel
Hé halon e zou trézet.


Péh calon assés barbar
E hellou refus dareu
D’ur vam santel é glahar,
Semplet én hé zourmanteu.
Ah ! penaus refus quemér
Santimanteu a druhé
Doh Mam hun Doué, hur Salvér
Én un abym a dristé !

Jesus, eid hun délivranç,
E sacrefi é vuhé ;
Mari, guet hou é souffranç,
E gonsacr hé haranté.
Aveid omb, tud criminel,
E varhue Jesus doh er groéz
A gaus d’emb é vam santel
E chom semplet guet er gloès.

É varhue e oé necessér
Eit salvein er béherion,
Ha Mari e houié sclér
É aqùitté ou rançon :
Truhé doh tud miserabl
Hi laqua de gousantein ;
Mæs é boén épouvantabl
Hi laqua de vagannein.

Hé zruhé doh-emb e lar
Cousantein d’é bassion ;
Mæs er gùélèt ér halvar
Eit hi zou un tarh calon ;
Gùélèt hé Mab é verhuel,
Pé hur gùélèt ol collet !
Guet truhé er Vam santel
Eid omb en dès ean offret.

Gùérhiès Vari, Mam santel,
Ha mamen a garanté,
Hui zou pur, mé criminel,
Reit-t’ein lod a hou tristé :
Groeit ma santein hou clahar,
Aveid ouilein me fauteu :
Eurus mar guellan guet dar
Golhein ol me féhedeu !


Groeit d’em halon miserabl
Changein eit retorn de Zoué ;
Rein d’em Salvér adorabl
Caranté eit caranté ;
Ma santou anfin ur bless
E santé nezé Jesus,
Ma poussein guet gloès hemb cess
Huannadeu carantéus.

Hou cloès, Gùérhiès charitabl,
E zesiran partagein ;
Doh troèd er groéz adorabl
É fal d’ein guet-n-oh ouilein ;
Scùil inou hemb cessein dar
Guet er chonj-men anquinus :
Me zou bet caus d’hou clahar
Ha de varhue hou Mab Jesus.

Revou me ol retiranç
Croéz Jesus, a pe varhuein ;
Revou me ol espéranç,
Marw Jesus eit me salvein.
Pe zei d’em horv miserabl
Achihue é driste buhé,
Galhuet, Salvér adorabl,
M’inean d’hou prospérité.

Recueil Pourchasse.



VISITATION ER HUÉRHIÈS.
Ton : N° 13.

Pe gleuas Mari guet en Æl
É conceuzé Salvér er bed
Dré vertu er Sperèd-Santel,
Hi e gassas d’Elisabeth,
Bean er guevel,
Hag hi salud én ul larèt :
Magnificat anima mea Dominum,

Et exultavit spiritus meus.
Suéhet d’ur mystér quer santel,
Ha d’en inour a vout choéget

A berh Doué en Tad éternel,
Eit bout mam d’é Vab beniguet :
O rang ihuél !
Me sperèd zou ol ravisset,
In Deo salutari meo.

Quia respexit humilitatem ancilæ suæ.
Me mès bet hum sellet attàu
Avel matéh en Eutru Doué ;
Hemb quin merit me en hanàu,
Ean e sel doh m’humilité.
O choége em sàu
D’en inour a vout Mam de Zoué.
Ecce enim ex hoc beatam me dicent omnes generationes.

Quia fecit mihi magna qui potens est
Doué ol-buissant, hag ean e hel
Gobér nitra gùel ém andret ;
Rac dré hræç er Sperèd-Santel
É vein Gùérhiès ha Mam perpet.
Gloër éternel
Ha mil trugairé d’é vrastèd !
Et sanctum nomen ejus.

Et misericordia ejus a progenie in progenies.
Doué en Tad guet truhé e sel
Doh stad er péhour maléurus,
Hag eit salvein tud criminel
E ra é Vab carantéus ;
Hàg ean e hel
Rein nitra gùel aveit Jesus ?
Timentibus eum.

Fecit potentiam in briachio suo,
Er ré e vihue én é zougeanç
Ne hel jamæs ou ancoéhat ;
Mæs ean e zisplég é vangeanç
Ar er ré superb hag ingrat ;
Guet abundanç
Ean e ra græceu d’er ré vat.
Dispersit superbos mente cordis sui.

Deposuit potentes de sede.
É joéieu en nean, Lucifér
Hag é gansortèd revoltet,
E santas pouis rust é golér,
Guet brassoni é oent dallet ;
A greis er gloër
Én abym é mant bet taulet.
Et exaltavit humiles.

Esurientes implevit bonis,
Èl d’hai ni e oé miserabl,
A bep mad santel dibourvé,
Couéhet ag er rang inourabl
A vout hériterion de Zoué :
Dorn secourabl,
Hun Tad hur zen a beuranté.
Et divites dimisit inanes.

Suscepit Israël puerum suum :
Receuamb un Doué dambonér
Goudé m’hun nes quehet souffret
Idan er bouis a hur misér,
Guet en anemis burtellet :
Er Roué a hloër,
E zégas d’emb er peah ér bed ;
Recordatus misericordiæ suæ.

Sicut locutus est ad patres nostros
Eid accomplissein er promes
En doé groeit d’hun tadeu quetan,
De dennein er bed ag er gloès
É quemér ur horv hag inean.
Eit rein hemb ces
Græceu pinhuiq de bep-unan,
Abraham et semini ejus in secula.

Gloria Patri, et Filio,
Laquamb dalhabl én hur mimoér
É ra d’emb er hræceu brassan,
Ha mar da d’emb doug er victoër
Ar anemised hun inean,
Rantamb ol gloër
D’en Tad, d’er Mab, d’er Sperèd-glan,
Et Spiritui sancto.


Sicut erat in principio et nunc et semper
Jesus mab Doué, Doué éternel ;
Querclous èl en Tad a viscoah,
Querclous èl er Sperèd-Santel.
Eid hur sehuel
Bet eurustèd é ranteleah,
Et in secula seculorum. Amen.

R. Pourchasse.



AR ER MEMB TRA.
Ton : N° 77.

Gùir serviterion de Vari,
Joéntamb hur boéh doh hé hani,
Hag aveit trugairequat Doué,
Avel hur Mam laramb ehué :

Me inean e ra gloër de Zoué
Ha me speréd e zou ér joé ;
Mæs én ur joé glan ha tinér,
É joé men Doué zou me Salvér.

N’en d’on nameit ur gueih vatéh,
Hag ean em sel guet madeléh ;
Dré mé ma doh-on truhéus,
Ol en dud em galhuou eurus.

En Doué e hra er péh e gar
En dès groeit eid on treu hemb par :
É hanhue e zou un hanw santel
Ha câret guet en dud fidel.

É vadeleah guet caranté
Ag en eil rumad d’éguilé,
E scùil bamdé græceu hemb par
Ar en némb en douj hag er hâr.

