Doué en dès, eit poblein hag en doar hag en né,
Hag eit feahein er marhue e sco é vugalé,
Idan er bodeu cloar a jardrin en Eden,
Vennet gobér ean-memb er guetan éreden.
Ha Jesus en dès bet vennet dré vadeleah
Gobér ur sacremant ag er briédereah,
Aveit santefiein ol en allianceu
Groeit revé el lézen étré er priédeu.
Er sacremant e ra dehai græceu requis
Aveit bihuein santel, gouni er baraouis,
Hum gârein revé Doué, goarn étré-z-hai er peah,
Dessàu ou bugalé ér fé a gristeneah.
Laqueit, ô me Salvér, er peah ér ménageu,
Streàuet hou caranté é misq er priédeu,
Aveit ma câreint Doué ha m’hum gâreint perpet,
Èl ma câret hui-memb en Ilis hou priéd.
