Er hombat spirituel/Chapistre 60
| ◄ Ag en devotion tiner hac a boénieu er séhour spirituel. | Ag en examen a goussiance. | Penaus é teliamp derhel mat ér hombat spirituel bet er marhue. ► |
RI zra e huès de gonsiderein én examen a hou coussiance : 1.° Er fauteu e hoès groêit durant en deùéh ; 2.° En occasioneu peré e zou bet caus deoh de gouéh én hæ ; 3.° En disposition é pehani é oh de gommance a zevri distrugein hou fal deicheu ha pratiquein er vertuïeu contrel. E quever er fauteu commettet durant en deùéh, hui e rèi er peh em ès anseignet teoh ér chapistre XXVII, pehani e gompèn tout er peh e zou ret gober a pé gouéher én ur péhet benac. Eveit er peh e séel en occasioneu d’hou fauteu, quemeret soign ha sourci de bellat doh-t’hai e guement ma ellehet : anfin eveit hou corrigein a hou zefauteu hac eveit hon pout ér vertuïeu e vanque teoh, hui e rèi nerh d’hou volanté dré en difiance a hanoh hou hunan, dré er gonfiance é Doué, dré en oræson hac én ur zesirein liès distrugein hou fal accustumanceu ha quemer ré vat.
Mar chonget hou pout douguet ur victoér benac arnoh, pé ho pout groêit un œvre mat benac, ne fiet quet én hou, éveheit mat a hum istimein davantage : n’hou conseillan quet memb de chongeal calz én dra-zé, guet eun mar antrehai dréno én hou calon ur santimant segret benac a bresomption hac a vanité. Laqueit enta hou ol œvreu, ne vern pe sorte int, étré deorn un Doué misericordius, ha n’hou péet quin chonge meit a hum aquitttein én amzer de zonnet a hou ol deverieu guet brassoh gret eveit jamæs. N’ancoéhet quet a drugairecad Doué guet en humilité vrassan eit en ol secourieu e huès receuet guetou en dé-zé ; hanàuet éma ean er pèn-caus ag en ol œvreu mat, ha trugairequeit ean é particulier en devout hou telivret ag un nombre bras a anemiset, ré hanad, ha ré n’eller quet guélet, en devout inspiret deoh hilleih a occasioneu de bratiquein er vertu, hac en devout même groeit deoh un anfin a vadeu aral peré e zou cuhet dohoh.