Seizvet-varnuguent Cantic. Peden d’ar Verc’hes evit ar Bec’heurien

Eus Wikimammenn
Sauter à la navigation Sauter à la recherche
J.-B. Lefournier, 1836  (p. 106-107)



SEIZVET-VAR-N’UGUENT CANTIC.


Peden d’ar Verc'hes evit ar bec’heurien. Var an ear gallec : Réveillez-vous.



Mari, c’hui so d'an oll bec’heurien
Un Alvocades douç ha mad ;
Grit ma vezint ho servichèrien,
O renonç à gren d’o goal stad.


Chui oc’h eus guelet ho map Jesus
Oc’h ho c’hlasq epad meur à vloas ;
Bezit ive outo truezus,
Ec’his ma zeo bet à viscoas.

A bep tu ho guelan attaquet
Gant adversourien ho ene ;
Nemet gueneoc’h e vent sicouret,
Allas ! biquen ne daïnt d’an Eê.

Evito-ta mam à drugares,
Livirit ur goms d’ho Map quer
Avoualc’h vezo, m’en anaves,
Evit touich e galon tener.

E vugale int, c’hui er goar ;
Cousted int dezan e oll c’hoad ;
Ha dre-se e fell oud e c’hloar,
Ma tistroent ountâ evit mad.

Oc’h-unan è zouc’h interesset
Da bidi gant près evito,
Rac oc’h enor a vezo cresquet
Oc’h obten ar pardon dezo.

Grit eta m’o guelimp o veva Eus
ar vues spirituel
O deveus, siouas ! bete vremâ,
Collet dre ar pec’het marvel.