ni él léh distro-men erhoalh a vara eit goalhein quement a dud ?
34 Ha Jesus e houlennas guet-hai : Péd bara en hoès hui ? Seih, emé ind, hag en nebed pesquet.
35 Hag ean e hourhemenas d’en dud azéein arh en douar.
36 Hag e gueméras er seih baræn hag er pesquet, e drugaréquas en Eutru Doué, ou zorras a dameu, hag ou hras d’é zisciplèd eit zannein étré en dud.
37 Ol er ré e oé ino e zaibras enta hou goalh ha cherret e oé bet hoah seih pannerad lan ag én tameu e chomas arh ou lerh.
38 Neoah bout e oé ino puar mil den, hemp niverein er vugaligueu hag er groagué.
39 Ha Jesus ou daveias d’er guær, hag e binias en ur vâg, hag e yas trema en aud Magdala.
A nezé er Pharisiénèd hag er Saducénèd e dostas dehou aveid en anzéein ; Ind e houlenas guet hou de ziscoein dehai un dra verhudus én Nean.
2 Mæs ean e laras tehai : P’é ma deid en handerhue larein e hrér : Caër e vou en amzér, rac en hogus e zou ru.
