Buhe burhuduz Sant Julian

Eus Wikimammenn
Mont da : merdeiñ, klask

Oberennoù damheñvel pe handelvoù all zo ivez, gwelout Sant-Juluan.

Revue de Bretagne et de Vendée, 1897
◄   En oèd de ziméein Buhé burhuduz Sant Julian Marionig   ►



BUHÉ BURHUDUS SANT JULIAN



\version "2.16.2"
\header {
  tagline = ##f
}
\score {
  <<
    \new Voice = "kan" {
      \autoBeamOff
      \relative c'' {
        \clef treble
        \key d \minor
        %\set Staff.instrumentName = \markup {\huge \bold I.}
        \time 6/8
        \partial 8*3
        %\set melismaBusyProperties = #'()
        \override Rest #'style = #'classical
        %\tempo \markup {\italic Moderato} 4=108
a8 g bes | a4. \grace a8 g f g | a4 r8 a g bes | \break
a4. g8 f g | a4. r4 r8 | g4. f4 e8 | d4 c8 d4 e8 | \break
f4. \grace r8 g a bes | a g g g4 (e8) d4. r4 r8 \bar "|."
      }
    }
    \new Lyrics \lyricsto "kan" 
    {
     %\override LyricText #'font-shape = #'italic
%\set stanza = "1."
Pa -- ter nos -- ter qui_es in cœ -- lis,
Che -- leu -- et ol tud a I -- liz,
Tud a I -- liz, kre -- che -- ni -- on,
Che -- leu -- et bu -- hé sant Ju -- lian.
    }
  >>
  \layout { 
    %indent = #00
     line-width = #120
    %ragged-last = ##t
  }
  \midi {
    \context {
      \Score
      tempoWholesPerMinute = #(ly:make-moment 90 4)
    }
  }
}


I


Pater noster qui es in cœlis,
Cheleuet ol tud a Iliz,
Tud a Iliz, krechenion,
Cheleuet buhé sant Julian.

Buhé sant Julian zou skriüet
É galleg hag é brehoneg.
É galleg hag é brehoneg,
De nemb e garou cheleuet.

Julian, èl mé oé dén a stad,
E ié bamdé de jiboésat,
E ié barndé de jiboésat,
Er glujal kerklouz èl er had.

Un dé d’er jiboés el ma hé,
Ur harwig rous ean e gavé,
Hag, épad tri dé ha tèr noz.
Ean en hélias hemb repoz.


— « Julian, Julian lar té d’ein-mé,
« Perag en em héliès-té ?
« Perag en em héliès té ?
« Meit én espér a mem buhé.

— « Salv, o kroéz, karwig, ne hran ket :
« M’hou kav ul lon braù dré er bed,
« M’hou kav ul lon braù dré er bed,
« Hag hou kuittat ne hellan ket.

— « Mar hum havès ul lon d’ha hrad,
« Me larou d’id t’avantur vad,
« Me larou d’id t’avantur vad :
« Te lahou ha vam hag ha dad.

— « Salv o kroéz, karwig, n’er groein ket,
« Kuittat e hrein kéntoh er bed,
« Kuittat e hrein bro ha kanton,
« Kéntoh eit kouéh én okazion.

— « Kuitta er bed tré ma karei,
« En okazion té a gavei,
« En okazion té a gavei,
« Ha vam hag ha dad e lahei.

II

Julian kentéh hum lak én hent
Hemb laret nitra d’é gérent,
D’é vam, d’é dad na d’é iondred
Ker bihan meit d’é vorèbet.

A zoh è vro pêl mat é has,
Én ur houh porh é arriùas,
Én ur houh porh é arriùas,
Devout servitour hum lakas.


Devout servitour hum laké
Ha ként pêl d’en ol é plijé,
Ha ként pêl d’en ol é plijas.
Er verh ag en ti en hoantas.

— « Me zad, me mam, mar em haret,
« Reit t’ein Julian eit boud prièd,
« Reit t’ein Julian eit bout prièd,
« M’er har ha m’er harou perpet.
 
— « Me merh ! Julian hui n’hou pou ket,
« N’houiamb é pèh bro ma gañet,
« N’houiamb é péb bro ma gañet
« Nag a béh famill ma saùet.

— « Poén ne mès chet a gement-sé,
« Julian e vou me frièd-mé ;
« Ean ’n dès é bapér badient
« É oèd, ol é dreu pen d’er ben.

Kement ar nehé é talhas,
Taul de fin ind e gousantas,
Taul de fin ou dès kousantet
Hi rein de Julian eit prièd.

III

Julian, pe oé bet diméet.
Dén a affér lakeit oé bet,
Lakeit oé bet dén a affér,
Liés é hé pêl doh er gér.

E vestréz oé un dévodéz
D’en Intron Varia a Garwés,
Liés, liés é hé d’er hoed
En ul laret hé chapelet.


