Sketla Segobrani vol3/Rann 00

X3 (Emil Ernod, Meven Mordiern, Frañsez Vallée)

Sketla Segobrani

Prud'homme, 1925  (Pevare Kevrenn, p. 5-6)

PEVARE LEVR

————

TARANIS

————

Gwarezet ra vezo da zaout gand ambrouger an Taro^[1] ! Skeudenn ar Gof nenvel, flastrer ramzed^[2], am eus treset war ar bugenou-man. An neb o diwallo a vo diwallet e-unan gant mab Erkunia^[3] ha ne day da fall tra a gement a vo d'ezan. Sukellos^[4] a valeo an arz-tan dre e barkou bep nevez-amzer^[5]. E vaneg arem hag e c’houriz-krenvaat a bresto dezan. Kreski a ray frouezusted e loened ha rei d'e virc’hien beoder ha herrder e deir c’hazeg e-unan : Luc’hedenn, Daredenn ha Brogonenn.

1. Ar morzol, Rev. celt. 1896, p. 317. Diwar eun doare-skeudennadur bennak e c’hallfe beza diwanet an ano-ze ; Déchelette, Manuel, II, kevrenn genta, p. 480, skeudenn 204 ; Rev. de l’Hist. des Religions, 1907, p. 343 ; J. de Morgan, l’Humanité préhistorique, esquisse de préhistoire générale, Paris, 1921, p. 269, skeud. 162.
2. Lesano d’ar morzol ha da zoue ar morzol. Diwar-benn skeudenn ar morzol graet ganti evel arouez harz-droug adaleg oadvez nevez ar maen beteg an oadvez keltiek, sellout Déchelette, Manuel, I, pp. 585, 606-10 ; II, kevrenn genta, pp. 479-84 ; S. Reinach, Bronzes figurés, pp. 161, 166-8.
3. Kenveria D’Arbois, Premiers Habitants, II, eil mouladur, p. 361.
4. Rev. celt. 1896, p. 66.
5. Diwar-benn an arz-tan ha baleadennou an arz, en nevez amzer, dre ar parkeier d'o frouezusaat, sellout Knappert, la Vie de saint Gall, pp. 27-28 (Paris, 1894, tennet eus ar Rev. de l'Hist. des Religions).