War zav !

Eus Wikimammenn
René PRUD’HOMME, 1905  (p. 38-39)



V


WAR ZAV !

——


D’an A. Abad Perrot.


Na me garfe e ve va mouez
Klevet e Breiz e peb parrez !

O va bro ger a Vreiz-Izel,
Bro ar Varzed, douar zantel,
Ar Gall a c’hoanta touella
Da vugale ’vit ho zrella.

’Vit laza da spered kristen
Ennoud eat ken doun he c’hrisien ;
’Vit laza da Yez benniget,
A garfe gwelet dilezet,

’Vit laza da giziou brudet,
Penn-abek euz da eüruzded ;
Gouzoud a ra e ma aze
Buez pe varo da ene.

War zav, var zav, oll, Bretouned,
Gouenn an dud krenv, pennou kalet !
Penn d’an enebour aheurtet !…
Biken ganthan na vimp trec’het…


Biken hor yez na vo lezet
Da veza e Breiz diskaret,
Da Zoue ha d’hor Breiz-Izel
Oll bepred e vezimp fidel....

Kentoc’h karfemp mervel mil gwech
Eged rei abek d’eur rebech !


————