Diredomp gant ar rouane

Eus Wikimammenn
Sauter à la navigation Sauter à la recherche
Eskopti Sant-Brieg ha Landreger
Ti René Prud’homme, 1924  (p. 141-142)


Arog ma kuitas Jezus Bethleem evit tec’hel en Ejipt e teuas prinset a vro Zav-Heol, henchet gant eur stereden, d’hen adori ha prezanchou gante.

N° 114— Evit Gouel ar Rouane.
War don : Suivons les Rois dans l’étable, N° 114.


1. Diredomp gant ar Rouane
Beteg ar Mabik Jezus :
Uz d’ar c’hraou stereden ar Fe,
D’hon gervel a bar lintrus.

O pegen koant en e gavel
E kavan, daoust d’e billou,
Doue kuzet en eur bugel
gonit hon c’halonou !

2. Ar c’hroadur-ze ken dous e c’hun,
Ken goann e zaouarnigou
Pa n-euz c’hoant astlap ar gurun
Ken a gren ar meneiou !
War ar bed ben a zo Roue,
An elez an uhelan.
Evel en Env dirag Doue,
A welan stouet aman !

3. Lojenik plouz a zo birie
Ti Jezus neve-ganet,
En oud e fel d’imp, ni ive,
Antren ha chom daoulinet.
Ofr a rimp dezan tensoriou
Gwel vit aour, mirr hag ezans
Leiz hon c’halon a vertuiou,
Karantez, Feiz, Esperans !

4. Pelloc’h, zul gwej hama klevimp
Mouez e c’hras ouz hon gervel,
Hep dale out-hi e sentimp,
Nag e ve ret d’imp mervel.
Hon speret ziouas ! zo tenval
Striz meurbet hon gwenojen ;
E vrec’h hon miro a bep goal
Mar hen pedomp d’hon zouten.

5. N’eo ket hepken e Bethleem
E tleomp klask anezan.
Mont a rimp da Jeruzalem
Er C’halvar d’hen bizitan ;
Stankoc’h c’hoaz barz an ilijou
Ec’h efomp d’hen adori,
O c’hortos ninjal d’an Envou
D’hen gwelet ha d’hen meuli !

K. G.