Barzhaz Breizh/1846/Baron Jaouioz

Eus Wikimammenn
Sauter à la navigation Sauter à la recherche

Oberennoù damheñvel pe handelvoù all zo ivez, gwelout Baron Jaouioz.



XXVIII


BARON JAOUIOZ.


(Ies Kerne.)


I.


Pa oann er ster gant va dillad,
Me gleve ’nn evn-glot huanat.

— Tinaik mad, ne ouzoc’h ket ?
D’ar baron Jaouioz oc’h gwerzet.

— Gwir e ma mamm pez ’m euz klevet ?
Ha da Jaouioz kouz onn gwerzet ?

— Ma merc’hik paour, ne ouzonn ket ;
Digant ho tad her goulennet.

— Ma zadik, d’in-me leveret,
Ha da Loeiz Jaouioz onn gwerzet ?

— Ma merc’hik ker, ne ouzonn ket ;
Digand ho preur her goulennet.

— Ma breur Lannik, d’in leveret,
Ha d’ann otrou-ze m’onn gwerzet ?

— Ia ! d’ar baron c’hui zo gwerzet,
Ha mont kuit timad a zo red ;

Ha mont kuit heb-dale zo red ;
Ho pae zo digemeret :

Hanter kant skoed enn arc’hant gwenn,
Ha kemed-all enn aour melen.

— Ma mammik, d’in-me leveret,
Pe re dillad a vo gwisket ?


Va brouz ru, pe va brouz gloan wenn,
Hag e deuz gret va c’hoar Elen ?

Va brouzik wenn, pe va brouz ru
Ha va c’horkennik voulouz du ?

— Gwisket ann dillad a gerfet,
Va merc’h, kement-se na vern ket :

Eur marc’h du zo e toull ann or,
O c’hortoz ann noz da zigor,

O c’hortoz da zigor ann noz ;
Eur marc’h sternet oc’h ho kortoz. —


II.


Pell euz ar ger ne oa ked eet,
Pa glevaz ar c’hleier sonet.

Neuze n’em lakaz da wela :
— Kenavo d’id santez Anna ;

Kenavo d’hoc’h kleier va bro,
Kleier va farez, kenavo ! —

Pa dremenaz lenn ann Anken,
Tud varo welaz, eur vanden ;

Gwelaz tud varo, eur vanden,
E lestrigou, gwisket e gwenn ;

Gwelaz tud varo kena-ken ;
Rez he c’halon strake he dent.

Pa dremenaz traoniou ar Goad,
Ho gwelaz d’he heul o lampat ;

Kemend e devoa kalonad,
Ken a zarraz he daou-lagad :


Kemend e devoa kalonad,
Ken a gollaz he skiand-vad.


III.


— Tapet eur gador, hag azeet,
O c’hortoz vo dare ar boet. —

Ann otrou oa e tal ann tan,
Hag hen ken du evel eur vran,

He varo hag he vleo gwenn-kann,
He zaou-lagad ’vel daou skod-tan.

— Setu ama eur femelen
E ma onn pell-zo oc’h hi goulenn !

Deomp-ni, va merc’h, war ma brizou,
Deomp-ni da ober va rannou.
 
A gambr e kambr deut-hu, va c’hoant,
Da gonta ’nn aour hag ann argant.

— Gwell ve d’in bout e ti va mamm,
Da gonta’r sklop da dol enn tan.

— Deut-hu gan-in d’ann traon d’ar zel,
Da danva gwin ker c’houeg ha mel.

— Gwell ve d’in eva dour ar prad
Demeuz a ev ronsed va zad.

— Deut-hu gan-in a stal da stal
Da brena’r pawisk da vragal.

— Gwell ve d’in eur vroz liennet,
Mar va mamm e defe he gret.

— Deomp-ni brema d’ar vestiri
Klask brodou da lakat enn hi.


— Gwell ve d’in ann nahenen wenn
A c’hourie d’in va c’hoar Elen.

— Hervez ar c’homzou a leret,
Aoun am euz n’am c’haret ket.

Me gar ve bet eur gor em zeod,
Enn amzer e m’onn bet ker sod,

’M onn bet ker sod euz da brena,
Pa n’em frealzez gant netra. —


IV.


