|
Va Doue, leun à drugarez ous ho croüadurien,
Me zo, siouas ! ar brassa eus an oll bec’heurien ?
Sellit ouzin à druez, impligit em c’hènver
Ho madelez infinit, ho quenta caracter.
Ne ouffet quet niveri ped gueich ha da bet
Oc’heus acordet pardon eus à bep seurt pec’het ;
Pardon, pardon, effacit brema evit biken
Roudou Satan em c’halon, caos eus va oll anken.
Va goalc’hit, va azgoualc’hit, grit eur c’hoüez d’ho toare ;
Ha peur netaït va ene, ma vezo adarre
Quen agreabl dirazoc’h, eguis pa sortias
Divar font ar vadiziant gant ur santelez vras.
Me vêl bepret va fec’het dirac va daoulagat
Eguis ûr goal anqueler ous va brezelecât :
A boan crê e ven salvet, ma na rit, va Doue,
Eguis miracl em andret, e profit va ene.
C’hui zo test, c’hui zo Barner eus va oll offançou,
Deoc’h hepquen eo refusi, pe receo va daëlou :
Ne viot quet abeguet, cavet viot guirion,
O rei dign graç ha pardon gant guir gontricion.
C’hui a oar oun concevet e sourcen ar viçou,
Hac edon quent er pec’het eguet em maillurou,
Va mam abars va guenel, ous va c’honceo hepquen,
He deus furmet assambles ûr pec'heur hac un den.
Var qemen-se gouscoude n’en em excuzan quet ;
Me dlie oc’h anaout guirion ha just bepret ?
Gant cals à sclerigennou na roit quet da re all,
M’emeus en em gunduet, siouas ! e guis un dall.
Autrou, c’hui am arrouzo gant ûr spars precius.
C’hui, am goalc’ho gant ar groas soubet e goad Jesus ;
Hac evel-se me vezo dirazoc’h, a dra sur,
Cals guennoc’h eguet an erc’h, hac ê guen dre natur.
Va c’halon gant ar c’hêlou a vezo consolet.
Eur joa vras e devezo o veza pardonnet :
Tridal a raï, ha pelloc’h e tesquo beza fur,
Goude beza bet mantret gant mil displijadur.
Distroit, distroit ho pisach divar va offançou,
Liquit-hi en ancounac’h dre oc’h indulgeançou,
Mar ho pez sonch anezo, n’ho pezet sonch nemet
Evit ober Goulyou d’o beza effacet.
Chenchit à gren va c’halon, rentit-y pur ha neat,
Ma queffot enny ato un diguemer dereat ;
Roit din ur speret nevez a vezo eün ha crê,
Da gass e songezonou rac enep en ho re.
Var bep tra, me o suppli, accordet din ar c’hraç
Na deuot biquen d’am zeuleur eus à zirac ho faç,
Na da lamet ar bresanç eus ho speret santel,
Digant nep na hell hep-tân ho servicha fidel.
Oll joaüsdet ar bed-mâ zo ber, dister, tromplus ;
Roit din ûr joa guinidic à boull calon Jesus ;
Ha m’am pigno d’he sourcen, roit evit appui din
Ar c’hraç à berseveranç da viret na guezin.
Neuze me raï eur guentel dre squer ha dre bropos ;
Me zesquo d’ar bec’heurien oc’h henchou deiz ha nos ;
Ar re muya obstinet a zui dren em grenna,
Da squeï var boull o c’halon, d'en em gonvertissa.
Va Doue Jesus,va Salver, va c’horf ha va speret
Zo bemdez en un duel dangerus din meurbet ;
Liquit justiç entrezo, grit ma vevint e peoc’h ;
Ha me gano mil bennos, ha mil meuleudi deoc’h.
N’emeus na graç na faveur da gomps en ho presanç,
Mès, Autrou, c’hui oc’h unan a rai va eloquanç,
Digorit va muzellou, desquit d’am zeaud ar stur,
Ha nemet en oc’h enor biquen ne remu sur.
Ma ve question à vadou, d'ar re ma zoun perc’hen,
Emaïnt evit sacrifiç e creis ho courc’hemen ;
Mès nequet eno emâ ho cuir blijadures,
Ny hon-unan a glasquit, ha non pas hon danves.
Ar sacrifiç a guirit ne de quet un eugen,
Mès un ene anflammet da ober pinigen,
Ur galon leun à c’hlac’har d’ho peza offancet,
Ha leun à humilite a receffot bepret.
Digorit ho madelez, digorit ho touçder,
D’hor mam santel an Ilis, hi eo ho pried quer ;
Laquit ar feiz da gresqui, ar garantez da ren,
Ma vevimp oll dizanger dious hon adversourien.
Un deudi vezo neuze guelet oc’h Auteriou
Bordet à benitantet carguet à offançou
Ar bed-oll, coz ha yaouanc, ous en em deuleur deoc’h,
Da veza corf ha calon oll a-unan guaneoc’h.
|
