Er hombat spirituel/Chapistre 67
| ◄ A bep sorte trompereaheu er goal-isprit peré é arriue én article ag er marhue. | Péh natur en dès calon mab-dein, hac ag er fæçon d’hé hondu. | Ag er soign e teli en devout en inean eit possedein un tranquillité parfæt. ► |
OUÉ nen dès groêit calon mab-dein meit eveit hé hârein ha bout câret gueti. En excellance ag er fin eit pehani éma bet crouéet e zeli gober hé honsiderein èl er vrassan hac en noplan labour en dès groêit.
Doh er fæçon d’hé hampen hemp quin éma staguet er vuhé pé er marhue spirituel.
Gouyed hé hampèn ne zeli quet bout forh diæs, pen dé hé imur gober pep tra dré garanté ha nitra dré gontraigne.
Er peh hun ès d’ober é spial guet douster hac hemp hum geinein doh er pèn-caus a hun ol actioneu.
Sellet a beban éta ha mèn é ha.
Sellet ac ean zou ag er galon pehani zou er vammèn a garanté Doué, pé ag en isprit pehani e zou er vammèn a vanité mab-dein, é ta er pèn-caus a nehai.
Hanavouet e rehet éma dré garanté hac a greis calon é ret hou œvreu mat, a pe sellet èl nitra ol er péh e ret eveit Doué, hac a pe huès méh é ober quer bihan, ha hui é hober er peh e ellet.
Hui e zeli jugein éma dré en isprit, dré intêrés é labouret, a pe ne chom guenoh goudé hou œvreu mat, é léh vertuïeu douce, humbl ha tranquil, meit ur voguedén a vanité pehani e ra deoh credein en é huès groêit hilleih, a bout ne huès groêit nitra mat.
Brésel mab-dein a behani é compse en dein santel Job, e gonsiste ér spiereah-zé e zeliamp gober hemp cess arnomp ni-memb.
Ne zeli quet bout chagrinus na néhançus, é contrel hé but principal e zou rêin er repos d’en inean, calmein ha douçat é orelladur, a pe vou poéniet ha houlet én é obéreu hac én é bedèn ; rac æs é gouyet éma impossibl pedein erhat ér stat-cé, a vinannoh na vou en inean dïazéet èl ma oai quênt.
Gouyet ne huès dober eveit en dra-zé meit ag en douster hemp quin, hac éma en douster-zé hemp quin e èll gober d’en inean donnet én dro ha rantein dehou é dranquilité quetan.