Sàuet en dès é vréh nerhus
Eit dismant en dud orgueillus,
Péré hum sàué a sperèd
Drest ou bredér ha hoérezèd.

D’en nemb e oé bras hag ihuél
Ean en dès groeit dischen izél,
Hag ar en trôneu ihuellan
Sàuet en dès er ré vihan.

Reit en dès er madeu brassan
D’er gueih peurion en devoé nan,

Hag er pinhuiq, é zorn goulé,
E zou couéhet ér beuranté.

Receuet en dès é groaidur,
Israél é hùir servitour,
Ha dré chonge ag é vadeleah,
Reit en dès d’emb er Roué a beah.

Dalhet en dès d’er promesseu
En dès groeit d’hur hetan tadeu,
De Abraham ha d’é ligné,
É rehé d’emb é Vab un dé.

J. G.



GOUIL-MARIA CREIS-ÆST.
Ton : N° 20.

O hui e chom én néan, cannet guet mêlodi,
Én dé-men a driomfl eid hon Rouannès Mari,
Én dé-men m’en dès bet, arlerh er marw douçan,
Er Mab sàuet é Vam ar en trôn ihuellan.

Guérhiès, nag a vadeu ar-n-oh en dès scùillet !
Quement tra zou én nean eid oh zou displéguet :
Er Mab e hoès cuhet étré hou tigosté,
Ar un trôn ligùernus hou sàu hinihue en dé.

Idan seblant un dén nezen en hum guhé,
Hinihue é huélet splan hou Salvér hag hou Toué :
Hui e hoès er mâguet guet fréh hou calon pur,
Ean hum ra d’oh ean-memb hinihue eit mâgadur.

O brasset ur bouvoër e hoès-hui bet guet Doué !
Péh græçeu ar en doar ne scùillet-hui bamdé !
Én nean a drest er Sænt hag adrest en Ælèd,
N’en dès a drest hou trôn nameit trôn en Drindèd.

O hui zou azéet étal hou Mab Jesus,
Rouannés, hur cheleuet a hou trôn ligùernus ;
Hui hur hâr, Mam tinér, ni zou hou pugalé,
Hag hou Mab, ô Gùérhiès, e hra hou volanté.

Gloër d’en Tad en dès bet choéget er vam santel,
Gloër d’er Mab en dès bet hi sàuet quen ihuél,
Gloër d’er Sperèd-Santel en dès hi goarnet glan,
Hag inour de Rouannès hag en doar hag en nean.

J. G.


AR ER MEMB GOUIL.
Ton : Aurea luce ; Tandem laborum.

Pihue e huélan-mé
Splannoh aveid er stirèd,
É sehuel d’en né
Ar zivaskel en Ælèd ?
Ne farian tam ;
É creis en triomfl douçan,
O Mari, me mam,
Ya, hui-é e remerquan.

Doué memb e zischen
A ziar é drôn ihuel,
E laq ar hou pèn
Er gourônnen éternel,
Hag én e balæs,
Dirac ol é vugalé,
Hou salud Rouannès,
Ag en doar èl ag en né.

Quentéh ne gleuér
Nameit er musiq douçan,
Én ur joé tinér
Er Sænt hag Ælèd e gan :
Revou gloër d’oh-hui,
Merh, prièd ha Mam un Doué,
Gloër d’oh, ô Mari,
Épad en éternité.

Rouannès, péh madeu
N’en dès ar-n-oh Doué scùillet !
Ol é drezorieu
Dirac oh zou displéguet ;
Gloër enta d’oh-hui,
Merc’h, prièd ha Mam un Doué,
Gloër d’oh, ô Mari,
Épad en éternité.

Cannamb-ni ehué
Memb é creis ur vro a zar,
Ha guet en Ælé,
Laramb, ô pobl ag en doar :
Revou gloër d’oh-hui,
Merc’h, prièd ha Mam un Doué,
Gloër d’oh, ô Mari,
Rouannès en doar hag en né.

Me mam, péh madeu
N’en dès ar-n-oh Doué scùillet !
Ol é drezorieu
Dirac oh zou displéguet ;
Gloër enta d’oh-hui,
Merc’h, prièd ha Mam un Doué,
Gloër d’oh, ô Mari,
Épad en éternité.

Mari, Mam tinér,
Guet Jesus hou Mab divin,
Én ur mor a hloër
Beah eurus de virhuiquin ;
Neoah astennet
Hou teourn d’hou pugalé,
Hag ou secouret
De honnèt guet-n-oh d’en né.

J. G.



GOUIL MARIA GUENHOLON.
Ton : N° 77.

Hinihue é ma gannet Mari,
Hinihue enta inouramb-hi,
Hag a p’en d’omb hé bugalé
En hum daulamb d’en douçan joé.


P’en dé gannet hur mam tinér,
É tei Jesus imbèr amzér ;
Ni e huélou er Roué a beah
Gorteit guet quement a hirreah.

Doué er vamen ag er græceu
E scùil deja ol é vadeu
Ar en hani en dès choéget
Aveit bout Mam é Vab câret.

Ha Mab Doué, en hiaul a justiç,
Guet ur splandér vras e hoarnis
Er verh glan e zeli quemér
Aveit Mam hé Doué, hur Salvér.

Splannet ne zeli bout Mari
Aveit diguemér er Messi,
Mab uniq en Tad éternel
Étré hé digosté santel !

Guet a vistérieu cuhet,
Ér Verh pur zou hiniw gannet !
Er gogussennig-cé distér
E scùillou glan en hé amzér.

O Merh santel, Merh beniguet,
Lan-oh a hræç hou Toué perpet,
Conceuet ha gannet-oh pur
Hemb un distér couciadur.

Pedet hou Mab, Gùérhiès Vari,
D’hul lacat ehué d’hou ç’héli
En hent eurus e gass d’en né,
Eit ma vehemb guet-n-oh un dé.

Méritet hun nès punition,
Jesus, goulen e hramb pardon ;
Dré vériteu hou Mum câret,
Græç de vugalé glaharet !

Eit ma hellehemb hou receu,
O men Doué, én hur haloneu,
Golhet-ind a gouciadur,
Ha groeit ma veint santel ha pur.

J. G.


CANNENNEU ARAL ÉN INOUR D’ER HUÉRHIÈS.
Ton : Air connu.

Én-oh hur honfianç
E laquamb, Mam de Zoué,
Rein t’emb hou ç’assistanç
Épad ol hur buhé ;
Goulennet, Gùérhiès pur,
A pe vehemb juget,
Er hræç, ni hou conjur,
Ma vehemb ol salvet.

R. Pourchasse.



Ton : N° 77.

Salud, ô Mari, Mam tinér,
Hur mam avel Mam hur Salvér,
Hui e zou boquet er parqueu,
Boquet lys en devalenneu.

Avel el lys é creis en drein,
Hou cùélét e hrér é splannein,
É peb amzér glan ha divlam ;
Drest er merhéd deit a Adam.

