Un oræson devot d’an oll sænt

Eus Wikimammenn
Aller à la navigation Aller à la recherche
L. Prud'homme, 1849  (p. 187-188)


CANTIC VAR UN ORÆSON DEVOT,

D’an oll sænt, pehini a ve mad da lavaret alies, ispicial da vouel an oll sænt evit ho enori assambles, particulieramant ar re ma hon eus un devotion particulier dezo ; hac evit ho fidi oll da obteni deomp ar graçou pe veus a re hon eus izom, hac un finvez eürus. Var an ear gallec : Que veux-je en récompense ?

ME ho salud gant respet
Oll sænt hac oll sænteset,
Ha c’houi Ælez eürus,
A so breman o repos
Er c’hloar eus ar barados,
Assambles gant Jesus.
C’houi so brema o velet
An tri ferson an Dreindet
En un Doue hepmuiquen,
Ha gant ar Verc’hes Vari
Ne cessot oc’h he veuli
En eê da virviquen.
Dreist ar re-all, ô Guerc’hes,
Va itron ha va mestres,
C’houi eo a saludan ;
Pa’z oc’h hon alvocades
Ha mam da Zoue memes,
Enoc’h en em fizian.
Ha c’houi, va Æl-Gardien,

A so bepret em c’hichen,
Me ho salud goude ;
Digacet oc’h d’am sicour
Ouz Satan hon adversour
Gant providanç Doue.
O sant Joseph, tad maguer
Da Jesus-Christ hor Salver
Ha pried da Vari,
Gant fizianç en ho merit
Quercouls hac en ho credit,
E teuan d’hoc’h enori.
Ouzpen a greis va c’halon
Hoc’h enoran, va faëron
Ha va maërones quer ;
Ha pa zougan hoc’h hano,
M’esper e viot ato
Favorabl em c’hêver.
D’ar fin gant humilite
C’houi a saludan ive,
Patron an escopti,

Ha c’houi patron ar barres,
Ha quement sant ha santes
M’oun custum d’ho pidi
Gueneoc’h e rentan graçou
D’hor C’hrouer hac hon Autrou,
Rac m’en deus ho [ch]oaset [1]
Da enori da viquen
He vajeste souveren
Ebars [e] [2] joaüsdet.
Epad an eternite
Meulet ra vezo Doue
Eus an oll faveuriou
En deveus deoc’h accordet,
Hac eus an oll eurusdet
A ro deoc’h en êvou.
Brema’ta me ho supli,
Oc’h en em recommandi
Bepret d’ho madelez,
Bezit d’in alvocadet
En eê dirac an Dreindet,
Oll sænt hac oll elez.
Dirac Jesus va Doue
C’houi hoc’h eus autorite
Hac a vezo clevet ;
Ar c’hraç hac an donæson
A c’houlennot evidon,
A vezo accordet.
Obteni d’in da guenta,
Beza pardonet ganta
Eus va oll bec’hejou,
Hac ar c’hraç d’hoc’h imita
En dra vezin er bed-ma,

En hoc’h oll vertusiou.
D’an eil, beza patiant
En peb inconveniant,
Ma c’hillin anduri
A bep seurt affliction
Gant guir resination,
Hep jamæs murmuri.
D’an drede, dont d’he garet
Gant ur garantez barfet,
Ma vezo facil d’in
Trec’hit ar bed milliguet,
Ar c’hic hac an drouc-speret,
Ha ma perseverin.
Pa finissin va buez,
Grit ma sello a drues
Ouzin em zremenvan,
Ha ma rentin va ene
Etre daouarn va Doue
Gant peoc’h ha reposvan.
Pa vezin ispicial
Presantet d’an tribunal
A justiç va barner,
Pedit-en, me ho supli,
Dre verit he bemp gouli,
M’e[m] [3] barno gant douçder.
Ma hellin beza ivez
Recevet en ho touez
En gloar ar barados,
Evit eno da jamæs
Meuli gueneoc’h assambles
Va Doue gant repos.
Amen.

  1. Moullet : c’hoa-.
  2. Moullet : he.
  3. Moullet : m’en.