|
1. — Ér guér vras a Naned é oé ur plahig koant
Hag e garé, m’en d’ind ur chervijér iouank,
2. — Ur chervijér iouank a iscobti Guéned
Oueit te chervij er Roué d’er guér vras a Naned.
3. — Quent tennein d’er billet, Julian, pautr a inour,
É melin Kerdihel e oé ketan mâlour.
4. — Julian eh hias un dé gued Marion é guéleu
Ha dehi, eid arréz, é brénas ur bizeu.
5. — P’en doé groeit é amzér é chervijein er Roué,
Julian a Guerdihel en doé bet é gonjé.
6. — Mœz quent quitat é has, gued chiff én é galon
De lared kenavo d’é zousik Marion.
7. — « Tawet men dousik quér, tawet ne chiffet quet,
« Nag é hehen mé pèl, doh é talhein perpet.
8. — « Ne vern é mén e vein, me chonj e vou gued-n-oh,
« Ha ke n’en dein d’hou klah me skriwou liés t’oh »
9. — Tremen e hra ur blai, en eil oé kommancet,
Ha Julian er mâlour ne dès chet davaiet.
10. — Er plahig Marion, gued ankin ha glahar
Hag én dé hag én noz ne hra nameid ouilar.
11. — « Me mam reit t’ein argand ha men dillad kaëran
« Mé han de vro Guéned de hout douéré Julian ;
12 — « Mé han mé d’er beanan hinw de Vréh izel
« Ha de gonz doh Julian é melin Kerdihel.
13. — É melin Kerdihel Marion e arriwas.
Hag er mâlour Julian kentéh e houlennas.
14. — « Bonjour, Herri er Strad, mæstr ag er velin men.
« É mén é ma'r mâlour pe n’er guélan dré men ?
15. — « Mar dé ’r mâlour Julian, me merhig, e glasket,
« Touchand é oé amen, sûr n’en dé quet kollet ;
16. — « Mar dé ’r mâlour Julian e houlennet, me merh,
« Hui er havou quent pêl mar klasket ar é lerh.
17. — P’en des er verh Marion klasket monet én ti,
Julian eh hias ér méz aveid kuhet d’oh t’hi.
18. — « Perac, o dén iouank, é kuhet hui doh-ein ?
« Hag ankoeheit e hoès er gauz e huès reit t’ein ?
19. — « Nepas, plahig iouank, ne mès chet ankoeheit
« Na n’hellan ankoehat er promess e mès groeit.
20. — « Mœs gued-n-oh hui, plahig, diméein n’hellan quet
« Rac deu-vlai zou touchand mé hon mé diméet ;
21. — « Mé hon mé diméet d’ur plahig ag er vro
« En dès bet m’en gorteit ke ne oen deit én dro.
22. — Dereit, dénig iouank, er bizeu aleuret
« E mès, eid me maleur, a hou torn receüet.
23. — « Me chonjé guéharal é hoèh dén a inour
« Bremen me huél réh mat n’en d'oh meid un traitour.
24. — É ma er verh Marion é teval en hent pras
Hé mouched én hé dorn aveid torchein é fas
25. — Ha Julian er mâlour, é léh skuillein dareu,
E gan hag e huitel én ur droein é rodeu.
|
