Penaus é téli er Verdér hum breparein de guemér en Habit
huehai guenemb menasse terribl hun Salvér ; ha guet eah anfin a scandalein er grecheneah dré changemanteu pennadus. Er hoh proverb e lar ehué penaus er-ré santellan, a p’en dint ur uéh corromplet, e vou er-ré fallan ; Corruptio optimi pessima, un aval renæd brein e zou falloh eit unan goudasq.
En ol e el monet én Urh-men, tud a Ilis, tud youanq, intannet pe intanvézet, ha ré diméet, guet cousantetnant ou friæd. Mæs quênt monet abarh, ret é hum chongeal erhat eit assaïe gout a ou volanté e vou son eit derhel doh er règl er rest a ou buhé én drespet d’en dioustemant, d’en anné, d’en tantationeu, marcé memb d’er hæ, d’er goapereah, d’en anjulieu ha d’er poénieu e zegassou en diaul dehai dré bermission en Eutru Doué. El mé ma Doué é e zestin hac e ra é stad de bep-hunan, hac e ra guet abondance en ol græceu d’hum salvein ér stad-cé, ret-é quênt monet én Urh goulen sclerdér guet Doué dré bedenneu, communioneu, yuneu, alézoneu, ha guet en dut santel hac aviset. Ha goudé quement-cé ol, ma hanàuér é vér galhuet guet Doué d’er stad-cé, ret-é gober, mar guellér, ur retræd hac ur govézion general, eit bout ér stad de ouni en induljanceu pléniér en dé ma quemérér en habit. Eit gout pegource monet d’er retræd-cé, ret-é conz doh er verdér ha doh en Directour, eit ma ellehet quemér en habit abèn arlerh er retræd-cé.
En dé ma queméreint en habit, ret-é hum zerhel ar yun eit communiein én Overen. Er mitin-zé int hum arrestou de gonsidérein er græce vras en dès groeit en Eutru Doué dehai de hanàuein vanité er bed ha d’ou distaguein doh t’ou. Int e ellou leinnein er péh e zou amen.
O men Doué ! brasset ur grat e zelian gout deoh ag en disprisance e hoès laqueit ém halon é quevér er bed, hac ag en desir ardant e hoès reit deign d’hou chervigein én Urh santel-men, guet aboeissance, humilité, pedenneu ha penigenneu.
O men Doué ! perac e hoès-hui me choéget de zonnet en Urh beniguet-men, quêntoh eit ul lod vat aral en devai hou cherviget én ou gùel eit on-mé ? Hou madeleah ém hevér, hou caranté vras dohein en dès groeit quement-cé.
O me Salvér ! a possibl vehai ma tehen jamæs d’ancoéhat ha de ziscoufi er græce bras e ret deign hinihue ! Ingratet e vein-mé mar manquan a hum chervigein guet fidélité ag en avantageu e ret deign hac e bresantet deïgn d’hou ç’hinourein er rest a mem buhé !
O men Doué, ol caranté me halon ! me éel laret èl en Apostol sant Paul : n’en doh er péh ma hon, nameit dré hou cræce e zou quer bras ém hevér. Mæs ehué me lar deoh èl d’ou : ne lausquein quet hou cræce hemb tennein pourfit a nehi.
O Guiriés beniguet ! a p’en dé gùir é tremén græceu Doué dré hou teorn eit donnet bet-omb, me éel credein penaus er græce vras e ra Doué deign hinihue devout queméret én Urh-mèn, e zou ur merche a hou truhé hac a hou caranté doh ur heah peur èl on-mé.
Int e guemérou résolutioneu crihue ne reint jamæs nitra contrel d’er santeleah a ou stad. Int e drugairéqueï mil gùéh hun Salvér hac é vam er Uériés ag ur græce quer bras.
A pe dosteï en amzér ag er cérémoni, int e hrescou ou haranté dré er pedenneu-men arlerh, pé dré ré-ral, e laqueï er Spéret-Santel én ou halon.
O men Doué ! a p’en dé gùir n’en dé meit vanité ha bagatel en ol treu e zou ar en doar, nameit hou cârein hac hou chervigein ; ha n’en dès meit en dra-zé necessær, èl ma lareoh de Santés Marth ; rac eit en dra-zé hemp quin e hoès hun hroéet, hun honservet, hun maguet, hac en hun recompansehet ér Baraouis, pé ma n’er groamb én hun punissehet de virhuiquin én ihuern. Heurusset on-mé bout galhuet gueneoh d’ur stad péhani em oblige d’obér ol er péh e faut eit me salvedigueah, ha doh me separein doh er bed ha doh buhé er-ré e gâr er bed, em laqueï én nécessité heurus de gondui buhé er Sænt !
Mæs, ô men Doué ! ne bermettet quet ma rein hinihue ur cérémoni trompus, guet ur faus apparance hemp quin ; mæs groeit deign er græce, én ur guemér en habit beniguet, ma tihusquein men goal accustumanceu ; groeit, dré hou miséricord, ma husquein er saï-æret a hou cræce, e zouguai er guaih tud hou poai galhuet d’hou panquêt, èl ma laret én aviel : hui e ras garrottein ha turel ér basse-fosse ag en ihuern unan hou poai remerquet hemb er sai-æret-cé, péhani e represant un inean ér stad a hou cræce ha pinhuic a vertuyeu hac a œvreu mat.
