Er hombat spirituel/Chapistre 33

Eus Wikimammenn


CHAPISTRE XXXIII.
Aviseu a gonseguance bras eit er ré e vènn mortifiein ou goal-inclinationeu, ha possedein er vertuïeu e vanque dehai.


A BOUT en em ès laret teoh beta breman hilleih a dreu ar er fæçon mèi ret teoh assai feahein hou coal-inclinationeu ha possedein er vertuïeu, hoah en em ès hilléih a réral de laret deoh peré e zou quer profitable.

1. Mar fal deoh a zevri donnet de vout vertuus ha mæstre a hanoh hou hunan, ne bartaget quet durant er suhun hou exerciceu vertuus én ur fæçon ma vou lod a nehai eit un dé, ha réral eit un dé aral, ha ma vehet èl-cé én ur changemant continuel. Er péh e huès d’ober é ma tistrugehet de guetan pèn er goal-inclination en dès hou geinet perpet muihan hac hou geine hoah davantage hiriue en dé, ha ma rehet hou possible ér memès amzer eveit avance muioh-mui ér vertu contrel d’er goal-inclination pehani e sour ar er réral : rac é possedein ur vertu quer requis èl honeh, hui hou pou forh æs ol er réral, hemp ne vou ret teoh gober un nombre bras a acteu a nehai. Én effet er vertuïeu e zou ériet en eil guet éguilé én ur fæçon m’éma assès possedein parfaitemant unan eveit en devout ol er réral.

2. Ne daillet jamæs en amzer e zou ret cavouet eit possedein ur vertu ; ne laret quet : M’impléou eit em bout hi quement ma a zéieu, quement a sehunieu, quement ma a vlaïeu, mæs èl ur soudart youanc pehani n’en dès quet hoah guélet en anemis, combattet attàu, hac èl un dein vaillant ha victorius, groeit hènt teoh bet-ac er berfection, a guement ma ellehet. Ne veoh ur momant hemp avance un nebedic penac é hènt Doué, rac en hani e arreste, é léh discuéh ha quemer hanal, éma culein e ra ha lourtoh e za de vout eveit ma oai quênt. A pe laran deoh éma ret teoh berpet avance hemp um arrestein, er péh e oulennan guenoh é, ne chongehet quet bout deja arriue bet-ac er blein ag er berfection a grechenéah, ne lausquehet occasion erbet de bassein hemp gober actioneu vertuus, ha m’hou pou hirrisse rag er fauteu er ré distéran memb.

Aveit en dra-zé, necessær é ma hum aquittehet perhuéh ha guet ur gred nerhus bras ag er péh e zou a hou tever, ha ma pratiquehet erhat en ol vertuïeu én occasioneu en hum bresante. Caret enta ha profiteit a greis hou calon ag en occasioneu-zé e èll hou tegasse de vout santel ha parfæt, surtout a p’en hum gav guetai un diæsemant benac ; rac er boén e vai ret laquad eit sourrein ar en diæsemant, e chervige de formein é berr amzer ha de zerhel ferm én inean en accustumanceu vertuus. Câret ehuè er ré e ra en occasion deoh. Téhet hemp quin par ma ellehet e raug ol er péh e èll rein en tu d’en tantationeu ag er hicq.

3. Beaih moderet hac aviset mat eveit er péh e séel mar a vertu peré e èll reuinein yehet er horf, doh er goal drætein rai guet en dischipline, guet er ciliceu, er yeunieu, er veilleu, er meditationeu rai hir, ha bep sorte penigeneu aral diavis ; rac er pratique ag er vertuïeu extérior-zé, red é avance a nebedigueu, ha pignat èl pas-a-pas. Mæs eveit er vertuïeu peré e zou intérior, peré e gonsiste é cârein Doué, é cassad er bed hac hun péhedeu, doh hum zisprisein ni-memb, é vout douce ha patiant, é cârein hun anemiset, nen dès mesul erbet de hoarn, nen dès dober er bet a hum avisal erhat é raug, ha red é perpet gober en acteu a nehai guellan vou guellet.

4. Feahein er goal-inclination e fal deoh combatal, e zeli bout hou ol dessein, poén ha sourci ; ha hui e zeli sellet er victoér-zé èl en dra avantajussan eveit oh hac agréaplan de Zoué. Pé a pe zaibréhet, pé a pe yeunéhet, pé a pe zihunéhet, pé a pe gousquéhet, pé a pe vehet él labour pé ér repos, én ty pé ér méz, etc., hou principal intantion e zeli bout de sourein ar er goal-inclination-zé, ha de bossedein er vertu contrel dehou.

5. Casseit é général ol æsemanteu hac ol plijadurieu er horf, hac er viceu peré e dènn ou ol nerh a blijadur er hicq, ne reint deoh meit ur brésel forh goàn : mæs én amzer ma tiovéret ur blijadur benac a du guet hou squiendeu, mar clasquet un aral, ma ne ret brésel meit d’ur si hemp quin, a bout nen dé quet quen dangerus er goulieu e receuet guet er réral, er hombat e vou attàu ruste hac er victoér ar en arvar. Hou péet enta perpet dirac hou teulegat er hompseu-man ag er Scritur. [1] En hani e gâr é vuhé hé hollou ; en hani é contrel hé hassa ér bed~man hé honservou eit er vuhé éternel. [2] Nen domp quet sclavet d’er hicq, eit bihuein revé er hicq. Mar bihuet enta revè er hicq, hui e varhuou ; mæs mar mortifiet er hicq dré en isprit, hui e vihuou.

En deuéhan avis em ès de rein deoh é, é vèhai un dra vat, ha martezé necéssær ma reheoh de guetan tout ur govesion general, guet en dispositioneu necessær, eveit hum assurein davantage ag ur peah parfæt guet Doué pehani e zou er vamèn ag en ol græceu, er pèn-caus ag er victoérieu ha couron ol er ré victorius.


  1. Joan. 142. 25.
  2. Rom. 8. 121.