— Diwar ho nic’h, evnigou kez ;
Me ho ped da zelaou va moez :

C’hui ia d’ar ger, me na eann ket ;
C’hui zo laouen, me glac’haret.

Va gourc’hemennou a refet
D’am holl vroiz, pa ho gwelfet ;

D’ar vammik e deuz va ganet,
Ha d’ann tad en deuz va maget ;

D’ar vammik e deuz va ganet,
D’ar belek koz deuz va badeet.

Kenavo d’ann holl a larfet,
Ha d’am breur e ma pardonet. —


V.


Eunn daou pe dri miz goude-ze,
A oa he zud enn ho gwele,

En ho gwele, ha kousket dous,
Endro demeuz a hanter-nouz.


Na diabarz na mez, neb trouz :
Toull ann or klevzont eur voez dous ;

— Va zad, va mamm, enn han Doue,
Laket pedi evid on-me ;

Pedet ive, ha gret va c’hanv :
Edi ho merc’h war ar vaz-kanv. —


————



\version "2.18.2"
  global = {
    \key f \major
    \tempo \markup {\italic Andante.}
    \override Rest #'style = #'classical
    \time 6/8
    \partial 8*1
  }
  
  melody = \relative c'{
    \global
    d'8 c4 a8 f4 g8 | a4 bes8 c4 d8 | \break
    c4 a8 f4 g8 | a4 bes8 c4\fermata c8 | \break
    c4 f8 e4 d8 | c4 bes8 a4 d8 | c4.~ c4 bes16( a) | \break
    g4 a8 bes4 g8 | f4.~ f8 r \bar "|."
  }
  
  rightOne = \relative c' {
    \global
    \stemUp
    <bes' d>8 <a c>4 <f a>8 f4 <e g>8 | <f a>4 <g bes>8 <a c>4 <bes d>8 |
    <a c>4 <f a>8 f4 <e g>8 | <f a>4 <g bes>8 <a c>4_\fermata r8 |
    c4 f8 e4 d8 | c4 bes8 a4 <bes d>8 | <a~ c~>4. <a c>4 <g bes>16 <f a> |
    g4 <fis a>8 <g bes>4 <bes, e>8 | <a~ f'~>4. <a f'>8 r
  }

  rightTwo = \relative c' {
    \global
    \stemDown
    s8 s4 s8 a d s | s2.|
    s4 s8 a d s | s2. |
    f2._~ | f4._~ f4 s8
  }

  leftOne = \relative c {
    \global
    \stemUp
    r8 <f, f'>4 r8 d'4 c8 | <f,~ f'~>4. <f f'>4 r8 |
    <f f'>4 r8 d'4 c8 | <f,~ f'~>4. <f f'>4_\fermata r8 |
    a'4 d8 c4 bes8 |a4 g8 f4 r8 | s2. |
    bes4 a8 g4 c,8 | <f,~ f'~>4. <f f'>8 r
  }
  
  leftTwo = \relative c {
    \global
    \stemDown
    s8 s2. | s2. |
    s2. | s2. |
    f2. | f4._~ f4 s8 | r4 f'8 c4 d8
  }
  
  leadSheetPart = \new Staff \with {
    instrumentName = \markup {\tiny "KAN."}
  } { \melody }
  \addlyrics {
    Pa oann er ster gant va dil -- lad; Pa
    oann er ster gant va dil -- lad; Me
    gle -- ve’nn evn glod hu -- a -- nat; me gle -- ve’nn
    evn glod hu -- a -- nat.
  }

  pianoPart = \new PianoStaff \with {
  instrumentName = \markup {\tiny "PIANO."}
  } <<
  \new Staff = "right" \with {
    midiInstrument = "acoustic grand"
  } << \rightOne \rightTwo >>
  \new Staff = "left" \with {
    midiInstrument = "acoustic grand"
  } << \clef bass \leftOne \leftTwo >>
  >>
  
\score {
  <<
    \leadSheetPart
    \pianoPart
  >>
  \layout { line-width = #123 }
  \midi {
    \context {
    \Score
    tempoWholesPerMinute = #(ly:make-moment 100 4)
    }
  }
}
\header { tagline = ##f }