Conceuet hemb couciadur,
É peb amzér guet pligeadur,
Doué e scùillas ar-n-oh græceu,
Hou colas a zonæzoneu.

Ean e gassas d’oh un Arhæl,
Ha dré hræç er Sperèd-Santel,
Hui e zouguas Salvér er bed
Hemb ne hanàuéh a brièd.

Hemb ne hoès collet hou cùerhtèd,
Deit de vout Mam Salvér er bed ;
Hui e hoès épad hou puhé
Groeit é peb tra é volanté.

Hui e zou bet lan a hræceu,
Er scùir ag en ol vertuyeu ;

Ha sàuet-oh hinihue en dé
Drest en dud, er Sænt, en Ælé.

Tanhoueit enta en eurustèd,
Mam de Vab Doué Salvér er bed,
Merh câret en Tad éternel
Ha prièd er Sperèd-Santel.

Ha neoah a hou ranteleah,
Cheleuet, Mam a vadeleah,
Boéh queih bugalé forbannet,
Dré béhéd Èv déshéritet.

Hui-é hun doustér ha buhé,
Hag hun espéranç arlerh Doué ;
Ag en devalen a zareu,
Ni e gass d’oh hur pedenneu.

Étal hou Mab én é balés,
Hui e zou hun avocadès,
Lausquet hou selleu a druhé
De gouéh ar hou queih pugalé.

Hag arlerh hur forbannereah,
Én nean, ô Mam a vadeleah,
Discoeit d’emb-ni hou mab Jesus,
Er fréh a hou Corv précius.

J. G.



EN AVE MARIS STELLA.
Memb ton.

Ni hou salud, stiren er mor,
Ag en nean hui e zou en or,
Perpet Gùérhiès ha Mam de Zoué,
Ni hou salud guet caranté.

P’en dès en Æl hou saludet,
En hanhue a Èv zou bet changet
Én hanw tinérroh a Vari,
Ér gùir beah enta goarnet-ni.

Torret liameu er ré fal,
Dégasset sclerdér d’er ré dal,
Pêlleit a-zoh-omb hun drougueu,
Ha goulennet ol er madeu.


Discoeit-t’emb ol é oh hur mam,
Dré-z-oh e zou glan ha divlam,
Rebligeou guet hou Mab receu
Guet madeleah hur pedenneu.

Groeit, ô hui Gùérhiès hemb hé far,
Douçan merh zou bet ar en doar,
Ma vihuehemb ér bed divlam,
Douç a galon, pur èl hur Mum.

Reit-t’emb enta ur vuhé glan,
Ha laqueit-ni én hent surran,
Eit ma vehemb perpet eurus
Én ur huélèt hou Mab Jesus.

Gloër revou d’en Tad hur Hrouéour,
De Jesus hur Salvér, inour,
Querclous èl d’er Sperèd-Santel,
D’ou zri revou gloër éternel.

J. G.



Ton : Elle est ma mère.

Hi-é me Mam,
Perac n’hi hârehen enta ?
Me halon ne gârehé tam,
Pe ne gârehen Maria.
Me ven larèt a voéh ihuel :
M’hou cârou, ô Gùérhiès santel !
Rac hui e zou me Mam.

Hi-é me Mam :
Guet-hi é on câret enta ;
Naren ne mès de zougein tam
Mar cheleuan doh Maria ;
Mari e sel doh me misér,
Eid on hé halon zou tinér,
Rac hi e zou me Mam.

Hi-é me mam :
Jamæs n’hi ancoéhein enta ;
Pe vou ar me halon ur sam,
Me zei de chapél Maria ;
Me larou dehi me foénieu,
Mari e séhou men dareu,
Rac hi e zou me Mam.


Hi-é me mam :
Jamæs n’em dilezou enta ;
A beah guet Satan ne mès tam,
Guet me Mam ne zougean nitra ;
Hi e ra d’ein nerh ha sclerdér
Eit feahein ardeu Lucifér,
Rac hi e zou me Mam.

Hi-é me mam :
M’er grata, épad mem buhé,
Naren, jamæs n’arsàuein tam
Ag en dout eit-hi caranté.
Ya, gùel-vehé guet-n-ein merhuel
Eit displige d’oh, Gùérhiès santel,
Rac hui e zou me Mam.

Hi-é me mam :
Penaus n’hi hârehen enta ?
M’hi hâr, a vuhé n’em bou tam
Pe ne gârein mui Maria ;
Pe dorrou liameu m’inean,
Me larou én ur mont d’en nean ;
É han devat me Mam.

M. Le Joubioux.



Ton : N° 10.
Discan.

Groamb brézel d’er bed, de Satan,
Sàuamb ol énep d’ou lorbaj !
Jesus memb e ra d’emb couraj,
Mari hur sel a lein en nean ;
Ur gourôn caër vou hur partaj
E dorn Mari en hi gùélan. (bis).

Ne zougeamb quet bout é brézel
Idan baniel hur Rouannès pur ;
Cavet hun nès un dihuen sur,
Mar caramb hi héli fidel.

Damb guet un hardéhtèd santel
Én arben d’hun anemisèd ;
De guemér nerh n’ou lausquamb quet,
Groamb dehai brézel éternel.


Tud eunus, tud lan a zougeanç,
Dirac en diaul penaus creinein ?
Mari e hellou hoah flastrein
Pèn anemis hou ç’innoqanç.

Calon Mari, hou Mam tinér,
Hou ç’héli én ol dangérieu,
Hag hé zorn a zan hou paseu
E zistro laceu Lucifér.

Creinet enta én hé fresanç,
Creinet sperèd fal ha traitour ;
De Vari ur gùir servitour
Ne zougeou quet mui hou puissanç.

Satan, me hra goab a furi
Te gansortèd lous ha méhus ;
Me ven rein ur galon gredus
De galon Jesus ha Mari.

Nitra ne hrei d’ein mui fari,
Nag er bed nag é vanité ;
Me guérhou d’en éternité
Guet ansaign Jesus ha Mari.

M. Le Jéloux.



Ton : N° 12.

Me gleu ur voéh douç ha tinér
Hag e lar d’ein é peb momand :
Croaidur peur, é creis ha visér,
Sel doh-ein me zou ol-buissant.

O Mam santel,
Gùérhiès fidel,
Hui e houlen hur haranté,
O Mam santel,
Gùérhiès fidel,
Eit mat é omb hou pugalé.

Gùir-é, Satan dré é gounar
Ne hra peah erbet d’hun inean ;
Mæs n’en dès gùir joé ar en doar,
Er gùir joé n’en dé meit én nean.
O Mam Santel, etc.


O me hroaidur, guet confianç,
Lar d’em halon ha drebilleu :
Ya, me zoucei hemb doutanç,
Me zoucei ol ha boénieu.
O Mam Santel, etc.

