Er hombat spirituel/Chapistre 68
| ◄ Péh natur en dès calon mab-dein, hac ag er fæçon d’hé hondu. | Ag er soign e teli en devout en inean eit possedein un tranquillité parfæt. | Er stat-cé a galme hac a dranquillité ne zeli bout établisset meit a nebedigueu. ► |
N attention douce ha tranquil-zé ar hun halon, surtout a pen dé continuel, e rèi demb antreprenein treu bras hemp poén : non-pas hemp quin ean e rèi demb pedein ha gober hun actioneu guet douster hac æsemant, mæs andur hemp facheriss er peh e vé caus d’en ol dud fachein, de laret é, en disprisance hac en injustice.
Nen dé quet, ne vou hilleih a boénieu eit possedein er peah interior-zé, ha ne vehemp foettet liès, manq a experiance, guet en anemiset puissant-zé peré e zou ennomb a ziabarh ; mæs bemp assuret penaus, meit ma vennehemp gober brésel dehai, ne vou quet secour na consolation e vanquou demb ér brésel-zé, hun anemiset e oannèi, ou nerh e vanquou dehai, mæstrein e rehemp ar hun imur, hac anfin dont e rehemp de bèn a rêin d’hun inean er repos precius hont e zeli gober é eurustæt a vreman.
Mar bé rai vras en tærision eit hum lezel de vout feahet, pé rai boner ér bouis ag en affliction eit m’er supportehemb hun hunan, goulennamb secour, pédamb ha dalbamb ér bedèn ; Jesus-Chrouist e bédas tair gùeh ér jardrin Olivet, eit disquein demb é teli bout en oræson er remæd hac er gonsolation de guement e zou én affliction.
Pédamb attàu bet que ne santehemp hun interior calmet ; hun volanté soublet édan hani en eutru Doué, hac hun inean poset én dro én é dranquilité quetan.
N’el lausquamb quet d’um dromblein dré haste én hun actioneu exterior, a pe rehemp un œvre benac a gorf pé a isprit, groamb hun labour ar hun gouar pé guet peah, hemp tassein en amzer d’en achiue nac hum bressein de uélet er fin a nehou.
Un intantion principal hemp quin é teliamb hur bout, pehani e zou conservein én-omb er memoër hac er chonge a Zoué guet humilité ha tranquillité, hemp sourci erbet quin meit a bligein dehou.
Mar queigeamp un dra benac aral é touéh en intantion-zé, hum garguein e rèi hun inean a dromble hac a ziæsemant ; couéhel e rehemp forh liès, hac er poénieu hun bou é sehuél én dro e rèi demb santein assès é ta tout hun droug ag er peh ma fal demb gober tout revé hun imur hac accomplissein hun volanté prope én hun ol actioneu : a vazé, a pen dant de vat, é queméramp gloër ha plijadur ; hac a pe vanquant, hum chagrinein, hum droublein hac hum néhancein bras e ramp.