Er hombat spirituel/Chapistre 62

1825

◄ Penaus é teliamp derhel mat ér hombat spirituel bet er marhue.

Penaus éma ret um breparein d’er hombat einep d’en anemiset e um guemer dohomp ér momant ag er marhue.

A buar sorte tantationeu e arriue ér momant ag er marhue, ha da guetan ag en tantation einep d’er fé, hac ag er fæçon de resistein doh en tantation-zé. ►

CHAPISTRE LXII.

Penaus éma ret um breparein d’er hombat einep d’en anemiset peré en um guemer dohomp ér momand ag er marhue.

A BOUT nen dé hun buhé ar en doar meit ur brésel continuel, un dra certein é neaoh penaus en déuéh dangerussan vou en deuéhan, rac piue-benac hum lausquou da vout feahet nezé, nen devou mui esperance erbet a salvegigueah. Eit nen hum gollehet quet enta nezé hemp secour, groeit hou possible d’en hum apprestein breman ma ra Doué deoh en occasion, rac en hani e ra brésel guet vaillantis durant er vuhé, e zougou er victoér ér momand ag er marhue a gaus d’en accustumance en dès de feahein é peb occasion é anemiset er ré dangérussan.

Opèn chonget liès ér marhue, rac a pé vou tost, bihannoh a eun e rèi deoh, hou isprit e vou liproh ha guel disposet eit er hombat. En dut ag er bed e béella er chonge-zé èl ur chonge chiffus ha néhançus, guet eun mar lamehai guetai er blijadur e gavant én treu ag en doar, ha rac ma vennant hum zelivrein ag en displijadur ou devehai pe chongehent é teliant col un dé er madeu e gârant quement. Hou goal-inclination ne zisminu quet èl-cé, cresquein e ra é contrel ha quemér nerh a zé e zé. Raccé ehué qùittat er vuhé-ma hac ar en dro er peh e gârant guellan, e zou eveit hæ ur boèn sel calettoh m’émeint het pelloh é creis er plijadurieu.

Mæs eveit hum breparein gùel d’en tremén terrible-zé ag en amzer d’en éternité, chonget guéhavé bout hou hunan, hemp secour erbet, é creis er gloèsieu ag er marhue ; consideret guet attention en treu e yan de laret, peré e ellou nezé gober er muihan poén deoh ; n’ancoehet quet er remedeu e broposein deoh, eit ma ellehet hum chervigein a nehai ér momand deuéhan-hont ; rac ret é gronce desquein gober erhat er péh ne rer meit ur uéh hemp quin, guet eun a hober ur faute hemp reparation, hac arlerh pehani éta berpet un éternité a valeur.