Ewit de-ha-bla eur vam

Eus Wikimammenn
Sauter à la navigation Sauter à la recherche
Moulerez Sant-Gwilherm, 1909  (p. 27-28)



Ewit de-ha-bla eur vam
————


D’he bugel


Pac’h a, a-dreuz d’an amzer dremenet,
Spered an den ’trezek kerent karet,
Kerent galvet gant Doue d’ar bed-all,
Na vad a ra er gerent-se sonjal !

Ma hall ar marv hon harz da vriatan
Korfo ar re-ze diskaret gantan,
N’hall ket troc’han chaden ar garante
A stag bepret hon c’halon oute !

Ha pa digoue de-ha-bla ar maro,
En eur lakat ’n hon daoulagad daero,
An dewez-ze a ra d’imp c’hoaz gwelet
Ar gerent vad hon deus, siouaz, kollet.

Hag hon daouarn war hon c’halon juntet,
Hon daoulagad ’trezek an Nenv troet,
E kavomp levenez en eur sonjal
En ine karet, breman er bed all.

Ya, hunvreal en ine tremenet,
Er c’homjo, hag er zello kizellet
’N hon c’halon, pa oa en par ar maro,
Ze ’denn esperanz da heul an daero.


De meurbet kri, pa welec’h o vervel
Ho mam dener, ken sod gant he bugel !
Re vat e oa, ’wit ’ve ket ’kreiz ar gloar
Ar vam ’garac’h kement war an douar !

————