Sommér ag er chapistreu ag er Règl

Eus Wikimammenn
Sauter à la navigation Sauter à la recherche


SOMMÉR


ag er Chapistreu hac a Ourhemeneu


Ag er Règl en drivet-Urh a Benigen.
————


I. Quetan Chapistr.


NE vou receuet én Urh santel nameit er-ré e zisco é talhant a zevri doh el lézen catholiq, apostoliq, ha romæn, hac e dremén doh tud santel.

2.° Ne vou quet receuet er-ré n’en dé quet mad ou fé ; nac er-ré libertin, nac er-ré décriet, èl tud infâm, nac er-ré ne vihue quet èl gùir grechénion.

3.° Laqueit e vou ér mæz er-ré e abandonnou er fé, pé ur poént benac a nehi, er-ré e gonduyou ur vuhé scandalus, er-ré e gouéhou én ur faut bras benac, ma ne bresant hum gorrigein, goudé bout bet avertisset charitablemant.

II. En Eil Chapistr.

1.° Er-ré e vou receuet, n’elleint quet gobér profession bet que ne veint instruget a ourhemeneu er règl ;

2.° Bet que n’ou dou païet ou delé, pé reit gageu eit assurein er païemant, pé ahoel que n’ou dou ur volanté son de reparein quentéh èl ma elleint ;

3.° Bet que ne veint é peah hac én amitié, pé é gùir caranté guet ou nessan ;

4.° Bet que n’ou dou assaïet, durand ur blai a noviciat, gout a int e ellou héliein er règl durand ou buhé ; permettet-é neoah dispansein a var-a-boént hac ou changein é treu aral. D’en Directour pé d’er Hovezour ordinær é ma reit er pouvoër-zé ;

5.° Bet que ne veint ér résolution hac én hoant de viret ol gourhemeneu-Doué, ha d'obér er penigenneu e vou reit dehai eit er péh ou dou manquet ag er règl ;

6.° Bet que n’ou dou er volanté de vihuiein ha de verhuel én Urh santel-men ; nac n’en dé quet permettet dehai retournein d’er bed, nac én un drivet-Urh aral, nameit a int e yehai én Urh é léh ma rér en tri vœu a beuranté, a burtæd hac a aboeissance ;

7.° Er merhet diméet e zeli en dout permission ou friædeu, quênt monet én drivet-Urh-men.

III. Trivet Chapistr.

1.° Er verdér ha hoéreset e vou gusquet modestemant, hemb douguein mercheu a vanité, èl dantel pé seyenneu, &c.

2.° Int e zougou edan ou habideu un tuniq pé scapulær, lihue gris-ludu, hac ur hordon de hrouis.

IV. Puarvet Chapistr.

1.° Er verdér ha hoéreset ne zeliant quet assistein ér homédi, ér hrolleu public, nac el leigneu a zebauche ; permettet-é neoah dehai predein én honestis guet ou hérænt eit antretenein er garanté.

2.° Ne reint nitra eit gùélet divertissemanteu public e dèn de zangér pé de vanité ; na ne lausqueint quet èr-ré e zou én ou harg de rein.

V. Pemvet Chapistr.

1.° Int e rei vigil d’er merhér, hac e yunou d’er gùinér durand er blai, nameit hac int e vehai dispanset eit ur ræson vat benac guet en Directour pé er Hovezour ordinær.

2.° Int e yunou én Avènd, a drebi quetan sul en Avènd bet Nendelêc (mæs ne pas d’er sul), ha peb merhér a drebi gouil en ol Sænt bet Pasq.

3.° Exant é a yunein er-ré clan, er-ré discalonêc, er-ré goêdet, tri dé goudé bout bet goêdet ; er-ré e zou é voyage, er-ré e zou én ul labour calet, a oudé Pasq bet gouil-Miquel, en hoérezet saizi bet que ne veint é stad de yunein.

4.° A pe veint é ti er ré-ral, int e zaibrou èl d’ai, ag er péh e vou presantet dirac t’ai, ma n’en dé dihuennet dré ourhemeneu en Ilis, èl kic dihuennet d’en dé yun, d’er guinér ha d’er sadorn.

5.° Int e larou Pater noster irrauc hac arlerh ou fret, ha Deo gratias open arlerh er pret.

VI. Huéhvet Chapistr.

Er verdér e govesseï hac e gommuniou tair gùéh ér blai, d’er bihannan, de Nendelêc, de Basq ha d’er Pantecoust. Obliget-int irrauc d’obér ou amitié guet ou anemiset, ha de restituein en ol domage groeit.

VII. Seihvet Chapistr.

Ne zeliant quet douguein armage, nameit eit dihuen er fé pé er vro, ma n’en d’int soudardet pé tuchentil.

