Kadarnaet eo bet ar bajenn-mañ
gador, kemerit unan all. Meur a dra am-eus da houlenn diganeoh.
AN ARZOUR
Senti a ran. (Azeza a ra)
JEREMI
Savit ho torn dehou, ha touit e lavarot ar wirionez ha netra nemed ar wirionez.
AN ARZOUR
(o sevel e zorn) Toui a ran.
JEREMI
Peleh hoh-eus tremenet an noz euz ar c’hwec’h d’ar seiz ?
AN ARZOUR
E Sant-Malo, aotrou komiser.
JEREMI
E Sant-Malo ? Gevier ! E Roazon oh bet gwelet er beure-mañ, pa zone pemp eur e tour an iliz veur.
AN ARZOUR
N’eo ket gwir.
JEREMI
Mad ; an eil gaou.
AN ARZOUR
Ar wirionez.
JEREMI
Gwelet e vo, paotrig, piou ema ar wirionez ouz e du. Ha bremañ selaouit mad ha respontit frêz : perag hoh-eus diskaret ar monumant ?
31
