Ann Den Hanter-Hoad

Eus Wikimammenn
Sauter à la navigation Sauter à la recherche
P. Le Goffic, 1866.
◄   Ar Bleiz hag ann Oan Ann Den Hanter-Hoad hag e ziou vestrez Raz Kear ha Raz Kouer   ►



ANN DEN HANTER-HOAD
HAG HE ZIOU VESTREZ


————


War ann Ton ma karot


I.


Na heller ket beza bepret,
Beza bepred ha beza bet :
Houn-nez zo eul lezen digar
A bado keid hag ann Douar.


II.


Jakez zo bet, siouaz ! n’eo mui,
Eur potr frammed a izili,
Breman eo daoubleged he chouk,
Loued he vleo, kremenned he c’houk.

Ar merc’hed a gare kenan,
Hi a rae chiboudou d’ezhan,
Hogen, euz he holl vestrezet.
Diou hep-ken n’euz gallet miret.

Ann diou-man oa intanvezet,
Gragez a don (kredi hellet) :
Unan out-ho zo bepred glaz, —
Majorez, velken, a bell braz ; —

Eben oa eunn tammik melget,
Hag eunn nebeudik dislivet,
Roud ann hoad a wie kuzat
Hag a zek vloaz n’em iaouankaat.


III.


Ann diou man, — enn eur gaketa,
Enn eur c’hoarzin, n’eur c’hogeza,
Adaleg ar beure d’ann noz,
A bente bleo ar marmouz koz.

Ann hini goz a ziframme
Eunn toullad bleo du a choume, —
Vit ma vije out-hi henvel ; —
Eben d’ar bleo gwenn rea brezel. —

— Kemend e rejond o c’houenna,
O tiluia, o tismanstra,
Ma teu moal vel eunn irvinen
Pe eur penn loue digroc’hen.


IV.


Pa weljond ar c’heaz, er stad-se,
Gant-ho oe kazed da vale,
C’hoaz e rejont goab diou-t-han,
Goude beza peillet n’ezhan.

Jakez a lavaraz neuze :
« Itrounezed, bennoz Doue !
» Digoret c’h’euz ma daoulagad,
» Skiand a brener da beb hoad :

» M’am bije kemered, dre wall,
» Unan ac’hanoc’h e oann dall :
» Marvad he dije ma c’hoeffet,
» Goude beza ma direunet. »


V.


— Ped killek pinouz skamp d’ar ger ?
Ped danvad touzed a weler ?

Euruz pa virond ho c’hroc’hen,
Ho daoulagad hag hoc’h empenn !


————


DA J. BINET, E KALLAK.
Itrounezed, bennoz Doue !


————