Oberennoù damheñvel pe handelvoù all zo ivez, gwelout Er glom hag er jiboesour (Revue Morbihannaise).
Er Glom hag er Jiboésour.
|
1. — Disul me sawas mitin mat,
Ha me ias de jiboès er had,
2. — Jiboès er bad, er hevelèg
Hag er glujal ér vonalèg.
3. — En un taul, a lein ur huéen,
Neijet doh-ein ur glomig guen,
4. — Neijet doh-ein ur glomig guen,
Hanw Jésus oé ar lein hé fen,
5. — Hanw Jésus ha hanw Maria,
Hanw en Intron santés Anna,
6. — Én hé beg oé ur groéz argand
Liguernus el er sacremant.
7. — Hi em sel guet un œr chiffus
Eit diskoein d’ein é oen kablus.
8. — Kentéh beanoh eit en ahuel
Hi e neij bedig ur chapel,
9. — Ur chapel a huersou sawet
Ha d’er huerhiès Vari gloestret.
10. — É léh repoz ar ur huéen
Ér chapel é has de zichen.
11. — Dichen e hras tost t’en autér,
Ar ur piletig groeit a goér.
12. — Ha mé oeit ha laret tehi :
« Klomig, me chomou én hou ti.
13. — Me zi mé n’en dé quet sawet
Aveit lojein huguenodet,
14. — Aveit lojein huguenodet
Ne hrant koareis na pask erbet.
15. — Guet ur galon lein a ankin
M’hum daul nezé ar men deuhlin.
16. — Ar men deuhlin ha mal oé d’ein
Eit pedein Doué d’em fardonein,
17. — « Me mès argand ha me mès eur :
M’ou rannou étré er ré peur.
18. — « Me mès ur vantel velouz du,
Hé far ne huélér é nep tu :
19. — « M’hé guerhou p’en dei er Hoareis
Pé m’hé lakei en un Ilis.
20. — « M’hé rei de Ilis sant Françœs,
Inou é chomou eit jamœs
21. — « Me mès tair rochet lien moen
M’ou rei ol aveit unan reinw
22. — « Eit unan reinw ha hi klomet
Eit gobér penijen kalet ;
23. — « Penijén épad mem buhé
Eit bout eurus é lein en né.
|
————
