| ◄ Ag ur fæçon aral de bedein dré er moyant ag er meditation. | Ag ur fæçon de bedein dré intercession er Uèriès santel. | Considerationeu e èll douguein er béherion d’ou devout recour guet confiance doh er Uèriès. ► |
Er hombat spirituel/Chapistre 48
CHAPISTRE XLVIII.
Ag ur fæçon de bedein dré intercession er Uèriès santel.
PEN er fæçonieu de véditein a beré hun ès compset, bout zou un aral pehani en um adresse é spécial doh er Uèriès. De guetan hui e laquei dirac hou teulagat en tad éternel, nezé Jesus-Chrouist hur Salver, hac anfin é vam beniguet.
E quever en Tad éternel, hui e gonsiderou deu dra. Unan e zou er garanté particulier en dès bet a ol viscoah eveit er Uèriès pur-zé, é raug memb m’en devoe he hrouéet. En aral e zou er santeleah ihuel en dès reit dehi, hac en ol vad hé dès groeit a oudé er momant a hé honception betac hini hé marhue.
Aveit er hetan tra, chetu er péh e huès d’ober. Commancet dré hum sehuel en isprit drest en ol treu crouéet ; casset hou chongeu de bel quent en ol amzer ; antréet én abym ag en éternité, avancet betac é calon en eutru Doué, ha sellet guet peh plijadur é considerai en amzer de zonnet en hani e zestinai eit bout mam é vab ; conjuret-ean dré er joé e guemerai doh-t’hi, de rein deoh nerh assès eit feahein hou anemiset, ha surtout en hani e ra deoh breman er goahan brésel. Arlerh en dra-zé laqueit én ou isprit vertuïeu hac actioneu bras er Uèriès-zé dres peb comparage ; offret-int de Zoué, pé ol ansambl, pé peb unan é particulier, hac hum chervige a nehai eit melitein receu guet Doué ol en treu a beré é ellet hou pout dober.
Hum adresset arlerh doh Jesus, ha pedet-ean d’en devout chonge ag er vam-zé quer carantéus, pehani en dougas durant nàu mis étré hé digosté ; pehani en adoras guet paud a respet quenteh èl ma oai bet gannet, doh en annàuein èl gùir Doué ha gùir dein, èl hi Hrouéour hac hé Mab ar un dro ; pehani er guélas guet compassion cousquet én ur hreu ér vrassan peuranté ; pehani er maguas guet hé leah ; pehani er bréhatas hac er boquas mil gùeh guet caranté tiner ; pehani e souffras a balamor dehou durant é vuhé hac én amzer a é varhue, poénieu ne fehai quet bout comprenet. Laqueit ol en treu-zé dirac é zeulagat én ur fæçon ma rehet dehou, dré gonsiderationeu quer puissant, receuein hou pedèn.
Goudé distroeit doh er Uèriès ha laret dehi penaus er Brovidance en dès hi difforhet a viscoah eit bout mam a visericorde hac avocadès er béherion, par consequant arlerh hé Mab éma én hi en e huès muihan confiance. Laret dehi er uirionné-man e zou quer ferm émesq en doctoret hac assuret opèn dré quement a vurhudeu extraordinær, penaus a guement en dès hi pedet guet confiance, hanni nen dé bet hemp hum santein a hé secour. Anfin presantet dehi en ol poénieu en dès anduret hé mab a balamor d’hou salvedigueah, eit ma receuou guetou eveit oh er græce de brofitein a nehai eit gloër ha contantemant er Salver-zé, e zou dign de vout câret guenoh ha guet en ol.