O sant Françæs, servitour hac ami bras en Eutru Doué ! penaus é ellein-mè hou trugairécat assès ag un hinour quer bras ? Me bresant deoh en desir ardant e mès ém halon de héli hou règl d’hou ç’inourein, de guemér scùir doh hou puhé, èl ur hroaidur é quevér é dat. Mé hum ra deoh de vout unan ag hou pugalé.
Er Sacristin pé Sacristinés en dou preparet un daulic, èl ur gredance, én tu déheu ag en autær : énou é vou laqueit en habit, er scapulær, er pilet, er grouis, er règl, en ærieu pé chapelet ; laqueit e vou ehué dirac en autær ur banquic pé basset, goleit guet un tapis hac ur grucifi. A pe vou prest pep-tra, er postuland pé postulandés hum laquei énou ar benneu é deulin, en neu zorn joéntet, hac en deulegat troeit trema en doar. En Directour, a p’en dou gusquet en aube hac er stol, e dosteï dehou pé dehi guet ur pilet allumet e reï dehai én ur laret :
Re-vou er pilet-men, alumet étré hou teorn, un avertissemant de gùittat œvreu tihouel er goal-speret, ha de guemér armage er splandér ag er santeleah. É hanhue en Tad, hac er Mab, etc.
Sit lucerna ardens in manibus, ut abjicias opera tenebrarum, et induaris arma lucis. In nomine Patris, et Filii, et Spiritûs-Sancti. R. Amen.
Goudé en dra-zé en Directour e retornou doh en autær eit laret en Overen ; ean e avertissou er-ré e oulen en habit, quént rein dehai de gommuniein, é ra hun Tad santel er Pab un induljance pléniér hac absolven general d’er-ré e guemér en habit ag en Urh a benigen ; hac ean hé reï dehai guet er memb mod ma hé d’er Venéh ha d’el Leannéset :
Hun Salvér Jésus-Chrouist, dré é viséricord carantéus, ha dré er merit ag é Bassion sacret, pliget guet-ou rein deoh en absolven ; ha mé ag é berh, hac a berh er Pab, bugul en ol grecheneah, mé ra deoh absolven quetan a bep sort excommunication, bras ha bihan, mar doh édan hanni, hac a bep sort manquemant é gourhemenneu Doué ha ré en Ilis, hac ar un dro a hou ç’ol pehédeu. É hanhue en Tad, hac er Mab, hac er Speret-Santel. R. El-cé re-vou groeit.
Dominus noster Jesus-Christus, per suam piissimam misericordiam, et per meritum suæ sanctissimæ Passionis, te absolvat, et ego autoritate ipsius quâ fungor ; nec non autoritate summi totius Ecclesiee Pontificis, tibi concessâ, mihi autem in parte commissâ, absolvo te primo à vinculo excommunicationis majoris et minoris, si quod incurristi ; nec non et ab omni transgressione mandatorum Dei et ejusdem Écclesiæ, simul et ab omnibus peccatis tuis. In nomine Patris, etc. R. Amen.
Én achemant ag en Overen, en Directour, azéet én ur gadoér é creis er marchepi, e oulennou guet er-ré e guemér en habit : petra e oulennet-hui, mem berdér pé me hoéreset ? Int e rescondou, pé unan eit er ré-ral : me Zad revérand, m’hou ped, é hanhue Doué, er Uiriés beniguet, hac en Tad seraphiq sant Françæs, de rein démb en habit santel ag en Urh a benigen, ha hui hun oblijou abalamort d’er græce-zé de bedein Doué eid oh durand hun buhé.
En Directour e reï an tamic perdêg pé ar en avantageu pé ar en obligation en dès en ol grechénion d’obér penigen, etc. ; hac arlerh ean e oulennou a int ou dès attàu er memb chonge ; mar larant ya, en Directour e bedou en dut e zou én llis de joéntein ol ou fedenneu doh er-ré e ya d’obér eit er-ré e guemér en habit. Nezé ean hum laqueï ar benneu é zeulin, ar el léh izellan ag er marchepi, hac e gannou er Veni, Creator Spiritus (èl ér fin ag el livr bas-breton.)
L mé ma necesssær commance erhat eit avancein, ne vern é péh stad, en Novicet e zeli en dout un estim vras ag en hani ou dès queméret. Int e laqueï ou fossibl de héli er règl guet ur galon ardant, rac ma ne gommance en Novicet guet courage, n’arrihueint jamæs ér berfection a ou stad. Ur hommancemant n’en dé quet fidel na sourciabl a bep-tra, mæs e zou lizidant, e zou ur vamen ag ur vuhé yein ha digas ; pèn-d’er-bèn en habit ou dès queméret, e zeli gobér én hai ur changemant admirabl ha santel ; hac er græce en dès reit en Eutru Doué dehai e zeli ou accouragein de gondui ur vuhé nehué. Deliein e rant bout un exampl d’er verdér aral, dré ou modésti, ou humilité hac ou devotion carantéus.