| ◄ Ag ur fæçon de bedein dré intercession er Uèriès santel. | Considerationeu e èll douguein er béherion d’ou devout recour guet confiance doh er Uèriès. | Ag ur fæçon de veditein ha de bedein Doué dré er moyant a en ælé hac er sænt. ► |
Er hombat spirituel/Chapistre 49
CHAPISTRE XLIX.
Considerationeu e èll douguein er béherion d’ou devout recour guet confiance doh er Uèriès santel.
IUE-benac e vènn en devout recour doh er Uèriès santel guet ur ferm confiance e zeli hum accouragein dré er honsiderationeu-man.
1.° En experiance e zisco penaus ur pot é pehani é hès bet musque pé baume, e zalh er vlas a nehou, surtout a pen dé chomet er musque pé er baume pèl amzer en hou, pé ma chom hoah un nebedic benac én hou. Neoah en eil hac éguilé n’ou dès mui meit ur certæn vertu hac e fin int èl en tan a behani é conserver en tuemder goudé en devout um dennet a-dal d’hou. Arlerh en dra-zé, petra e larehemp-ni a charité hac a visericorde er Uèriès-zé pehani en dès douguet durant nàu mis étré hé digosté hav e zougue hoah én hé halon Mab unique en eutru Doué, er garanté a ol viscoah, a behani er vertu nen dès fin erbet ? Mar dé impossible tostat d’un tan bras, hemp bout tuemmet guetou, nen dé gùir ha nen dé enta brassoh ræson da gredein penaus, piue-benac e dostei de Vari, d’er vam-zé a visericorde, d’er galon-zé perpet tuem-scaud guet en tan a garanté, henneh e santou en effet a nehou sel mui ma tostei dehou liessoh ha guet muioh a gonfiance hac a humilité.
2.° Jamæs dein erbet nen dès bet quement a garanté doh Jesus-Chrouist, na quement a aboeissance d’é volanté èl e vam beniguet. Mar en dès enta er Salver beniguet-zé, pehani en dès hum sacrifiet eveit péherion miserabl èl omp, mar en dès er Salver-zé reit demp é vam prope, eit bout hun mam commune, hun avocadès étal-d’hou, penaus é ellehai-hi bout hemp santein er santimanteu hemp rein secour demp. Ne zougemp quet hun durel édan hé misericorde ; goulennamp doh-t’hi guet confiance secour én hun ol doberieu, rac m’éma ur vammèn dihæsque a hræseu, hac hé houstum é mesulein hé obereu mat pé hi donæzoneu doh hun honfiance.