Unan-varnuguent Cantic. Enep an excusou vean eus an doueryen-doue

Eus Wikimammenn
Sauter à la navigation Sauter à la recherche
J.-B. Lefournier, 1836  (p. 91-94)



UNAN-VAR-N’UGUENT CANTIC.


Var ton : Enep an excusou vean an Doueryen-Doue.
Var an[sic] mêmès ton.



Var ho poan quemeret,
Toueryen, e pretantit
Escusi ho pec’het ;
Allas ! lourd en em droumplit ;
Countroll da ziminui
Maliç pec’hejou’n dud,
E c’hresqi mui-ouc’h-mui
A ra’r goall habitud.

Fallout a ra deoc’h c’hoas
Caout escus en ho coler ;
Mès ho jarneou so goas
Pa jarneit dre ituper[sic] ;
Ho coler zo ur pec’het,
Pec’het all ho charne ;
Doubl eo-ta ar c’hrevusdet,
Hac ar pec’het neuze.

Ma sounche deoc’h e veac’h
Escuset dre exemplou
An dud all a gleffac’h
Sujet d’ar mêmès comzou,
Allas ! null eo oc’h escus ;
Exemplou an dud fall
Biscoas n’o doue ar vertus
Da escusi den all.


Ur circonstanç neves
Da beur gresqi ar pec’het,
E zeo mêmès hounnes
Ar goal exempl zo roet.
Goal exempl eh ur c’harter,
Ouc’h e guntunui
A ra hed an oll amzer
D'ar viç perpetui.

Da souten oc’h escus,
Martese e pretantit
Ne de quet quer grevus
Al langach a livirit,
Abaoue p’eur, va Doue,
Eo eta permettet
Blasphemi ho Majeste
E doare tud daonet ?

Me gret e lavarot
E jarneit hep e sonjeal ;
Pe c'hoas ec’h ajoutot
Ne songit nemet farçal ;
Ne dleit-hu quet a zevri
Sounjal en ho comzou ?
Hia c’hui falfe deoc’h c’hoari
Divar goust an Autrou ?

Facil, un escus all
Eo nemet estropia
Ne rit ho comzou fall
Dre an anter peurvuya,
Mès pa zint en o antier
Termenyou direspet,
Perac eus à anter-guer,
D’ho Toue o lavaret ?

Diouc’h oc’h esperianç
Barnit a c’hui ve countant

Ma teue en ho presanç
Ur re bennac insolant
Dre dreus-gomps d’ho maltreti,
Pe dre langachou cûz,
C’hui ouffe e suporti,
Na caout mad e escus ?

Ous an traou ho tyès ;
Eme c’hui, e jarneit ;
An Autrou Doue jamès
Offansi ne bretantit.
Oguen m’er goulen ouzoc’h,
Ha rèsounapl e ve,
Pa raï traou all poan deoc’h,
Mont d’attaqui Doue ?

Oguen e droug ebet,
C’hoas, eme c’hui, ne songit ;
Ha rac-se n’ouffet quet
Blam ar pez a livirit ;
Mès, ho compzou-seulamant
Hep goal intancion,
N’int-hi quet compzou chocant,
Dign à bunicion ?

Teir gueich èn un nosves
Gueichall Per a jarneas ;
Ar rest eus e vues
D’e dri jarne e vouëlas ;
Penaos-ta cridi goude,
Jarnëer revoltet,
E cant ha cant mil jarne
Ne ve pec’het ebet ?

Inutil bras eo
Clasq escuzou davantach,
Den sur ne approuvo
Ho charneou, ho koal langach ;

N’eus mui nemet ur voyen
Evit beza divlam ;
Cheinch hac ober pinigen
Eus ho langach iffam.

O va zeaud, gouëz ervad
Oud crouet gant va Doue
Evit trugarecât
Ha meuli e Vajeste ;
Evit goulen e c'hraçou
Amâ var an douar,
Ha cana meulodiou
Da jamès èr c'hloar.

Music melodius
A gan ar Sent er joa,
Va langach outrajus
Am rent indign d’ho cana :
Mès à hiryo m’er promet,
Biquen mui, va Doue,
Eus va fenn ne vez clevet
Na mallos, na jarne.