Bul er Pab Nicolas IV, pehani e verche hac e approuve er règl

Eus Wikimammenn
Sauter à la navigation Sauter à la recherche



ER RÈGL


AG EN


DRIVET-URH A BENIGEN,


EIT EN EIL SORT HAC ÉGUILÉ,


GOASSET HA MERHET,


Composet guet sant Françæes, hac agréet guet er Pab Nicolas IV ag en hanhue.
————


Bul er Pab Nicolas IV e verche hac e aprouv er Règl.


NICOLAS Escob, servitour de serviterion Doué, d’hun bugalé câret é J. C, er verdér ha hoéreset ag en Urh a benigen, presant ha de zonet : Salud ha bénédiction.

Un dra certæn é penaus er fondæson ferm ag el lézen a Grecheneah ne vou jamæs boulget na draillet guet tampest erbet, rac mé ma établisset ar manné er fé catholiq, conservet pur guet en Ilis Romæn, ha perdéguet guet Apostolet Jésus-Chrouist, ambraset guet caranté doh Doué ha doh ou nessan, d’er broïeu e vihuai én tihoueldet ag en idolatri. Er fé-zé e zou éhan ha parfæt, hac hemb d’hi n’éel dén parissein bràu dirac Doué na bout agréabl d’é Vajesté divin. Er fé-zé e brepar en hènt a salvedigueah hac e hrata en heurustæt éternel eit recompance.

Eit méritein er recompance admirabl-zé en en dès sant Françæs, servitour inourabl Jésus-Chrouist, hac instituour brudet en Urh-men (eit discoein d’en dut, dré é gonzeu ha dré e exampleu, en hènt e gondui de Zoué), ansaignet d’é vugalé er fé pur-zé ; hac en en dès ordrénet dehai hé discoein hac hé avouéein publiquemant, hé honservein guet courage, ha réglein doh-t’hi ou obéreu, én ur joéntein er santeleah a ou obéreu, doh er ùirioné a ou fé ; a-cel-fin goudé en dout quêrhet heurusemant én hènt a salvedigueah, ma vériteint, én ur guittat er prison ag er bed-men, antréein ér jouissance ag en éternité heurus.

El-cé re-vou groeit.