Er hombat spirituel/Chapistre 61

Eus Wikimammenn


CHAPISTRE LXI.
Penaus é teliamp derhel mat ér Hombat spirituel bet er marhue.


ÉMESQ en ol treu necessær eit douguein er victoér ér hombat spirituel, ret é comptein er vertu a berseverance dré bé hani e laquamp poén de vortifiein hemp arsàu hun goal-inclinationeu peré, en-tré vihuamp, né varhuant quet, mæs e vronce hac e gresque berpet én hun halon èl én ur parq mat de zouguein fal lezeu. Poén collet é clasque lacad fin d’er brésel-zé, pe ne èll achiue meit guet hun buhé, ha piue benac ne vènn quet combattal e gollou sur el liberté pé er vuhé. Ah ! penaus ne vehai ean feahet, p’en dès affær doh anemiset peré ne vennant quet agrên rêin na peoh na arsau, rac sel mui ma um fieer doh-t’hai, sel velimussoh en ou santer. Ne zeliet quet neoah bout souéhet nag a ou nerh nag ag en nombre a nehai, rac ne ve feahet én ur hombat er sort-cé meit en hani e vènn bout feahet, ha rac a henderal ou anemiset n’ou dès quin pouvoér meit en hani e ra dehai hou chef-hui én inour de behani é ret brésel. Hama ne bermettou jamæs ma couéhéhet étré ou deorneu ; ean e vou ean-meme hou tihuennour ; hac èl m’éma hilleih puissantoh eveit hæ ol, ean e rèi deoh er victoér, meit ma vou en ur gombatal guetou, non pas én hou nerh prope, mæs én é ol buissance hac én é vadeleah infini é laquehet hou confiance.

Mar tarde de rêin secour deoh, mar hou lausque én danger, ne gollet quet courage eveit en dra-zè ; credet sur, hac hum cherviget ag er gonsideration-man eit rêin calon deoh ha quemer courage ér hombat, beaih sur é rangèi en treu én ur fæçon ma vou avantajus eveit oh ol er péh e zeli, haval é, laquad ampêchament doh hou cloër. Discoeit dehou hemp quin resolution ha fidélité ; heliet partout hou chef pehani en dès hum exposet d’er marhue eveit oh, ha pehani én ur verhuel en dès feahet er bed ; combattet guet courage édan é anseigneu, ha ne guittet quet en armage que n’hou pou distruget ol hou anemiset ; rac mar ret er vuhé de unan hemp quin, mar doh dissourci assès eit lezel unan a hou coal-deicheu hemp en distrugein, ur blosen vou attàu e zouguehet én hou lagat, pé ur fleche hou pou ér galon, hac é parrat dohoh a gober brésel, hi e dardèi hou victoér.