M’inean, er voéh-cé amiabl
Zou boéh Mari Rouannès en né ;
Ah ! doh ur stad quet miserabl
Calon ur vam en dès truhé.
O Mam Santel, etc.

É huélèt quement a sourci,
Hà te chomou hoah ahurtet ?
Cheleu quêntoh doh boéh Mari,
Ha quênt pêl é vei consolet.
O Mam Santel, etc.

Na doucet-é, Mam truhéus,
Hou poéh aveit queih péherion !
Hi hul laqua de vout eurus,
Hi e rant er joé d’hur halon.
O Mam Santel, etc.

M. Maze.



Ton : N° 79.

A lein en nean, ô Mari,
Cheleuet hur pedenneu ;
Queméret, ni hou supli,
Eid ou goarn hur haloneu :
Hun desir, Gùérhiès santel,
Zou quêrhèt ar hou paseu,
Ha bet er marw bout fidel
Avel oh d’hur promesseu.

Deustou ma oh ar un trôn,
Er haërran arlerh trôn Doué,
Ha ma touguet ur gourôn
Splann èl en hiaul de greisté,
Hou calon, Mam charitabl,
En dès ur sèl truhéus,
Eid omb tud quer miserabl
Én ur vro disconfortus.


Sellet : a boén, a visér
A bep-tu é omb gronnet ;
Perpet é omb én dangér,
Ér boén hag ér spont perpet :
Péh ur vuhé miserabl
E stleigeamb-ni bet er bé !
Ar-n-amb, ô Mam charitabl,
Taulet ur sèl a druhé.

Na tristet un héritaj
En dès hun tad maleurus
Lausquet guet-n-emb eit partaj
Pad ur vuhé anquinus !
Èl queih devèd miserabl,
Esposet-omb d’er bleidi :
Hui-é, ô Mam charitabl,
Hur retiranç, hun abri.

Dilausquet-omb ar en doar
Avel peur orfelinèd ;
Hur bihuanç e zou hun dar,
Avel queih tud forbannet :
Queméret, Mam charitabl,
Queméret eit bugalé
Ni peurion quer miserabl,
Divroet, lan a dristé.

Sellet : én ur vro barbar,
É creis hun anemisèd,
É omb taulet ar en doar,
Queih tud gannet ér péhèd !
Hur halon lan a hlahar
Ne houér mui meit huannadein :
Hur guéneu é bro Cédar
E zou mud aveit cannein.

Dal-omb : ah ! reit-t’emb sclerdér
Aveit condui hur paseu ;
Hur halon zou hemb tuêmdér,
Hemb grèd eid hun devérieu :
Goulennet, Mam charitabl,
Eid omb tan a garanté :
N’en dès bonheur véritabl
Nameit é cârein hun Doué.


Hun deulegad e hum sàu
Trema hur Mam truhéus ;
Rac goan-omb, ni en hanàu,
Hun anemis zou nerhus ;
Mæs astennet d’emh hou torn
Hag é vehemb goarantet ;
Hui e forçou de retorn
Én ihuern Satan spontet.

M. Le Joubioux.



Ton : N° 77.

Mari, hur Mam carantéus
Ah ! taulet ur sél truhéus
Ar-n-amb, èl léh-men beniguet,
Aveid hou mêlein dastumet.

Dobér en dès én é néhig
A askel é vam en einig :
Idan hou tivaskel ehué,
Mari, laqueit hou pugalé.

D’en han, p’en dé bras en tuêmdér,
En doar a hlàu en dès dobér :
Eid omb goulennet glouèh en nean,
Mari, séh-corn-é me inean.

Dobér en dès er gueih devèd
Doh er bleidi a vout goarnet :
Ni, Gùérhiès, ni hun nès dobér
A vout goarnet doh Lucifér.

Er hroaidurig, a p’en dé clan,
P’en dé losquet guet en derhian,
E lar d’é vam : ah ! secour-mé !
Clan-omb, secouret-ni, Mam Doué.

A p’en dé arfleuet er mour
Én é vaguig, er heih pisquour,
Guet en houlenneu vou lonquet
Ma n’en dé guet Doué secouret.

Er bed e zou ur mor eahus,
Lan a garrêg ha houlennus,
Hag hur bag e zou quen distér :
Truhé doh-omb, ô Mam tinér !

M. Le Joubioux.


Ton : N° 80.

Chetui amen, Gùérhiès tinér,
Queih péherion lan a visér,
E ven guet ur galon joéius
Quemér
Eit Rouannès Mam carantéus
Jesus.

Hou cârein, Rouannès amiabl,
A guement ma vehemb capabl,
Honnéh vou hur sourci fidel,
Dalhabl :
Ah ! quêntoh eit hou tilezel
Merhuel.

Na de Satan na d’é lorbaj,
Ne bléguehemb mui davantaj ;
Reit-t’emb, ô Gùérhiès beniguet,
Couraj
Eit larein quenavou parfæt
D’er bed.

Aveid hur hol, mar dé possibl,
Satan, guet e ardeu horribl,
Liès hoah e hrei d’emb brézel
Terribl :
Taulet ar-n-amb, Gùérhiès santel,
Ur sèl.

Marcé é larou d’emb er bed
Penaus n’en d’omb nameit sodèd,
Rac ma pêllamb doh en hoari
Amoêd ;
Mæs hon cârein vou hur joé-ni,
Mari.

Pe zehé d’emb couéh ér vouillen
Ha torrein, men Doué, hou lézen,
Eid hun tennein ag er péhèd,
Soudén,
Hou torn, ô Mari, astennet
Perpet.


Ni hun nès cleuet a grouaidur
Mêlein hou toustér hemb mesur,
É quevér er gueih péherion,
Mam pur,
E houlen a greis ou halon
Pardon.

Pe vehemb pouiset ér balanç
Ha ma vou laret hur santanç,
Mam truhéus, discoeit nezé
Puissanç :
Ah ! guet-n-oh douguet hun iné
D’en né.

Inou, é creis er joé ha gloër,
Dirac trôn Jesus hur Salver,
Doh hou mêlein ni e santou
Doustér,
De virhuiquin ni hou mêlou
Guet-hou.

M. Ollivier.



Ton : N° 21.

Gùérhiès santel, Mari hur mam tinér,
Étal hou treid, gùélet hou pugalé ;
A lein en nean sellet doh hur misér :
Rouannès en nean, en doar, aveid omb pedet Doué (ter).

Ni hun nés ol, ag en oaid a groaidur,
Dishanàuet hun Tad hag hur Hrouéour :
Pedet eid omb, pedet, ô Gùérhiès pur ;
Doh-oh, én hur maleur, Mari, hun nès recour (ter).

É creis er hed ne huélan meit dangér,
Èl ar ur mor tihoel ha connaret ;
Stiren er mor discoeit d’emb hou splandér,
Doh-oh hun nès recour, n’hun abandonnet quet (ter).

Guet é ardeu, a p’en dei Lucifêr
Eid hul laquat de gouéh én é laceu,
O goarnet-ni, goarnet-ni, Mam tinêr,
Astennet d’emb hou torn, conduyet hur paseu (ter).