VIII. Eihvet Chapistr.

Er verdér e larou bamdé officeu en dut a Ilis, pé office er Uériés, pé un aral. Int e larou quênt Prim ha goudé Compli er Credo é latin pé é breton, hac er Miserere ur uéh en dé, guet ur gùir gontrition, eit goulen pardon a ou fehédeu. Er-ré ne ouzant quet leine e larou é lèh Matinézeu deuzec Pater hac Ave, hac é léh peb-hunan ag en huéh office aral seih Pater hac Ave, ha tair é léh er Miserere. Er-ré clan e zou exant.

IX. En Navet Chapistr.

Er-ré en dou er guélet d'obér ou zestamant, e reï mad er gobér quênt gobér profession, eit bout liproh d’hum breparein d’er marhue a pe arriuou. Eit en dra-zé, int e gonsultou un dén habil ha santel benac.

X. En Decvet Chapistr.

Int e gonservou étré-zé ur peah hac ur garanté a greis er galon, ha mar sàu un dissantion benac, er Superiorés e impléou hé autorité eit laquat er peah.

XI. Unecvet Chapistr.

Mar beint troublet én ou droédeu, int e ellou goulen secour guet en Eutru Escob.

XII. Deuzecvet Chapistr.

Int e virou a obér sermant erbet, nameit a ean e vehai requis é justice eit un dra a gonséquance, ha mar cavant én ou examén de noz én ou dès groeit hanni, int e larou tair Pater hac Ave de benigen. Int e ziscou d’ou zud er péh e zeliant credein ha gobér eit bout salvet.

XIII. Trizecvet Chapistr.

1.° Int e assistou bamdé én overen mar guellant.

2.° Int hum gavou én assamblé e vou groeit dehai peb mis, d’en ær merchet guet en Directour ; int e laqueï, mar guellant, un dra benac ér plat eit alêge en autærieu hac eit secour er beurerion.

3.° Int e laqueï poén de cheleuet guet attantion en exhortation e vou groeit dehai ; int e virou er silance én Ilis.

XIV. Puarzecvet Chapistr.

1.° Int ou dou sourci a visitein er verdér clan, ha d’ou assistein revé er horf ha revé en inean.

2.° Int hum rantou é tal er hlan a pe vou devéret.

3.° Assistéin e reint én interremant, hac e larou office er-ré treménet, pé ma né ouzant leine, int e larou hantér-hant Pater, Ave, ha Requiem aternam.

4.° Int e larou ur uéh ér blai er seih psalm hac office er-ré treménet, eit en ol berdér bihue ha marhue : ha ma n’ou gouzant, int e larou én ou léh cant Pater, Ave, ha Requiem aternam. Peb Congrégation e reï laret tair Overen ur uéh ér blai én intantion-zé.

XV. Pemzecvet Chapistr.

1.° Int e guemérou hac e aquittou guet aboeissance er hargueu de béré é veint choéget.

2.° Er hargueu-zé ne chommou quet perpet guet er memp berdér, mæs durand un amzér laret hemb quin.

3.° Ne vou laqueit hanni de vout Supériorés durand hé buhé, mæs guellet e vou hé hontinuein dré ur choége nehué.

XVI. Huéhzecvet Chapistr.

Groeit e vou peb plai un assamblé general, mar cav mad en Directour : ino er verdér e larou dehou, é segret, er péh ou dou remerquet é peb-hunan, notablemant contrel d’er berfection pé d’er santeleah hac er péh e ellehai scandalisein en nessan, eit ma quemérou en Directour er moyandeu gùellan eit ou horrigein.

XVII. Sentecvet Chapistr.

Er verdér e reï ou fossibl eit miret a en dout proçæzieu ; ha mar bai groeit hanni dehai, int e assaïou er finissein dré accord.

XVIII. Trihuéhvet Chapistr.

En Directour a bep congrégation, ha memb Covezour ordinær er verdér e ellou changein ha dispansein ag er péh e zou rai diæz ér règl, a pe vou ur ræzon vad benac de guement-cé.

XIX. Nandecvet Chapistr.

1.° Er Supérioréset e avertissou en Directour a fauteu reih en hoéreset, eit ma reï é bossibl d’ou laquat de hum gorrigein.

2.° Mar bai unan-benac ahurtet ha dégorrijabl, er Supériorés, goudé en dout hi avertisset dré tair gùéh de retournein én hènt mad, ha goudé en dout consultet hoéreset discret pé aviset, hé dénonçou d’en Directour : hennen hé zaulou ér mæz ag en Urh, hac e zisclæriou public penaus n’en dé quet mui én Urh.

XX. Uguentvet Chapistr.

1.° Nitra ag er péh e zou merchet ne oblige édan boén a behet na marvel na véniel. Bout-zou mérit bras é héliein er règi ; mæs jamæs ne vai a behet doh hé zorrein, nameit a ean vehai un dra commandet dré ourhemeneu Doué pé dré ré en Ilis.

2.° Mæs ret e vou dehai quemér ha gobér er benigen e vou reit dehai é léh er péh ou dou manquet ag er règl, guet humilité ha promt aboeissance.


Fin ar er Règl bèr.




Hun Salvér, ér Jardrin Olivet, hun desq de bedein ha d’obér penigen.