Pajenn:Quellien - Chansons et danses des Bretons.djvu/123

111

gwerz et sonn

Ma savaz glao hag awel, siouaz ! eur goall dourmant,
Ma deuz renket perisan efin ho batimant.

Pipi ar Bouder a lere, eunn den a gourach vad
Pini savaz benn ter gwech ter gwech war bord he vag,

Pini save ben ter gwech ter gwech war bord ann dour
O c’houlen ar Werc’hez Vari mamm Jezuz d’hen sikour.

Ha kriz vije ar galon ha kriz neb na oelje
En bord ann enezen Goad, ann hini a vije

O welet pewar gorf maro manet en est-al-lin ^[1]
O c’hortoz koat pe lien ewid ho lienin.

Eur c’hanod deuz a Vriet o tistrei da Bontre
’N euz anonset ar c’helo an de deuz ar beure,

An euz laret d’ar Bouc’her a oa beuet he vag
Ha fraillet dre ann anter e bord ann enez Koat :

1. Est-al-lin, est-ce un nom propre de lieu ? est-ce une époque de l’année,l'été du lin, le mois de juin… ? Le chanteur lui-même n’en savait rien.