Èl ur boquèt digueor én amzér gaër,
Ha péhani e séh én amzér cri :
Èl-cé ehué doh henal Lucifér
É houivou hur halon, ma ne bedamb Mari (ter).

Mari enta revou hur honfianç :
Mari e zou retirance er péhour :
Hé ansaign gùen e hoarn en innoçanç
Én ur galon fldel de houlen hé secour (ter).

Pedamb enta, crechénion fidel,
Pedamb Mari guet grèd ha caranté ;
Laramb dehi guet huannadeu santel :
Rouannès en nean, en doar, aveid omb pedet Doué (ter).

M. Le Cunff.



EIT MIS MARI.
Ton : N° 20.

Er gouyan, guet é frim, en dès qùitteit en doar,
En éerh taiet e rid a ziar er manné,
En nehué-han e huéh un ahuél blot ha cloar,
En doar sclasset e duêm (hag e gav er vuhé) (bis).

Avel doh é henal, a bep tu ne huélér
Nameit boquetteu caër é tigueor ou délen ;
Eit saludein mis mai, a bep tu ne gleuér,
Nameit einedigueu (é laret ou sonnen) (bis).

Doh ou musik quen douç, quel lan a vêlodi,
Joéntamb éhué hur boéh, ha chairramb boquetteu ;
Eit goarnissein autér hur mam câret Mari,
Ha gloëstramb ol dehi (guet joé hur haloneu) (bis).

Mari aveid omb ol e zou lan a zoustér,
Reit hi dès d’emb mil guéh mercheu a garanté :
Er mis-men quer bourrabl tro-ha-tro d’hé autér
Eid hi zrugairécat (hum zastumamb bamdé) (bis).

Offramb amen dehi hun inourieu distér,
Hi e daulou ar-n-amb selleu a garanté ;
Nitra ne hra bleuein calon ur vam tinér
Èl an inour e hra (dehi hé bugalé) (bis).


Quentéh èl goleu-dé, stouyet en hé chapel,
Ni e zei de larèt de Vari hur peden ;
Ha quênt ma rei en dé é rang d’en noz tihoel,
Eit cannein gloër dehi (ni e zei ol aben) (ter).

Mar d’omb enta gredus de inourein Mari,
Hi hun zennou guet-hi de vlein en nean un dé ;
Inou, é creis er joé, er han ha mêlodi,
É cavehemb anfin (er peah ha lehuiné) (ter).

J. G.



Ton : 30.

Doué en Tad a viscoah
En dès câret Mari ;
Perpet dré vadeleah
En dès chonjet én-hi.

Én inour de Vari,
De Vam Salvér er bed,
Cannamb guet mêlodi
Cannamb guet joé ha grèd.

A viscoah é houyé
É telié Satan
Trompein é vugalé
Eid ou stleijal d’en tan.
Én inour de Vari, etc.

Mæs ehué a viscoah
Doué en dès bet chonjet,
Aveit rein d’emb er peah,
Dégass é Vab câret.
Én inour de Vari, etc.

Hag a viscoah ehué
En dès choéjet Mari
Eit bout un dé e zé
Mam é Vab er Messi.
Én inour de Vari, etc.

Chetui perac en dès
A viscoah hi hâret
Ha sàuet dré é hræç
Drest ol er ré crouéet.
Én inour de Vari, etc.

Conceuet hemb péhèd,
Épad ol hé buhé
Mari en dès guet grèd
Câret en Eutru Doué.
Én inour de Vari, etc.

Ha sel-mui m’er hâré,
Sel-mui en dès scùillet
Bamdé græceu nehué
Ar Vam é Vab câret.
Én inour de Vari, etc.

Losquet guet caranté
Ha lan a vertuyeu,
Mari en dès bamdé
Cresquet hé mériteu.
Én inour de Vari, etc.

Èl ma oé santelloh
Eid er Sænt hag Ælèd,
Mari zou ihuelloh,
Eit-hai én eurustéd.
Én inour de Vari, etc.

Mari, a lein en né,
Sellet hoah doh en doar,
Gùélet hou pugalé,
Deit de séhein ou dar.
Én inour de Vari, etc.

J. G.


Ton : 92.

A pe oèh hoah én ouaid tinér,
Hui e hoès en hum hloëstret d’ein,
Ha hui e hoès cavet doustér
Én amzér-zé doh me hârein ;
Mæs aveid on, pebéh glahar,
Manquet e hoès d’hou kir goudé !

N’en d’on-mé hoah ur Vam e gâr,

Ha n’en d’oh-hui mem bugalé ?

(bis).

Hui e hoès épad hir amzér
Hag hemb arsàu me solitet ;
Hui e laré d’ein, Mam tinér,
En hou calon hur heméret ;
Mæs aveid on péh ur glahar !
Troeit e hoès cain d’hou Mam goudé ;
N’en d’on-mé hoah ur Vam e gâr,
Ha n’en d’oh-hui mem bugalé ?

Nezé me oé hou ç’espéranç
Ha doh-on hui hou poé recour,
Perac ne hoès-hui confianç ?
Perac ne houlennet secour ?
Ah ! aveid on pebéh glahar !
Doh-on hui e bêlla bamdé ;
N’en d’on-mé hoah ur Vam e gâr,
Ha n’en d’oh-hui mem bugalé ?

Ur bed bocennus ha multrér
En dès hou calhuet d’en heli ;
Sentet e hoès doh en trompér,
El lausquet e hoès d’hou couni ;
Ha guet truhé doh-oh m’el lar :
Goahat e hret a zé de zé :
N’en d’on-mé hoah ur Vam e gâr,
Ha n’en d’oh-hui mem bugalé ?

Caloneu calet èl en dir,
Quel liés péhèd èl e hret,
Hui e renehué me martir,
Rac calon me Mab e drézet :

Taulet hou sèl ar er halvar,
Me mès souffret erhoalh nezé ;
N’en d’on-mé hoah ur Vam e gâr,
Ha n’en d’oh-hui mem bugalé ?

Lan ag ur garanté tinér,
Me mès ancoéheit hou fauteu,
Ha hui, tud hemb grad ém hevér,
Hui em scarh a hou caloneu.
Aveid ur Vam pebéh glahar,
Troeit anfin cain d’hou fal vuhé ;
N’en d’on-mé hoah ur Vam e gâr,
Ha n’en d’oh-hui mem bugalé ?

Ha neoah, bugalé, m’hou câr,
Deustou ma hoès m’en dilausquet,
Ha mar scùillet un dapen dar,
Me halon e vou gouniet ;
Hui e hel douçat men glahar ;
Me bèd Jesus eid oh bamdé :
Me zou perpet ur Vam e gâr,
Hui, bet attàu mem bugalé.

