| ◄ Aviseu a gonseguance bras eit er ré e vènn mortifiein ou goal-inclinationeu, ha possedein er vertuïeu e vanque dehai. | Ne ounier er vertuïeu meit a nebedigueu, ha pas a pas, en eil goudé éguile. | Ag er moyanteu er ré profitaplan eit em devout er vertuïeu, hac é péh fæçon éma ret pratiquein ur vertu durant un herrat amzer. ► |
Er hombat spirituel/Chapistre 34
CHAPISTRE XXXIV.
Ne ounier er vertuïeu meit a nebedigueu, ha pas a pas, en eil goudé éguile.
EUSTO ne zeli quet ur gùir servitour de Jesus-Chrouist, pehani e espère arriue bet-ac er berfection ihuellan, laquad fin d’é avancemant spirituél, ret é neoah ma vou aviset ha moderet mat, ha ma tihoalou a vout rai verhuidant ; rac de gommance ne gaver nitra diæs, mæs goudé zé rai liès en um lausquer hac é chommer maruemic aquerh. Raccé opèn er peh e zou bet laret ag er fæçon de reglein en exerciceu dianvæsec, un dra vat é remerquein é ter de bèn a ounid ehué er vertuïeu interior a nebeudigeu. Ér fæçon-zé é tauler er fondaison ag un devotion son ha dalhabl, hac é bèr amzer é ounier hilleih.
Raccé a zivoud er batiantæt, ne chonget quet é ellehet én un taul hac abèn desirein er hroésieu, hac hum rejouissein a nehai ; ret é deoh é raug quemer er resolution de bratiquein en treu izellan ag er vertu-zé. Revé er regle-zé, ne glasquet quet pratiquein en ol vertuïeu ar un dro, na memb opèn eveit unan, hum staguet doh unan ha goudé doh un aral, mar fad doh hum accustumein ha ma hourienneint mat hemp poén én hou inean. Rac é quemer sourci ag ur vertu hemp quin, ha doh hum exercein én hi hemp cesse, hou memoër hé studiou davantage ; hou antandemant guet er sclerdér a ziarhlué, e gavou moyanteu neué ha ræsonieu assès eit gober deoh quemer sourci a nehi : hou volanté anfin hum zougou dehi guet ur gred nerhussoh ; er peh n’arriuéhai quet pe véhai partaget en tair puissance-zé ér pratique a hilleih a vertüïeu.
A henderal en acteu e vai ret gober eit um accustumein doh ur vertu, èl n’ou devou meït ur memb fin, ha ma secoureint en eil éguilé, groeit veint guet bihannoh a boèn arzé, ha sel mui a spleit e rei er ré deuéhan én hou calon, rac ma caveint én hi en dispositioneu santel en devou groeit én hi er ré guetan.
Hanàouet e rehet er uirionné ag er ræsonnieu ma, mar groet reflexion penaus piue benac hum exerce erhat én ur vertu, e zisque a nebedigueu hum exercein é réral, ha penaus ur vertu ne èll hum berfectionein, hemp n’hum berfectionou ar un dro ol er réral, a gaus d’en union stert ou dès en eil doh éguilé.