Adlennet eo bet ar bajenn-mañ
AN ARZOUR
Deuit tre, memestra !
JEREMI
Me eo ar homiser braz.
AN ARZOUR
Dezañ ar brasa salokras. Azezit !
JEREMI
Trugarez ! N’on ket skuiz ha, dreist-oll, n’em-eus ket amzer da goll. Evid labourad on deuet amañ.
AN ARZOUR
A, ya ?
JEREMI
Souezet oh moarvad, o weled ahanon o tond ken abred d’ober eun enklask en ho ti ?
AN ARZOUR
Feiz ! N’on ket re an oll. An arzourien a zo boazet da weled kemend all a draou : kaer ha divalo, noaz ha dinoaz... Peseurt enklask ho tegas ?
JEREMI
Evid ar monumant… Kompren a rit bremañ, emichañs.
AN ARZOUR
Ho komzou a gomprenan ; a-hend-all, avad…
JEREMI
Da furchal en ho ti.
AN ARZOUR
A-berz piou an enor braz-se ?
JEREMI
Na hoarzit ket ! Tremenet eo ar mare. Kemer a ran eur
30