Ya, ô Mari ! mam tinér,
Goulen e hramb guet-n-oh pardon ;
Ni e hanàu ol hur misér,
Digueoret d’emb hoah hou calon,
Hui hur gùél ér vrassan glahar,
Doh hur stad sellet guet truhé :
Ah ! beah perpét ur Vam e gâr,
Ni vou perpet hou pugalé.

J. G.



GOUILIEU ER SÆNT.
————
GOUIL EN OL SÆNT.
Ton : n° 17.

O prièd Jesus-Chrouist, ô Ilis ag en doar,
E zou hoah é brézel, séhet hiniw hou tar,
Ha cannet én inour de driomfl hou predér
E zou hiniw én nean, é creis er vrassan gloër.


Hinihue é inourambl ol er ré zou én nean ;
Sàuamb hur haloneu ha ramb lusq d’hun inean ;
Caigeamb guet ur joé douç hur boéhieu doh ou ré,
Eit ma vou mêlodi ar en doar èl én né.

A drest en ol é ma ha Jesus ha Mari,
Jesus Salvér en ol, é Vam hag hur mam ni,
Péhani hi hunan, é misq ol er merhèd,
E zou Gùérhiès ha Mam, Mam ha Gùérhiès perpét.

Ar ou lerh é huélér Ælèd en Eutru Doué,
Sontil é peb amzér d’hobér é volanté ;
A bep-tu ne gleuér guet-hai nameit ur han :
Gloër d’en Tad, gloër d’er Mab ha gloër d’er Sperèd-glan.

Étal d’hai sant Yehan, brassoh eid ur profèt,
Deit de bleinal en hent é raug Salvér er bed,
Guet er Batriarchéd ha guet er Brofætèd,
E gaige ou boéhieu douç doh hani en Ælèd.

Én ou hreis é huélér ar ou zrôneu ihuel,
Èl er penneu quetan ag er senat santel,
En deuzêc Apostol e zou laqueit guet Doué,
Eit pouisein er balanç œvreu é vugalé.

Tostig dehai é ma er Vartirèd nerhus
En dès scùillet ou goaid aveit lézen Jesus ;
Reit ou des ou buhé eit prenein ou inean,
Bermen de virhuiquin é mant eurus én nean.

Pêlloh un nombr hemb fin a dud fidel d’er Fé,
Bêlean, Escobèd, serviterion de Zoué,
En dès groeit disprisanç a vanité er bed,
E zou goleit a hloër, goalhet én eurustéd.

Er Gùérhiésèd santel en doé queméret Doué
Aveit bout ou frièd, a pe oent é buhé ;
Guet lys ha ros quer gùen èl en éerh er purran,
É héli ou frièd guet en hivoult douçan.

É creis el lehuiné, en han, er mêlodi,
Er Sænt e zou én nean n’ou dès ol quin studi
Meit cannein gloër de Zoué, mêlein é santeleah,
Mêlein é ol buissanç, mêlein é vadeleah.


O Speredeu eurus e chom é lein en né,
Hui péré zou goalhet ér mor a lehuiné,
Cheleuet a vazé hiniw hur pedenneu,
Lausquet ur sèl de gouéh ar hun ol dobérieu.

Ag er vamen dihesq ag er gùir eurustèd,
E dor é peb amzér hou nan hag hou séhèd,
Scùillet mar-a-dapen ar hur bro miserabl,
Ha reit-t’emb a berh Doué ahoel ur peah dalhabl,

Eit ma chervigehemb én ur gùir santeleah,
Guet ur galon sentus en Doué a vadeleah,
Ma touguehemb èl oh ar Satan er victoër,
Ha ma vehemb un dé lodèc ol én hou cloër.

J. G.



GOUIL SANT YEHAN-ER-BADÉOUR.
Ton : Iste Confessor.

Badéour santel, ne hortet quet pêlloh,
Sentet doh hou mæstr, doh Jesus Doué ha dén,
E houlen hiniw bout badéet dré-z-oh
É deur er Jourdén.

Ne véritet quet distaguellein boteu
En hani e za hiniw d’hou supliein,
Èl a pe vehé goleit a béhedeu,
D’er purifiein.

Er Sperèd-Santel e zischen ag en né,
En Tad éternel e hra cleuèt é voéh,
Jesus zou én deur, èlcen en hum ziscoé
En Drindèd abéh.

Avel guet er bis, hui e zisco en Oén
E zeli imbèr, én ur scùil ol é hoaid
Eit feahein Satan ha délivrein mab-dén,
Dismant er péhèd.

Hui e lar quentéh d’er ré hou ç’hélié
Cheleu doh Jesus, Mab en Tad éternel,
Ha hui e ven bout, eit ma cresquou gloër Doué,
Én ur stad izel.

N’en dé quet erhoalh ma hoès discoeit hon fé
Dré oevreu santel, rac ma hoès condannet

Péhèd lous Hérod, hui e rei hou puhé
Quênt Salvér er bed.

Rezei ol en doar de inourein guet joé,
En Tad, hag er Mab hag er Sperèd divin,
D’en Drindèd santel, tri person én un Doué
Gloër de virhuiquin.

J. G.



GOUIL SANT PIERR HA SANT PAUL.
Ton : Tandem laborum.

Anfin, ô Princèd,
Douguet e hoès er victoër,
Hag er faus douéèd
En dès collet ol ou gloër :
Rouannès ol er bed,
Rom kér vras ha digampen,
Guet ur suéh hemb par
E laq er yau ar hé fèn.

É creis en tourmant,
Pierr ha Paul en des feahet
Counar en tyrand,
Dré er marhue ou dès souffret ;
Ha hinihue en dé,
En nean on dès ur gourôn,
Ag ou goaid bamdé
É sàu guir christenion.

Dré er bayannèd,
Adoret èl er gùir Doué,
En ampeleurèd
E vrein hinihue én ou bé :
En deu Apostol
É contrel zou inouret,
Er groéz guet en ol
É peb léh zou adoret.

Kér a Rom, rûet
Guet ur goaid quer précius,
Hou cloër zou cresquet,
Hou pugalé zou eurus ;
Hiniw pinhuiqueit

Dré victoër hou patromed,
Hui e zou hoah deit
De vout Rouannès ol er bed.

D’en Tad éternel
Revou gloër de virhuiquin,
Gloër d’é Vab santel
Splandér ag en Tad divin,
Ha d’oh, Sperèd-glan,
E za ag ou haranté,
En inour brassan
Epad en éternité.

J. G.



EIT GOUILIEU EN APOSTOLÈD.
Ton : N° 77.

O doar, discoeit hinihue hou joé,
Revou mêlation én né,
Cannet, ô hui, doar ha stirèd,
Hiniw gloër en Apostolèd.

Ol en hur jugehet un dé,
Hui e ra d’emb sclerdér bamdé ;
Pliget guet-n-oh hiniw cheleu
Er beden a hur haloneu.

Hou conz e zou èl un alhué
E chair hag e zigueor en né ;
Goulennet, ô Apostolèd,
Ma vehemb diloui a béhèd.