Un dé ha hi monet arré.
Deu zénig kouh hi e gavé.
Deu zénig kouk hi e gavas
É tichuéh ar vord en hent-pras.

— « Deu zénig kouh, doh hou kuélet,
« Kèr é gout é oh fatiget ;
« Laret enta, laret t’ein-mé,
« Petra e glasket hui dré-zé.

— « Ès bras é d’emb bout fatiget
« Open kand léau hun nès kerhet,
« Open kând léaù hun nès kerhet,
« É klah hun mab en nès kollet.

— « Deu zénig kouh, ne chillet ket,
« Hou mab sur n’en dé ket kollet,
« Hou mab sur n’en dé ket kollet,
« Laret penaus é ma hanùet.

— « Hun mab e zou hanùet Julian,
« Kuitteit en dès é vro iouank ;
« Intron, Intron, d’emb-ni laret,
« Mar e huès ean dré-men guélet.

Er huirioné a pe gleuas,
Én ou divréh hi hum daulas,
Én ou divréh hi hum daulas,
Hag a galon en ou bokas.

— « Me zad, me mam a garanté,
« Julian e zou me frièd-mé,
« Julian e zou me frièd mé,
« Ha mestr é ar ol men dané.

Ha get er joé hi doé doh t’hé
Hi ou lakas én hé gulé :
En neu zén kouh oé fatiget
Hag aben ou deoé kousket.


IV

Arriw get Julian er Golér
Hag en davéas bean d’er gér,
D’er gér en dès ean davéet,
En ur hoal gonz ag é brièd

— « Julian Julian kei bean d’er gér,
« É ma ha voéz é hoal hobér ;
« É ma ha voéz ér gambr d’el hlué.
« T’hi havou hoah én hé gulé.

Julian e ias a bréz d’er gér,
Avel un dén én dézespoér,
Ha doh en ti pé arriùas
Tri zaul ar en nor ean e skoas.

Tri zaul ar en nor ean e skoé.
Ha dén doh t’on ne reskondé ;
Én ur skoein kriwoh ar nehi,
Ean hi zaulas é kreiz en ti.

Én ti a p’en dè antréet
D’er gambr d’er hlué en dès krapet,
Ha d’é hulé e regarhas,
É dad hag é vam e lahas.

A p’en doé groeit en torfèd-zé,
Kentéh d’er hias é tichenné,
Kentéh d’er hias ma dichennet
Hag é brièd en dès kavet.
 
Ean e gav é brièd Suzen
Ë arriw ag en overen :
Hi e zou koutant ha joeius,
Ha hi e seblant bout eurus.


« Suzen, Suzen, d’ein mé laret
« Più én hou kulé oé kousket ?
— « Hou tad hag hou mam, o Julian,
« E zou deit d’hou klah d’er vro-men.

— « Doh-ein, men Doué, hou pet truhé,
« Konzeu er harw oé guirioné !
« Er harw e laras d’ein erhat
« Bé lahet me mam ha me zad.

« Maleur d’em dorn, maleur d’em fen,
« E han-mé d’hobér penijen,
« É han-mé d’hobér penijen
« D’ur hoed dôn pé d’un inizen.

- « Mar dès, Julian, me iei eùé,
« Ke me zou kauz d’en torfèd-zé,
« Doh ou lakat ér gambr aral
« Mem behé miret doh er goal.

V

Doh ou bro pêl bras oé é hent,
Étal ur hoèh é arriùent,
Étal ur hoèh é arriùent,
Ul lojig benal e saùent.

El léh-sé oé goal divourrus,
Trézein er hoèh oé danjerus ;
Hillèh, én ur dremén dré zé,
En deoé kollet ou buhé,

Sekour en ol e hré Julian,
É kreiz en amzér kaletan,
Hag, én ur skoein ar é galon,
Get Doué e houlenné pardon.


Un dé é arriùas ur peur,
E glask eùé trézein en deur,
Julian kentéh, lan a druhé,
En treménas ar er zishoé.
 
Hag en deur a p’ou dès trézet
Er peur de Julian dès laret :
Trugèré d’id, Julian m’em brér,
È tès a dremén ha Salvér.

Eit er garanté é hès bet
É kevér er ré poéniet,
É on deit de rein d’id pardon,
Ha m’er ra d’id a greiz kalon.
 
Én ur laret er honzeu-zé
Er Salvér hum saùas d’er hlué,
E saùas d’er hlué ligernus,
Ha Julian hum gavas eurus.
 
Neoah Julian hag é brièd
E hré penijenneu kalet :
Meit grouiad-lezeu ne zèbrent,
Ha deur sklèr hemb kin e ivent.

Hag en neu brièd santel-zé.
E zou bermen é lein en né,
Eurus, hemb poén ha hemb ankin,
Eurus e veint de birhuikin.


————