Pajenn:Riou - Dogan.djvu/43

Eus Wikimammenn
Sauter à la navigation Sauter à la recherche
Adlennet eo bet ar bajenn-mañ


pennad, d’an Arzour.) Ne gomprenan na penaoz, na perag hoh-eus kredet ober din eun taol farserez ken brao kudennet, rag eun taol farserez n’eo ken... Perag oh eet da Zant-Malo ha diskennet en otel Solidor ? Ne houlennan ket diganeoh perag oh eet da dremen an noz euz ar c’hweh d’ar seiz e Sant-Malo, peogwir... - n’am respontit ket! - peogwir, e-kreiz an noz, oh deut da Roazon d’ober an taol ?... Mousc’hoarzin a rit. Ha kompren a ran ; ar prouennou-mañ a zo farserez ivez ha n’eo ket c’hwi hoh-eus greet an taol.

AN ARZOUR

N’eo ket me, a lavaran deoh.

JEREMI

Soñjal a reen n’eo ket c’hwi an hini oa. An arzourien n’int ket gwall baotred hag o zaoliou dispar a lak atao da hoarzin. Soñj am-eus, pa oan e skol ar skulterez e Pariz - rag me ’zo bet darbet din mmond da skulter paneved e oan eur zero war ar vicher, nag a droiou kamm am-eus c’hoariet... Ha n’oh ket evid lavaroud din petra a zouge ahanoh da vond da Zant-Malo ?...

AN ARZOUR

Abalamour...

JEREMI

Ne houlennan ket diganeoh an abalamour euz ho pourmenadenn. Lavarit din perag, c’hwi, eur breizad taer, n’oh ket eet da Wened, evel ar re all ?

AN ARZOUR

Abalamour ez een da Zant-Malo...

JEREMI

Mad, mad ! (Dezañ e-unan) Al loen... (Kredi a ra er pellgomzer) Allo ! Sant-Malo 45-74 evid 89-46. (D’an arzour) An otel Solidor am-eus goulennet.

41