Pedenn d’am menez

Eus Wikimammenn
Sauter à la navigation Sauter à la recherche
Imprimerie Francisque Guyon, 1922  (p. 27)



Pedenn d’am Menez
————


P’eo gwir, o va menez, c’houi ho peus rôet d’in
Ar galloud, an Awen da ganan bep mintin
Ho tremwelou ec’hon, grit m’hellin echui
Al levr ’m eus digoret a-ratoz ’vidoc’h-c’hui !

Roït d’in an amzer d’e skriva penn-da-benn
’Vit ma kavor ennan e pep gwerz ha linenn,
’Keit ma komzor hor yez, ’pad m’he lennor ive,
Karantez sakr ar Vro a c’hoursao va ene !

O va leuskit, Menez, eur pennad c’hoaz dihun :
Me guzul ar fizians, ne c’hlac’haran nikun.
Eun deiz da zont, moarvat, Spered Breiz war ho lein
A vo d’am c’henvroïz ar Steredenn a vlein !

Peurc’hraet va holl labour ha dor va zi prennet,
Me a yelo hep keuz da c’hourvez er vered,
Evurus o selaou, dindan ar gwez ivin,
Evn ar Vro o richan, e splannder ar mintin.