Er hombat spirituel/Chapistre 66
| ◄ Ar en tantation ag er vanité. | A bep sorte trompereaheu er goal-isprit peré é arriue én article ag er marhue. | Péh natur en dès calon mab-dein, hac ag er fæçon d’hé hondu. ► |
NEMIS hun salvedigeah ne scuéh jamæs doh hun geinein : mar da dehou, en ur guemer apparance un Æl lein a sclærder gober é bossible eveit hou lorbein dré drompereaheu ha dré visioneu seudannec, pé dré ré santabl memb, dalhet ferm én hanàuedigueah a hanoh hou hunan, ha laret dehou hardeh mat : Um dènn, malhurus, retorn d’en dihoeldæt a behani é oas sortiet, rac ur péhour rai-vras on eit melitein visioneu, n’em ès quin dober meit a visericorde me Jesus hac er Sænt aral.
Pé gavehai guenoh dré vercheu splan assès éma a Zoué éta en treu-zé, éveheit a ou hredein quentèh, ne zouget quet ou disprisein ; er homportemant-cé diazéet ar en hanàuedigueah a hou miser ne èll quet bout dihaittus de Zoué, ha mar dé ean e ra en treu-zé én-oh, ean e ouïou erhat er rêin deoh d’hanàuet hemp ne arriuou drouc erbet guenoh, rac en hani e ra é hræce d’er ré humbl n’er refusou quet d’er ré hum humili.
Chetu en armage a beré en hum chervige en anemis ordinæremant einep d’en ol dud, a p’ou gùel toste d’er marhue ; mæs opèn en dra-zé, attaque e ra peb-unan é particulier dré el léh pehani e gav guetou e zou er goannan. Ean e studi hun inclinationeu, ha dré hun inclinationeu-memp ean e ra demp couéhel er pehet. Raccé é raug ma arriuèi en ær ag er hombat bras, quemeramp en armage ha commençamp gober brésel doh er goal-inclinationeu peré e sour arnomb, eit hun bout bihannoh a boén e resistein doh-t’hai ha doh ou feahein én amzer-zé quen dangerus pehani e vou ér fin ag en ol amzer. [1] Hui e rèi brésel dehai bet que ne veint distruget aquerh.
- ↑ III. Reg. 15.