Hui péré e scarh er hlinhuèd,
E zégass quentéh er yehèd,
Gùelleit clinhuèd hun ineaneu,
Cresquet ehué hur vertuyeu,

Aveit, a p’en dei hur Salvér
D’hur jugein é fin en amzér,
Ma rei d’emb er joé éternel,
Én hou compagnoneah santel.

O Jesus, revou gloër d’oh-hui
Gannet ag er Hùérhiès Vari,
D’en Tad ha d’er Sperèd-Santel
Revou ehué gloër éternel.

J. G.


AR ER MÉMB TRA.
Ton : 78.

Én nean revou er joé douçan,
En doar dassonet guet er han :
Ér gouil caër-men, guet en Ælèd,
Cannamb gloër en Apostolèd.

Hou poéh èl son en trompetteu
E bredêg de ol er pobleu ;
Hui zou er splandér ag er bed,
Grateit t’emb dré er brofætèd.

Hui péré e hel a berh Doué
Digueor ha chairrein dor en né,
Louiet-omb én hur péhedeu,
Torret hiniw hur rangenneu.

Hui e hel pêllat er hlinhuèd,
Ha d’er horv dégass er yehèd :
Goulennet aveid omb guet Doué
Ma rei er yehaid d’hun iné,

Eit ma vehemb, a p’en dehet
Guet Jesus eit jugein er bed,
Laqueit a zéheu d’hur Salvér,
Aveit bout lodêc én é hloër.

J. G.



EN AMZER A BASQ.
Ton : Ad regias agni dapes.

En Apostolèd é tristé
É huannadé ar varhue un Doué,
Laqueit d’er marw hirrissussan
Dré er serviterion crian.

Ha neoah er merhèd fidel
E gleu er gonz-men guet en Æl :
Imbér Jesus, Salvér er bed,
E séhou dar er fidélèd.

Quentéh é ridant ol a hèr
De gass en doairé d’ou bredér ;

Ind a gav Jesus é buhé,
E voq d’é dreid guet caranté.

Neoah ar en hent de Judé,
En Apostolèd lan a joé
E gav Jesus ressuscitet,
Revé m’en doé-ean el laret.

Eit ma vehemb ehué joéius,
Er Pasq-men, ô Salvér-Jesus !
A pe hoès reit-t’emb er vuhé,
Doh er marw goarnet hun iné.

Gloër d’en Tad én nean azéet,
Gloër d’er Mab zou ressuscitet,
Gloër ehué d’er Sperèd divin,
Ha bermen ha de virhuiquin.

J. G.



A ZIVOUT GOUIL UR MARTIR.
Ton : Conditor alme.

A houdé m’en dès hur Salvér
Scùillet é hoaid ar er Halvér,
Calz a dud eit Salvér er bed,
En dès ehué scùillet ou goaid.

Er groéz n’en dé quet mui méhus
Arlerh m’hi dès douguet Jesus ;
Ur gloër é merhuel eid un Doué
En dès eid omb reit é vuhé.

Er chonj-cé e zoug hur Martir
De zispris en hoarn hag en dir ;
Crihueit dré-z-oh, ô me Salvér,
Ean e gombat aveit hou cloër.

A pe daul ur sèl ar en nean,
Dré garanté doh é inean,
N’en dès quin hoant meit de verhuel
Eit monnèt d’et joé éternel.

É hunan-gaër ean e zalh pen
Doh bréh counaret ur vanden ;
Ha tourmantet é peb fæçon,
Ean e scùéh memb e vaurreàuion.


Groeit ma quemérehemb ol scùir,
O Jesus, ar nerh hon martir,
Ha ma andurehemb ehué
Hur poénieu guet ér vrassan joé.

Mab uniq en Tad éternel,
D’oh querclous èl d’hou Tad santel,
Avel ehué d’el Sperèd-glan,
Revou perpet er gloër brassan.

J. G.



ÉN INOUR D’ER VARTIRÈD.
Ton : N° 78.

Doué, gùir gourôn er Vartirèd
En dès eid oh scuillet ou goaid,
Pardonnet hur péhèd d’emb-ni
E gan d’hou martir mêlodi.

Hennen en dès bet dispriset
Ol joé ha pligeadur er bed ;
Én ur gredein é oent marhuel
É ma oueit d’er joé éternel.

N’en dès chet doujet er poénieu,
Nerhus é bet ér souffranceu ;
En ur scùil aveid oh é hoaid
É ma èl lehuiné parfæt.

Raccé dré bedenneu gredus,
É dé gouil hou martir eurus,
Ni hou pèd ol a huir galon,
Pardonnet d’hou serviterion.

O Jesus, revou gloër d’oh-hui,
Gannet ag er Hùérhiès Vari,
D’en Tad ha d’er Sperèd-Santel,
Revou ehué gloër éternel.



AR ER MEMB GOUILIEU.
Ton : Sanctorum meritis.

Cannamb, compagnonèd,
Ha cannamb ol guet joé,
Mêlamb er Vartirèd
E zou arrihue én né

Dré ou œvreu nerhus.
Doucet ul lehuiné
Cannein ou victoër glorius !

Er bed én é folleah
Gùéharal ou hassas :
Eit mont d’ou ranteleah,
Ind-memb en disprisas
Guet é bligeadurieu,
Rac m’er gùéleint, allas !
Dihoarnis a fréh hag a vleu.

Ind ou dès bet feahet
Anjuli ha counar,
Tauleu cri ha calet
En tyrantèd barbar,
Ha gùélet é quisein
Memb er hribleu hoarnet,
Hemb col calon hag hemb crenein.

Avel devendigueu
Idan er hléaniér
É rant ou buhéieu,
Clêm erbet ne gleuér ;
Nitra n’hel ou discar,
Perpet en ou gùélér
Én ur batiantèd hemb par.

Pihue e fehé larèt
Péh quer bras lehuiné
En dou er Vartirèd
É ranteleah en né ?
Gùélet-vou ar hou fèn,
Rû èl ou goaid ehué,
É liguernein ur gourônen.

Scarhet hur péhèdeu,
O Doué a vadeleah !
Pêlleit ol en drougueu
Ha reit-t’emb ol er peah,
Eit ma yehemb ehué
Guet hai d’hou ranteleah
De gannein gloër d’hou majesté.

J. G.


ÉN INOUR D’ER GOVÉZOURÈD.
Ton : Iste Confessor.

Er grechénion, ér puar horn ag er bed,
E gan én inour d’er Hovézour nerhus
En dès én dé-men bet en nean hum sàuet,
Eit bout guet Jesus.

Devot a galon, izel, modest ha pur,
Dré laquat éhuéh ha dré zihoal bamdé,
En hum hoarantas doh peb couciadur
Épad é vuhé.

Rac ma oé santel en des bermen er perh
De huellat en droug, ha liés er mampreu,
Goanneit d’er hlinhuéd, e gaw quentéh ou nerh
Dré é bedenneu.

