Er fidélité d’ur règlemant a vuhé

Eus Wikimammenn
Sauter à la navigation Sauter à la recherche


ER FIDÉLITÉ


D'UR RÈGLEMANT A VUHÉ,


Quement el ma éel stad un dén permettein.


Explication.


EL mé ma groeit er Règl ag en Urh a benigen eit tud ne vihue quet ér houvandeu, eit tud liessan sujet d’er ré-ral, ne verchan quet en amzér de sehuel nac en hani de monet de gousquet, en amzér d’ obér méditation, de oarnein er silance ; na ne gonzein quet a certæn penigenneu jaujabl doh er-ré en dès nerh d’ou gobér.

Mæs neoah ne zeliér quet na gobér na lezel en exerciceu-zé dré bennad, dré fantasi ; mæs quentéh èl ma vér receuet én Urh é téliér quemér ur règlemant a vuhé, hac en héli gùellan ma ellér. Ne zeliér quet neoah hum arrestein doh er règlemant-ce guet scrupul, rac n’oblige quet édan boén a behet erbet, èl er règl, mæs ne zeliér quet ehué el lezel dré fantasi, dré baresse.

É spècial, deliein e rant hum accoursein de guêrhet, d’obér pep-tra é presance en Eutru Doué, én ur obér tout eit é hloër.