C’houez vad ar Rozen

Filomena Kadored

Mouez Meneou Kerne

Moulerez ar Gwaziou, 1912  (p. 139-141)

C’hwez vad ar Rozen

————

Eun ezennig a neve amzer
A gane dispar en deliou,
Eun heol drant a ginnige seder
Mousc’hoarz e diwean bannou ;
Pegen dous e-touez ar bleuniou,
El liorz-man leun a gaerder — leun a gaerder,

Dont da chilaou sioulder ar maeziou A gomz d'ar galon ken tener.

$\left\}{\begin{matrix}\\\ \end{matrix}}\right.$

diou wech

Peuc’h ar zerr-noz, elec’h levenez
A lede war ma hunvreou
Eur vorennig a dristidigez,
’Vel koumoulen skanv an oablou ;
Ma zell a bare, ankeniet,
War eur rozen liou dispar — O liou dispar !

He deliou flour hanter-bulluc’het A gouee poanius d’an douar.

$\left\}{\begin{matrix}\\\ \end{matrix}}\right.$

diou wech

He c’houez dinerz, ’vel klemm eur c’hlanvour,
A gane sioulik d’am ine,
Eur c’hlemgan dous, truezus ha flour
Luskellerez a garante…
« O bugel, chilaou ma c’homjou
Ma mouez skuiz a c’houl tevel — a houl tevel ;

Hogen, c’hoant am eus, daoust d’am foaniou, Rei d’it eun ali kent mervel.

$\left\}{\begin{matrix}\\\ \end{matrix}}\right.$

diou wech

« Eveldout, e tougis eur pennad
Gened dispar ar yaouankiz ;
Kinnig a ren puilh d’an daoulagad
Kaerder, koantiri ha drantiz ;
Mes ma dudiusan gened,
Ma enor da virviken — da virviken,

Eo ma c’houez pur evel ar glanded, Ha tener evel eur c’hlizen.

$\left\}{\begin{matrix}\\\ \end{matrix}}\right.$

diou wech

Ar gened-ze a strink ken skedus
Eus neve-amzer da vuhe,
D'ar beure ken beo ha ken lintrus,
’Benn zerr-noz ’vo goenvet ive ;
’Vit kavet ar gened gwirion,
A bado keit ha Doue — keit ha Doue,

Grez ma teulo rozen da galon C’houez ar furnez, ar garante !

$\left\}{\begin{matrix}\\\ \end{matrix}}\right.$

diou wech