Yannik er bon garçon

Eus Wikimammenn
Sauter à la navigation Sauter à la recherche

Oberennoù damheñvel pe handelvoù all zo ivez, gwelout Yannig ar Bon-garçon.

Revue de Bretagne et de Vendée, 1891
◄   Jannett er Vraw Yannik er bon garçon Er plah iouank tromperéz   ►


YANNIK ER BON GARÇON


Les partitions musicales sont temporairement désactivées.



1. — Ur marhadour iouank, Yannik er Bon Garçon,
E zou deit te Bondi ag er guér a Lyon ; (bis).

2. — E zou deit te Bondi de foér kalon-gouian,
Eid prenein en éhen hag er ronsed guèlan.

3. — Ansei gouni guet-ai é foér er Guemené :
Allas ! é léh gouni e oé kollein e hré.

4. — P’en doé groeit é foéraj, p’en doé groeit é varhad,
Aveid tremen en noz, é klaskas un ti mat.


5. — — Ha d’oh bonjour hostiz, hostiz hag hostiéz,
Én hostaleri-men e mès lojet liés.

6. — Mœz en dud a nehi, me gred, e zou chanjet,
Matèhig Marguerit, ah ! honnèh n’en dé quet.

7. — Me zou ur marhadour deit t’er foér de Bondi :
Ha hui em lojehé én hou c’hostaleri ?

8. — —Ya, sur dénig iouank, lojet mat e vehèt,
Hui hou pou de zaibrein er péh e garehèt ;

9. — Hui hou pou de zaibrein er péh e garehèt,
Hag er gulé guèlan ér gambr e choéjehèt ;

10. — Hag er gulé guèlan ér gambr e choéjehèt,
Ha matèh d’hou chervij ’n’hani e larehèt.

11. — — Mar em bé mé matèh en hani e larein,
Matèhig Marguerit em bou d’em chervijein.

II.

12. — Pe oé daibret er goén, doh en daul distalet,
Er marhadour é gambr en dès bet goulenet.

13. — Matèhig Marguerit, allum té er goleu,
Ha ra d'en dén iouank er choéj ag er hampreu.

14. — Er marhadour iouank, pe oé é choéj é gambr
E soné ker joéius gued ur flaouit argand !

15. — E soné ker joéius gued ur flaouit argand
Mé ré d’é galon beur en ol koutantemant.

16. — Matèhig Marguerit é hobér é hulé,
Er selé taul ha taul ha hi e huanadé.

17. — — Matèhig Marguerit, d’ein mé é larehèt,
Perac é huanadet kel liés m’em selet ?

18. — — Yannik er Bon-Garçon, hou trompein ne fal quet :
Bout zou ur hléan nueah édan hou trespenet ;


19. — Bout zou ur hléan nueah édan hou trespenet,
N’en dé quet hoah torchet a lahein en drived ;

20. — N’en dé quet hoah torchet a lahein en drived,
Yannik er Bon Garçon hui e vou er biarved.

21. — Matèhig Marguerit, sauv té d’ein m'em buhé,
M’ha lakei pevedik ar bemp kand skoet nehué.

22. — — Mé ne houlenan quet hou eur nag hou argand,
Nameid ur gonz hemb quin a hou fidélemant.

23. — — Matèhig Marguerit, hou trompein ne fal quet :
N’en dès chet hoah tri miz mé on bet èrèdet.

24. — Me mès tri brér er guér, dishanval doh-ein mé ;
Matèhig Marguerit, hui pou ’r choéj a nehai.
 

III

25. — Kentèh Margueritig, ag er gambr e zichen,
E retorn doh hé mistr, ha guet-ai e houlen ;

26. — — Me mestr ha me mestréz, chetui daibret me hoén
Ha golhet me lestri, petra e hrein mé kin ?

27. — — Matèhig Marguerit, dès té gued-n-emb d’el hlué
De sekour d’emb lahein en dénig iouank-sé.

28. — — Me mestr ha me mestréz, n’hou pehé quet regret
Lahein un dén iouank e zou é kreiz é oed ?

29. — Me mestr ha me mestréz, gorteit ahoel kreiz-noz
Ma vou en dén iouank é kemér é repoz.

30. — Ean zou iouank ha kriw, ean hellou hum zihuen,
Ha digass dré en trouz en dud ag el lézen.

31. — Matèhig Marguerit quei té én ha hulé,
A pe huichehemb d’id te sawou bean nezé.


32. — Matèhig Marguerit n’en das quet d’hé gulé,
Mœz doh er marhadour d’er gambr d’el lein e hié.

33. — — Yannik er Bon Garçon taulet hui hou poteu,
Querhet hemb gobér trouz diar hou semelleu.

34. — Querhet hemb gobér trouz diar hou semelleu ;
É ma hou marh ér méz ha hou pistoledeu ;

35. — Ha hou pistoledeu ha hou malig vihan,
Ha hi karguet a eur, a eur hag a argand.

36. — Er marhadour iouank hag er plahig nezé
E ridas d’er beanan d’avertis gard er Roué.

37. — Digoret t’emb en or, hostiz hag hostiéz :
Ni zou ni gard er Roué, n’hun lausket quet ér méz.

38. — Matèhig Marguerit, saill bean ag a hulé,
Quei de zigor en or de soudardet er Roué !

39. — Penaus vou d’ein digor en or de dud er Roué,
A p’en don gued Yannik ar gain é hakené ?

40. — Matèhig Marguerit, a p’hum behé gouiet,
E oé hui er guetan hum behé bet lahet.

41. — Ha p’hum behé lamet gued-n-oh hui hou puhé,
Ne véemb quet bremen tré déourn tud er Roué.

42. — Kentéh en neu hostiz d’er prizon zou stleijet,
Hag a berh er justis ou deu é oen krouguet.

43. — Elsen ou dès paiet kement a dorfœteu
Ou dès bet, hemb truhi, groeit eid dastum madeu.


————