Adlennet eo bet ar bajenn-mañ
Gwennoll
E gwirionez, tailhou a vo savet, evel araok ; eun tamm mat nebeutoc’h, a-dra-sur, eun tamm mat nebeutoc’h, hag e kefiou Breiz e vezint miret e-lec’h mont da leunia boujedenn Vro-C’hall evel gwechall. Setu.
Holl
Ha !
Gwennoll
Alvanet e chomit.
Holl
Ya !
Gwennoll
Perak ?
Holl
Ne gomprenomp ket
Gwennoll
Ne gomprenit ket ar c’hemm a zo etre an daou gef, hini Bro-C’hall hag hini Breiz ?
Holl
Nann ! Kef Breiz pe kef Bro-C’hall a zo ingal d’imp, p’eo gwir e paeomp, memez tra…
Gwennoll
Bretoned digalon !
Holl
…Ha kompren a reomp e vo atao goullo hor c’hef-ni.
Gwennoll
Ne garit ket ho pro !
Yann
Da zeiz ar Viktor, me a zo laeret diwarnoun va buoc’hig Durham.
— 53
