Pajenn:Riou - Dogan 1943.djvu/36

Eus Wikimammenn
Kadarnaet eo bet ar bajenn-mañ
JEREMI

A ? Perak e tevit anezo ? Gant aon marteze da veza diskuliet ganto eun deiz bennak ?

AN ARZOUR

Abalamour ne gomzont nemet eus karantez, ha morse eus Breiz.

JEREMI

Diot an hini ho kredo. Louarn oc’h ; re hir avat, eo ho lost.

AN ARZOUR

Hirik, aotrou komiser.

(An Ao. Jeremi a furch.)

JEREMI

Paperou koz… Petra ’dalvezont ?… Hum… Eur poltred… Piou hounnez ?

AN ARZOUR

Va c’hoar vihan.

JEREMI

Pe oad he deus bremañ ?

AN ARZOUR

Er bloaz-mañ he deus graet he fask kenta.

JEREMI

Pelec’h emañ o chom ?

AN ARZOUR

E ti he zad hag he mamm.

JEREMI

Mat ! Derc’hel a ran ar poltred-se ganin. Marteze e talvezo diwezatoc’h. Ne oar den… Hag ar poltred-mañ ?

AN ARZOUR

Hini va mamm-goz.

— 36 —