Enor d’hoc’h hano beniget
Oberennoù damheñvel pe handelvoù all zo ivez, gwelout Enor d’hoc’h ano binniget.
1. Enor d’hoc’h hano beniget !
Ra vezo gant an ol meulet,
Mari,
Ra vezo gant an ol meulet !
2. O Mam dener, piou a laro
An ol douster euz hoc’h hano,
Mari.
3. Hano Jezus eo ar c’haeran,
Hano Mari eo an dousan,
Mari.
4. Mari zinifi Rouanes,
Itron, Stereden ha Mestres,
Mari.
5. Hag eun hano ken glorius
A oa dleet da Vam Jezus,
Mari.
6. Rak, mar d-eo Jezus hon Roue,
C’houi zo hon Rouanes ive,
Mari.
7. Jezus a zo gwir heol an den,
Ha c’houi a zo e stereden,
Mari.
8. Jezus ho Mab eo hon Otrou,
Ha c’houi Itron hon c’halonou,
Mari.
9. Itron ha n’e deuz ket he far,
Nag en Env na war an douar,
Mari.
10. Hoc’h hano zo dous d’hon genou,
Mes dousoc’h eo d’hon c’halonou,
Mari.
11. En eul lever petra glaskan,
Nemet hoc’h nano da gentan,
Mari.
12. Petra a fel d’in me klevet
Nemet hoc’h hano beniget,
Mari
13. Me hen meulo da c’houlou de,
D’an noz me hen meulo are,
Mari.
14. Em foaniou me hen meulo c’hoaz,
Evit ma vo skanvoc’h ma c’hroaz,
Mari.
15. D’am c’honforti war ma maro
Na c’houlan nemet hoc’h hano,
Mari.
16. Pa vo zerret ma daoulagad,
Me zonjo em Mam dous ha mad,
Mari.
17. Pa vo dija ma zeod sklaset,
Em c’halon me laro bepred,
Mari.
18. Evurus mar gellan mervel
’N eur laret hoc’h hano zantel,
Mari.
(Levr Bugale Mari).