YAN ha JANNED,
PE AN DIFFERANÇ
entre an Amourousien hac ar Priejou.
————
|
Canomp Amouroustet Janned,
Canomp Amouroustet Yan :
N’eus nep plac’h qer coant ha Janned,
Na nep potr qer brao ha Yan.
Yan a ra oll vit e Janned,
Ha Janned oll vit he Yan ;
Yan a gar oll gant e Janned,
Janned na gar mann hep Yan.
N’eus nemet chagrina Janned
Evit laqat gouela Yan ;
Evit laqat c’hoarzin Janned,
N’eus nemet arliqa Yan.
Yan a fich ar boued gant Janned,
Janned a vousc’hoarz ous Yan :
Ha qement tra a douch Janned,
Qerqent zo lippet gant Yan.
Gant he dorn propr atao Janned
A garg e veren da Yan ;
Hac atao scudellic Janned
A zo carguet gant he Yan.
Ha pa za da gousqet, Janned,
E za ive buan Yan :
Yan a gousq tostic d’e Janned,
Ha Janned tostic d’he Yan.
Qerqent evel ma sav Janned,
E saill eus e vele, Yan ;
Yan a glasq bepred e Janned,
Ha Janned bepret he Yan.
Mar dê bep Mestrez eur Janned,
Ha peb Amourous eur Yan,
Ar vreg zo atao eur Janned,
Hac an ozac’h atao Yan.
————
Yan a zo pried da Janned ;
Janned a zo greg da Yan :
Yan ne anave mui Janned,
Ha Janned a zizanv Yan.
Qement tra’ zeu deus a Janned
Zo sur da zisplich da Yan ;
Pa velot o c’hoarzin Janned,
E velot sur gouela Yan.
Ar frico a brepar Janned
A ra heugui calon Yan ;
Hac ar güele ma cousq Janned
N’en dê qen mui güele Yan.
Yan n’ell mui beva gant Janned,
Janned en em varv gant Yan :
Yan gant Doue a garfe Janned,
Janned d’an diaoul a ro Yan.
An devez ma varvo Janned
A vezo devez caer Yan ;
Ha ne velot dansal Janned
Nemet devez maro Yan.
|
————
