CANTIC EVIT DIGOR AR MISSION, AR JUBILE PE AR RETRET.
Var ton : Un Dieu vient se faire entendre.
|
Un Doue a deu da barlant ;
Pebes bonheur, Christenien !
Deut oll d’er selaou prontamant ;
Ho caloun eo a c’houlen.
Tostaït buan, pobl fidel,
Deut oll… deut d’ar Mission :
Ho Salver a deu d’ho quervel
Evit ho conversion.
Evit eur Jubile.
Tostaït buan, pobl fidel,
Deut oll… deut d’ar Jubile :
Ho Salver a deu d’ho quervel ;
Deut da receo ho Touë.
Evit eur Retret.
Tostait buan, pobl fidel,
Deut oll eta d’ar Retret :
Ho Salver a deu d’ho quervel
Evit ho renta parfet.
En eur stad horrubl ha mezus
Dre ar pec’het oc’h rentet ;
Mes gant Doue trugarezus
Amâ ni zo cunduet. — Tostaït.
Varnoc’h oll souden e vrillo
E sclêrigen à nevez ;
En ho caloun ec’h alumo
An tân eus ê garantez. — Tostaït.
Gant ar pec’het iffam re bell
Oc’h bet, siouas, chadennet :
Grit eta un effort santel
D’e guittât evit bepret. — Tostaït.
Renoncit da bep tromplerez,
Ha da bep division ;
Retablissit en ho touez
Ar peoc’h hac an union. — Tostaït.
Ar blasphêmou, al leoudouet
Gant horrol a evitot ;
E plaç al luxur milliguet,
Ar burete a garrot. — Tostaït.
Ar gourmandis oll evitit,
Ar blijadur criminel :
Pelloc’h, Christenien, ne zongit
Nemet èr vuez eternel. — Tostaït.
Chenchit prontamant à vuez,
Gouëlit var ho mizeriou ;
Renoncit oll d’ho fallentez,
Pa ordren deoc’h hon Autrou. — Tostaït.
Pebes bonheur incomparabl
D’an den touchet à galon,
A renonç d’ê stad miserabl
Gant eur guir gontricion ! — Tostaït.
P’eur ec’h arruo, va Douë,
Ur chenchamant quen eürus ?
P’eur e renot en hon ene,
Dre ho craç oll-galloudus ?
Eus hor c’halounou caledet,
Distrugit ar yenien :
Deut d’hor goalc’hi eus pep pec’het
E sourcen ar binigen.
|
