|
Selaouit gant joa,
Va breur, va c’hoar eürus,
Eur c’hêlou ar c’haëra,
Quelou meurbet Dudius ;
Ar Mission santel
Gueneoc’h oll quen desiret,
Dre c’hraç an Éternel
So deoc’h ama digoret.
Tensoriou precius,
Digacet eus an Eevou,
Graçou delicius
A ravis an Eneou ;
Indulgeançou plenier,
A bep pec’het absolven,
Ac ar pardon antier
So e creis ho courc’hemen.
Danvad queaz dianquet.
A douez an deved fidel,
Pell a so fatiguet
O redec enchou cruel,
Jesus ar Pastor mad,
Charmet daz beza cavet,
Az dougo a vriad
Etouez e vella deved.
Gueichall ar Mab prodic.
Diouc’h e Dad mad disertet,
Dîn à druez reuseudic
Emeas quëar en em rentet,
Pa na vouïe mui
Pe gostez en-em deuleur,
Er viser, en annui
A santas e oll valheur.
Ah, siouas ! emeza,
Beuzet oll en he zaëlou,
Petr’eo dime beza
E quement à viseriou ?
Riou ha naon, ha sec’het,
Dismeganç ha paourentez,
Gant an oll rebutet.
Me bae quer va follentez.
Allas ! e ty va zad
Eus cals tud dianveas,
Guisquet ha maguet mad,
Dijagrin, en o eas ;
Ha me a so amâ
A douez an dud exilet,
O C’hlaouri, o tua
E mesq an anevalet.
O va zad, va zad mad !
Va c’halon dign a fazi ;
Me oar oun un ingrat,
Maes gouscoude me barti
D’ho pidi humblamant
D’an daoulin , leun à zaëlou,
D’am receo simplamant
E niver ho mevellou.
Ne viot quet mevel,
O va map quez, em zy-me :
Nan, m’ho recevo guel,
Va map ouc’h quent a goude,
Deut m’ho priataign,
Dalet un habit nevez ;
Guaneoc’h ur fest a rign
Evit ho tonediguez ;
O pec’heur reuseudic,
Diouc’h ho Toue pelleat,
C’hui eo ar map prodic
A dy e dad quitteat ;
Eveltan esclavour
Oc’h eus poan ha nec’hamant
En ur vro estranjour
O c’heuil ho tireolamant.
Hiryo-ta, queaz pec’heur,
Antreit ennoc’h oc’h-unan,
Ansavit ho malheur,
D’ar guear distroit buan.
Un Doue trugarezus,
Ar guella eus an tadou,
Ho recevo joaüs
A nevez en e c’hraçou.
Ar pocq douç a beoc’h
A roi deoc’h gant carantez,
Lit vras a rai ouzoc’h
Ha peb laouenediguez.
Ar gaëra guiscamant
A lacai en ho querc’hen,
Ha treac’h d'an diamant
Var ho pis deoc’h ur voalen.
Deut eta gant fisianç.
Pec’heurien din à druez,
Tostaït gant assuranç
Ouz an tad à drugarez ;
Ar pardon general
So amâ ous ho cortos,
Graçou cre, graçou rall
D’ho caçz oll d’ar Barados.
Tec’hit viçou funest,
Tec’hit crimou milliguet,
Teac’h pec’het dishonest,
Luxur escumunuguet ;
Tec’hit dançou a zo
Scol an diaoulou cruel,
Ar barres-mâ vezo
Pelloc’h un douar santel.
Er paour, er pinvidic,
Exempl mad, devocion,
Purete angelic,
Temperanç, soumission,
Lealdet ar vrassa,
Guir humilite, douçder,
Eus ar bopl fidel-mâ
C’hui vezo ar c'haracter.
Va Salver bennignet,
Dre vertus ho comps divin
So aman preseguet,
M’ar deus nep calon indin,
Touchit, convertissit
Ar c’halonou criminel,
Chenchit-y, nevezit
Oll e calonou santel.
Dre verit ho maro,
Va Jesus, var ar C’halvar,
Pa zui deomp oll hon tro
Da vont divar an douar ;
Ha d’ar benitantet,
Ha deomp oll beleyen
Roit perz er joaüsdet
Eus ho quir servicheurien.
|
