Pajenn:Pronost - I. Annaik II. Lili ha Roz Gouez.djvu/161

Eus Wikimammenn
Sauter à la navigation Sauter à la recherche
Adlennet eo bet ar bajenn-mañ
— 159 —


JEZUZ HAG AR PINVIDIK
————


Ar brud euz a Jezuz a ioa skignet a bell ;
Hogen, eunn den iaouank, pinvidik braz-meurbed,
A deuaz da c’houlenn mont e renk ann Ebestel.
« O Mestr ! hoc’h heul a rinn e pep leac’h, ha bepred. »

Jezuz, goude m’en doa taolet war-n-han eur zell,
A respountaz d’ezhan : « Kimiadit diouz ar bed,
« Roit d’ar paour ho tanvez, roit beteg ho mantell,
« Goude-ze m’em bezo mall d’ho tigemeret. »

Ann den iaonank a ieaz war eeun d’he vro,
Med evid heul Jezuz ne deuaz ket enn distro,
Rag he galoun a ioa re stag ouz he zanvez.

« Easoc’h eo d’eur c’hanval mont dre doull eunn nadoz
« Eged d’eur pinvidik gounit ar Baradoz. »
A lavaraz Jezuz. Doujans d’ar baourentez.


————