Ha chetui ehué perac guet mêlodi
É cannamb hinihue é driomfl ha victoér,
Eit ma tei un dé de rein secour d’emb-ni
É creis hur misér.

Revou nerh, inour ha salud d’en Drindèd,
Un Doué é hunan, neoah é tri person,
Hag avel ur Roué e gondui ol er bed
A ziar é drôn.

J. G.



ÉN INOUR D’EN DOCTORÈD.
Ton : N° 20.

Religion santel e gav eid hou tihuen
Soudardèd quen nerhus, sàuet ihuel hou pèn ;
Lies e hoès brézel ; mæs guet er vrassan gloër
Ar hou ç’anemisèd hui e zoug er victoër.

A pe allum Satan counar en tyrantèd,
Hui e huél é sehuel quentéh er Vartirèd ;
A pe glah tud hemb fé discarrein hou lézen,
Hui e huél é sehuei Doctorèd d’hi dihuen.

P’hum streàu èl er vocen er péhèd ar en doar
Ind e droh er hourien hag imbèr en discar ;

P’en dé er speredeu é creis en noz dûan,
Ind e zégass eit hai quentéh en dé splannan.

Ind e sonna hur fé, e lam en doutanceu,
D’en n’emb e gouéh ér mor e zisco en audeu,
Eit ne zraillehemb quet hur bâg doh er rehér,
Avel ur holeuen ind e ra d’emb sclærdér.

Scrihuet hui-memb, men Doué, én dôn a hun inean
Er péh ou dès laret a zivout hent en nean,
Ha groeit ma vihuehemb èl d’hui ér santeleah,
Eit ma hehemb guet hai un dé d’hou ranteleah.

J. G.



ÉN INOUR D’ER SÆNT MENÉH.
Ton : Iste Confessor.

O Menéh gredus, ne hoès meit er memb fé,
Er memb espéranç hag er memb caranté ;
Na crihuet oh-hui, guet hou tad en Abad
P’en det d’er hombat.

Hui e forç en nean de zigueor é zoreu
Dré hou pénigen ha dré hon pedenneu ;
Hou corv, guet er yun, castiet ha goannoh,
E zou sentussoh.

Hui e ouil, e bèd hag e supli bamdé,
E bèd ar un dro ha guet un nerh nehué,
Hag èl un armé, guet er grèd nehussan,
E forç dor en nean.

Doué, er gùellan tad, e gâr bout gouniet
Èl-cé dré zareu ur galon glaharet ;
Hennéh-é en hent eit salvein en inean
Ha gouni en nean.

A p’en da en dé ha ne gleuér ér bed
Meit trous ha saffar, hui ne hret trous erbet ;
Mæs, é creis en noz, é cannein gloër de Zoué,
Ni hou cleu nezé.

Hemb col en amzér, hui e boéni attàu,
Hou tourn nerhus e labour hemb arsàu,
Ha guet larganté en doar eit recompanç
E ra d’oh bihuanç.


Hou ç’ineam e blèg idan volanté Doué,
Hemb ne glah gobér hi-memb hé volanté ;
Ne ven meit un dra, ne glah meit un inour,
Plijein d’hé Hrouéour.

Revou gloër d’en Tad en dès ol hur hrouéet,
Revou gloër d’er Mab en dès ol hur prenet,
D’er Sperèd, mamen ag er sclærdér divin,
Gloër de virhuiquin.

J. G.



ÉN INOUR D’ER GUÉRHIÉSÈD.
Ton : N° 77.

Jesus, courôn er Gùérhiésèd,
Gannet ag er Huérhiès Vari,
Hemb n’hi dès collet hé gùérhtéd,
Cleuet hur boéh, ni hou supli.

Tro-ha-tro d’oh er gùérhiésèd,
Avel boquetteu fourdelis,
E gav, é héli ou frièd,
Én ol léhieu, er baraouis.

Ne vern de béh costé é het,
Ind hou héli én ur gannein ;
Ou chonj e zou guet-n-oh parpet,
N’arsàuant quet a hou mêlein.

Tad carantéus ha tinér,
Reit græç d’hur horv ha d’hur sperèd
Aveid hum hoarn é peb amzér
Doh couciadur er péhèd.

Nerh, inour, gloër, mêlation
D’en Tad, d’er Mab, d’er Sperèd-glan,
Un Doué hemb quin é tri person,
Querclous ar en doar èl én nean.

J. G.


————


ÉN INOUR D’ER HROAGUÉ SANTÉSÈD.
Ton : N° 77 pé 78.

Guet joé mêlamb er voès eurus
En dès én ur horvig distér
Douguet ur galon quen nerhus,
Ér bed abéh é splann hé gloër.

Lan a zisprisanç eid er bed
Hag a garanté doh Jesus,
De vlein en nean hi des ridet
Dré henteu diæs ha risclus.

Dré hoannat hé horv guet yunieu,
Hag én ur grihuat hé inean,
Dré vâgadur er pedenneu
En hi dès hum sàuet d’en nean.

Jesus, nerh er ré zou nerhus,
Jesus, péhani hou ç’hunan
E hel gobér treu burhudus,
Cleuet hur pedenneu humplan.

Revou gloër d’en Tad éternel,
Ha gloër d’é Vab uniq ehué,
Hag open d’er Sperèd-Santel
Épad ol en éternité.


QUÊNT SORTI AG EN ILIS.
Ton : Avant de quitter notre Maître... N° 85.


De Galon sacret Jesus.


Quênt qùittat Jesus hur Salvér,
Hum daulamb ol én é Galon :
En-hou hemb quin, én-hou é cavér
Peah, bonheur ha consolation.
Quênt qùittat Jesus hur Salvér,
Hum daulamb ol én é Galon.

D’er Huérhiès Vari.


Ha hui ehué, Gùérhiès fidel,
Hou pet chonge ag hou pugalé ;
Pedet eid omb en Drindèd santel
D’hur receu é ranteleah en né.
Ha hui ehué, Gùérhiès fidel,
Hou pet chonge ag hou pugalé ;

De Sant Jojeb.


Ha hui ehué, prièd Mari,
Ni hou supli, hur Secouret ;
Pad er vuhé-men, conduyet-ni,
Hag ar er marw n’hun ancoéhet quet.
Ha hui ehué, prièd Mari,
Ni hou supli, hur Secouret ;

Eid er ré Tremeinet.


Doh en inean ér Purgatoér,
Men Doué, hou pet ehué truhé ;
Dré vériteu Jesus, hur Salvér,
Tennet-ind d’er joyeu ag en né.
Doh en inean ér Purgatoér,
Men Doué, hou pet ehué truhé ;

Le Mouël.


FIN.


REMERQ.
————

En tonieu merchet dré ur chiffr ér gùerzenneu-men, e zou er ré e gavér, dré er memb chiffr, én tonieu groeit dré en Eutru Mouël.