Pajenn:Picard - E Menez Arre ha war hor maeziou.djvu/66

Eus Wikimammenn
Sauter à la navigation Sauter à la recherche
Adlennet eo bet ar bajenn-mañ
— 60 —



Antronoz, mintin abred,
’Sav Fanch, leun a aked,

Tammou houarn kempennet
’Zo en tan tremenet ;

Ha gret anezo bizier,
Renket ouz ar voger.

Laket e vezint kerkent
E tachou a bep ment :

Tachou round hag a zaou daol,
Evit servij an holl ;

Da werza d’an ostizien…
’Vito ’vo gwenneien !


D’ar zadorn en o lojeiz
E kontont ar moneiz.

Prometi a ra Janig
Ober souben ar c’hig !

Tridal ’ra an daou bried
En eur vont da gousket.

Ra vo benniget o stad,
Ma pado o eurvad ;

Ma savint o bugale
E gwir doujans Doue !