Er hombat spirituel/Chapistre 50

Eus Wikimammenn


CHAPISTRE L.
Ag ur fæçon de veditein ha de bedein Doué dré er moyant a en Ælé hac er Sænt.


EVEIT melitein protection en Ælé hac er Sænt opèn e zou én ean, chetu deu moyant a beré é ellehet hum chervigein.

Er hetan e zou hum adressein quetan tout doh en tad éternel, ha represantein dehou er mêlationeu e ra dehou en habitantet ag en ean, er poénieu, er persécutioneu, en tourmanteu en dès anduret er sænt ar en doar a balamor dehou ; er honjurein arlerh dré en ol mercheu ou dès reit a ou respet, a ou fidelité hac a ou haranté, de rein doh-hui en treu a beré e huès dobér.

En eil e vou pedein en isprideu glorius-zé peré e zesir ma tehemp de vout non-pas hemp quin parfæt èl-d’hai, mæs ma vehemp mem drest hai ér Baraouis. Hui ou fedou enta liès ha strert d’hou secour de zistrugein hou coal-inclinationeu ha de feahein anemiset hon salvedigueah, mæs surtout d’hou assistein én ær ag er marhue. Guehavé hui e vou én admiration ag er græceu extraordinær ou dès receuet guet Doué, ha hui hou pou joé a guement-cé èl pe vehai hou mat prope vehai. Hui hou pou memb én ur certein fæçon muioh a joé é uélet en en dès reit dehai donæzoneu brassoh eveit deoh-hui, rac é volanté oai quement-cé, hac en dra-zé e zou eveit oh ur ræson d’er mêlein ha d’en trugairecat.

Mæs eveit pratiquein en exercice-zé guet bihannoh a boén hac én ur fæçon reglet mat, hui e zispartiou revé en deieu ag er suhun, ranqueu differant er ré eurus e bédehet, ér fæçon-man. D’er sul, hui e bedou nàu chœur en Ælé ; d’el lun, sant Yahan er badéour ; d’er merh, er Batriarchet hac er Brofætet ; d’er merher, en Apostolet ; d’er rieu, er Vartyret ; d’er guiner, en Escobet hac er Gouessouret aral ; d’er sadorn, er Guériéset hac er Sænt aral. Neoah n’ancoehet jamæs a hou pout recour doh er Uériès santel pehani e zou rouannès en ol Sænt, na doh hou Æl-mat, na doh sant Miquel arhæl, na doh er Sænt aral de beré e huès un devotion particulier.

Ne lausquet dé erbet de bassein hemp goulèn guet Mari, guet Jesus ha guet en Tad éternel, ma pligeou guetai rein deoh eveit avocat principal sant Joseb, pried fidel er burran ag er guériéset. Arlerh um adresset doh-t’hou guet confiance, ha pedet ean guet humilité d’hou receu édan é brotection. Rapportein e rer un anfin a viracleu en dès groeit er sant bras-zé, hac hilleih a faveurieu cair en dès groeit de ol er ré peré én ou doberieu sprirituel pe corporel en dès ean pedet, principalemant a p’ou dès bet dober a sclerder en ean hac ag ur mæstre dishanad eit desquein penaus pedein erhat. Mar consider en eutru Doué quement er sænt aral, rac m’ou dès ean cherviget hac inouret ér bed-man, peh considération nen devou ean eit en hani m’en dès groeit ean-memb inour dehou ér bed-man, betac vennein soublein édan d’hou hac aboeissein dehou èl d’é dad.