Uguenvet Cantic. Enep al leou-douet, jarneou, sacreou, goal langach

Eus Wikimammenn
Sauter à la navigation Sauter à la recherche
J.-B. Lefournier, 1836  (p. 85-91)



UGUENVED CANTIC.


Var ton: Enep al leou-douet, jarneou, sacreou, goal langach, etc. Var ton : Songit den abuset.



Arrêt, touer-doue,
Tao, jarneer exécrapl ;
Respet ar Vajeste
Eus an Autrou adorabl ;
Sounch eo da Roue an Eeou
E rez, Siouas ! outraich
Bemdez dre da jarneou
Ha da leou sacrilaich.

Un dra terrupl eo
E teue un den badezet

Da gomps à un Doue beo
Dre langach quen direspet,
Biquen jamès ne gred-che
Ur payen divades
Gueichall treti er c’his-se
E idol coad mêmès.

O ! sacrëer ingrat,
Perac leusquel sacrëou
Ouc'h un Doue zo quer mad,
A ro dit pep seurt graçou ?
Da vestr, da Autrou eo,
Da Dad carantezus ;
Perac-ta ouc’h e ano
Beza quer furius ?

C’hui ro din, va Doue,
Ha va buëz, ha va bevanç ?
Va c’horf ha va ene
A dle deoc'h oll o substanç,
Oll e zoun o tonesoun ;
N’oun netra m’am lessac’h ;
Penaos-ta caout ar galoun
D’ho sacreal ha d’ho nac’h.

Sacrëer revoltet,
Da sacreou execrapl,
Jarnëer trelaichet,
Da jarneou effroyabl
Zo langach an diaoulou
En arrach, en alter,
Invantet en ifernou
E creis an dizesper.

Guir imach an ivern
Zo e ty ur sacrër ;
Eno respet, espern
Gaout evit den ne ouzer,

Tad ha mam ha bugale,
Plac’het ha mevellou,
An eil a ro d’eguile
A bep seurt mallozyou.

Quenta a zesq eno
Ur c’hrouadur miserabl
Eo blasphemi’n ano
Eus e grouer adorabl.
N’oar na Pater nac Ave ;
Ha couscoude dejà,
N’eus mallos, blasphem, sacre,
N’oar oll ho vomissa.

An deiz m’e badezet
Terri pen da grouadur
Ma ve dit proposet,
Ha t’er grae, tad dinatur ?
Couscoude n’ouffes muntri
Nemet e gorf neuse ;
O tesqui dezan sacri,
E vuntres e ene.

Dre venediction
Ar Briadelez santel,
Ar gonsolation
Ac’heus da gaout ur buguel ;
Ha bremâ, mam detestapl,
En escumunuguez ;
Ha mil mallos execrapl
Varneza a laosquez.

Ur c’hrouadur bian
Goude graç e vadizyant,
Zo templ ar Speret-Glan
Leun à c’hraçou ravissant ;
Ur mempr pur eo da Jesus ;
Ha c’hui, tadou, mamou,

En ho coler furius
En ro d’an diaoulou.

Ho langach debordet
A roffe leac’h da sonjal,
Tud fall, oc’h possedet
Gant ar speret infernal ;
Ret ho pe cals lièzoun
Ganta diouc’h m’er galvit ;
Hac aneet eo ho mignoun
Quellies er pedit.

Me gred diouc’h ar mintin
E rit manyer da ober
Peden d’an Tad divin
O lavaret ho Pater
Mès ar rest an deiz goude
Bep guer à boues ho penn
An diaoul hac ar sacre
Ha ne quet ho peden ?

Penaos, o va Doue,
D’an nôs en-em bresanti
Dirac ho majeste,
En esperanç ho pidi
Gant un teaud en deus laosquet
Liessoc’h à vallos
Eguet à heur a zo sounet
Eus ar mintin d’an nôs ?

Penaos, ô va Salver !
E credfe biquen un den
Tostaat oc’h an Auter
Da Basq, d’ar Gouelyou solenn.
Da receo ho corf divin
Var un teaud sacrilaich,
En ur guenou quen indin,
Leun à vavardiaich ?


Great oc’h eus, va Doue,
Va zeaud d’o clorifia ;
Penaos-ta goude-ze
D’ho sacreal e implija ?
Na penaos e c’hesperren
Goude va sacreou
Em choassac’h da vinizien
Oc’h ano en Eeou ?

Penaos deiz ar maro
Debat ouc’h an drouc-speret ?
Den fall, a lavaro,
Cant gueich ec’h eus va galvet.
Dalc’het oun bet re hir amzer,
An taol-mâ e teuan ;
N’ez pezo mui à garter,
Guenëen e teui breman.

Ouc’h eur veich ma pedes
Da Dad eveus an Eeou,
Ouspen dec e c’halves
An diaoul, an diaoulou ;
Bemdes e nac’hes Doue,
E pedes e vallos,
Ha te gredte goude
Goulen e Varados ?

Pep seurt goall lezaniou,
An arrach, hac an egar ;
Pep seurt goall bedennou,
Ra zigorche an douar…
An ivern, daonation,
An tanfoultr da zevi…
Oa da gonversacion ;
Hyrio oll o c’havi.

Ha te gredte, fallacr,
Brema invoqi Jesus ?

Na pidi e Vam sacr
Ar Verc’hes trugarezus ?
Bemdez c’houlou hep respet
O hanyou venerapl
Ac’heus tretet, profanet
Evel traou disprizapl.

Bep guêr en da c’hinou
Ezedo ar feiz gristen,
Mès èn da oberou
N’oud bet nemet ur payen ;
Ha toui ha parjuri
Quasi bep guêr bemdes
Hac a farç, hac a zevri,
Chetu da oll vües.

O ! rebechou c’huero,
Mès, siouas ! re veritet,
En heur eus ar maro
C’hui vezo trist da glevet !
O touer, ha toueres,
Soungit, soungit amâ
Ha c’hui a ve hep encres
Ma vent great deoc’h bremâ.

Songit eo arruët
An heur eus ho tremenvan ;
Chêtu c’hui accuset
A vil jarne gant Satan,
En ho creis ho conscianç
O rebeich deoc’h ive ;
Pe seurt e ve ho setanç
Ma varfac’h er stad-se ?

E quememâ soungit
A barfete, toueryen ;
Bezit fur, ha chenchit,
Ha grit ur guir binigen,

Ar c’homzou-ze detestapl
A rit faë varnezo ;
Ho rento tud mizerapl ;
Crenit, crenit razo.