Quenta quevren - Ar c’huec'hvet Meditation hac ar pevarzecvet Chabistr

Eus Wikimammenn
Sauter à la navigation Sauter à la recherche
troet gant Charlez ar Brizh.
Youen-Yan-Lois Derrien, 1779-1792 (?)  (p. 49-52)





AR C’HUEC’HVET MEDITATION
hac ar pevarzecvet chabistr,
Var ar Varn General.


Ar Breparation da vedita.

1. En em liquit e presanç Doue.
2. Suppliit-èn d’hoc’h inspira.


Considerationou ha Reflexionou.

1.
ERfin oll goude an amser en deveus merquet Doue d’ar bet-mâ da badout, ha goude cals a sinou bras hac horribl pere a lacaï an dud da zisec’ha var o zreid gant ar spount o devezo, an tan o coueza eus an Eê evel un diluich, a zevo hac a lacaï e poultr hac e ludu oll faç an douar, hep e vano netra-tout e zilarc’h a guement a velomp var e c’horre.

2. Varlerc’h an diluich a flammou hac a foultr e ressuscito an oll dud eus an douar, exceptet ar re a so ressuscitet a vremâ, hac ouz ar soun a raï un Arc’heal gant an droumpil e comparissint e Traounien Josaphat. Hoguen allas, pe gant quement a zifaranç ! rac darn o devezo ur c’horf glorius ha leun a sclerigen, ha darn-all ur c’horf tenval hac horribl meurbet.

3 Considerit ar Vajeste pe gant hini e tui ar Barneur souveren e creis etre an oll Elez hac an oll Sent, hac e Groas en e raoc, peini a vezo scleroc’h eguet an heaul hac a vezo un ansaign a c’hraç evit ar re vad hac a rigol evit ar re fall.

4. Ar Barneur souveren-se gant e c’hourc’hemen terribl, pehini a vezo neuse-souden executet, a separo ar re vad diouz ar re fall, o lacât darn an tu deou ha darn-all an tu cleiz dezàn ; ur separation pehini a vezo eternel ha pe varlerc’h hini n’en em gafo biquen mui an diou vanden-se assambles.

5. O veza great ar separation-se ha digoret levriou ar goustianç, e vezo guelet sclear maliç ar re vechant hac an abus o deveus great eus a vadelez Doue, hac a ur c’hostez-all e vezo guelet pinigen ar re vad hac an effejou a c’hraç Doue peveus a hini o deveus great un usaich mad, ha ne vezo netra guz. Ah, Doue ! pebez confusion da zarn, ha pebez consolation da zarn-all !

6. Considerit ar Setanç diveza o devezo ar re vechant : Iit, tud milliguet, d’an tan eternel pehini a so preparet evit an Diaoul hac e gompagnunou. Pouesit ar c’homsou-mâ pere a so quer pounner. Iit, emezàn ; ur guer eo eus a un abandon eternel a ra Doue eus an dud maleürus-se oc’h o banissa eus e faç evit jamæs. O guervel a ra, tud mïlliguet. O va ene, pebez malediction ! Ur valediction general pehini a gompren an oll maleüriou, ur malediction pehini ne ell quet beza lammet hac a gompren an oll amser hac an eternite. Ajouti a ra d’an tan eternel. Consider, o va c’halon, an eternite vras-se. O eternite, eternite a boaniou, te a so scrijus hac horribl !

7. Considerit er c’hontrol ar Setanç a recevo ar re vad : Deut, eme ar Barneur ; chetu ase ar guer agreabl a silvidiguez pe dre hini e teu Doue d’hon tenna daventa ha d’hon receo etre an divrec’h eus e drugarez : Deut, tud benniguet gant va Zad ; o benediction guer pehini a gompren an oll benedictionou ! possedit ar Rouantelez a so preparet deoc’h abaoue commançamant ar bed. O va Doue, pebez graç ! rac ar Rouantelez-se n’en devezo jamæs fin.

Affectionou ha Resolutionou.

1. Crenit, o va ene, o songeal et Varn-mâ. Allas ! piou a ell va renta-me assur evit an devez terribl-se p’en hini e creno pilierou an Eê gant spount ! 2. Detestit ho pec’hejou, rac ne deus nemeto a guement a ell ho coll en devez terribl-se.

O! ret e din en em varn bremâ va-unan, evit na vizin quet barnet. Me a fell din examina va c’houstianç, en em avouei coupabl hac en em gourrija, evit na vezin quet en deiz terribl-se condaunet gant ar Barneur ; me a yelo da gofes eta, me accepto an avisou necesser hac ar binigen a vezo roet din.

Conclusion.

Trugarecaït Doue pehini en deveus roet moyen deoc’h d’en em assuri eus ho silvidiguez varben an deiz-se, hac an amser da ober pinigen. Offrit dezàn ho calon evit e ober. Pedit-èn ma taï deoc’h ar c’hraç d’en em acquita enni ervat. Pater, Ave Maria, &c. Grit ho Poquet.